Dhudialnama Chakwal

22/10/2025

*لاوہ: سب اسٹیشن لاوہ کے قریب ٹرک اور دو ٹریلرز کے درمیان تصادم، دو افراد زخمی، ریسکیو 1122 کی بروقت کارروائی*

تفصیلات کے مطابق ریسکیو کمانڈ اینڈ کنٹرول روم چکوال کو لاوہ کے قریب ٹرک اور دو ٹریلرز کے درمیان تصادم کی اطلاع موصول ہوئی۔ اطلاع ملتے ہی ریسکیو کمانڈ اینڈ کنٹرول چکوال نے فوری طور پر سب اسٹیشن لاوہ سے ایمبولینسز جائے حادثہ کی جانب روانہ کیں۔

ریسکیو ٹیموں نے موقع پر پہنچ کر بروقت رسپانس کرتے ہوئے سین اسیسمنٹ کی، متاثرہ افراد کو گاڑی سے بحفاظت باہر نکالا اور موقع پر ہی ابتدائی طبی امداد فراہم کی۔

حادثہ اس وقت پیش آیا جب دو ٹریلرز کے ڈرائیور آپس میں روڈ کے درمیان بحث کر رہے تھے کہ پیچھے سے آنے والا تیز رفتار ٹرک ان سے ٹکرا گیا۔

حادثے کے نتیجے میں 30 سالہ عرفان اور 16 سالہ سمیع اللّٰہ شدید زخمی ہو گئے، جن کا تعلق کوٹ ادو سے بتایا جاتا ہے۔

ریسکیو 1122 کی ٹیم نے ابتدائی طبی امداد فراہم کرنے کے بعد دونوں زخمیوں کو قریبی ہسپتال منتقل کر دیا۔

ریسکیو 1122 عوام سے اپیل کرتی ہے کہ سڑکوں پر محتاط ڈرائیونگ کریں، بحث و تکرار یا بے احتیاطی کسی بڑے حادثے کا سبب بن سکتی ہے۔

22/10/2025

*چکوال (اے پی سی نیوز)*

*سپریم کورٹ بار ایسوسی ایشن کے حالیہ انتخابات میں معروف قانون دان ملک زاہد اسلم سیتھی بھاری اکثریت سے سیکرٹری منتخب ہو گئے۔ انتخابی نتائج کے اعلان کے بعد قانونی، سماجی اور سیاسی حلقوں کی جانب سے مبارکبادوں کا سلسلہ جاری ہے۔*

*نتائج کے اعلان کے بعد ملک زاہد اسلم سیتھی جب راولپنڈی بار پہنچے تو ان کا پرتپاک استقبال کیا گیا۔ وکلا کی بڑی تعداد نے انہیں پھولوں کے گلدستے پیش کیے، مبارکباد دی بار روم میں خوشی کا سماں تھا*

*اس موقع پر میڈم شاہدہ تنویر چوہدری ایڈوکیٹ سپریم کورٹ آف پاکستان، لیگل ایڈوائزر عوامی پریس کلب چکوال نے بھی نو منتخب سیکرٹری کو گلدستہ پیش کیا اور نیک خواہشات کا اظہار کیا۔*

*انہوں نے کہا کہ ملک زاہد اسلم سیتھی ایک بااصول، باصلاحیت اور خدمتِ وکلا کے جذبے سے سرشار قانون دان ہیں۔ ان کی کامیابی نہ صرف وکلا برادری کے اعتماد کا مظہر ہے بلکہ عدلیہ اور بار کے مابین بہتر تعلقات کے فروغ میں بھی اہم سنگِ میل ثابت ہوگی۔*

*میڈم شاہدہ تنویر چوہدری نے مزید کہا کہ ملک زاہد اسلم سیتھی اپنی پیشہ ورانہ مہارت، مثبت سوچ اور تجربے سے وکلا برادری کی خدمت کے مشن کو مزید آگے بڑھائیں گے۔*

*یاد رہے کہ ملک زاہد اسلم سیتھی، سابق صوبائی وزیر و رکن پنجاب اسمبلی ملک تنویر اسلم سیتھی کے بھائی ہیں اور ان کا شمار وکلا برادری کی فعال، بااصول اور ادب دوست شخصیات میں ہوتا ہے*

22/10/2025

*خبر غم*

انتہائی افسوس کے ساتھ اطلاع دی جاتی ہے کہ VOC نیوز کے ایڈمن حفیظ الرحمن سرال خالقِ حقیقی سے جا ملے ہیں۔ إنا للہ وإنا إلیہ راجعون۔
نمازِ جنازہ آج شام پانچ بجے سرال گاؤں میں ادا کی جائے گی
مرحوم ایک مخلص، دیانتدار اور محنتی انسان تھے جنہوں نے ہمیشہ قلم کو عوامی خدمت کا ذریعہ بنایا۔ ان کے انتقال سے صحافتی برادری ایک مخلص ساتھی سے محروم ہو گئی ہے۔

Awami Press Club Chakwal کے عہدیداران اور اراکین نے گہرے رنج و غم کا اظہار کرتے ہوئے مرحوم کے درجات کی بلندی اور اہلِ خانہ کے لیے صبرِ جمیل کی دعا کی ہے۔

اللہ تعالیٰ مرحوم کو جنت الفردوس میں اعلیٰ مقام عطا فرمائے۔ آمین

21/10/2025

مشہور زمانہ *ہنڈا اٹلس کمپنی* کی جانب سے منگل کے روز راولپنڈی ٹوپی رکھ آڈیٹوریم میں منعقدہ تقریب میں ڈھڈیال کی معروف کاروباری شخصیات اور موٹر سائیکل مکیکنس*ملک محمد ضیافت* اور *استاد محمد لطیف کے صاحبزادے محمد عبد الحمید* کو سروس میں نمایاں کارکردگی پر *"بیسٹ پرفارمنس ایوارڈ"* سے نوازا گیا۔

اس شاندار اعزاز پر دوست احباب، کاروباری حلقوں اور اہل علاقہ نے دونوں شخصیات کو دل کی گہرائیوں سے *مبارک باد* پیش کی اور ان کے روشن مستقبل کے لیے نیک تمناؤں کا اظہار کیا۔

21/10/2025

ڈھڈیال چوک میں پولیس موبائل خدمت مرکز وین موجود ہے۔
شہری ڈرائیونگ لائسنس لرننگ، موٹر سائیکل لائسنس اور دیگر سہولیات سے فوری طور پر مستفید ہوں۔

21/10/2025

*چکوال:ملہال مغلاں تیز رفتار موٹر سائیکل سوار کی کھڑی گاڑی سے ٹکر، ایک شخص شدید زخمی ریسکیو 1122 کی بروقت کارروائی*

تفصیلات کے مطابق ریسکیو کمانڈ اینڈ کنٹرول روم چکوال کو ملہال مغلاں سے اطلاع موصول ہوئی کہ ایک تیز رفتار موٹر سائیکل سوار روڈ کنارے کھڑی ہائی ایس گاڑی سے ٹکرا گیا ہے، جس کے نتیجے میں موٹر سائیکل سوار شدید زخمی ہو گیا۔ اطلاع ملتے ہی ریسکیو 1122 چکوال نے قریبی پوائنٹ ملہال مغلاں سے ایمبولینس کو فوری طور پر جائے حادثہ پر روانہ کر دیا۔

ریسکیو ٹیم نے موقع پر پہنچ کر زخمی شخص کو ابتدائی طبی امداد فراہم کی اور بعد ازاں بہتر علاج کے لیے قریبی ہسپتال منتقل کر دیا۔ حادثے میں زخمی ہونے والے موٹر سائیکل سوار کی شناخت 31 سالہ احسان الحق کے نام سے ہوئی۔ ابتدائی معلومات کے مطابق حادثہ تیز رفتاری کے باعث پیش آیا، جبکہ زخمی نے ہیلمٹ نہیں پہنا ہوا تھا جس کے باعث اسے سر پر گہری چوٹیں آئیں۔

ریسکیو 1122 چکوال شہریوں سے اپیل کرتی ہے کہ موٹر سائیکل چلاتے وقت ہمیشہ رفتار پر قابو رکھیں اور ہیلمٹ کا استعمال یقینی بنائیں تاکہ قیمتی جانوں کا تحفظ ممکن ہو سکے۔

21/10/2025

*دوبئی میں اہلِ چکوال کے اعزاز میں سفیرِ ثقافت ملک تصدق حسین اعوان کی جانب سے شاندار استقبالیہ تقریب کا انعقاد*
*Dr Zahid Abbas Chaudhary CNN*

20/10/2025

*چوآ سیدن شاہ: الیکٹرک پول سے کبوتر پکڑنے کی کوشش کے دوران کرنٹ لگنے سے نوجوان جانبحق*

تفصیلات کے مطابق ریسکیو کمانڈ اینڈ کنٹرول روم چکوال کو بشارت گاؤں، تحصیل چوآ سیدن شاہ سے اطلاع موصول ہوئی کہ ایک نوجوان بجلی کے کھمبے سے کبوتر پکڑنے کی کوشش کے دوران کرنٹ لگنے سے زخمی ہو گیا ہے۔

ریسکیو 1122 کی ایمبولینس کو فوری طور پر جائے حادثہ کی جانب روانہ کیا گیا۔ ریسکیو ٹیم نے موقع پر پہنچ کر ابتدائی جانچ کی تو معلوم ہوا کہ متاثرہ نوجوان کو سر پر گہری چوٹ آئی ہے اور وہ موقع پر ہی جان کی بازی ہار چکا ہے۔

ریسکیو ٹیم نے ضروری کارروائی مکمل کرنے کے بعد میت کو قریبی ہسپتال منتقل کر دیا۔
جانبحق نوجوان کی شناخت 21 سالہ احمد شہزاد شاہ کے نام سے ہوئی۔

ریسکیو 1122 شہریوں سے گزارش کرتی ہے کہ بجلی کے کھمبوں یا تاروں کے قریب غیر ضروری سرگرمیوں سے گریز کریں تاکہ قیمتی جانوں کا ضیاع روکا جا سکے۔

20/10/2025

بلا عنوان

20/10/2025

19/10/2025

متاثرین چک کوکا کے خلاف ریت کنٹریکٹر نے مسلح افراد لا کر اسلحہ تان لیا جس سے متاثرین کا اعلیٰ حکام سے فوری نوٹس کی اپیل