19/06/2026
چمن: پریس کلب چمن میں خان عبدالولی خان ڈیجیٹل لائبریری کی منظوری
عوامی نیشنل پارٹی کے صوبائی صدر قدرمن مشر اصغر خان اچکزئی کی ذاتی دلچسپی اور کاوشوں کے نتیجے میں چمن پریس کلب کے لیے رہبرِ تحریک خان عبدالولی خان کے نام سے منسوب ڈیجیٹل لائبریری کی منظوری دے دی گئی۔
تفصیلات کے مطابق حالیہ صوبائی بجٹ میں عوامی نیشنل پارٹی کی مرکزی نائب صدر اور رکنِ صوبائی اسمبلی سلمہ کاکڑ کے ترقیاتی فنڈز سے چمن پریس کلب میں رہبرِ تحریک خان عبدالولی خان کے نام سے ایک جدید ڈیجیٹل لائبریری کے قیام کی منظوری دی گئی ہے۔ اس منصوبے کا مقصد صحافیوں، طلبہ، محققین اور اہلِ علم کو جدید تعلیمی و تحقیقی سہولیات فراہم کرنا ہے۔
عوامی نیشنل پارٹی کے رہنماؤں نے اس اقدام کو چمن میں علمی، ادبی اور صحافتی سرگرمیوں کے فروغ کی جانب ایک اہم پیش رفت قرار دیتے ہوئے کہا کہ خان عبدالولی خان کے نام سے منسوب یہ ڈیجیٹل لائبریری نوجوان نسل کے لیے علم و آگہی کا ایک مؤثر مرکز ثابت ہوگی۔
| | |
