KPK News Network

12/04/2026

12/04/2026

12/04/2026

چارسدہ: ایک کمسن بچی، جو اپنا نام فاطمہ بتاتی ہے، گھر سے لاپتہ ہو گئی ہے۔ بچی اس وقت تنگی روڈ پر شاہ سولر سلوشن کے قریب موجود ہے۔ ذرائع کے مطابق بچی کے والد سعودیہ میں مقیم ہیں۔
عوام سے اپیل ہے کہ اگر کوئی اس بچی کے ورثاء کو جانتا ہو یا اس کے بارے میں معلومات رکھتا ہو تو فوری طور پر رابطہ کرے تاکہ بچی کو بحفاظت اس کے اہل خانہ تک پہنچایا جا سکے۔
براہ کرم اس پیغام کو زیادہ سے زیادہ شیئر کریں تاکہ بچی جلد اپنے گھر پہنچ سکے۔

11/04/2026

چارسدہ: الخدمت ہسپتال میں ایک خوشگوار اور خوشی کا واقعہ پیش آیا، جہاں ایک خاتون نے بیک وقت تین بچوں کو جنم دیا۔ ہسپتال انتظامیہ کے مطابق ماں اور تینوں نومولود بچے بالکل خیریت سے ہیں اور ان کی حالت تسلی بخش بتائی جا رہی ہے۔
ڈاکٹروں اور طبی عملے نے پیشہ ورانہ مہارت کے ساتھ کامیاب ڈلیوری کو یقینی بنایا، جس پر اہلِ خانہ نے خوشی کا اظہار کرتے ہوئے ہسپتال انتظامیہ کا شکریہ ادا کیا۔ یہ واقعہ علاقے میں خوشی اور مسرت کا باعث بن گیا ہے۔

11/04/2026

*وفاقی حکومت کا پیٹرولیم مصنوعات کی قیمتوں میں کمی کا فیصلہ*
پٹرول کی قیمت میں 12 روپے فی لیٹر کمی، نئی قیمت 366 روپے 41 پیسے فی لیٹر مقرر
ڈیزل کی قیمت میں 135 روپے فی لیٹر کمی، نئی قیمت 385 روپے 35 پیسے فی لیٹر مقرر
پٹرولیم مصنوعات کی نئی قیمتوں کا اطلاق آج رات 12 بجے سے ہوگا

10/04/2026

چارسدہ: صوبائی حکومت کی جانب سے بی آر ٹی منصوبے کو چارسدہ اور نوشہرہ تک توسیع دینے کا فیصلہ ایک مثبت اور خوش آئند اقدام ہے۔ وزیراعلیٰ خیبرپختونخوا محمد سہیل خان آفریدی کا اس اہم عوامی منصوبے پر شکریہ ادا کرتے ہیں۔ ان خیالات کا اظہار اعجاز احمد خان ترنگزئی نے اپنے ایک بیان میں کیا۔
انہوں نے کہا کہ بی آر ٹی کی توسیع سے نہ صرف عوام کو سستی، معیاری اور تیز رفتار سفری سہولیات میسر آئیں گی بلکہ اس سے علاقے میں معاشی سرگرمیوں کو بھی فروغ ملے گا۔ چارسدہ اور نوشہرہ کے عوام کو روزگار، تعلیم اور دیگر بنیادی سہولیات تک رسائی میں نمایاں آسانی پیدا ہوگی۔
اعجاز احمد خان ترنگزئی نے مزید کہا کہ یہ منصوبہ ٹریفک کے مسائل کو کم کرنے کے ساتھ ساتھ ماحولیاتی آلودگی میں بھی کمی لانے میں مددگار ثابت ہوگا۔ انہوں نے صوبائی حکومت سے مطالبہ کیا کہ منصوبے پر جلد از جلد عملی کام شروع کیا جائے تاکہ عوام اس کے ثمرات سے بروقت مستفید ہو سکیں۔
انہوں نے امید ظاہر کی کہ حکومت آئندہ بھی عوامی فلاح و بہبود کے ایسے منصوبے شروع کرتی رہے گی جو علاقے کی ترقی اور خوشحالی کا باعث بنیں۔

09/04/2026

ضلع چارسدہ کے عوام کےلئے بڑی خوشخبری۔
صوبائی حکومت کا بی آر ٹی کو چارسدہ اور نوشہرہ تک توسیع دینے کا فیصلہ۔

09/04/2026

چارسدہ: سینئر صحافی اور اے پی سی ترنگزئی کے ممبر واجد علی آفریدی نے نعیم اللّٰہ خان ترنگزئی کو ڈسپیوٹ ریزولوشن کونسل (ڈی آر سی) تنگی کا ممبر منتخب ہونے پر دلی مبارکباد پیش کی۔
اپنے ایک بیان میں انہوں نے کہا کہ نعیم اللّٰہ خان ترنگزئی کی عوامی خدمات قابلِ ستائش ہیں۔ انہوں نے امید ظاہر کی کہ وہ مستقبل میں بھی اسی جذبے اور خلوص کے ساتھ عوام کی خدمت جاری رکھیں گے۔
انہوں نے مزید کہا کہ ایسے باصلاحیت اور مخلص افراد کا آگے آنا علاقے کی ترقی اور عوامی مسائل کے حل میں اہم کردار ادا کرے گا، جبکہ عوام کو بھی ان سے بہت سی توقعات وابستہ ہیں۔