14/08/2025
چیچہ وطنی: یومِ آزادی و معرکۂ حق سیمینار کا شاندار انعقادپاکستان کے 78ویں یومِ آزادی کے سلسلے میں محکمہ اوقاف و مذہبی امور، سرکل ساہیوال کے زیر اہتمام مرکز اہل سنت نورالمساجد چیچہ وطنی میں یومِ آزادی و معرکۂ حق سیمینار کا انعقاد کیا گیا۔ تقریب میں سیاسی و سماجی رہنماؤں، انجمن تاجران، پریس کلب اور مقامی انتظامیہ کے افسران نے بھرپور شرکت کی۔ادارے کے طلبہ نے وطنِ عزیز سے محبت کے اظہار کے لیے خوبصورت ملی نغمے اور کلام پیش کیے جنہیں شرکاء نے بے حد سراہا۔ آخر میں مفتی ظہیر احمد بابر فریدی، خطیب مرکز اہل سنت نورالمساجد چیچہ وطنی نے خطاب کرتے ہوئے علما، ائمہ مساجد اور دینی مدارس کے طلبہ کی ملکی و قومی خدمات کے مختلف پہلوؤں پر روشنی ڈالی اور بتایا کہ علمی میدان میں کس طرح یہ طبقہ ملک کی فکری و اخلاقی تعمیر میں کردار ادا کر سکتا ہے۔اس موقع پر رانا ریاض احمد خاں نے نورالمساجد کے ایم فل طلبہ کے لیے لیپ ٹاپ کے تحفے کا اعلان کیا۔ شرکاء نے مسجد میں یومِ آزادی کی پروقار تقریب کو خوش آئند قرار دیا اور پاک فوج سے اظہارِ یکجہتی و محبت کیا
