https://www.facebook.com/101084442563636/

Chitral News Plus CNP, Chitral (2025)

19/05/2025

چترال (بیورو رپورٹ) جمعیت علمائے اسلام لویر چترال نے چترال میں شندور روڈ سمیت تمام سڑکوں کی حالت زارپر سخت رد عمل کا اظہار کرتے ہوئے عید الاضحٰی بعد کفن پوش جلوس نکال کر شدید عوامی احتجاج کا راستہ اختیار کرنے کا اعلان کردیا اور حکومت کو مسائل نہ کرنے پر مزید کوئی موقع ہر گز نہیں دیا جائے گا۔ پیر کے روز چترال پریس کلب میں ایک پریس کانفرنس سے خطاب کرتے ہوئے جمعیت علمائے اسلام کے ضلعی امیر مولانا عبدالرحمن، گزشتہ الیکشن میں صوبائی اسمبلی کے امیدوار مولانا فیض محمد، سینئر نائب امیر قاری جمال عبدالناصر، تحصیل امیر مولانا پیر سرور ندیم، تحصیل سیکرٹری مولانا انعام الرحمن اور ڈرایؤرز یونین کے صدر صابر احمد نے کہاکہ صوبائی اور مرکزی حکومت کی غفلت اور کرپشن کی وجہ سے چترال گوناگون مسائل میں گھرا ہوا ضلع ہے جوکہ ان کے لئے موت وحیات کا مسئلہ بن چکے ہیں لیکن میں سڑکوں کا مسئلہ سرفہرست ہے۔ انہوں نے کہاکہ لواری ٹنل تا شندور، کالاش ویلی روڈ تورکھو بزند روڈ، گرم چشمہ روڈ، مستوج بروغل روڈ میں کام نہ ہونے کی وجہ سے عوام کا جینا دوبھر ہوگیا ہے جبکہ چترال شندور روڈ میں حکومت کی کارکردگی نہایت مایوس کن ہے جوکہ بدترین کرپشن کی نذر ہوکر رہ گئی ہے۔ انہوں نے کہاکہ اگر عیدالاضحی تک ان سڑکوں پر کام کا باقاعدہ آعاز نہ ہوا تو عشریت سے بروغل تک عوام کو لے کر مکمل طور پر روڈ بلاک اور کفن پوش احتجاج شروع کیا جائے گا جس کی تمام ذمہ داری حکومت پر عائد ہوگی۔ انہوں نے چترال کے عوام کودرپیش دوسرے مسائل کا ذکر کرتے ہوئے کہاکہ محکمہ صحت نے چترال کے ہسپتالوں میں ڈاکٹروں کی کمی کو پورا کرنے میں ناکام رہی ہے خاص کر فالج اٹیک کے چار گھنٹوں کے اندر لگائے جانے والے انجیکشن کی عدم دستیابی سے چترالی عوام کی موت بغیر علاج کے یقینی ہے۔ انہوں نے ڈسٹرکٹ ہیڈ کوارٹرز ہسپتال میں اس انجیکشن کی فراہمی، ڈاکٹروں کی کمی دور کرنے اور ایم آر آئی سمیت دوسری تشخیصی سہولیات کی فراہمی کا مطالبہ کیا۔ جے یو آئی کے رہنماؤں نے چترال ہسپتال سے دو لیڈی ڈاکٹروں کو بونی تبدیل کرانے پر ایم پی اے ثریا بی بی کو سخت تنقید کا نشانہ بنایا۔ جمعیت علمائے اسلام کے رہنماؤں نے نیشنل ہائی وے اتھارٹی کے چترال میں جاری منصوبہ جات میں 90فیصد غیر مقامی افراد کو ملازمت دینے پر شدید تشویش کا اظہارکرتے ہوئے اسے چترال کے نوجوانوں کے ساتھ ظلم عظیم قرار دیتے ہوئے کہاکہ نوجوانوں کی طرف سے احتجاج کرنے کی صورت میں ان کی سرپرستی کی جائے گی۔ انہوں نے لواری ٹنل پر کام سوفیصد مکمل ہونے سے پہلے این ایچ اے کی طرف سے گاڑیوں پر ٹیکس لگانے کے عمل کو ظالمانہ قرار دیتے ہوئے اس فیصلے کی واپسی کا مطالبہ کیا۔ ڈرائیور یونین کے صدر صابر احمد، جنرل سیکرٹری فضل ناصر اور صابراینڈ کو کے جنرل منیجر جمشید احمد نے اس موقع پر ڈرائیور برادری کی طرف سے بھر پور حمایت کی فراہمی کا مطالبہ کیا۔
۔۔۔۔۔۔

18/05/2025

چترال (محمدرحیم بیگ سے)پولو ایسوسی ایشن چترال کے صدر شہزادہ سکندر الملک (صدارتی ایوارڈ یافتہ) کو چترال میں پولو کے کھیل کی فروع میں گرانقدر خدمات انجام دینے اور گزشتہ 50سالوں سے مسلسل پولو کھیلنے پر پولو ایسوسی ایشن کے آفس سیکرٹری خالد اعظم کی طرف سے انہیں ایوارڈ دیا گیا۔ ایوارڈ دینے کی سادہ تقریب چترال پریس کلب میں منعقد ہوئی جس میں خالد اعظم اور پولو کے شائقین اور کھلاڑیوں کی طرف سے چترال پریس کلب کے صدر ظہیرا لدین نے انہیں ایوار ڈ دے دیا۔ اس موقع پر پولو کے شائقین نے انہیں مبارک باد پیش کی۔ اپنے خطاب میں شہزادہ سکندر الملک نے خالد اعظم اور تمام چاہنے والوں کا شکریہ ادا کرتے ہوئے کہاکہ ان کی کارکردگی میں شائقین پولو کی محبتوں اور دعاؤں کا سب سے ذیادہ عمل دخل ہے۔

09/05/2025

یوتھ لیڈرشپ آف پاکستان کی گورنر خیبرپختونخوا فیصل کریم کنڈی سے ملاقات

پشاور (نمائندہ خصوصی) یوتھ لیڈرشپ آف پاکستان کے صدر جنید سحر آفریدی کی زیر صدارت یوتھ لیڈرشپ آف پاکستان کے وفد نے گورنر خیبرپختونخوا جناب فیصل کریم کنڈی سے گورنر ہاؤس پشاور میں خصوصی ملاقات کی۔ ملاقات کے دوران وفد نے گورنر کو گلدستہ اور تنظیم کی جانب سے اعزازی شیلڈ پیش کی۔ اس موقع پر جنید سحر آفریدی نے نوجوانوں کو درپیش مسائل، تعلیم، روزگار، اسکل ڈیولپمنٹ اور قائدانہ صلاحیتوں کے فروغ پر تفصیلی گفتگو کی۔ انہوں نے گورنر سے درخواست کی کہ نوجوانوں کے مسائل کو وزیراعظم پاکستان تک پہنچایا جائے، اور وزیر اعظم سے یوتھ لیڈرشپ آف پاکستان کی ملاقات کا بندوبست کیا جائے تاکہ نوجوانوں کے حقیقی مسائل براہ راست اعلیٰ قیادت تک پہنچ سکیں۔ جنید سحر آفریدی نے اس بات پر زور دیا کہ نوجوان پاکستان کا اثاثہ ہیں، اور انہیں بااختیار بنانے کے لیے پالیسی سطح پر اقدامات ناگزیر ہیں۔ اس موقع پر انہوں نے گورنر خیبرپختونخوا سے مطالبہ کیا کہ گورنر ہاؤس میں ایک یوتھ لیڈرز کانفرنس کا انعقاد کیا جائے، جس میں ملک بھر سے نوجوان قائدین کو مدعو کیا جائے تاکہ ان کی رہنمائی اور حوصلہ افزائی کی جا سکے۔ گورنر خیبرپختونخوا فیصل کریم کنڈی نے یوتھ لیڈرشپ آف پاکستان کی کاوشوں کو سراہتے ہوئے نوجوانوں کی فلاح و بہبود کے لیے ہر ممکن تعاون کی یقین دہانی کرائی، اور کہا کہ وہ وزیراعظم پاکستان سے ملاقات کے لیے یوتھ وفد کی درخواست پر غور کریں گے۔ آخر میں یوتھ لیڈرشپ آف پاکستان کی ٹیم نے گورنر کا شکریہ ادا کیا اور اس امید کا اظہار کیا کہ ان کے مسائل جلد اعلیٰ سطح پر سنے اور حل کیے جائیں گے۔

10/04/2025

چترال(محمدرحیم بیگ سے)لوئر چترال پولیس نے فارنر ٹورسٹ کا گمشدہ پاسپورٹ و ویزہ دھونڈ کر اس کو حوالہ کیا
نیوزی لینڈ سے آئے ہوئے مہمان سیاح کا پاسپورٹ و ویزہ تھانہ ایون کے حدود میں دوران سفر گرکر گم ہوگیا تھا جس کو ٹوارزم اور مقامی پولیس نے دھونڈ کر ایس۔ایچ۔او کو حوالہ کیا ۔
ایس۔ایچ۔او تھانہ ایون SI عطاءالرحمن نے مہمان سیاح کو اپنے آفس میں بلاکر پاسپورٹ و ویزہ ان کے حوالہ کیا جس پر مہمان سیاح نے ٹوارزم اور مقامی پولیس کی بھرپور تعاون پر شکریہ ادا کیا اور ان کی تعریف کی۔

08/03/2025

چترال (محمدرحیم بیگ سے)لویر چترال پولیس نے چترال شہر اور دروش میں گزشتہ ڈیڑھ ماہ سے گھروں میں نقب زنی اور چوری میں ملوث گروہ کا کھوج لگاکر گروہ کے سرغنہ کو مال مسروقہ کے ساتھ گرفتار کرلیا ہے جن کی مجموعی مالیت کروڑوں روپے بتائی جاتی ہے۔ ہفتے کے روز سٹی پولیس اسٹیشن کے احاطے میں نیوز کانفرنس سے خطاب کرتے ہوئے ایس پی انوسٹی گیشن عتیق الرحمن نے ایس ڈی پی او چترال سٹی سجا د حسین، ایس ایچ او سٹی حیدر حسین، انوسٹی گیشن افیسر ابراراحمد اور دوسرے افسران کی معیت میں پریس کانفرنس سے خطاب کرتے ہوئے کہاکہ گزشتہ کئی ہفتوں سے چترال شہر اور دروش میں ان گھروں میں نقب زنی کے واقعات پے درپے رونما ہورہے تھے جن کے مکین موجود نہیں ہوتے تھے جس پر ڈی پی او لویر چترال افتخار شاہ نے خصوصی ٹیم تشکیل دی جس نے دن رات محنت کرکے ملزم کا سراغ لگانے میں کامیابی حاصل کی۔ انہوں نے کہاکہ تفتیش نے کامیابی کا رخ اس وقت اختیار کیا جب ایک مشکوک شخص کو شہر کے اندر واقع فالکن نامی ہوٹل میں بار بار غیر فطری اوقات میں آتے جاتے ہوئے مشاہدہ کیا گیا اور اس کی مزید انکوائری کرنے پر معلوم ہوا کہ رباط لویر دیر سے تعلق رکھنے والا جہاد خان ولد قلندر شاہ نامی شخص نے اس ہوٹل میں کمرہ لے رکھاہے جس کی تلاشی لینے پر مسروقہ سامان برامد ہونا شروع ہوگئے۔ انہوں نے کہاکہ ملزم انتہائی چالاک ہے جن کے پاس پانچ مختلف ناموں اور اضلاع کے شناختی کارڈ موجود ہیں اور مختلف مقامات پر وہ مختلف ناموں سے کارڈ استعمال کرتا ہے لیکن مذکورہ ہوٹل میں انہوں نے اصلی نام سے انٹری کررکھا تھا۔ برامد شدہ اشیاء کی تفصیل بتاتے ہوئے انہوں نے کہاکہ چوری کے دوران ملزم کا ہدف گھر میں موجود سونا (گولڈ)ہوتا تھا جوکہ کافی مقدار میں برامد ہوئی جبکہ دوسرے اشیاء میں اسلحہ، امونیشن، لیپ ٹاپ، موبائل فونز، قیمتی بسترے اور بجلی کے سامان شامل ہیں۔ انہوں نے مزیدآئس کا عادی ہے اور اپر دیر اور لویر دیر کے اضلاع میں پولیس کو اسی نوعیت کی کئی کیسوں میں مطلوب ہے۔ عتیق الرحمن نے ایک سوال کے جواب میں کہاکہ ملزم کے مقامی یا غیر مقامی ساتھیوں کا سراغ ان سے پوچھ گچھ کے دوران کیا جائے گا جبکہ اس وقت تک وہ اپنے آپ کو اکیلا ظاہر کررہے ہیں۔ انہوں نے ایک اور سوال کا جواب دیتے ہوئے کہاکہ مسروقہ سامان قانونی تقاضے پوری کرنے کے بعد بہت جلد ہی ان کے مالکوں کے حوالے کئے جائیں گے۔

28/02/2025

چترال (محمدرحیم بیگ سے) گوجر یوتھ فورم رجسٹرڈ پاکستان کے نام سے چترال میں گوجر برادری سے تعلق رکھنے والے نوجوانوں کی تنظیم وجود میں لائی گئی جس کا مقصد اس کمیونٹی کی نئی نسل کو زیور تعلیم سے آراستہ کرکے انہیں جدید دور کے تقاضوں سے درپیش چیلنجز سے نبردآزما ہونے کے قابل بنانا ہے۔ جمعہ کے روز چترال پریس کلب میں ایک پریس کانفرنس سے خطاب کرتے ہوئے تنظیم کے سرپرست اعلیٰ ریٹائرڈ صوبیدار محمد گل خان نے کہاکہ چترال میں گوجر برادری سب سے پسماندہ طبقہ ہے جس کی بنیادی وجہ تعلیم کی کمی ہے اور اسی مقصدکے لئے یہ تنظیم وجود میں لائی گئی ہے۔ انہوں نے کہاکہ اس تنظیم کو گزشتہ 25فروری کو چودھری محمد یوسف، چودھری ظفر اقبال اور چودھری شہباز نے اسلام آباد میں منعقدہ یوتھ کنونشن کے موقع پر اس تنظیم کو مرکزی یوتھ فورم کے ساتھ منسلک کردیا ہے۔ انہوں نے سرپرست اعلیٰ کی حیثیت سے اس تنظیم کی 2028ء تک منتخب کابینہ اعلان کردیا جس میں صدر مولانا حنیف اللہ، نائب صدر عارف اللہ، چیف آرگنائزر مولانا حیات، چیرمین فاروق خان، ڈپٹی چیرمین شفیق الرحمن، جنرل سیکرٹری ملک عبدالباصر، ڈپٹی جنرل سیکرٹری الطاف الرحمن، انفارمیشن سیکرٹری ابراہیم فیضان، ڈپٹی انفارمیشن سیکرٹری طاہر احمد، میڈیا کوارڈنیٹر جعفر احمد کھٹانہ اور فنانس سیکرٹری ناصر الحق شامل ہیں۔ محمد گل خان نے کہاکہ پاکستان کی سلامتی اور استحکام اس تنظیم کے لئے سب سے بنیادی اہمیت رکھتی ہیں۔

28/02/2025

چترال (محمدرحیم بیگ سے)پودے لگانا سنت ہے۔
نبی اکرم صلی اللہ علیہ وسلم نے اپنے مبارک ہاتھوں سے کئی درخت لگائے ہیں۔
اسلامی تہذیب نے درخت اور جنگلات اجاڑنا نہیں بلکہ انکی حفاظت سکھائی ہے۔
خطیب شاہی مسجد چترال مولانا خلیق الزمان کاکاخیل کا نماز جمعہ کی اجتماع سے خطاب۔

شجر کاری اور پودے لگانا سنت عمل ہے۔ نبی اکرم صلی اللہ علیہ وسلم نے نے صرف اسکی بھرپور حوصلہ افزائی فرمائی ہے، بلکہ اپنے مبارک ہاتھوں سے پودے لگا کر اسکی اہمیت کو اپنے عمل سے اجاگر کیا ہے۔
جو مسلمان کوئی پودا لگائے اور اس پودے سے کوئی جانور یا انسان استفادہ کریں تو لگانے والے جو اس پودے کی وجہ سے ثواب ملے گا۔
انہوں نے کہا کہ چترال میں موسم بہار کا آغاز ہوچکا ہے۔ اسلیئے ہر چترالی ایک پودا ضرور لگا کر شجر کاری میں حصہ ڈالیں اور چترال کی سرسبز و شادابی اور ماحولیاتی آلودگی سے بچانے میں اپنا کردار ادا کریں۔
خطیب شاہی مسجد چترال نے یہ بھی کہا کہ پاکستان کے شمالی علاقہ جات بشمول چترال اپنے جعرافیائی، ثقافتیش اور قدرتی وسائل کی اہمیت کی وجہ سے دنیا بھر میں مشہور ہیں،اور سیاحت کیلئے انتہائی پرکشش ہیں۔ بدقسمتی سے دنیا کا یہ ورثہ انتہائی غیر دانشمندانی ، عدم توجہ اور بے حسی کی وجہ سے ماحولیاتی تبدیلیوں اور تنزل کا شکار ہوتے جارہے ہیں۔ قدرتی وسائل کی ناقدری ، جنگلات کی بے دریغ کٹائی ، جنگلی جانوروں کا ناجائز اور بے لگام شکار اور آلودگی جیسے عوامل علاقے کو تباہی کہ طرف لے جارہے ہیں۔
انہوں نے اپیل کی کہ جنگلات کی بے دریغ کٹائی پر پابندی ہونے چاہیئے اور ضرورت کی کٹائی کے بعد متبادل درخت اگانے کا انتظام بھی ہونا چاہیئے۔ تاکہ آنے والا کل جنگلات اور جنگلی حیات سے محرومی کا نہ ہو۔ خطیب شاہی مسجد چترال نے نماز جمعہ کے بعد شاہی مسجد چترال کے چمن میں پودا لگا کر شجر کاری مہم کا بھی آغاز کیا۔

11/02/2025

چترال(محمدرحیم بیگ سے) ہسپتال منیجمنٹ کیمٹی کا اجلاس زیر صدارت ایم۔ایس۔شہزادہ محمد حیدرالملک منعقد ھوا۔اجلاس میں ڈسٹرکٹ ہیڈ کوارٹر ہسپتال سے متعلق امور پر تبادلہ خیال کیا گیا۔اس موقع پر ڈی۔ایم۔ایس۔ڈاکٹر اسرارالدین نے ہسپتال میں مریضوں کو فراہم کی جانے والی مختلف سہولیات کے بارے میں تفصیلی بریفنگ دی۔اور ہسپتال میں جاری ترقیاتی کاموں اور تکمیل کو پہنچنے والے پروجیکٹ سے اجلاس کے اراکین کو آگاہ کیا۔اجلاس میں مطالبہ کیا گیا کہ ہسپتال میں ڈاکٹروں اور پیرا میڈیکل اسٹاف کی کمی کو پورا کیا جائے۔واضح رھے کہ ڈسٹرکٹ ہیڈ کوارٹر ہسپتال کو 2010 میں کیٹگری بی ہسپتال کا درجہ دیا گیا لیکن تاحال وہ سہولیات فراہم نہیں کی گئی جو کہ کیٹگری بی ہسپتال میں میسر ھو۔ہسپتال میں ڈاکٹروں کی 63 اسامیاں خالی ہیں۔جن میں 47 میڈیکل آفیسرز اور 16 اسپشلسٹ شامل ہیں۔جبکہ نرسز کی 149 آسامیاں خالی ہیں۔234 نرسیز کی سیٹ پر صرف 85 نرسیز کام کرہی ہیں۔اجلاس میں ڈاکٹر رابیہ شہاب۔رحمت حنیف خان ٹی۔ایم۔او۔زائنب شیر ہیڈ نرس۔محمدرحیم بیگ ممبر کیمٹی اور محمد حسین ممبر کمیٹی نے شرکت کی۔اس موقع پر وزیر اعلیٰ کے۔پی۔کے۔ ڈائریکٹر جنرل محکمہ صحت۔سکریٹری صحت اور عوامی نمائندوں سے اپیل کی گئی کہ ہسپتال میں ڈاکٹروں اور پیرا میڈیکل اسٹاف کی کمی کو فوری پورا کیا جائے۔چونکہ چترال صوبے کا سب سے پسماندہ ضلع ھے۔اکثر موسمی مشکلات اور یہاں کے لوگوں کی مالی مشکلات کی وجہ سے مریضوں کو ضلع سے باہر علاج کے لیے لے جانا انتہائی مشکل ھوجاتاھے۔اس لیے اعلیٰ حکام سے مطالبہ ھے کہ ضلع کے اندر چترال کے عوام کو صحت کی تمام سہولیات فراہم کیا جائے۔چونکہ ہسپتال کو بجلی کی عام لائن سے کنکشن دی گئی ھے لوڈشیڈنگ کے دوران ہسپتال کو بجلی کی فراہمی منقطع ھوجاتی ھے لہزا ہسپتال کو گرڈ اسٹیشن سے ایکسپریس لائن کے زریعے بجلی فراہم کیا جائے تاکہ لوڈ شیڈنگ کے دوران ہسپتال کو بجلی کی فراہمی برقرار رھے۔ممبران کمیٹی نے ڈاکٹروں کی خدمات اور پیرا میڈیکل اسٹاف کی کارکردگی کو سراہا اور ہسپتال عملہ کو خراج تحسین پیش کی کہ مشکلات اور مسائل کے باوجود مریضوں کو بہترین سروس فراہم کرھے ہیں۔

03/01/2025

آخر وجہ

تحریر بلال ہمایوں لاشاری

حالات سے بڑا استاد کوئی نہیں اس دنیا میں موجود مختلف سوچ دماغ کے مالک ہیں لوگ ایسے اکثریت میں ہیں جو اپنی سوچ خواہشات کے مطابق سب کچھ کرنا چاہتے ہیں بہت سے لوگ اہنی تقدیر خود لکھنے چاہتے ہیں بہت سے لوگ راتوں رات امیر دولت مند بننا چاہتے ہیں اس دنیا سے لالچی مکاری دھوکا باز جلس حسد باز فراڈی لوگ اکثرزلیل وخوار جو ہمیشہ دوسروں کو چکر دینے میں لگے رہتے ہیں یہ لوگ اپنے مفادات کی خاطر دوسروں کا نقصان کرنے میں دیر نہیں کرتے دوسروں کی مجبوریوں سے فائدہ اٹھاتے ہیں کئی لوگ ایسے لوگ کی بھینٹ چڑھ گئے اعتماد کرنا خود سے بڑا دھوکا ہے ایسا لوگ دیکھے ہیں جو لمحوں میں کچھ تھے پھر کچھ اپنی زندگی میں کبھی غروب سورج کو روشنی میں دیکھیں آسمان پر چمک رہا ہوتا ہے اور چاند رات کے وقت آسمان پر چمک دمک میں ہوتا یے رات اور وقت زندگی میں آ اور جا رہے ہیں رات ہو یا دن زندگی کے دن کم تو ہو رہے ہیں پر ہم اس طرف توجہ نہیں دیتے میں کہیں اور موضوع پر نکل گیا اس موضوع پر بھی کبھی تفصیلی ڈسکس کریں گے تو میں بات کر رہا تھا حالات کو مدنظر رکھنا چاہیے انسان سوچتا کچھ ہے ہوتا کچھ ہے آزدی کی زندگی اور صحت مند سب سے زیادہ انسان خوش نصیب ہے
ایک بادشاہ تھا وہ دن بھر ملک کے انتظامی کاموں میں اتنا مصروف رہتا تھا کہ اسے آرام کرنے کی لیے بہت ہی کم فرصت ملتی تھی۔ ایک دن اسے خیال آیا کہ یہ بادشاہت تو ایک مصیبت ہے۔ ہر وقت کام میں لگا رہتا ہوں۔ نہ دن کو چین ملتا ہے نہ رات کو آرام۔ بادشاہ ہونے کے باوجود میری زندگی میں خوشیاں نہیں ہے ۔ اگر میں خوش نہیں ہوں تو کوئی اور شخص کیسے اپنی زندگی سے خوش ہوگا ۔ اس نے سوچا کہ مجھے دیکھنا چاہیے کہ میرے ملک میں خوش انسان کونسا ہے
یہ سوچ کر رات کے وقت اس نے بھیس بدلا اور خوش رہنے والے آدمی کی تلاش میں محل سے روانہ ہو گیا۔ سب سے پہلے وہ ایک سوداگر کے پاس گیابادشاہ نے اس سے پوچھاتم یقینا خوشی اور سکون کے ساتھ زندگی گزار رہے ہوگےسوداگر نے جواب دیامیرے پاس بہت دولت ہے، مگر یہ دولت بھی مجھے سکون نہیں دے سکتی۔ اگر دولت سے خوشی اور سکون ملتا تو میں خریدنے میں دیر نہیں لگاتا۔ اس دولت نے میری زندگی اجیرن کردی ہے۔ میرے وارثوں کی نظریں میری جائیداد پر ہیں۔ وہ میرے مرنے کی دعائیں مانگتے ہیں۔ ان کا بس چلے تو وہ اسی دولت کے لیے مجھے جان سے مار دیں۔ اس کے علاوہ آئے دن چوری اور ڈاکے کا دھڑکا لگا رہتا ہے۔ رات دن اسی سوچ میں گھل رہا ہوں۔ میری صحت بھی متاثر ہورہی ہے۔ کاش میں غریب آدمی ہوتا۔ محنت مزدوری کر کے ایک جھونپڑے میں خوشی سے زندگی گزارتا۔ تب مجھے کسی قسم کی فکر نہ ہوتی۔ کیا ہی اچھا ہوتا کہ میں اپنے غریب پڑوسی کی طرح ہوتا۔ کتنا خوش رہتا ہے وہ۔"
بادشاہ اس کا جواب سن کر اس کے پڑوسی کے پاس پہنچا اور اس سے پوچھاتم اپنے اس حال میں خوش ہوپڑوسی بولامیں تو اس سخت محنت اور مشقت سے تنگ آ گیا ہوں بھلا یہ بھی کوئی زندگی ہے۔ میں چاہتا ہوں کہ اپنے پڑوسی سوداگر کی طرح ہر وقت آرام کرتا رہوں اصل زندگی تو یہی ہےان دونوں کے جواب سن کر بادشاہ کو تسلی نہ ہوئی تو وہ اپنی حکومت کے ایک بڑے افسر سے ملا۔ اسے چند روز پہلے ایک بڑے عہدے پر ترقی دی گئی تھی بادشاہ کے سوال پر وہ بولامیری بدقسمتی ہے کہ میں نے یہ عہدہ قبول کر لیا۔ جو افسر میرے ساتھ پہلے کام کرتے تھے وہ میرے دوست تھے۔ اس عہدے نے انہیں میرا ماتحت بنا دیا ہے۔ اب وہ مجھ سے جلنے لگے ہیں۔ اس عہدے سے جو خوشی ملی تھی، وہ بھی خاک میں مل گئی۔ لگتا ہے خوشی میرے نصیب میں ہے ہی نہیں۔"
بادشاہ افسر کا جواب سن کر اس کے پڑوس میں ایک درزی کی دکان پر پہنچا اور اس سے بولا، "تم تو عیش کرتے ہوگےدرزی بولاجناب میں اس کام سے ہرگز خوش نہیں۔ بھلا یہ بھی کوئی کام ہے۔ سارا دن ایک جگہ بیٹھے کپڑے سیتے رہو۔ اس کام سے تو میری جان جاتی ہے۔ مگر کیا کروں مجبوری ہے۔ اس کام نے میری خوشیاں چھین لی ہیں۔ اب دیکھیں میرے پڑوسی افسر کو۔ بادشاہ نے اسے بڑا عہدہ دیا ہے۔ اب اسے سکون اور خوشی بھی حاصل ہو گئی اور دولت بھی۔ کاش میں ہی وہ افسر ہوتا۔"
بادشاہ درزی کا جواب سن کر شہر کے باہر ایک دیہات میں پہنچا ہی تھا کہ بارش شروع ہو گئی۔ بادشاہ نے ایک جھونپڑے کا دروازہ کھٹکھٹایا تو اندر سے ایک بزرگ باہر آئے اور بادشاہ سے بولے، "اندر آ جاؤجھونپڑے کی چھت کئی جگہوں سے ٹپک رہی تھی۔ جہاں سے بارش کا پانی ٹپک رہا تھا، وہاں بزرگ نے ٹین کے خالی ڈبے نیچے رکھ دیے تھے۔ پانی ان ڈبوں میں گر رہا تھامعلوم ہوتا ہے تمہاری مالی حالت اچھی نہیں ہےبادشاہ نے بزرگ سے پوچھا۔
بزرگ بولےایسی کوئی بات نہیں ہے۔ میں بہت خوش ہوں۔ الله تعالیٰ کا شکر ہے کہ اس نے مجھے ہر چیز دی ہے دیکھ لو۔ یہ میرا صاف ستھرا گھر ہے میرے پاس دو بیل، ایک بکری، پانچ بطخیں اور کچھ مرغیاں ہیں۔ ان سے میں دودھ، انڈے اور گوشت حاصل کرتا ہوں۔ ان کو میں بیچتا ہوں۔ بیل کنواں اور ہل چلانے کے کام آتے ہیں۔ یہ میری تنہائی کے ساتھی ہیں۔ یہاں گھاس بہت ہے۔ ایک تالاب بھی ہے۔ میرے پاس کچھ زمین بھی ہے جس میں میں گندم اور کپاس اگاتا ہوں۔ میرے گھر کے پچھواڑے میں میرا ایک خوبصورت اور چھوٹا باغ بھی ہے۔ اس میں آم، کھجور، کیلے اور مالٹے وغیرہ کے درخت ہیں۔ کنویں سے پانی نکال کر کھیتوں اور باغ کو دیتا ہوں۔ باقی وقت میں جانور چراتا ہوں۔ پھر فرصت میں الله الله کرتا ہوں۔ میں بہت خوشی اور سکون سے زندگی گزار رہا ہوں بادشاہ نے سوچا کہ خوشیوں کے ساتھ اگر تھوڑی تکلیف بھی ہو تو انسان کو برداشت کر لینی چاہیےبغیر تکلیف اور دکھ کے راحت نصیب نہیں ہوتی۔ میں جس شخص کی تلاش میں تھا وہ مجھے مل گیا ہے۔ بارش تھم چکی تھی۔ بادشاہ اپنے محل میں واپس آگیا اور ایک بار پھر تن دہی سے کام کرنے لگا

12/12/2024

چترال (محمدرحیم بیگ) تورکھو اور تریچ یونین کونسل کے عمائیدین نے بونی بزند روڈ پر کام کی دوبارہ بندش پر اپنے شدید تحفظات اورگہری تشویش کا اظہار کرتے ہوئے وزیر اعلیٰ خیبر پختونخوا سے پرزور مطالبہ کیا ہے کہ گزشتہ 15سالوں سے چالو اس روڈ پراجیکٹ کو مکمل کیاجائے جوکہ صوبائی حکومت کے لئے باعث شرمندگی ہے جہاں سی اینڈ ڈبلیو ڈیپارٹمنٹ نے ٹھیکہ دار کو 9کروڑ 50لاکھ روپے ایڈوانس پے منٹ کی ہے جبکہ سائٹ پر کام کو دوبارہ بند کردیا گیا ہے۔جمعرات کے روز چترال پریس کلب میں ایک پریس کانفرنس سے خطاب کرتے ہوئے چترال ڈیویلپمنٹ مومنٹ کے چیرمین وقاص احمد ایڈوکیٹ نے تورکھو تریچ روڈ فورم (ٹی ٹی آر ایف) کے رہنماؤں میر جمشید الدین (تحصیل چیرمین تورکھوموڑکھو)، ساجد اللہ ایڈوکیٹ (صدر ڈسٹرکٹ بار ایسوسی ایشن)، عصمت اللہ، شمس عالم ایڈوکیٹ، واحد کمال ایڈوکیٹ، سجاد اللہ ایڈوکیٹ اور دوسروں کی معیت میں ایک پریس کانفرنس سے خطاب کرتے ہوئے وزیر اعلیٰ خیبر پختونخوا کے سامنے تورکھو اور تریچ کے عوام کی فوری مطالبات بیان کرتے ہوئے سی اینڈ ڈبلیو ڈویژن اپر چترال کے ایگزیکٹیو انجینئر کو فوری طور پر ٹرانسفرکرکے ان کے خلاف انکوائری شروع کرنے، سی اینڈ ڈبلیو ڈیپارٹمنٹ کا مقامی لوگوں کے ساتھ معاہدے کے مطابق 7کلومیٹر اسفالٹ بچھانے اور 6کلومیٹر سڑک کی کمپکشن کرنے اور ٹھیکہ دار پیرمحمد کو کام کے سائیٹ پر لانے کا مطالبہ کیا۔ انہوں نے علاقے کے ایم پی اے اور صوبائی اسمبلی کے ڈپٹی اسپیکر ثریا بی بی سی اینڈ ڈبلیو ڈیپارٹمنٹ کے ایگزیکٹو انجینئر اور ٹھیکہ دار کی پشت پناہی کررہی ہے اور مطلوبہ گریڈ میں نہ ہونے کے باوجود اس افسر کی بڑی گریڈ پر پوسٹنگ کی ہے جوکہ قابل افسوس اور قابل مذمت بات ہے۔ وقاص احمد ایڈوکیٹ نے کہاکہ ٹھیکہ دار سی اینڈڈبلیو ڈیپارٹمنٹ کے ایگزیکٹو انجینئر کے ساتھ ساز باز کرتے ہوئے نہ صرف سائٹ پر کام بند کردی ہے بلکہ اپنی تمام ہیوی مشینری بھی علاقے سے لے جانے کی کوششوں میں مصروف ہے۔ انہوں نے کہاکہ گزشتہ ستمبر میں ٹھیکہ دار اور ایگزیکٹو انجینئر سی اینڈ ڈبلیو نے ضلعی انتظامیہ اور پولیس کے افسران کی موجودگی میں تورکھو اور تریچ کے عوام سے تحریری معاہدہ کیا تھاکہ وہ ایک ماہ کے اندر اندر 7کلومیٹر اسفالٹ بچھانے اور 7کلومیٹر سڑک کی کمپکشن کرکے اسفالٹ کے لئے تیارکرنے کا وعدہ کیا تھا لیکن اس پر 5فیصد بھی عمل درامد نہیں ہوئی ہے اور ٹھیکہ دار کے کارندے بھاگ گئے ہیں جس پر علاقے کے عوام اس کڑکتی سردی میں دن رات احتجاجی دھرنے میں مصروف ہیں۔ اس موقع پر تحریک حقوق چترالی کے صدر نعیم انجم نے تورکھو اور تریچ کے عوام سے یکجہتی کا اظہارکرتے ہوئے انہیں اپنی تنظیم کی طرف سے ہرممکن تعاون کا یقین دلایا۔

Chitral News Plus CNP

19/05/2025

18/05/2025

09/05/2025

10/04/2025

08/03/2025

28/02/2025

28/02/2025

11/02/2025

03/01/2025

12/12/2024

Address

Telephone

Website

Alerts

Contact The Business

Shortcuts

Share

Category