Geo Chitral

28/05/2026

Sore Laspur Mehman Nawaz Roiyn Xagia ❤️

1975-ریٹائرڈ صوبیدار میر صاحب شاہ(مرحوم) سور لاسپور اپر چترال کے دسترخوان کی ایک جھلک
دسترخوان پر بچھی ہوئی مختلف انواع کے قسم کے ڈشس سے اندازہ لگائے کہ آج سے 51 سال پہلے لاسپور میں مہمانوں کی کسطرح پُرتکلف دعوت دی جاتی تھی ۔
وڈبائن سگریٹ کا ڈبہ بھی نمایاں ہے ۔
نوٹ: بے تکے انداز میں کمنٹس کرکے اپنے آپ کو آشکارا نا کریں ، اس خاندان کی مہمان نوازی پورے چترال میں اب بھی مشہور ہے 🙏

Picture Courtesy to the rightful owner

27/05/2026

شندور میلہ شروع ہونے والا ہے، تیاریاں مکمل طور پر جاری ہیں۔ خیموں کی تنصیب، راستوں کی صفائی اور دیگر انتظامات زور و شور سے ہو رہے ہیں، اور سب سے نمایاں بات یہ ہے کہ گول پوسٹس بھی اپنی جگہ پر نصب ہونا شروع ہو گئی ہیں۔ شندور کی خوبصورتی میں اس کی رونق، پولو ٹورنامنٹ اور اس کے دیوانے شائقین چار چاند لگا دیتے ہیں۔
Chitral

26/05/2026

پرنس رحیم آغا خان نے پاکستان کا دورہ مکمل کرنے کے بعد وطن واپسی کے لیے روانگی اختیار کرلی۔

نور خان ایئربیس پر وفاقی وزیر برائے پارلیمانی امور ڈاکٹر طارق فضل چوہدری نے انہیں الوداع کیا۔ اس موقع پر وفاقی وزیر نے دورے کی اہم جھلکیوں پر مشتمل خصوصی فوٹو البم بھی پرنس رحیم آغا خان کو پیش کیا۔

ڈاکٹر طارق فضل چوہدری نے کہا کہ آغا خان ڈیولپمنٹ نیٹ ورک نے پاکستان کی ترقی، تعلیم، صحت اور فلاحی شعبوں میں گراں قدر خدمات انجام دی ہیں، جبکہ پرنس رحیم آغا خان کا یہ دورہ پاکستان اور آغا خان ڈیولپمنٹ نیٹ ورک کے درمیان تعاون کو مزید مضبوط بنانے میں اہم کردار ادا کرے گا۔
Chitral

26/05/2026

Last picture before departing Islamabad Pakistan

26/05/2026

زندگی کتنی مختصر اور کتنی بے یقینی ہے… 🥀

ایک معصوم پرندہ اپنے خوابوں کا آشیانہ بنانے میں مصروف تھا،
تنکا تنکا جوڑ رہا تھا…
اپنے گھر کو آباد کرنے کی امید لیے محنت کر رہا تھا۔

مگر افسوس…
ایک دھاگا ہی اس کی جان لے گیا۔
آشیانہ بھی مکمل نہ ہو سکا
اور وہ خود بھی ہمیشہ کے لیے خاموش ہو گیا۔

یہ منظر ہمیں یاد دلاتا ہے کہ
زندگی کا کوئی بھروسہ نہیں…
کب سانس رک جائے اور کب سفر ختم ہو جائے، کوئی نہیں جانتا۔

اللہ تعالیٰ ہر جاندار پر اپنا رحم فرمائے۔ 🕊️🥺
Chitral

26/05/2026

اسماعیلی شعیہ مسلم کمیونٹی کے 50ویں روحانی پیشوا ہزہائنس پرنس شاہ رحیم الحسینی آغا خان پاکستان کے دورے کے بعد روانہ ہو گئے۔
Chitral

26/05/2026

ہزہائنس پرنس رحیم الحسینی کا دودھ چترال
چترال کے اصل مسائل اور قیادت کی ترجیحات

وزیرِ اعلیٰ اور گورنر کے دورۂ چترال کے موقع پر بہتر طرزِ گفتگو یہ ہونا چاہیے تھا کہ سب سے پہلے ہز ہائنس پرنس رحیم الحسینی کا شکریہ ادا کیا جاتا اور اس حقیقت کا اعتراف کیا جاتا کہ چترال ایک دور افتادہ اور پسماندہ علاقہ ہے جہاں بنیادی سہولیات کی فراہمی ہمیشہ ایک بڑا چیلنج رہی ہے۔ ایسے حالات میں آغا خان فاؤنڈیشن نے بلا تفریق چترال میں صحت، تعلیم، سڑکوں کی تعمیر اور عوامی فلاح کے مختلف شعبوں میں قابلِ قدر خدمات انجام دی ہیں، جن سے ہزاروں لوگوں کی زندگیوں میں بہتری آئی ہے۔
یہ بھی تسلیم کرنا چاہیے تھا کہ ملک اس وقت مالی بحران سے گزر رہا ہے، جس کی وجہ سے صوبائی اور وفاقی حکومتیں چترال کی تمام محرومیوں کا مکمل ازالہ نہیں کر پا رہیں۔ ایسے میں حکومت کو کھلے دل سے ہز ہائنس پرنس رحیم الحسینی اور آغا خان فاؤنڈیشن کا شکریہ ادا کرنا چاہیے تھا کہ وہ چترال جیسے دور دراز علاقے میں انسانیت کی خدمت کر رہے ہیں۔
ساتھ ہی مؤدبانہ انداز میں جیسے Your Highness you excellency یہ گزارش بھی کی جانی چاہیے تھی کہ چترال کے نوجوانوں اور عوام کی ضروریات کو مدنظر رکھتے ہوئے یہاں ایک معیاری ہسپتال اور یونیورسٹی کے قیام میں بھی تعاون کیا جائے تاکہ علاقے کے لوگ بہتر طبی اور تعلیمی سہولیات سے مستفید ہو سکیں۔
لیکن افسوس یہ ہوا کہ چترال کے دورے پر آ کر بھی توجہ چترال کے مسائل کے بجائے ٹانگوں کو ٹانگوں کے اپر رکھ کر انگلی کے اشارے سے ہزہانس شاھ رحیم الحسینی کی توجہ ڈائیورڈ کرکے پشاور میں یونیورسٹی اور ہسپتال کے مطالبات کی طرف چلی گئی۔ سوال یہ ہے کہ جب ایک محروم اور دور افتادہ علاقے کے عوام آپ کے سامنے موجود تھے تو ان کے مسائل، ضروریات اور احساسِ محرومی کو ترجیح کیوں نہ دی گئی؟ قیادت کی اصل ذمہ داری یہی ہوتی ہے کہ وہ جہاں جائے وہاں کے لوگوں کے مسائل کو سمجھے اور انہی کی زبان بنے۔
Ahmed Chitrali Advocate 🖊️
Chitral

25/05/2026

چترال کے دو بہادر سپوت آج وطن پر قربان ہوگئے.
انا للّٰہ وانا الیہ راجعون😥
آج چترال کی سرزمین غم میں ڈوب گئی۔ دو ایسے بہادر جوان، جنہوں نے اپنی جوانیاں وطنِ عزیز کی حفاظت کیلئے وقف کر رکھی تھیں، آج ہم سے ہمیشہ کیلئے جدا ہوگئے۔
لوئر چترال بمبوریت سے تعلق رکھنے والے فرنٹیئر کور کے جوان جواد احمد شمالی وزیرستان میں دشمن کے خلاف بہادری سے لڑتے ہوئے جامِ شہادت نوش کرگئے۔ انہوں نے وطن کی سلامتی کیلئے اپنی جان قربان کرکے یہ ثابت کردیا کہ چترال کے بیٹے ہمیشہ مادرِ وطن کے دفاع میں صفِ اول میں کھڑے رہتے ہیں۔
دوسری جانب لوئر چترال بکرآباد کے پاک آرمی کے نوجوان سپاہی اظہر الدین اپنے گھر والوں کے ساتھ چھٹیاں گزارنے چترال آرہے تھے کہ صوابی انٹرچینج کے قریب ایک افسوسناک ٹریفک حادثے میں شہید ہوگئے۔ گھر والوں نے جس بیٹے کا انتظار کیا، وہ شہادت کا تاج پہن کر واپس آیا۔
ایک شہید نے دشمن کے سامنے سینہ تان کر وطن کی حفاظت کرتے ہوئے جان دی، جبکہ دوسرے نے سفرِ وطن میں اپنی زندگی قربان کردی۔ دونوں شہداء نے اپنے خون سے وطنِ عزیز کی مٹی کو سرخرو کردیا۔
آج ہر آنکھ اشکبار ہے، ہر دل غمزدہ ہے، اور پورا چترال اپنے ان بہادر سپوتوں کی شہادت پر فخر بھی کررہا ہے اور غمزدہ بھی ہے۔
اللہ تعالیٰ دونوں شہداء کی کامل مغفرت فرمائے، جنت الفردوس میں اعلیٰ مقام عطا فرمائے، ان کے درجات بلند کرے اور تمام لواحقین کو صبرِ جمیل عطا فرمائے۔ آمین

شہید کی جو موت ہے وہ قوم کی حیات ہے۔

تحریر : ایڈمن وائی کے ایس
Copied To


Chitral

25/05/2026

چترال # محترم وزیر اعلیٰ صاحب بصد احترام ھم پاکستان تحریک انصاف چترال کے کارکنان محترم ھزائنس پرینس کریم آغا خان کے دورے چترال کے موقع پر آپ سے یہ توقع کر رھے تھے آپ اس موقع پر چترال آکر ضرور کچھ ترقیاتی منصوبوں کا اعلان کریں گے۔ افسوس کہ اتنے پسماندہ دور دراز علاقے میں آکر آپ غریب اور مجبور لوگوں کی آواز بننے کے بجائے صوبے کے سب سے زیادہ سہولیات سے آراستہ شھر کے لیے اسکول اور ھاسپتال کا مطالبہ کر رھے ھیں ۔۔ حضور وآلہ یاد دہانی کیلئے یہ بتاتا چلوں کہ اس صوبے میں ھم تقریباً 13 سالوں سے حکومت میں ھیں ۔۔ آغا فاؤنڈیشن کو چترال میں ہی کام کرنے دیں تو بہتر ھوگا ۔۔۔
Billah Khan
Chitral

25/05/2026

وزیراعلیٰ خیبرپختونخوا محمد سہیل خان آفریدی کی اسماعیلی کمیونٹی کے روحانی پیشوا پرنس رحیم آغا خان پنجم سے اہم ملاقات!

ملاقات میں گورنر خیبرپختونخوا فیصل کریم کنڈی، صوبائی وزیر اطلاعات شفیع جان اور اعلیٰ سرکاری حکام بھی شریک تھے۔

ملاقات کے دوران خیبرپختونخوا میں سرمایہ کاری، سیاحت، تعلیم، صحت اور ترقی کے وسیع مواقع سمیت صوبائی حکومت کے جاری اقدامات اور مستقبل کے اہداف پر تفصیلی تبادلۂ خیال کیا گیا۔

وزیراعلیٰ محمد سہیل خان آفریدی نے آغا خان فاؤنڈیشن کی تعلیم، صحت، سماجی بہبود اور انسانی ترقی کے شعبوں میں خدمات کو سراہتے ہوئے انہیں قابلِ تحسین قرار دیا۔ اس موقع پر پشاور میں آغا خان یونیورسٹی اور جدید ہسپتال کے قیام سے متعلق امور بھی زیرِ بحث آئے۔

پرنس رحیم آغا خان پنجم نے خیبرپختونخوا میں مختلف شعبوں میں سرمایہ کاری میں دلچسپی کا اظہار کرتے ہوئے صوبے کی ترقی میں تعاون جاری رکھنے کی یقین دہانی کرائی۔

ملاقات کے بعد ایک استقبالیہ تقریب بھی منعقد ہوئی، اس موقع پر انہیں یادگاری تحائف بھی پیش کیے گئے۔

تقریب میں شرکت کے بعد پرنس رحیم آغا خان پنجم لوئر چترال سے روانہ ہوگئے۔ چترال ایئرپورٹ پر وزیراعلیٰ خیبرپختونخوا محمد سہیل خان آفریدی، گورنر خیبرپختونخوا فیصل کریم کنڈی، صوبائی وزیر شفیع جان، ڈپٹی اسپیکر ثریا بی بی، لوئر چترال سے رکن صوبائی اسمبلی فتح الملک ناصر اور اعلیٰ سرکاری افسران نے انہیں الوداع کیا۔


Chitral

25/05/2026

لوئر چترال:

وزیر اعلیٰ خیبرپختونخوا محمد سہیل آفریدی، گورنر خیبرپختونخوا فیصل کریم کنڈی،ڈسٹرکٹ انتظامیہ و دیگر شخصیات چترال ایئر پورٹ پر پرنس رحیم آغا خان پنجم کا استقبال کر رہے ہیں۔
Chitral