Chitral-Weather

Home
Chitral-Weather

اس پیج کے ذریعے ہم آپ کو لوئر اور اپر چترال کے موسم کی پیشنگوئی سے باخبر رکھیں گے!
(1)

24/09/2025

*موسم کی تازہ ترین صورتحال!*
Updated: Wednesday, 24 September, 2025
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
آج بدھ 24 ستمبر کی رات سے ایک مختصر سسٹم چترال میں داخل ہورہا ہے جوکہ آج رات، کل جمعرات 25 ستمبر کے دن اور اَپر چترال کے بالائی علاقوں میں کل رات کے ابتدائی اوقات تک موجود رہیگا۔

جس کے زیر اثر آج رات اور کل جمعرات 25 ستمبر کے دن بعض مقامات پر (Thunderstorms)، ہوائیں چلنے اور ہلکی سے درمیانی بارش کا امکان ظاہر کیا جارہا ہے۔

> چونکہ گرمی کی لہر بدستور جاری ہے، لہذا ایسے حالات میں اچانک مختصر وقت کے لئے بارش کا امکان بننا Heavy rain shower کی بھی نشاندہی کرتا ہے۔ لہذا ہر حال میں احتیاطی تدابیر اختیار کرنا ہم سب کا اولین فرض ہے۔

درجہ حرارت:
اس سسٹم کی آمد سے آج رات، کل جمعرات 25 ستمبر کے دن اور کل جمعرات کی رات سے پرسوں جمعہ 26 ستمبر کی صبح تک درجہ حرارت 4، 5 ڈگری سینٹی گریڈ تک گرنے کا امکان ہے۔ تاہم جمعہ 26 ستمبر کے دن سے ایک بار پھر گرمی بحال ہونے کا امکان ہے، جوکہ ان شاءاللہ، پھر اگلے چند دنوں تک جاری رہیگا۔

ہفتہ 27 ستمبر سے اگلے چند دنوں کے دوران ایک بار پھر دھوپ کی حکمرانی ہوگی۔

آج بدھ 24 ستمبر کے دن چترال ٹاؤن میں زیادہ سے زیادہ درجہ حرارت 25 ڈگری سینٹی گریڈ، آج رات 14 ڈگری سینٹی گریڈ، کل جمعرات کے دن 21 ڈگری سینٹی گریڈ، کل جمعرات کی رات 13 ڈگری سینٹی گریڈ اور پرسوں جمعہ 26 ستمبر کے دن 25 ڈگری سینٹی گریڈ رہنے کا امکان ہے۔

20/09/2025

*موسم کی تازہ ترین صورتحال!*
Updated: 20 September, 2025 8:50 PM
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
ان شاءاللہ، آج ہفتہ 20 ستمبر کی رات سے اگلے پانچ دن کے دوران یعنی بدھ 24 ستمبر کی شام تک لوئر اور اَپر چترال کے تمام علاقوں میں موسم اچھی طرح صاف رہنے کا امکان ہے۔ اس دوران عام حالات میں اچھے دھوپ نکلنے کا امکان ہے۔

جمعرات 25 ستمبر بارش کے امکانات بن رہے ہیں، جوکہ اس وقت تک مزید شدت اختیار کرنے یا ختم ہونے کا بھی امکان ہے۔

درجہ حرارت:
29ستمبر تک لوئر اور اَپر چترال کے تمام علاقوں میں موسم عام طور پر گرم رہیگا۔

اس دوران چترال ٹاؤن اور دروش میں درجہ حرارت دنوں کے اوقات میں 27 سے 30 ڈگری سینٹی گریڈ جبکہ راتوں کے اوقات میں 17 سے 19 ڈگری سینٹی گریڈ کے درمیان رہنے کا امکان ہے۔

> 👈 مدک لشٹ میں اس دوران دنوں کے اوقات میں درجہ حرارت 21 سے 23 جبکہ راتوں کے اوقات میں 9 سے 11 ڈگری سینٹی گریڈ کے درمیان رہنے کا امکان ہے، یعنی راتوں اور صبح سویرے کے اوقات میں کچھ حد تک سرد رہنے کا امکان ہے۔

Conclusion:
ستمبر کے مہینہ میں بھی گرمی چترال کو چھوڑ کر نہیں جانا چاہتی!

عام حالات میں اچھی طرح صاف رہیگا اور دھوپ کی حکمرانی ہوگی۔

02/09/2025

آج منگل 2 ستمبر کی رات سے اگلے ایک ہفتہ کے دوران یعنی پیر 8 ستمبر تک لوئر اور اَپر چترال کے اکثر علاقوں میں عام طور پر *دُھند / Fog* ٹائپ کے بادل چھائے رہنے کے ساتھ اِدھر اُدھر کے علاقوں میں بوندا باندی (Drizzling) اور بعض علاقوں میں ہلکی سے درمیانی بارش کے کچھ چانسز بھی پیدا ہوسکتے ہیں۔

اس دوران وقتاً فوقتاً اکثر علاقوں میں تیز ہوائیں بھی چلنے کا امکان ہے۔

درجہ حرارت:
> یاد رہے کہ 2 ستمبر سےاگلے ایک ہفتہ کے لئے چترال کے تمام علاقوں میں درجہ حرارت میں 5، 5 ڈگری سینٹی گریڈ تک کمی آنے کا امکان ہے۔

یعنی چترال ٹاؤن میں فی الحال دنوں کے اوقات میں زیادہ سے زیادہ درجہ حرارت جو 34 ڈگری سینٹی گریڈ اور راتوں کے اوقات میں 23 ڈگری سینٹی گریڈ چل رہا ہے؛ 2 ستمبر سے کم ہوکر دنوں کے اوقات میں زیادہ سے زیادہ درجہ حرارت 29 ڈگری سینٹی گریڈ جبکہ راتوں کے اوقات میں 18 ڈگری سینٹی گریڈ تک ہونے کا امکان ہے۔

اسی طرح مدک لشٹ میں فی الحال دنوں کے اوقات میں زیادہ سے زیادہ درجہ حرارت جو 26 ڈگری ڈگری سینٹی گریڈ اور راتوں کے اوقات میں 17 ڈگری سینٹی گریڈ چل رہا ہے؛ 2 ستمبر سے کم ہوکر دنوں کے اوقات میں زیادہ سے زیادہ درجہ حرارت 21 ڈگری سینٹی گریڈ جبکہ راتوں کے اوقات میں 12 ڈگری سینٹی گریڈ تک ہونے کا امکان ہے۔

Conclusion:
ہوائیں چلنے اور عام طور پر بادل چھائے رہنے کی وجہ سے صبح، شام اور رات کے اوقات میں سردی محسوس ہونے کا امکان ہے۔

بارش کا کوئی ریگولر سسٹم نہ ہونے کی وجہ سے اس پوسٹ کو بھی سرسری طور پر ترتیب دیا گیا ہے۔

03/08/2025

چترال میں آوارہ کتوں کی تعداد کو کنٹرول کرنے کے لئے پائلٹ پروجیکٹ کا آغاز!
ابھی ابھی یہ کتا پائلٹ پراجیکٹ کی کاروائی کے بعد منزل مقصود کی طرف رواں

26/07/2025

جمعہ 25 اور ہفتہ 26 جولائی کی درمیانی شب رات کے ابتدائی اوقات میں شیشی کوہ اور مدک لشٹ میں شدید بارشوں سے بڑی حد تک سیلاب کی تباہ کاریاں۔ مدک لشٹ ٹو دروش مین روڈ بھی بلاک۔

کوٹیک، شیشی کوہ میں بھی بڑی حد تک سیلاب کی تباہ کاری۔ ذرائع۔

27/05/2025

بشارت باشا اور دوسرے مشہور ستاریوں کے نام پیغام:
اسلام علیکم! میرے سینئر ستاری بھائیو،
آپ سب کو پتہ ہے کہ ستار چترال کی ثقافتی میوزک میں سے ایک اہم میوزک ہے۔ ہمارے اکثر چترالی بھائی ستار کو پسند کرتے ہیں اور سیکھنے کی کوشش بھی کرتے ہیں۔

عام طور پر جب کوئی چترالی بھائی پہلی دفعہ ستار خریدتا ہے تو ستار بجانے کے لئے ستار کو پکڑنے کا طریقہ بھی اس کو نہیں آتا، کسی کو بائیں ہاتھ کی انگلیاں پردوں میں چلانے کا طریقہ نہیں آتا، کسی کو دائیں ہاتھ کی انگلیاں چلانے کا طریقہ نہیں آتا، کسی کو ستار کی SAMA کا طریقہ نہیں آتا، کسی کو ستار کے حصوں کے نام نہیں آتا، کسی کو ستار کے تار بدلنے کا طریقہ نہیں آتا۔ کسی کو ستار کی ABC بھی نہیں آتی۔

مختصراً یہ کہ اکثر چترالی بھائی ستار کو پسند تو کرتے ہیں لیکن ستار بجانے کے قوانین سے بالکل ناواقف ہیں۔ ستار سیکھنے کے دوران ہر کسی کو کسی نہ کسی طرح مشکلات کا سامنا کرنا پڑتا ہے۔

ان کی وجہ یہ ہیں کہ ہر کسی کو ایک اچھا استاد دستیاب نہیں ہوتی۔ خاص کر اس ڈیجیٹل دور میں رہتے ہوئے بھی آن لائن پلیٹ فارمز سے ستار سیکھنے کے لئے Youtube اور Facebook میں چترالی ستاریوں کی جانب سے اب تک کوئی ایک ویڈیو بھی اپلوڈ نہیں ہوئی ہے۔

لہذا آپ ایک تجربہ کار ستاری ہونے کی وجہ سے ہم آپ کو مؤدبانہ گزارش کرتے ہیں کہ مہربانی فرماکر اپنے اپنے YouTube Channels میں ستار سیکھنے کا طریقہ Beginner Stage سے لیکر Advance Stage تک؛ مثلاً ستار کے مختلف پارٹس کے نام، ستار کو بجانے کے لئے اس کو پکڑنے کا طریقہ، بائیں ہاتھ کے اُنگلیوں کو پردوں میں رکھنے اور چلانے کا طریقہ، دائیں ہاتھ کے انگلیوں کو چلانے کا طریقہ، ستار کو SAMA کرنے کا طریقہ، کھوار گانوں کے لئے پردوں کو ترتیب دینے کا طریقہ، پشتو گانوں کے لیے پردوں کو ترتیب دینے کا طریقہ، اردو گانوں کے لئے پردوں کو ترتیب دینے کا طریقہ وغیرہ کی بابت ویڈیوز ضرور اپلوڈ کرے۔ تاکہ ہم اور ستار کے شوقین دوسرے چترالی بھائیوں کو آسانی پیدا ہوجائے۔

ہم امید کرتے ہیں کہ اپ "Gior Sitar Chechuse" کے نام سے ایک Play List بنا کر اس میں ستار سیکھانے والی ویڈیوز اپلوڈ کروگے۔ ہم ان کو دیکھ کر ستار سیکھنا شروع کریں گے۔

ہم امید کرتے ہیں کہ ستار سیکھانے والی ویڈیوز اپلوڈ کرنے سے ہمارے اکثر چترالی بھائی ستار میوزک کی دنیا میں ایک اچھے ستاری بن جائیں گے۔

20/04/2025

آج اتوار 20 اپریل مدک لشٹ میں برفباری!

13/04/2025

اگر آپ چاہتے ہیں کہ اتنے مرلے، پاؤ، چکورم یا مربع فٹ والے زمین میں کتنے گھر، کتنے کمرے، کتنے ہال، کتنے اسٹور، کتنے باورچی خانے، کتنے برآمدے یا صحن تعمیر کیے جاسکتے ہیں تو ابھی اس کیلکولیٹر کو اپنے موبائل پر انسٹال کریں۔
========================
(1) سب سے پہلے Play Store سے Openasapp ڈاون لوڈ کریں، جس کا لنک نیچے دیا گیا ہے: 👇

Openasapp Link:
https://play.google.com/store/apps/details?id=net.openasapp.openasapp

(2) پھر نیچے والے لنک پر OK کرکے Openasapp کے ساتھ اوپن کریں۔ یاد رہے کہ پہلی دفعہ اس لنک کو اوپن کرنے کے دوران آپ کے موبائل پر انٹرنیٹ ON ہونا ضروری ہے۔ 👇

Calculator Link:
https://oaa.app.link/launch-app-9318b1b4-f46b-4d07-aa7a-3d7e0f1641a0

(نوٹ) ایک دفعہ Openasapp میں اوپن ہونے کے بعد یہ کیلکولیٹر خودبخود آپ کے Openasapp کے History میں Save ہوجائیگا، جہاں سے آپ اس کو Offline بھی استعمال کرسکتے ہیں۔

01/04/2025

چترال گزشتہ دو دنوں سے کہرا یعنی Haze کی زد میں
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
کل یعنی پیر 31 مارچ کی صبح سے آج 1 اپریل کے دن تک آسمان جو دھندلا نظر آرہا ہے اِس کو (کُہرا / Haze) کہتے ہیں۔

*کُہرا / Haze کیا ہوتا ہے۔*
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
کُہرا، ایک عام فضائی آلودگی کا رجحان، اس وقت بنتا ہے جب چھوٹے ذرات، جیسے دھول، دھواں، اور آلودگی، سورج کی روشنی کو بکھرتے اور جذب کرتے ہیں، مرئیت کو کم کرتے ہیں اور ایک دھندلا، زرد یا نیلے رنگ کا پردہ بناتے ہیں۔

کُہرا (Haze) بنیادی طور پر فضا میں ذرات (Particles) کی موجودگی کی وجہ سے ہوتا ہے۔ یہ ذرات ہوا سے اڑنے والی دھول، آگ سے نکلنے والا دھواں، یا سڑک کی دھول جیسے ذرائع سے براہ راست خارج ہو سکتے ہیں، یا جب گیسوں سے بننے والی آلودگی فضا میں رد عمل ظاہر کرتی ہے تو یہ بن سکتے ہیں۔

*سورج کی روشنی پر اثر*
جب سورج کی روشنی ان ذرات کا سامنا کرتی ہے، تو کچھ روشنی مختلف سمتوں میں بکھر جاتی ہے، اور کچھ ذرات کے ذریعے جذب ہو جاتی ہے۔ روشنی کا یہ بکھرنا اور جذب روشنی کی مقدار کو کم کر دیتا ہے جو دیکھنے والے تک پہنچتی ہے، جس کی وجہ سے مرئیت کم ہو جاتی ہے اور دھندلا سا ظاہر ہوتا ہے۔

*ذرات کی اقسام*
وہ ذرات جو کہرے (Haze) کا سبب بنتے ہیں وہ سائز، شکل اور کیمیائی ساخت میں بہت مختلف ہو سکتے ہیں اور مختلف قدرتی اور انسان ساختہ ذرائع سے آتے ہیں۔

*نمی Humidity کا Haze کی شدت میں اضافہ کرنے کا کردار*
نمی میں اضافے کے ساتھ ہی یہ ذرات اکثر سائز میں بڑھتے ہیں، جو مزید مرئیت کو متاثر کرتے ہیں۔

*شکل / صورت*
کہرا نیلے یا پیلے رنگ کے پردے کے طور پر ظاہر ہوتا ہے اس پر منحصر ہے کہ آیا پس منظر بالترتیب سیاہ ہے یا ہلکا۔

*کُہرے Haze کا صحت پر اثر:*
کہرا بینائی کو خراب کر سکتا ہے اور اگر ضرورت سے زیادہ سانس لیا جائے تو یہ سانس کی صحت کے لیے خطرہ بن سکتا ہے۔

25/03/2025

*شدید بارشوں کی شدت میں مزید اضافے کا امکان!* ⚠️
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
*سرسری جائزہ*
آج منگل 25 مارچ کی رات سے اگلے تین دن کے دوران یعنی جمعہ 28 مارچ کی دوپہر یا شام تک درمیانی سے تیز بارشوں کے مزید وقفے جاری رہینگے۔

بالخصوص کل بدھ 26 مارچ کی رات اور پرسوں جمعرات 27 مارچ کے دن شدید بارش کے وقفے جاری رہینگے۔
🌧️☔ ⛈️🌧️ ☔⛈️

*متوقع بارشیں*
ان تین دنوں کے دوران 60 سے 70 ملی میٹر تک مزید بارشوں کا امکان ہے۔
📏

*متوقع برفباری*
ان تین دنوں کے دوران مدک لشٹ میں ایک فٹ تک برفباری، جبکہ دوسرے پہاڑی علاقوں میں 1 سے 3، 3 سے 5 اور 5 سے 8 انچ تک برفباری کا امکان ظاہر کیا جا رہا ہے۔
🌨️❄️🌨️❄️

*تیز، ہوائیں بھی چلنے کا امکان*
کل بدھ 26 مارچ کی رات اور پرسوں جمعرات 27 مارچ کے دن اکثر علاقوں میں تیز ہوائیں بھی چلنے کا امکان ہے۔
🌬️

24/02/2025

*کچھ حد تک سخت موسمی صورتحال پیدا ہونے کا امکان! ⚠️*
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
آج پیر 24 فروری کی دوپہر سے اگلے ایک ہفتے کے دوران یعنی 3 مارچ کے کی شام یا رات تک چترال کے اکثر علاقوں میں %90 سے %100 کے (Probability) سے تیز بارشیں اور تیز برفباری کا امکان ہے۔

*چترال ٹاؤن کی صورتحال*
چترال ٹاؤن میں اس دوران 60 ملی میٹر تک تیز بارشیں اور 2 سے 4 انچ تک برفباری کا امکان ہے۔

*دروش کی صورتحال*
دروش میں بھی اس دوران 70 ملی میٹر تک تیز بارشیں اور 1 سے 3 انچ تک برفباری کا امکان ہے۔

*مڈک لشٹ کی صورتحال*
مڈک لشٹ میں اس دوران دو فٹ سے ڈھائی فٹ تک برفباری کا امکان ہے۔

*لواری ٹنل کی صورتحال*
اس سلسلے میں لواری ٹنل میں ڈھائی فٹ تک برفباری کا امکان ہے۔

*بمبوریت اور رمبور کی صورتحال*
بمبوریت اور رمبور کے علاقوں میں بھی تقریباً 9 انچ سے ایک فٹ تک برفباری کا امکان ہے۔

*گرم چشمہ کی صورتحال*
گرم چشمہ اور اسے سے ملحقہ علاقوں میں بعض میں 5 سے 8 اور بعض میں 7 انچ سے 10 انچ تک برفباری کا امکان ہے۔ گبور میں تقریباً 9 انچ سے 1 فٹ تک برفباری کا امکان ہے۔

*اَپر چترال کی صورتحال*
اَپر چترال کے علاقوں بونی، مستوج، لاسپور سمیت دوسرے اکثر علاقوں میں بھی اس دوران 50 ملی میٹر تک تیز بارشیں اور 3 سے 5 انچ تک برفباری کے وقفے جاری رہینگے۔ اَپر چترال کے دوسرے دیہی علاقوں یارخون لشٹ، کھوت وغیرہ سمیت بعض میں 5 سے 8 انچ اور بعض میں 8 انچ سے زیادہ برفباری کا امکان ہے۔

*اس سلسلے میں کونسے دنوں میں زیادہ بارشیں اور برفباری کے چانسز موجود ہیں؟*
اس سلسلے میں منگل 25 فروری کے دن، منگل 25 فروری کی رات، بدھ 26 فروری کے دن اور پھر ایک دن کے وقفے کے بعد یعنی جمعرات 27 فروری کی رات اور جمعہ 28 فروری کے دن، اور پھر دو دن کے وقفے کے بعد یعنی اتوار 2 مارچ کی رات اور بدھ 3 مارچ کے دنوں تیز بارشیں اور تیز برفباری کے امکانات موجود ہیں۔

*یہ سلسلہ کب ختم ہوگا اور موسم کب صاف ہونے کا امکان ہے؟*
ان شاءاللہ، یہ سلسلہ پیر 3 مارچ کی شام یا رات کو ختم ہونے اور منگل 4 مارچ سے موسم صاف رہنے کا امکان ہے۔

Address

Opening Hours

Monday	05:00 - 07:30
	17:00 - 21:30
Tuesday	05:00 - 07:30
	17:00 - 21:30
Wednesday	05:00 - 07:30
	17:00 - 21:30
Thursday	05:00 - 07:30
	17:00 - 21:30
Friday	05:00 - 07:30
	12:00 - 21:30
Saturday	05:00 - 07:30
	17:00 - 21:30
Sunday	05:00 - 21:30

Website

facebook.com

Alerts

Be the first to know and let us send you an email when Chitral-Weather posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Chitral-Weather:

Shortcuts

Want your business to be the top-listed Media Company?

Country:

City:

ہمارا مِشن

اس پیج کے ذریعے ہم آپ کو اپر اور لوئر چترال کے موسم کی پیشنگوئی اور موسمیاتی تبدیلیوں مثلاً شدید برفباری اور طوفانی بارشوں سے باخبر رکھیں گے۔ تاکہ آپ بروقت احتیاطی تدابیر اختیار کرسکے۔