27/06/2026
ہَمیت کا، کوس ارمانن کَھشکیرو بوختان اوانی
اُولئے کَھنجان اوانی،اُوسنئے تہ یادان اوانی
تہ قہرو پھور ادرخہ ارمانن اوچھی نوئیتائے
تہ بے رُخیو آنہ روچھیکو پایان اوانی
ظُلمو نیزان پُھورو دیاؤ وختو بدنَصیبان ای بول
شامو یزیدو پروشٹہ عزَّتو سوران اوانی
عقل و شعورو دیہہ انصافو دوکان روپھیتائے
متے وامان نو پرانی مساری وامان اوانی
ہتیتن ہر ورقو لفظاری ووری گیاوتائے
کندوری ہش کتابان لوڑیکو یاران اوانی
جنونو شام تہ دیہوت روشتیو شخران آفسہ
کندوری زندگیو چوکیرو دیوان اوانی
چھوچیہ دُورار یُو نیسی حق لُوان ارزان بیزیمی
شامہ دُوروت بوغاوا ضمیرو سودان اوانی
تو مہ فِکرو پھولوکان پُھناوا خیالو کورے
کِہ تہ احساسو کھولہ کرامیکو باوان آوانی
سیدالابرار سعید
