Ishpata News

18/07/2025

عوامی ایجنڈا۔
!!ٹی ایچ کیو ہسپتال دروش کیلۓ ہنگامی بنیاد پر دو ڈائیلاسز مشینوں کا انتظام !!۔
ڈپٹی کمشنر لوئر چترال راو ہاشم عظیم کی زیر صدارت انتظامی افسران اور محکمہ صحت کے افسران کے ساتھ اجلاس ڈپٹی کمشنر آفس میں منعقد ہوا۔
اجلاس میں ضلعی انتظامیہ کے افسران اورمحکمہ صحت کے افسران نے شرکت کی۔
اجلاس کا مقصد لوئر چترال میں صحت کی سہولیات، خاص طور پر ڈائیلاسز کے شعبے میں بہتری کے لیۓ اقدامات اٹھانا تھا۔ ڈپٹی کمشنر نے شرکاء کو آگاہ کیا کہ ایک مخیر تنظیم سے رابطہ کیا گیا ہے، جس نے چترال میں ڈائیلاسز مشینیں فراہم کرنے پر رضامندی ظاہر کی ہے۔ تنظیم مشینوں کی تنصیب اور عملے کی تربیت کے لیے ایک ماہر کنسلٹنٹ بھی فراہم کرے گی تاکہ ان کا مؤثر استعمال یقینی بنایا جا سکے۔
تفصیلی مشاورت اور عوامی مفاد کو مدنظر رکھتے ہوئے، متفقہ طور پر فیصلہ کیا گیا کہ ان ڈائیلاسز مشینوں کو تحصیل ہیڈکوارٹر ہسپتال (THQ) دروش میں نصب کیا جائے گا۔ اس فیصلے کی بنیادی وجہ یہ ہے کہ THQ دروش دور دراز کے متعدد علاقوں کو صحت کی سہولیات فراہم کرتا ہے، اور اس وقت وہاں ڈائیلاسز کی سہولت موجود نہیں ہے۔
ان مشینوں کی تنصیب سے گردوں کے مریضوں کو پشاور یا دیگر بڑے شہروں تک کے طویل اور مہنگے سفر کی صعوبت سے نجات ملے گی، اور انہیں اپنے گھر کے قریب ہی ضروری طبی امداد میسر آ سکے گی۔ یہ اقدام لوئر چترال کے عوام کے لیے ایک بڑی سہولت اور صحت کے شعبے میں ایک اہم پیش رفت ہے۔

16/07/2025

کھلی کچہری یا بند دروازے کی مشاورت؟

ڈپٹی کمشنر چترال کی جانب سے مبریت وادی میں عوامی مسائل سننے اور حل کرنے کے لیے کھلی کچہری کا انعقاد کیا گیا۔ اس عوامی فورم کا بنیادی مقصد لوگوں کی شکایات براہِ راست سننا اور ان کا فوری ازالہ کرنا تھا۔

حیران کن طور پر کچہری کے دوران کالاش ویلیز ڈویلپمنٹ اتھارٹی (KVDA) پر کوئی عوامی گفتگو نہیں ہوئی، حالانکہ یہ معاملہ حالیہ دنوں میں وادی میں زیر بحث رہا ہے۔ تاہم، بعد ازاں انہی افراد کو بند کمرہ ملاقات میں ڈی سی چترال کے ساتھ دیکھا گیا جو پہلے KVDA کے خلاف اور عوامی مشاورت کے حق میں آواز بلند کر رہے تھے۔

یہی افراد جو بند دروازوں کے فیصلوں پر دوسروں کو تنقید کا نشانہ بناتے رہے، اس بار خود بند دروازے کی مشاورت کو ترجیح دیتے ہوئے خاموشی اختیار کر گئے۔

تو پھر کھلی کچہری میں ہوا کیا؟ عوامی آواز کہاں گئی؟ اور کون سا طبقہ کس مقصد سے سامنے آیا؟

دیکھیں مکمل تفصیلات اور تجزیہ، صرف اشپاتا نیوز پر۔







































#مبریت

#چترال

Open Forum or Closed-Door Deal?The Deputy Commissioner of Chitral recently held a Khuli Kacheri (public forum) in Mumuret Valley to hear and address local gr...

15/07/2025

کے وی ڈی اے نے ممبریت ویلی روڈ کی مرمت کا کام شروع کر دیا
ممبریت (اشپاتا نیوز نمائندہ خصوصی):
کالاش وادی ممبریت میں سڑک کی خستہ حالی کے باعث مقامی افراد کو درپیش مشکلات کو مدنظر رکھتے ہوئے کالاش ویلز ڈیولپمنٹ اتھارٹی (KVDA) نے سڑک کی مرمت کا کام شروع کر دیا ہے۔

ابتدائی مرحلے میں سڑک کی سطح کو ہموار کرنے کے لیے مزید مٹی اور ریت ڈالی جا رہی ہے تاکہ سڑک کو قابلِ استعمال بنایا جا سکے۔ سڑک کے کئی حصوں میں گڑھے اور ناہمواری مقامی افراد، سیاحوں اور گاڑیوں کے لیے خطرناک ثابت ہو رہے تھے۔

کے وی ڈی اے کے ذرائع کے مطابق، یہ مرمتی کام موسم کی بہتری کے ساتھ ساتھ تیزی سے مکمل کیا جائے گا۔ مستقبل قریب میں سڑک کی، نکاسیٔ آب کے نظام کی بہتری، اور دیگر حفاظتی اقدامات بھی کیے جائیں گے۔

مقامی کمیونٹی اور سیاحتی اداروں نے اس اقدام کو خوش آئند قرار دیا ہے اور امید ظاہر کی ہے کہ سڑک کی بہتری سے نہ صرف سفر میں آسانی ہوگی بلکہ سیاحت اور مقامی معیشت کو بھی فروغ ملے گا۔

11/07/2025

کالاش ثقافت کے تحفظ کے لیے بڑا قدم: کالاش وادیوں میں زمین کی خرید و فروخت پر دفعہ 144 نافذ
رپورٹ: اشپاتا نیوز ڈیسک

چترال، 11 جولائی 2025 – کالاش ثقافت کے تحفظ اور غیر مقامی اثرات سے بچاؤ کے لیے ضلعی انتظامیہ لوئر چترال نے ایک اہم قدم اٹھاتے ہوئے بمبوریت، رمبور اور بریر وادی میں غیر مقامی افراد کی جانب سے زمین کی خرید و فروخت پر مکمل پابندی عائد کر دی ہے۔

یہ فیصلہ ڈپٹی کمشنر/ڈسٹرکٹ مجسٹریٹ لوئر چترال، محمد ہاشم عظیم کی جانب سے جاری کردہ حکم نامے کے تحت کیا گیا ہے، جس میں ضابطہ فوجداری کی دفعہ 144 نافذ کرتے ہوئے فوری طور پر زمینوں کی لین دین پر پابندی لگا دی گئی ہے۔ یہ حکم ایک ماہ کے لیے مؤثر رہے گا اور اس کی خلاف ورزی پر پاکستان پینل کوڈ کی دفعہ 188 کے تحت قانونی کارروائی عمل میں لائی جائے گی۔

حکام کے مطابق، یہ اقدام خیبرپختونخوا حکومت کی کالاش ثقافت کو تحفظ فراہم کرنے کی پالیسی کا حصہ ہے، جس کا مقصد علاقے کی منفرد تہذیب، رہن سہن، اور مذہبی شناخت کو برقرار رکھنا ہے۔ کالاش وادیوں میں غیر مقامی افراد کی جانب سے زمین کی مسلسل خریداری نہ صرف ثقافتی خطرات پیدا کر رہی تھی بلکہ اس سے مقامی کمیونٹی کے سماجی ڈھانچے پر بھی منفی اثرات مرتب ہو رہے تھے۔

اشپاتا نیوز سے گفتگو کرتے ہوئے مقامی عمائدین اور ثقافتی رہنماؤں نے اس اقدام کا خیرمقدم کیا اور ضلعی انتظامیہ کے فیصلے کو تاریخی قرار دیا۔ اُن کا کہنا تھا کہ اگر ایسے فیصلے مستقل بنیادوں پر نافذ کیے جائیں تو نہ صرف کالاش تہذیب کو تحفظ ملے گا بلکہ وادیوں میں پائیدار سیاحت کا بھی فروغ ممکن ہوگا۔

اشپاتا نیوز اس بروقت اور دور اندیش فیصلے کو سراہتی ہے اور توقع رکھتی ہے کہ کالاش وادیوں کی منفرد شناخت کو محفوظ رکھنے کے لیے ایسے مزید اقدامات کیے جائیں گے۔

11/07/2025

خیبرپختونخوا میں غیر ملکی سیاحوں کے لیے آن لائن این او سی سسٹم متعارف
رپورٹ: اشپاتا نیوز ڈیسک

پشاور – خیبرپختونخوا میں غیر ملکی سیاحوں کی سہولت اور رجسٹریشن کے عمل کو آسان بنانے کے لیے محکمہ سیاحت نے جدید اور انقلابی قدم اٹھاتے ہوئے آن لائن این او سی (نوم آبجیکشن سرٹیفکیٹ) سسٹم متعارف کرا دیا۔

یہ اقدام وزیراعلٰی خیبرپختونخوا علی امین گنڈاپور اور مشیر سیاحت زاہد چن زیب کی ہدایات پر عمل میں لایا گیا ہے۔ سیکرٹری سیاحت، ثقافت، آثار قدیمہ اور عجائب گھر ڈاکٹر عبدالصمد کے مطابق، خیبرپختونخوا کلچر اینڈ ٹورازم اتھارٹی نے بین الاقوامی سیاحوں کے لیے ڈیجیٹل پورٹل کے ذریعے رجسٹریشن اور این او سی کے حصول کا عمل شروع کر دیا ہے۔

ڈاکٹر عبدالصمد کا کہنا تھا کہ یہ ڈیجیٹل پلیٹ فارم سیاحوں کے لیے سہولت کا باعث ہوگا اور انہیں خیبرپختونخوا کے حسین اور دلکش علاقوں تک رسائی بلا رکاوٹ حاصل ہوگی۔ یہ نظام نہ صرف عمل کو تیز اور شفاف بنائے گا بلکہ متعلقہ سیکیورٹی اداروں سے مؤثر روابط کو بھی یقینی بنائے گا۔

آن لائن پورٹل کے ذریعے سیاح اپنے پاسپورٹ، ویزہ اور سفری پروگرام کی تفصیلات اپ لوڈ کر کے این او سی کے لیے براہ راست درخواست دے سکتے ہیں۔ ساتھ ہی وہ اپنی درخواست کی حیثیت بھی چیک کر سکتے ہیں۔ یہ سہولت جلد ہی غیر ملکی کوہ پیماوں اور ٹریکرز کے لیے بھی دستیاب ہوگی۔

سیکرٹری سیاحت نے مزید بتایا کہ اس پورٹل پر منظور شدہ گائیڈ فرمز، ٹرانسپورٹرز اور سہولت فراہم کرنے والوں کی فہرست بھی شامل کی جا رہی ہے تاکہ سیاحوں کو مصدقہ سروسز فراہم ہوں اور وہ اعتماد کے ساتھ اپنا سفر مکمل کر سکیں۔

یہ نظام خصوصی طور پر چترال، دیر بالا، سوات اور دیگر شمالی علاقوں کے لیے این او سی کے حصول کے عمل کو آسان بنانے کے لیے تیار کیا گیا ہے، جہاں سیکورٹی وجوہات کی بنا پر اجازت نامے درکار ہوتے ہیں۔

محکمہ سیاحت کے مطابق، یہ اقدام سیاحت کے شعبے میں ڈیجیٹل تبدیلی، آسان رسائی، اور محفوظ سفر کے فروغ کے لیے سنگ میل ثابت ہوگا۔ سیاح اس پورٹل کی ایپ گوگل پلے اسٹور یا کے پی ٹورازم کی سرکاری ویب سائٹ سے ڈاؤن لوڈ کر سکتے ہیں۔

اشپاتا نیوز خیبرپختونخوا حکومت کے اس جدید اقدام کا خیرمقدم کرتی ہے اور توقع رکھتی ہے کہ یہ سسٹم نہ صرف سیاحت کو فروغ دے گا بلکہ بین الاقوامی سطح پر خیبرپختونخوا کی مثبت تصویر کو اجاگر کرے گا۔

10/07/2025

لیکچرار گورنمنٹ ڈگری کالج چترال
مفتی عتیق الرحمٰن صاحب نے گریڈ 17 سے گریڈ 18 میں پروموشن حاصل کر کے اسسٹنٹ پروفیسر (شعبہ اسلامیات) کے عہدے پر ترقی حاصل کی ہے۔

یہ ترقی نہ صرف ان کی علمی صلاحیت، اخلاص اور محنت کا ثمر ہے بلکہ چترال کے علمی حلقوں کے لیے باعثِ فخر اور حوصلہ افزائی ہے۔

ہم دل کی گہرائیوں سے مفتی صاحب کو مبارکباد پیش کرتے ہیں اور ان کی مزید کامیابیوں کے لیے دعاگو ہیں۔ 🌸📚

06/07/2025

چترال ، پولوگرائونڈ کے مقام پر ڈسٹرکٹ انتظامیہ کی تجاوزات کی وجہ سے عوام پریشان ۔۔عوامی نالے کی صفائی میں مشکلات کا سامنا ہے ۔ دیکھئے تفصیلی پروگرام ۔

پروگرام میزبان : رشید دلاعظم

04/07/2025

چترال میں گرمی کی شدت میں اضافے سے اونچے درجے کا سیلاب ۔۔۔ وادی آیون سے ایز لائیو رپورٹ

30/06/2025

اشپاتا نیوز خصوصی رپورٹ
چیف سیکرٹری کا بڑا اقدام: دریاؤں کے قریب غیرقانونی عمارات گرانے کا حکم جاری

پشاور (اشپاتا نیوز) — چیف سیکرٹری خیبر پختونخوا کی جانب سے ایک اہم اور سخت گیر نوٹیفیکیشن جاری کیا گیا ہے، جس میں حکم دیا گیا ہے کہ دریاؤں، ندی نالوں اور برساتی پانی کے قدرتی راستوں میں تعمیر کی گئی ہر غیرقانونی عمارت کو فوری طور پر مسمار کیا جائے۔

یہ فیصلہ حالیہ مون سون بارشوں کے پیشِ نظر کیا گیا ہے، جہاں قدرتی پانی کی راہوں میں رکاوٹ بننے والی عمارتوں کی وجہ سے شدید نقصانات دیکھنے میں آئے ہیں۔ چیف سیکرٹری نے تمام ڈپٹی کمشنرز، ضلعی انتظامیہ اور متعلقہ محکموں کو ہدایت کی ہے کہ وہ بلا تفریق کارروائی کرتے ہوئے ایسی تمام تجاوزات اور تعمیرات کو فوری طور پر گرائیں۔

نوٹیفیکیشن میں کہا گیا ہے کہ ایسے تمام افراد جو دریا یا نالے کے قریب زمین پر قبضہ کرکے تعمیرات کر رہے ہیں، وہ نہ صرف ماحول بلکہ انسانی زندگیوں کے لیے بھی خطرہ بن چکے ہیں۔ حکومت کسی صورت ایسے اقدامات کو برداشت نہیں کرے گی۔

ذرائع کے مطابق، ابتدائی طور پر صوبے کے سیلاب سے متاثرہ اضلاع میں سروے شروع کر دیا گیا ہے اور جلد کارروائیاں شروع ہوں گی۔ چیف سیکرٹری نے یہ بھی واضح کیا ہے کہ اگر کوئی سرکاری اہلکار یا ادارہ اس نوٹیفیکیشن پر عملدرآمد میں کوتاہی برتے گا، تو اس کے خلاف بھی سخت تادیبی کارروائی کی جائے گی۔

عوام سے بھی اپیل کی گئی ہے کہ وہ قدرتی ماحولیاتی راستوں کی حفاظت کو یقینی بنائیں اور غیر قانونی تعمیرات کی اطلاع فوری طور پر ضلعی انتظامیہ کو دیں۔

27/06/2025

اسلام آباد:
سپریم کورٹ نے مخصوص نشستوں سے متعلق اہم فیصلہ سنا دیا، مسلم لیگ (ن) کی رہنما غزالہ انجم چترال کی مخصوص نشست پر دوبارہ قومی اسمبلی کی رکن بن گئیں۔

27/06/2025

خواتین کی تعلیم، ترقی اور کردار سازی کے لیے ایک محفوظ اور باعزت ماحول کی فراہمی ہماری اجتماعی ذمہ داری ہے۔ چترال میں موجود خواتین کے ہاسٹلز اگر کسی وجہ سے مرد حضرات کے زیر انتظام ہوں، تو ان کی نگرانی کے نظام کو نہایت سخت، شفاف اور مؤثر ہونا چاہیے تاکہ خواتین کی عزت نفس، رازداری اور تحفظ پر کوئی آنچ نہ آئے۔

ہم اس بات پر زور دیتے ہیں کہ ایسی جگہیں جہاں ہماری بہنیں اور بیٹیاں رہائش پذیر ہوں، وہاں اعتماد اور حفاظت کا ماحول پہلی ترجیح ہونی چاہیے۔ انتظامیہ کو چاہیے کہ وہ ہر پہلو سے ایسے اقدامات کرے جو خواتین کو ذہنی سکون اور اخلاقی تحفظ فراہم کریں۔

اسلامی جمعیت طلبہ چترال یہ واضح کرنا چاہتی ہے کہ ہم ہر اس عمل کی حمایت کرتے ہیں جو خواتین کے احترام اور ان کے بنیادی حقوق کی حفاظت کو یقینی بنائے، اور ہر اس رویے کے خلاف ہیں جو ان کے وقار کو مجروح کرے۔

عمار بن اسد
ناظم اسلامی جمعیت طلبہ چترال

27/06/2025

سوات ۔۔

سوات دریا اپڈیٹ
ریسکیو 1122 کے جاری ابتدائی رپورٹ کے مطابق فضا گھٹ بائی پاس کے وریب 18 افراد دریا برد جن میں پانچ افراد کی لاشیں نکال لی گئی امام ڈھیرئی میں پھنسے 22 افراد کو بحفاظت ریسکیو کیا گیا مانیار کے علاقے میں بھی 7 افراد کو ریسکیو کر لیا گیا پنجے گرام سے بھی ایک شخص کو بحفاظت نکال لیا گیا جبکہ برہ باماخیلہ مٹہ سے دریائے سوات میں پھنسے 20 مقامی افراد کو نکال لیا گیا ریسکیو 1122کا اپریشن جاری ہے

ممبر قومی اسمبلی سلیم رحمان کے پرسنل سیکرٹری خلیل احمد اور سٹی میئر شاہد علی خان مینگورہ بائی پاس سے 17 سیاحوں کی دریائے سوات میں ڈوبنے کے اطلاع کے بعد فوری طور پر جائے وقوعہ پہنچ گئے ریسکیو حکام سمیت ٹی ایم اے اسٹاف کو ایمرجنسی بنیادوں پر ریسکیو آپریشن شروع کرنے کی ہدایت کی سیاحوں میں 4 افراد کو ریسکیو کر لیا گیا جبکہ باقی کی تلاش جاری ہے۔ ممبر قومی اسمبلی سلیم رحمان کے پرسنل سیکرٹری خلیل احمد اور سٹی میئر شاہد علی خان خود ریسکیو آپریشن کی نگرانی کر رہے ہیں ۔ واقعہ حجرہ ریسٹورنٹ بائی پاس کے قریب پیش آیا جب 17 سیاح دریا کے کنارے موجود تھے اور اچانک دریا میں سیلابی ریلے نے ان سب کو ڈبو دیا۔ ممبر قومی اسمبلی سلیم رحمان کے پرسنل سیکرٹری خلیل احمد اور میئر شاہد علی خان کو اطلاع ملتے ہی فوری طور پر ساری مصروفیات چھوڑ کر جائے وقوعہ پہنچے اور ٹی ایم اے عملہ سمیت ریسکیو حکام کو فوری طلب کیا اس موقع پر سٹی میئر شاہد علی خان نے مقامی اور غیر مقامی سیاحوں کو پیغام دیا کہ مون سون کے بارشوں کے دوران دریائے سوات سے دور رہیں ۔