JUI District Lower Chitral

JUI District Lower Chitral Contact information, map and directions, contact form, opening hours, services, ratings, photos, videos and announcements from JUI District Lower Chitral, Media, Chitral.

شہید اسلام شیخ محمد ادریس شہید کانفرنس 18 جون بروز جمعرات، فاروق اعظم چوک چارسدہ میں منعقد ہوگا.
14/06/2026

شہید اسلام شیخ محمد ادریس شہید کانفرنس 18 جون بروز جمعرات، فاروق اعظم چوک چارسدہ میں منعقد ہوگا.

مذمتی بیان: جمعت علماء اسلام لوئر چترالجمعت علماء اسلام لوئر چترال جشن شندور کے نام پر اپر چترال کے مقام شندور پر پیش آن...
14/06/2026

مذمتی بیان: جمعت علماء اسلام لوئر چترال

جمعت علماء اسلام لوئر چترال جشن شندور کے نام پر اپر چترال کے مقام شندور پر پیش آنے والے افسوسناک واقعے کی شدید مذمت کرتی ہے۔

حالیہ جشن شندور کی تقریبات کے دوران چترال کے مختلف علاقوں سے ایک منظم منصوبے کے تحت خواتین اور سکول کی جوان بچیوں کو سرِعام ناچ گانوں میں شامل کیا گیا۔

جمعت علماء اسلام کا موقف واضح ہے کہ اسلام اور شریعت کسی صورت خواتین کی بے پردگی اور سرِعام ناچ گانے کی اجازت نہیں دیتے۔ چترال کی باعزت، غیرتمند اور اسلامی روایات بھی ہمیشہ خواتین کے پردے اور عزت کی محافظ رہی ہیں۔ یہاں کی ثقافت حیاداری کی ثقافت ہے، بے حیائی کی نہیں۔

یہ عمل چترال کی روایات، اسلامی اقدار اور ہماری غیرت مند قوم کے مزاج کے سراسر منافی ہے۔ کلچر یا جشن کے نام پر ہماری ماؤں، بہنوں اور بیٹیوں کو بے پردہ کرنا ہرگز قابلِ قبول نہیں۔

جمعت علماء اسلام لوئر چترال ضلعی انتظامیہ اپر چترال اور لوئر چترال کو اس واقعے کا ذمہ دار سمجھتی ہے کیونکہ انتظامیہ کی اجازت اور سکیورٹی کے بغیر ایسا ممکن نہیں۔

ہم مطالبہ کرتے ہیں کہ:
1. اس واقعے کی فوری اور شفاف تحقیقات کی جائیں تاکہ ملوث عناصر اور غفلت برتنے والے افسران کا تعین ہو۔
2. ہم کلاش کمیونٹی کے ذمہ داران کو متنبہ کرتے ہیں کہ وہ اسلام اور چترال کی روایات کا احترام کریں۔ اپنی خواتین کو کلچر یا جشن کے نام پر اسلامی اقدار کے خلاف کسی بھی ایونٹ کا حصہ نہ بننے دیں۔ چترال کی عزت ہم سب کی مشترکہ ذمہ داری ہے۔
3. ڈپٹی کمشنر اپر چترال اور ڈپٹی کمشنر لوئر چترال چترال کی باعزت قوم سے بلا تاخیر معافی مانگیں۔

اگر انتظامیہ نے اپنا فرض ادا نہ کیا اور چترال کی اسلامی و روایتی اقدار کے تحفظ کے لیے عملی اقدامات نہ کیے تو جمعت علماء اسلام لوئر چترال خاموش نہیں رہے گی اور اس کا شدید ردِعمل دے گی۔

چترال کی عزت، ہماری بیٹیوں کا پردہ اور ہماری اسلامی شناخت پر کوئی سمجھوتہ نہیں ہو گا۔

جمعیت علمائے اسلام لوئر چترال کی ضلعی قیادت کا لٹکوہ و گرم چشمہ کا کامیاب تنظیمی دورہجمعیت علمائے اسلام لوئر چترال کی ضل...
12/06/2026

جمعیت علمائے اسلام لوئر چترال کی ضلعی قیادت کا لٹکوہ و گرم چشمہ کا کامیاب تنظیمی دورہ

جمعیت علمائے اسلام لوئر چترال کی ضلعی قیادت نے سب تحصیل لٹکوہ اور گرم چشمہ کا اہم تنظیمی دورہ کیا۔ اس دورے کا بنیادی مقصد 18 جون کو منعقد ہونے والی شہید شیخ محمد ادریس کانفرنس کے سلسلے میں کارکنان اور ذمہ داران سے رابطہ، مشاورت اور تیاریوں کا جائزہ لینا تھا۔

اس موقع پر ضلعی امیر مولانا عبد الرحمن نے تحصیل لٹکوہ کی کابینہ، علماء کرام، کارکنان اور مختلف جماعتی ذمہ داران سے خطاب کرتے ہوئے شہید شیخ محمد ادریس کی دینی، علمی اور سیاسی خدمات کو خراجِ تحسین پیش کیا۔ انہوں نے کانفرنس کی کامیابی اور بھرپور شرکت کے حوالے سے ضروری ہدایات جاری کرتے ہوئے کہا کہ موجودہ ضلعی قیادت جماعت کے اندر اتحاد، اتفاق اور باہمی اعتماد کو مزید مضبوط بنانے کے لیے تمام کارکنان کو ساتھ لے کر آگے بڑھے گی۔

ضلعی نائب امیر قاری جمال عبد الناصر نے جماعتی نظم و ضبط، اخلاص اور نچلی سطح تک تنظیم کو فعال بنانے میں کارکنان کے کردار پر تفصیلی اور مدلل گفتگو کی، جبکہ ضلعی جنرل سیکرٹری حاجی عبد المجید نے تحصیل ذمہ داران سے کارکردگی رپورٹس وصول کیں اور بہتر خدمات انجام دینے والے ذمہ داران کی کاوشوں کو سراہا۔

تحصیل امیر مولانا رحمت حسین اور تحصیل جنرل سیکرٹری مولانا گل الزماں نے بھی اپنے خیالات کا اظہار کرتے ہوئے ضلعی قیادت کو تنظیمی سرگرمیوں، کارکنان کی وابستگی اور کانفرنس کی تیاریوں کے حوالے سے آگاہ کیا اور شہید شیخ محمد ادریس کانفرنس کی کامیابی کے لیے بھرپور تعاون کی یقین دہانی کرائی۔

اجلاس سے ضلعی سیکرٹری اطلاعات نصرت الٰہی، ڈپٹی سیکرٹری میجر (ر) عبد الصمد اور ضلعی سالار مفتی ضمیر نے بھی اپنے اپنے شعبہ جات سے متعلق اظہارِ خیال کیا۔

اس موقع پر معروف عالمِ دین مولانا محمد شفیع چترالی اور امیرِ تحصیل دروش مولانا انعام الحق خصوصی طور پر اجلاس میں شریک ہوئے۔

یہ دورہ لوئر چترال کی تمام تحصیلوں کے تنظیمی شیڈول کے تحت ہونے والے دوروں کا اختتامی مرحلہ تھا، جو ہر لحاظ سے نہایت کامیاب رہا۔ اس دورے کی ایک خاص اہمیت یہ بھی تھی کہ موجودہ ضلعی قیادت کا یہ علاقے کا پہلا باضابطہ دورہ تھا، جس کا کارکنان نے بھرپور اور پرتپاک استقبال کیا۔

کارکنان اور ذمہ داران نے جماعت کے ساتھ مکمل تعاون، تنظیمی احکامات کی پابندی اور شہید شیخ محمد ادریس کانفرنس کو کامیاب بنانے کے عزم کا اعادہ کرتے ہوئے قیادت کو یقین دلایا کہ جماعتی مشن کی تکمیل کے لیے ہر ممکن کردار ادا کیا جائے گا۔

جمعیت علماء اسلام تحصیل لوئر چترال کے اراکین کابینہ اور وی سیز کے ذمہ داران کا مشترکہ اجلاس، امیر جمعیت علماء اسلام لوئر...
10/06/2026

جمعیت علماء اسلام تحصیل لوئر چترال کے اراکین کابینہ اور وی سیز کے ذمہ داران کا مشترکہ اجلاس، امیر جمعیت علماء اسلام لوئر چترال مولانا عبدالرحمن کی صدارت میں منعقد ہوا۔

​اجلاس کا آغاز تلاوتِ کلامِ پاک سے کیا گیا۔

​اجلاس کا ایجنڈا ضلعی جنرل سیکرٹری حاجی عبدالمجید نے پیش کیا۔

​اس کے بعد تحصیل اور وی سیز کے ذمہ داران سے تنظیمی سرگرمیوں اور مختلف شعبہ جات کے حوالے سے کارگزاری رپورٹ سنی گئی۔

​اجلاس میں "شیخ الحدیث مولانا محمد ادریس شہید کانفرنس چارسدہ" کی تیاریوں کے حوالے سے مشاورت ہوئی اور کانفرنس میں بھرپور طریقے سے شرکت کا فیصلہ کیا گیا۔

​اجلاس میں کانفرنس کی کامیابی کے لیے دیگر امور کے ساتھ ساتھ خصوصی دعاؤں اور روزوں کا اہتمام کرنے کا بھی فیصلہ ہوا۔

​اجلاس سے خطاب کرتے ہوئے ضلعی امیر مولانا عبدالرحمن نے کہا کہ "دستور کی پیروی اور باہمی اتفاق و اتحاد ہی ہماری اصل طاقت ہے۔ اگر ہم اپنی جماعت کو دوسرے اضلاع کے لیے بھی ایک رول ماڈل اور نمونہ بنانا چاہتے ہیں، تو ہمیں دستور کو مضبوطی سے تھامنا ہوگا اور اتحاد و اتفاق کے ساتھ مل کر آگے بڑھنا ہوگا"۔

​اجلاس میں ضلعی مجلسِ عاملہ کے اراکین، تحصیل اور وی سیز کے ذمہ داران نے بڑی تعداد میں شرکت کی۔

جاری کردہ: شعبہ اطلاعات و ڈیجیٹل میڈیا ٹیم جمعیت علماء اسلام لوئر چترال

جمعیت علماء اسلام تحصیل دروش اور سب تحصیل ارندو کے ذمہ داران کا مشترکہ اجلاس ضلعی امیر مولانا عبد الرحمن کی صدارت میں من...
09/06/2026

جمعیت علماء اسلام تحصیل دروش اور سب تحصیل ارندو کے ذمہ داران کا مشترکہ اجلاس ضلعی امیر مولانا عبد الرحمن کی صدارت میں منعقد ہوا۔

​اجلاس کا آغاز تلاوتِ کلامِ پاک سے کیا گیا۔

​اجلاس کا ایجنڈا ضلعی جنرل سیکرٹری حاجی عبد المجید نے پیش کیا۔

​اجلاس سے خطاب کرتے ہوئے ضلعی امیر مولانا عبد الرحمن نے اتفاق و اتحاد اور جماعت کی بہتری کے لیے مل کر جدوجہد کرنے پر زور دیا۔

​اجلاس میں 18 جون 2026 کو چارسدہ میں منعقد ہونے والی "شیخ ادریس شہید کانفرنس" کی تیاریوں کے حوالے سے مشاورت ہوئی اور فیصلہ کیا گیا کہ کانفرنس میں بھرپور طریقے سے شرکت کی جائے گی۔

​اجلاس میں تحصیل جماعت کے مختلف شعبہ جات کے ذمہ داران سے کارکردگی رپورٹ سنی گئی۔

​اجلاس میں اس عزم کا اظہار کیا گیا کہ جماعت کو فعال و منظم کرنے کے لیے باہمی تعاون سے کام کیا جائے گا۔

​اجلاس کے آخر میں قاری مبارک کے ماموں، مولانا تاج الدین کی والدہ ماجدہ اور دیگر مرحومین کے ایصالِ ثواب کے لیے دعائے مغفرت کا اہتمام کیا گیا۔

​اجلاس میں نائب امیر قاری جمال عبد الناصر، مولانا بشیر اکبر، ڈپٹی جنرل سیکرٹری ارباب مسیح الملک، مولانا سیف اللہ، قاضی راشد اعظم، ضلعی سالار مفتی ضمیر احمد اور ڈیجیٹل میڈیا کوآرڈینیٹر احسان اللہ بیگ شامل تھے۔

جاری کردہ: شعبہ اطلاعات و ڈیجیٹل میڈیا ٹیم جمعیت علماء اسلام لوئر چترال

اعلامیہجمعیت علماء اسلام لوئر چترالالحمدللہ ملاکنڈ ڈویژن کے اضلاع کا مشترکہ اجلاس بخیر و عافیت منعقد ہوا۔ اجلاس میں تمام...
03/06/2026

اعلامیہ

جمعیت علماء اسلام لوئر چترال

الحمدللہ ملاکنڈ ڈویژن کے اضلاع کا مشترکہ اجلاس بخیر و عافیت منعقد ہوا۔ اجلاس میں تمام اضلاع کی قیادت نے بھرپور شرکت کی۔ صوبائی قیادت نے تمام اضلاع کو خراجِ تحسین پیش کیا اور خصوصی طور پر لوئر چترال کی بھرپور شرکت کو سراہتے ہوئے ان کی حوصلہ افزائی کی اور ان کے جذبے و نظم و ضبط کو قابلِ ستائش قرار دیا۔

صوبائی قیادت نے اجلاس میں ہدایت کی کہ 18 جون کو چارسدہ میں منعقد ہونے والی شیخ ادریس کانفرنس کی کامیابی کے لیے تمام اضلاع اپنی مکمل صلاحیتیں بروئے کار لائیں اور کارکنان کی بھرپور شرکت کو یقینی بنایا جائے۔ اس کے ساتھ کانفرنس کی کامیابی کے لیے خصوصی دعاؤں کے اہتمام کی بھی تاکید کی گئی۔

صوبائی قیادت کے احکامات کی روشنی میں جمعیت علماء اسلام لوئر چترال کی ضلعی قیادت نے فوری لائحہ عمل طے کرتے ہوئے کابینہ اجلاس منعقد کر کے متفقہ فیصلہ کیا کہ کانفرنس کی کامیابی کے لیے ہر ممکن کوشش کی جائے گی اور صوبائی قیادت کی ہدایات پر مکمل عمل درآمد یقینی بنایا جائے گا۔

اس سلسلے میں 9 جون کو دروش میں تحصیل دروش اور ارندو کا مشترکہ اجلاس منعقد ہوگا جس میں تحصیل، یونین کونسل اور ویلج کونسل سطح کے تمام ذمہ داران شریک ہوں گے۔

10 جون کو تحصیل چترال کی کابینہ، وی سی امراء اور نظماء کے ساتھ مشاورتی اجلاس منعقد ہوگا۔

12 جون کو گرم چشمہ میں کارکنان اور ذمہ داران کی مشاورتی میٹنگ منعقد کی جائے گی۔

اس اجلاس میں امیر جمعیت علماء اسلام لوئر چترال کے علاوہ، جنرل سیکرٹری حاجی عبد المجید، ڈپٹی سیکرٹری میجر عبد الصمد، سیکرٹری اطلاعات پرنسپل نصرت الہی، سیکرٹری مالیات مولانا فیض محمد فیضی، ڈپٹی سیکرٹری مولانا سیف اللہ، ڈپٹی سیکرٹری قاضی راشد اعظم، ضلعی سالار مفتی ضمیر احمد اور دیگر شریک تھے ۔

جمعیت علماء اسلام لوئر چترال کے تمام کارکنان، ذمہ داران، ہمدردوں اور چاہنے والوں سے اپیل کی جاتی ہے کہ 18 جون کی شیخ ادریس کانفرنس چارسدہ کی کامیابی کے لیے بھرپور کردار ادا کریں، زیادہ سے زیادہ شرکت کو یقینی بنائیں اور خصوصی دعاؤں کا اہتمام کریں۔

ان شاء اللہ 18 جون کا عظیم الشان اجتماع جمعیت کی قوت، وحدت اور عوامی اعتماد کا مظہر ثابت ہوگا۔

جاری کردہ: شعبہ اطلاعات و ڈیجیٹل میڈیا ٹیم جمعیت علماء اسلام لوئر چترال

بٹ خیلہ: جمعیت علماء اسلام لوئر چترال کے امیر مولانا عبد الرحمن، "شیخ ادریس شہید کانفرنس چارسدہ" کی تیاریوں کے حوالے سے ...
02/06/2026

بٹ خیلہ: جمعیت علماء اسلام لوئر چترال کے امیر مولانا عبد الرحمن، "شیخ ادریس شہید کانفرنس چارسدہ" کی تیاریوں کے حوالے سے بٹ خیلہ میں منعقدہ مالاکنڈ ڈویژن کے تمام اضلاع کے مشترکہ اجلاس سے خطاب کر رہے ہیں.

جمعیت علماء اسلام لوئر چترال کے اراکین کابینہ ضلعی امیر مولانا عبد الرحمن کی قیادت میں مالاکنڈ ڈویژن کے اضلاع کے مشترکہ ...
02/06/2026

جمعیت علماء اسلام لوئر چترال کے اراکین کابینہ ضلعی امیر مولانا عبد الرحمن کی قیادت میں مالاکنڈ ڈویژن کے اضلاع کے مشترکہ اجلاس میں شرکت کے لیے چترال سے روانہ.

وفد میں امیر جمعیت علماء اسلام اپر چترال مولانا محمد یوسف ، تحصیل امیر دروش مولانا انعام الحق، جنرل سیکرٹری ارندو شیر زمین خان و دیگر اراکین بھی شریک ہیں.

Address

Chitral

Website

Alerts

Be the first to know and let us send you an email when JUI District Lower Chitral posts news and promotions. Your email address will not be used for any other purpose, and you can unsubscribe at any time.

Shortcuts

Share

Category