JUI District Lower Chitral

27/07/2025

جے یو آئی لوئر چترال کے تحصیل امراء و نظماء کا مشترکہ اجلاس، آئندہ کے لائحہ عمل اور تنظیمی سرگرمیوں پر مشاورت!

چترال (پریس ریلیز ) آج جمعیت علماء اسلام لوئر چترال کے ضلعی امیر مولانا عبد الشکور صاحب کی زیر صدارت تحصیل امراء اور نظماء کا ایک اہم اجلاس جامعہ اسلامیہ ریحانکوٹ چترال میں منعقد ہوا۔ اجلاس میں تمام تحصیل جماعتوں نے اپنے علاقوں میں جماعت کی کارکردگی رپورٹ پیش کی۔
اجلاس میں ضلعی جماعت کی جانب سے آئندہ کے لائحہ عمل سے آگاہ کیا گیا، جن میں درج ذیل امور شامل تھے:
1-مجلس شوری اجلاس کی تیاری
2- ڈسٹرکٹ ہیڈکوارٹر میں دفتر کے قیام کا فیصلہ
3-ضلعی تربیتی کنونشن کے انعقاد پر غور
4- 20 اگست کے بعد نظماء اطلاعات اور ڈیجیٹل میڈیا ٹیم، نظماء مالیات اور تمام سالاروں کا علیحدہ علیحدہ اجلاس منعقد کرنے کا فیصلہ۔
اجلاس کے شرکاء نے اپنی تجاویز اور آراء پیش کرتے ہوئے ضلعی جماعت کے ساتھ مکمل اعتماد اور تعاون کا اظہار کیا اور آئندہ ہر محاذ پر شانہ بشانہ ساتھ دینے کے عزم کا اعادہ کیا۔
اجلاس میں صوبائی حکومت کی جانب سے چترال کے پولو گراؤنڈز کی مرمت کے لیے جاری کردہ فنڈ کو سراہتے ہوئے مطالبہ کیا گیا کہ کھیلوں کے ساتھ ساتھ محکمہ صحت کی بہتری کے لیے بھی ہنگامی بنیادوں پر فنڈز ریلیز کیے جائیں۔

جاری کردہ:شعبہ اطلاعات و ڈیجیٹل میڈیا ٹیم جے یو آئی لوئر چترال

24/07/2025

جمعیت علماء اسلام لوئر چترال کے وفد کا ڈی ایچ کیو ہسپتال لوئر چترال کا دورہ

امیر جمعیت علماء اسلام لوئر چترال مولانا عبد الشکور صاحب کی قیادت میں ایک وفد نے DHQ ہسپتال لوئر چترال کے ڈی ایم ایس ڈاکٹر اسرار الدین صاحب سے ان کے آفس میں ملاقات کی۔ وفد نے ڈی ایم ایس صاحب کو مریضوں کو درپیش مسائل سے آگاہ کیا جن میں سے چند درج ذیل ہیں:

1- سرجیکل ڈاکٹروں کے او پی ڈی اور او ٹی:
وفد نے اس حوالے سے ڈی ایم ایس صاحب سے مطالبہ کیا کہ سرجیکل ڈاکٹروں کے او پی ڈی کے ایام میں اضافہ کیا جائے۔

2- میڈیکل اسپیشلسٹس کے او پی ڈی:
چونکہ اس میں مریضوں کا رش بھی زیادہ ہوتا ہے اور ڈاکٹرز اپنے راؤنڈر مکمل کر کے پہنچنے کے بعد ٹائم بہت کم رہ جاتا ہے، اس لیے جمعیت علماء اسلام لوئر چترال کے وفد نے مطالبہ کیا کہ میڈیکل اسپیشلسٹس کے او پی ڈی میں ایک ڈاکٹر مستقل بنیادوں پر مقرر کیا جائے تاکہ مریضوں کو آسانی ہو۔

3- ای این ٹی ڈاکٹروں کے او پی ڈی اور او ٹی:
چونکہ ای این ٹی ڈاکٹروں کا او پی ڈی ہفتے میں دو دن ہوتا ہے جس سے دور دراز سے آئے مریضوں کو کافی مشکلات کا سامنا کرنا پڑتا ہے، اس وجہ سے وفد نے مطالبہ کیا کہ ای این ٹی کے ایامِ او پی ڈی میں بھی اضافہ کیا جائے۔

ڈی ایم ایس ڈاکٹر اسرار الدین صاحب نے جمعیت علماء اسلام لوئر چترال کے وفد کے تمام مطالبات سننے کے بعد یقین دہانی کرائی کہ:
سرجیکل اور ای این ٹی ڈاکٹروں کا او پی ڈی ہفتے میں دو دن کے بجائے تین دن کیا جائے گا۔
اور میڈیکل اسپیشلسٹس کے او پی ڈی میں ہر روز فرسٹ ٹائم میں ایک ڈاکٹر مستقبل بنیادوں پر مریضوں کا معائنہ کرے گا۔

اس کے علاوہ اسپیشلسٹس، میڈیکل ڈاکٹروں، نرسز اور پیرا میڈکس کی کمی کی وجہ سے عوام کو درپیش مسائل بھی زیر بحث آئے، جس کے حوالے سے جمعیت علماء اسلام لوئر چترال صوبائی حکومت سے مطالبہ کرتی ہے کہ کیٹگری بی ہسپتال کے اسٹاف کی مطلوبہ تعداد کے حوالے سے ہسپتال انتظامیہ نے جو پروپوزل صوبائی حکومت کو بھیجی ہے اس پر فوری عملدرآمد کیا جائے۔

محدود وسائل کے باوجود عوام کو بہترین سروسز فراہم کرنے پر جمعیت علماء اسلام لوئر چترال ایم ایس شہزادہ محمد حیدر الملک، ڈی ایم ایس ڈاکٹر اسرار الدین اور تمام اسٹاف کو خراج تحسین پیش کرتی ہے۔

وفد میں امیر جے یو آئی لوئر چترال مولانا عبد الشکور، جنرل سیکرٹری مولانا قاضی محمد الیاس، نائب امیر صوبیدار میجر(ر) عبد الصمد، ڈپٹی سیکرٹری قاری عبد الصادق اور ڈیجیٹل میڈیا کوآرڈینیٹر احسان اللہ شامل تھے۔

جاری کردہ: شعبہ اطلاعات و ڈیجیٹل میڈیا ٹیم جے یو آئی لوئر چترال

21/07/2025

سینیٹ الیکشن 2025 خیبرپختونخوا سے جنرل سیکرٹری جے یو آئی خیبرپختونخوا مولانا عطا الحق درویش صاحب اور حاجی دلاور خان صاحب کو سنیٹر منتخب ہونے پر دل کی گہرائیوں سے مبارک باد پیش کرتے ہیں۔

جمعیت علماء اسلام لوئر چترال

20/07/2025

جمعیت علماء اسلام لوئر چترال کے مجلس عاملہ(کابینہ) کا اجلاس ضلعی امیر مولانا عبد الشکور صاحب کی صدارت میں مدرسہ محمدیہ تحفیظ القرآن دنین میں منعقد ہوا۔
اجلاس کا باقاعدہ آغاز تلاوت کلام پاک سے کیا گیا۔ اس کے بعد ضلعی جنرل سیکرٹری مولانا قاضی محمد الیاس صاحب نے کاروائی کا آغاز کرتے ہوئے اجلاس کے ایجنڈے کی وضاحت کی۔
آج کے اجلاس کے پہلے ایجنڈے کے مطابق مجلس عاملہ کے سامنے اب تک کی کارکردگی رپورٹ پیش کی گئی جس میں تحصیلوں کے دورہ جات، شعبہ مالیات، شعبہ اطلاعات اور انصار الاسلام کے حوالے سے خصوصی رپورٹس شامل تھے۔
ضلعی مجلس عاملہ کے اراکین نے ایجنڈے کی دیگر شقوں پر اپنی آراء و تجاویز پیش کیں، جس کے بعد متفقہ طور پر درج ذیل فیصلے کیے گئے:

1- شوری کا اجلاس

اجلاس میں متفقہ طور پر فیصلہ کیا گیا کہ 10 اگست 2025 کو مجلس شوری کا اجلاس طلب کیا جائے گا، جس کے لیے شوری کے تمام اراکین کو دعوت نامے جاری کیے جائیں گے۔

2- تحصیل امرا و نظماء کا اجلاس

اجلاس میں 27 جولائی 2025 کو تحصیل امرا و نظماء کا مشترکہ اجلاس ڈسٹرکٹ ہیڈکوآرٹر میں بلانے کا فیصلہ کیا گیا۔

3- اجلاس میں فیصلہ کیا گیا کہ تحصیل جماعتیں اپنے تمام نا مکمل وی سیز کے تنظیمی ڈھانچے مکمل کر کے 20 اگست تک ضلعی جماعت کو رپورٹ پیش کریں گیں۔

4- اجلاس میں فیصلہ کیا گیا کہ جمعیت طلباء اسلام کو کالج و یونیورسٹیز اور مدارس سے لے کر وی سیز کی سطح تک مکمل طور پر فعال کرنے کے لیے بھرپور کرارا ادا کیا جائے گا۔

5- اجلاس میں ہنگامی فنڈریزنگ کی تاریخ میں 10 اگست تک توسیع دی گئی۔

جاری کردہ: شعبہ اطلاعات و ڈیجیٹل میڈیا ٹیم جے یو آئی لوئر چترال

18/07/2025

جمعیت علماء اسلام لوئر چترال کی قیادت چاہتی ہے کہ جماعت عارضی اور ہنگامی بنیادوں پر نہ چلے بلکہ منظم طریقے سے مستقل بنیادوں پر چلے اور ان شاء اللہ ہم جماعت کو اکابرین کے طریقہ کار کے مطابق چلائیں گے۔

مولانا عبد الشکور صاحب
امیر جمعیت علماء اسلام لوئر چترال

18/07/2025

17/07/2025

امیر جمعیت علماء اسلام لوئر چترال مولانا عبد الشکور صاحب کے حکم سے ضلعی مجلس عاملہ کا اجلاس 20 جولائی 2025 بروز اتوار بوقت صبح 9 بجے مدرسہ محمدیہ تحفیظ القرآن دنین میں طلب کیا گیا ہے۔

13/07/2025

جمعیت علماء اسلام لوئر چترال کے قائدین کا تحصیل چترال کا تنظیمی دورہ

جمعیت علماء اسلام لوئر چترال کے قائدین نے تنظیمی دورے کے دوسرے مرحلے میں تحصیل چترال کا دورہ کیا۔
ضلعی قائدین میں سرپرست اعلی مولانا قاری عبد الرحمن قریشی، امیر مولانا عبد الشکور ،جنرل سیکرٹری مولانا قاضی محمد الیاس، نائب امیر مولانا انعام الحق، نائب امیر مولانا قاری عبد الحی، نائب امیر صوبیدار میجر عبد الصمد، ڈپٹی سیکرٹری مولانا قاری عبد الصادق، سیکرٹری اطلاعات نصرت الہی، ناظم مالیات حافظ منیر احمد، کوآرڈینیٹر ڈیجیٹل میڈیا احسان اللہ اور ضلعی سالار عبد المجيد شامل تھے۔
ضلعی جماعت کے قائدین کا پیر سرور ہاؤس پہنچنے پر امیر جمعیت علماء اسلام تحصیل چترال پیر محمد سرور ندیم، جنرل سیکرٹری حافظ سراج احمد اور اراکین کابینہ کی طرف سے ہار پہنا کر بھرپور استقبال کیا گیا۔
اجلاس میں تحصیل جماعت کے مختلف شعبہ جات کی اب تک کی کارکردگی رپورٹ باری باری سنی گئی۔ اس کے بعد قائدین نے تنظیمی، سیاسی اور حالات حاضرہ پر مختصراً گفتگو کی۔ پھر ہال کو اوپن ڈسکشن کے لیے کھول دیے گیا جس میں مختلف امور زیر بحث آئے ، جن کی روشنی میں قائدین نے ہدایات دیے اور جماعت کی بہتری کے لیے تجاویز پیش کیں.
اجلاس میں ویلیج کونسلز سطح پر جماعت کو فعال کرنے کے متعلق بھی تجاویز پیش کیے گئے اور متفقہ طور پر فیصلہ کیا گیا کہ ضلعی اور تحصیل جماعت کے قائدین مشترکہ طور پر ویلیج کونسلز کا تنظیمی دورہ کر کے جماعت کو مستحکم و فعال کرنے میں بھرپور کردار ادا کریں گے۔

جاری کردہ: شعبہ اطلاعات و ڈیجیٹل میڈیا ٹیم جے یو آئی لوئر چترال