Awaz-e-Chitral

Awaz-e-Chitral Chitral's 3rd Largest News Website

کے پی کے گوداموں سے سینکڑوں میٹرک ٹن گندم غائب، تحقیقات شروعخیبر پختونخوا کے مختلف اضلاع میں سرکاری گندم کے ذخائر سے بڑی...
13/05/2026

کے پی کے گوداموں سے سینکڑوں میٹرک ٹن گندم غائب، تحقیقات شروع

خیبر پختونخوا کے مختلف اضلاع میں سرکاری گندم کے ذخائر سے بڑی مقدار میں گندم غائب ہونے کا انکشاف سامنے آیا ہے، جس کے بعد محکمہ خوراک نے باقاعدہ تحقیقات کا آغاز کر دیا ہے۔صوبائی خبریں

رپورٹس کے مطابق بنوں کے محکمہ خوراک کی جانب سے اپریل 2026 میں ارسال کردہ مراسلے میں بتایا گیا کہ نڑ حافظ آباد کے گوداموں کے حالیہ معائنے کے دوران مزید 123.171 میٹرک ٹن گندم کم پائی گئی۔ یہ اسی ذخیرہ مرکز سے کمی کی پانچویں رپورٹ ہے۔

حالیہ انکشاف کے بعد پراونشل ریزرو سینٹر بنوں میں مجموعی گندم کی کمی بڑھ کر 391.176 میٹرک ٹن تک پہنچ گئی ہے۔

سرکاری دستاویزات کے مطابق گودام نمبر 8 سے 74.292 میٹرک ٹن، گودام نمبر 9 سے 25.727 میٹرک ٹن جبکہ گودام نمبر 3 سے 23.152 میٹرک ٹن گندم غائب پائی گئی، جو باضابطہ طور پر Pakistan Agricultural Storage & Services Corporation کی ملکیت تھی۔

محکمہ خوراک کے ایک سینئر افسر نے بار بار سامنے آنے والی کمی کو انتہائی تشویشناک قرار دیتے ہوئے کہا کہ اس سے قبل بھی تقریباً 268 میٹرک ٹن گندم کی کمی رپورٹ ہو چکی ہے۔

دوسری جانب سوات کے پراونشل ریزرو سینٹر میں بھی 633.200 میٹرک ٹن گندم غائب ہونے کا انکشاف ہوا ہے۔ معائنہ رپورٹ کے مطابق ٹخہ بانڈ کے گوداموں میں ریکارڈ کے برعکس ہزاروں تھیلے موجود نہیں تھے جبکہ بعض گودام مکمل طور پر خالی پائے گئے۔

کئی تھیلے طویل عرصے سے ذخیرہ ہونے کے باعث ناقابل استعمال حالت میں بھی پہنچ چکے تھے۔ محکمہ خوراک خیبرپختونخوا کے ڈائریکٹر کے مطابق تمام اضلاع میں خصوصی آڈٹ شروع کر دیا گیا ہے اور تحقیقات کے لیے خصوصی کمیٹیاں تشکیل دی گئی ہیں۔صوبائی خبریں

انہوں نے واضح کیا کہ اگر کسی بھی قسم کی بے ضابطگی یا بدعنوانی ثابت ہوئی تو ذمہ داروں کے خلاف سخت قانونی کارروائی کی جائے گی۔

Address

Shahi Masjid Road, Near Parade Gorund
Chitral
17200

Website

Alerts

Be the first to know and let us send you an email when Awaz-e-Chitral posts news and promotions. Your email address will not be used for any other purpose, and you can unsubscribe at any time.

Shortcuts

Share

Category