26/02/2024
ڪنهن ڪنهن جا قرض لاهيون؟
خدا جا لاهيون يا خدائن جا لاهيون؟
وضو ڪيون يا پگهر سڪايون
حج ڪيون يا وياج لاهيون
عبادت جو ٽائيم ڪٿان آڻيون
جو کڻي آخرت بچايون
جڳ جا ته جڳ جا
پر جڳ جي خدا جا به قرضي آھيون
ان پچايون ته سيٺن جا قرضي
سبزي لڳايون کڻي ساريون ڀليون اپايون هر بار پيا قرض لاهيون
حيرت ٿي ماري.…؟
نه چڱو کائون
نه چڱون پايون
نه عيد ملهايون
نه سالگره ملهايون
نه نجي اسڪولن ۾ ٻار پڙهايون
نه يورپ ڏٺو نه آمريڪا ويا آھيون
مگر پوء به قرضي آھيون
ڇو جو هاري آھيون
ڇو جو مزدور آھيون
ڪنهن جا ڪنهن جا قرضا لاهيون
خدا جا لاهيون يا خدائن جا لاهيون؟
Copied
