16/10/2025
الیکٹرانک میڈیا ڈڈیال
ڈڈیال نسیم اختر اور ذوالفقار علی کی پریس کانفرنس انصاف کی اپیل۔
کنڈور ڈڈیال کی رہائشی 70 سالہ نسیم اختر اور ان کے بیٹے ذوالفقار علی نے پریس کانفرنس میں اپنے خاندان کے خلاف ہونے والے ظلم کا پردہ چاک کیا۔ نسیم اختر نے کہا کہ وہ برطانیہ سے وطن واپس آئیں تھیں تاکہ سکون کی زندگی گزار سکیں، مگر اب اپنے ہی وطن میں غیر محفوظ محسوس کر رہی ہیں۔انہوں نے بتایا کہ ان کے قریبی رشتہ داروں نے نہ صرف ان کے گھر کا راستہ بند کر دیا ہے بلکہ ان کی زمین پر قبضہ کرنے کی کوشش کی ہے۔ نسیم اختر نے کہا کہ وہ کینسر کی مریضہ ہیں اور ان کے بیٹے ذوالفقار علی کو سگے چاچا عبد الخالق اور گلبار سے جان کا خطرہ ہے، جنہوں نے انہیں جان سے مارنے کی دھمکیاں دی ہیں۔نسیم اختر نے وزیر اعظم آزاد کشمیر سے فوری مداخلت کی درخواست کی تاکہ ان کے راستے کھولے جائیں اور زمین واپس کی جائے ان کا کہنا تھا کہ مقامی انتظامیہ کے سامنے شکایت کرنے کے باوجود کوئی کارروائی نہیں کی گئی، جس کے باعث ان کا خاندان شدید پریشانی کا شکار ہو چکا ہے۔
ذوالفقار علی نے بھی اپنی والدہ اور خاندان کے تحفظ کی اپیل کی اور کہا کہ اگر فوری طور پر انصاف نہ ملا، تو ان کی زندگی مزید خطرے میں پڑ جائے گی۔ انہوں نے حکام سے درخواست کی کہ وہ اس مسئلے کا فوری حل نکالیں۔نسیم اختر اور ذوالفقار علی نے وزیر اعظم آزاد کشمیر سے درخواست کی کہ وہ ان کے خاندان کے حقوق کا تحفظ کریں تاکہ وہ اپنے وطن میں سکون سے زندگی گزار سکیں۔۔۔۔۔
