Daska Daily News

14/07/2026

03/07/2026

ڈسکہ: سنیپ چیکنگ کے دوران کارروائی، مطلوب اشتہاری ملزم گرفتار

DPO سیالکوٹ (ر) کیپٹن دوست محمد اور DSP
رانا جمیل کی ہدایات پر انچارج سنیپ چیکنگ ٹیم ڈسکہ شفٹ دوئم ASI رانا اعجاز بمعہ ہمرائیاں ڈسکہ نے 8 نمبر چونگی کے قریب ناکہ بندی کے دوران ساجد ولد صدیق قوم انصاری ساکن رسول پورہ سمبڑیال تھانہ صدر ناروال کو مقدمہ نمبر ⁦1611/25⁩ میں مطلوب ملزم کو گرفتار کر لیا۔ ملزم کے خلاف دفعہ 392، 411، 337A(i) اور 337F(i) تعزیراتِ پاکستان کے تحت مقدمہ درج تھا۔ گرفتار ملزم کو مزید قانونی کارروائی کے لیے تھانہ سٹی ڈسکہ کے حوالے کر دیا گیا۔

17/06/2026

16/06/2026

محرم الحرام کا چاند نظر آگیا

اللہ تعالی کے حضور دعا گو ہیں کہ یہ نیا سال نہ صرف عالم اسلام بلکہ تمام انسانیت کے لئے امن و خوشحالی کی نوید لے کر آئے،وزیر اعظم

ملک میں محرم الحرام کا چاند نظر آگیا، کل بروز بدھ نئے اسلامی سال کا آغاز ہوگا۔

وزیراعظم محمد شہباز شریف نے نئے اسلامی سال 1448 ہجری کے آغاز پر اپنے پیغام میں کہا کہ اللہ تعالی کے حضور دعا گو ہیں کہ یہ نیا سال نہ صرف عالم اسلام بلکہ تمام انسانیت کے لئے امن و خوشحالی کی نوید لے کر آئے۔1448ہجری کا ہر دن دنیا بھر میں امن و سلامتی ،رواداری ، باہمی آہنگی، پر امن بقائے باہمی اور تحفظ انسانیت کا ضامن ہو۔

13/06/2026

اشتہاری ملزم گرفتار

ڈسٹرکٹ پولیس آفیسر سیالکوٹ کیپٹن (ر) دوست محمد کی ہدایت پر جرائم پیشہ عناصر کے خلاف کارروائیاں جاری

انچارج سنیپ چیکنگ ٹیم سیالکوٹ سب انسپکٹر احسان اللہ چیمہ نے دورانِ ناکہ بندی کامیاب کارروائی کرتے ہوئے تھانہ نیکاپورہ کے مقدمہ نمبر 1075/25 میں مطلوب اشتہاری ملزم اعظم فاروق کو گرفتار کر لیا۔

گرفتار ملزم کو قانونی کارروائی کے لیے تھانہ نیکاپورہ سیالکوٹ کے حوالے کر دیا گیا۔ پولیس حکام کے مطابق اشتہاری ملزمان کے خلاف کریک ڈاؤن بلاامتیاز جاری رہے گا۔

11/06/2026

لاہور سے رونگٹے کھڑے کر دینے والا واقعہ: سوتیلے باپ کی درندگی، معصوم بیٹی کی زندگی تباہ

لاہور میں انسانیت سوز اور دل دہلا دینے والا واقعہ سامنے آیا ہے، جس نے معاشرے کو ہلا کر رکھ دیا ہے۔ ایک سنگدل اور درندہ صفت سوتیلے باپ نے اخلاقیات کی تمام حدیں پار کرتے ہوئے اپنی ہی نو عمر سوتیلی بیٹی کی زندگی برباد کر دی۔

تفصیلات کے مطابق، روبینہ نامی خاتون نے کچھ عرصہ قبل سجاد نامی شخص سے پسند کی شادی کی تھی۔ شادی کے وقت روبینہ کی پہلی شادی سے ایک 9 سالہ بیٹی تھی جس کا نام بینش ہے۔ روبینہ کا کہنا ہے کہ وہ اس بات سے بالکل بے خبر تھی کہ جس شخص پر وہ بھروسہ کر رہی ہے، وہ دراصل آستین کا سانپ اور ایک وحشی درندہ ہے۔

متاثرہ خاتون نے واقعے کی تفصیلات بتاتے ہوئے کہا کہ اس کی ممانی کے انتقال پر ختم کی ایک تقریب تھی، جہاں جانے کے لیے سجاد نے اس پر زبردستی دباؤ ڈالا اور خود گھر پر رک گیا۔ روبینہ اس خوفناک منصوبے سے بالکل ناواقف تھی جو سجاد کے ذہن میں چل رہا تھا۔ خاتون کی غیر موجودگی کا فائدہ اٹھاتے ہوئے سجاد نے نو عمر بینش کو کولڈ ڈرنک میں نشہ آور چیز ملا کر پلائی اور بے ہوشی کی حالت میں اسے اپنی ہوس کا نشانہ بنا ڈالا۔

جب روبینہ تقریب سے گھر واپس لوٹی تو سامان بکھرا ہوا دیکھ کر اس نے بیٹی کو ڈانٹا، جس پر معصوم بچی نے روتے ہوئے اپنے ساتھ ہونے والی اس گھناؤنی حرکت کا سارا سچ ماں کے سامنے اگل دیا۔ خاتون کے مطابق، ملزم سجاد کے پاس ہر وقت اسلحہ موجود ہوتا ہے جس کے زور پر وہ بچوں کو خوفزدہ رکھتا تھا، جبکہ معصوم بینش اسے ہمیشہ عزت و محبت سے 'بابا' اور 'انکل' کہہ کر پکارتی تھی۔

متاثرہ ماں نے روتے ہوئے دہائی دی ہے کہ کوئی بھی اس مظلوم کی فریاد سننے کو تیار نہیں ہے۔ سنگدل ملزم سجاد اب اس کی معصوم بیٹی کو اغوا کر کے کسی نامعلوم مقام پر منتقل کر چکا ہے اور دعویٰ کر رہا ہے کہ اس نے بچی سے زبردستی نکاح کر لیا ہے۔ ملزم کی جانب سے روبینہ کو مسلسل سنگین دھمکیاں دی جا رہی ہیں۔ متاثرہ خاتون نے وزیرِ اعلیٰ پنجاب اور آئی جی پولیس سے انصاف کی فوری اپیل کرتے ہوئے ملزم کی گرفتاری اور اپنی بیٹی کی بحفاظت بازیابی کا مطالبہ کیا ہے۔