07/08/2026
وزیراعلی بلوچستان میر سرفراز احمد بگٹی نے ہمیشہ قوم کے ہر مسئلے کو اپنا مسئلہ سمجھ کر اسے فوری حل کیا ہے ۔۔!!
بجٹ بک 2026-2027 کے تحت ضلع ڈیرہ بگٹی ساوتھ کے متعدد اساتذہ کرام کے پرسنل نمبرز نئے SAP سسٹم میں بغیر کسی باقاعدہ تبادلے کے دیگر اسکولوں کے کوڈز سے منسلک ہو گئے تھے، جس کے باعث اساتذہ میں شدید تشویش اور بے چینی پائی جا رہی تھی۔
وزیراعلیٰ بلوچستان میر سرفراز احمد بگٹی کی خصوصی ہدایات اور عوام دوست وژن کی روشنی میں 126 اساتذہ کرام کو ان کی سابقہ جائے تعیناتی پر ایڈجسٹ کر دیا گیا ہے
یہ اقدام اس بات کا واضح ثبوت ہے کہ موجودہ صوبائی حکومت اساتذہ کے مسائل کے حل، میرٹ کے فروغ اور تعلیمی نظام کی بہتری کے لیے سنجیدہ اور عملی اقدامات کر رہی ہے۔ اساتذہ برادری اس بروقت فیصلے پر وزیراعلیٰ بلوچستان میر سرفراز احمد بگٹی اور ڈسٹرکٹ ایجوکیشن آفیسر ساوتھ ڈیرہ بگٹی کی تہہ دل سے شکر گزار ہے۔
مزید برآں، جن اساتذہ کرام کو اب بھی تبادلے، ایڈجسٹمنٹ یا تعیناتی سے متعلق کسی بھی قسم کا مسئلہ درپیش ہے، وہ بلا جھجھک ڈسٹرکٹ ایجوکیشن آفیسر (DEO) آفس، ساوتھ ڈیرہ بگٹی میں اپنی درخواست جمع کروائیں، تاکہ ان کے مسائل کا جلد از جلد، میرٹ اور انصاف کی بنیاد پر حل یقینی بنایا جا سکے۔
