Chashma News Point

02/09/2026

چشمہ چیک پوسٹ پر مبینہ رشوت طلبی کا الزام، ٹرک کھائی میں جا گرا
چشمہ، کڑی خیسور: چشمہ چیک پوسٹ پر متاثرہ ڈرائیور نے تعینات اہلکاروں پر مبینہ طور پر رشوت طلب کرنے اور ٹرک کو زبردستی روکنے کا الزام عائد کیا ہے۔
ڈرائیور عبدالمنان کے مطابق چیک پوسٹ پر اہلکاروں کی جانب سے ٹرک کو مبینہ طور پر زبردستی روکنے کی کوشش کے دوران ٹرک ریورس ہو کر کھائی میں جا گرا، جس کے نتیجے میں ٹرک میں لوڈ کیے گئے سیب گرنے سے لاکھوں روپے کا نقصان ہوا، جبکہ گاڑی کو بھی شدید نقصان پہنچا۔
حادثے کے باعث چیک پوسٹ کے عقب میں نصب ایک کھوکھا بھی بری طرح متاثر ہوا۔
متاثرہ ڈرائیور نے ڈی آئی جی ڈیرہ، ڈی پی او ڈیرہ اور ڈی ایس پی پہاڑپور سے واقعے کا فوری نوٹس لینے، معاملے کی شفاف تحقیقات کرانے اور ذمہ دار اہلکاروں کے خلاف کارروائی کا مطالبہ کیا ہے۔

02/09/2026

چشمہ اڈہ کے قریب سیبوں سے بھری لوڈ گاڑی الٹ گئی
چشمہ اڈہ کے قریب سیبوں سے بھری لوڈ گاڑی ریورس ہو کر کھوکھے سے جا ٹکرائی، جس کے نتیجے میں گاڑی الٹ گئی۔
حادثے کے باعث سیبوں سے بھری پیٹیاں سڑک پر بکھر گئیں، جبکہ گاڑی اور کھوکھے کو بھی نقصان پہنچا۔
خوش قسمتی سے حادثے میں کسی قسم کا جانی نقصان نہیں ہوا۔

02/09/2026

ڈھکی سرکل کے 83 پرائمری سکول ACRs سے محروم، سیاسی قیادت سے فوری نوٹس کا مطالبہ
تحصیل پہاڑپور کے ڈھکی سرکل کے 83 پرائمری سکولوں میں ہزاروں بچے زیرِ تعلیم ہیں، مگر نئے Additional Classrooms (ACRs) کی فراہمی میں پورے ڈھکی سرکل کو نظرانداز کیے جانے پر تشویش پائی جاتی ہے۔
جھوک ڈبری، بھٹنیاں، ملاخیل، کوٹ جائی نمبر 1، ڈھکی نمبر 1، وانڈہ شیشہ اور وانڈہ خجی سمیت متعدد سکولوں کی عمارتیں خستہ حال اور بوسیدہ ہیں، جبکہ جھوک گانے والی سکول کی چار دیواری بھی توجہ طلب ہے۔ بعض سکولوں میں صرف دو کمرے ہیں، جہاں طلبہ کی تعداد 250 سے 300 تک پہنچ چکی ہے۔
ڈھکی سرکل تعلیمی لحاظ سے ایک اچھا اور فعال سرکل ہے، جہاں کمپیٹیٹو امتحانات بھی منعقد ہوتے ہیں، اس لیے یہاں تعلیمی سہولیات کی فراہمی پر خصوصی توجہ کی ضرورت ہے۔
اہلِ علاقہ نے سید کامران شاہ زیدی، سابق ایم پی اے احتشام جاوید اکبر خان، موجودہ ایم پی اے مخدوم آفتاب شاہ اور سابق وزیراعلیٰ علی امین خان گنڈاپور سے مطالبہ کیا ہے کہ وہ ڈھکی سرکل کے سکولوں کو ACRs سے محروم رکھنے کے معاملے پر فوری آواز اٹھائیں۔
حکام سے مطالبہ کیا گیا ہے کہ تمام سکولوں کا فوری سروے کر کے طلبہ کی تعداد، عمارتوں کی حالت اور ضرورت کے مطابق میرٹ کی بنیاد پر ACRs فراہم کیے جائیں۔
ڈھکی سرکل کے بچوں کو بھی تعلیم کے برابر مواقع اور بہتر تعلیمی ماحول فراہم کیا جائے۔

#چشمہـنیوزـپوائنٹ

02/09/2026

*بریکنگ نیوز* ⚠️⛔⛽
*وفاقی حکومت کا پٹرول کی قیمت میں 1 روپے 8 پیسے اور ڈیزل کی قیمت میں 51 پیسے فی لیٹر اضافے کا فیصلہ، نوٹیفیکیشن*

01/09/2026

01/09/2026

*وفاقی حکومت نے پٹرولیم مصنوعات کی قیمتوں میں ردوبدل کا نوٹیفیکیشن جاری کردیا*

ڈیزل کی قیمت میں 1 روپے 3 پیسے فی لیٹر کمی کا فیصلہ، نوٹیفیکیشن

پٹرول کی قیمت میں 77 پیسے فی لیٹر اضافے کا فیصلہ، نوٹیفیکیشن

01/09/2026

پشاور
پہاڑ پور کی معروف سیاسی و سماجی شخصیت احمد حسین خان ذمانوخیل گورنر خیبرپختونخوا فیصل کریم کنڈی کے پی ایس او تنویر حسین ملک کو عمرہ کی ادائیگی پر مبارک دے رہے ہیں

01/09/2026

کوہِ خیسور، عمرخیل پکہ میں بادلوں کا حسین منظر — ’’محمد ﷺ‘‘ کا نقش نمایاں

کوہِ خیسور، عمرخیل پکہ کے بلند پہاڑوں پر بادلوں نے ایک ایسا منفرد اور دل کو چھو لینے والا منظر تشکیل دیا ہے کہ انہیں دیکھنے پر لفظ ’’محمد ﷺ‘‘ نمایاں دکھائی دیتا ہے۔

ماہِ ربیع الاول کے بابرکت ایام میں قدرت کا یہ خوبصورت منظر اہلِ علاقہ کے لیے خصوصی توجہ اور عقیدت کا باعث بن گیا ہے۔ پہاڑوں کی چوٹیوں پر بادلوں کی یہ ترتیب دور سے دیکھنے پر نامِ مبارک محمد ﷺ کی صورت میں دکھائی دیتی ہے۔

یہ منظر دیکھ کر اہلِ ایمان کے دلوں میں محبتِ رسول ﷺ کے جذبات تازہ ہو جاتے ہیں اور بے اختیار زبان سے نکلتا ہے:

سبحان اللہ!
ماہِ ربیع الاول میں فطرت کا یہ حسین منظر بھی ذکرِ مصطفیٰ ﷺ کی یاد دلا رہا ہے۔

اللہ رب العزت ہمیں نبی کریم حضرت محمد مصطفیٰ ﷺ کی سچی محبت، آپ ﷺ کی سنت پر عمل اور آپ ﷺ کی شفاعت نصیب فرمائے۔
آمین یا رب العالمین۔ ﷺ