View Pakistan

03/12/2025

ڈیرہ اسماعیل خان پنیالہ پولیس گاڑی کے قریب دھما کہ

21/11/2025

*ڈیرہ اسماعیل خان—الخیر ایڈورٹائزر کے سائن بورڈز پر تحصیل میونسپل کی کارروائی، بقایاجات کی عدم ادائیگی پر پینا فلیکس اتار دیے گئے*

ڈیرہ اسماعیل خان میں الخیر ایڈورٹائزر نامی نجی ایڈورٹائزنگ ایجنسی کی جانب سے شہر بھر میں نصب کیے گئے متعدد سائن بورڈز کی تحصیل میونسپل کی ماہانہ قسطیں طویل عرصے سے ادا نہ کیے جانے پر محکمہ حرکت میں آگیا۔ خالی لال کارڈ کے ذریعے کام چلانے اور واجبات کلیئر نہ کرنے کی شکایات کے بعد ٹھیکے دار سائن بورڈ ملک محیب کی جانب سے تحصیل میونسپل افسر اور تحصیل ریگولیشن افسر کے نام باضابطہ درخواست جمع کرائی گئی۔
درخواست موصول ہونے پر تحصیل میونسپل افیسر محمد حنیف نے فوری ایکشن لیتے ہوئے تحصیل ریگولیشن افسر محمد عقیل کو کارروائی کے لیے واضح احکامات جاری کیے۔ احکامات کے بعد تحصیل ریگولیشن ٹیم نے موقع پر پہنچ کر پہلے مرحلے میں الخیر ایڈورٹائزر کے متعدد سائن بورڈز سے پینا فلیکس اتار دیے، جبکہ اگلے مراحل میں مزید قانونی کارروائی بھی متوقع ہے۔
کارروائی کے بعد شہر کے تاجروں، شہریوں اور سول سوسائٹی نے تحصیل میونسپل کے اقدام کو سراہتے ہوئے اسے قابلِ تعریف قرار دیا۔ ان کا کہنا تھا کہ اگر تحصیل میونسپل ایڈمنسٹریشن اپنے قوانین پر اسی طرح سختی اور تسلسل کے ساتھ عمل درآمد شروع کر دے تو شہر کے بہت سے مسائل ازخود کم ہونا شروع ہو جائیں گے۔
علاقائی حلقوں کا کہنا ہے کہ سائن بورڈز اور دیگر شعبوں میں واجبات کی باقاعدہ ریکوری نہ صرف میونسپل قوانین کے نفاذ کو مضبوط کرے گی بلکہ محکمہ کے مالی مسائل—خصوصاً اہلکاروں کی تنخواہوں کے بحران—میں بھی خاطر خواہ کمی لائی جا سکتی ہے۔

19/11/2025

الخیر ایڈورٹائزر کے ذمہ بقایا ٹیکس کی فوری وصولی کا حکم — عدالت میں فریقین کے دلائل اور شہری و تجارتی حلقوں کی خوشی
ڈیرہ اسماعیل خان: تحصیل میونسپل ایڈمنسٹریشن (TMA) ڈیرہ اسماعیل خان نے سائن بورڈز اور ایڈورٹائزنگ ٹیکس کی مد میں الخیر ایڈورٹائزر کے ذمہ واجب الادا بقایہ جات کی ریکوری کے سلسلے میں عدالتی ہدایات کے بعد کارروائی مزید تیز کر دی ہے۔
گزشتہ سماعت میں، ٹھیکیدار کی جانب سے شوکت اللہ بٹھنی قادری ایڈووکیٹ ہائی کورٹ نے پیشہ ورانہ انداز میں اپنے قانونی دلائل پیش کیے۔ عدالتی کارروائی کے دوران ان دلائل کو قانونی نکتہ نظر سے مؤثر قرار دیا گیا اور موجودہ قانون اور ریکارڈ کی روشنی میں عدالت نے ان مؤقف کو سنا۔ قانونی ماہرین کے مطابق شوکت اللہ بٹھنی قادری ایک ابھرتے ہوئے نوجوان وکیل ہیں، جو منظم، مدلل اور قانون کے مطابق مؤقف پیش کرنے میں مہارت رکھتے ہیں۔ سماعت کے بعد متعدد قانونی حلقوں نے رائے دی کہ نوجوان وکیل نے حق اور سچ کی جان جیت لی اور مؤثر دلائل کے ذریعے عدالت کو ریکارڈ کی طرف متوجہ کیا۔
دوسری جانب، الخیر ایڈورٹائزر کی جانب سے ہدایت اللہ ملانہ ایڈووکیٹ نے بھی عدالت کے سامنے اپنا مؤقف قانون کے مطابق پیش کیا۔
اس کے علاوہ، تحصیل میونسپل ایڈمنسٹریشن کی جانب سے لیگل ایڈوائزر ملک اختر عباس نے سماعت میں اہم قانونی جرح اور معاونت فراہم کی، جس نے TMA کے موقف کو مضبوط اور قانونی اعتبار سے مکمل انداز میں عدالت کے سامنے پیش کرنے میں مدد دی۔ قانونی ماہرین کے مطابق ملک اختر عباس کی ماہرانہ جرح اور قانونی بصیرت نے فریقین کے دلائل کی قانونی حیثیت واضح کی اور عدالتی کارروائی میں شفافیت کو فروغ دیا۔
معزز عدالت، جو کہ جوڈیشل مجسٹریٹ انعام اللہ خان مروت کی عدالت میں کیس چل رہا تھا، نے آج فیصلہ جاری کیا کہ الخیر ایڈورٹائزر واجب الادا ٹیکس ادا کرنے کا پابند ہے اور تحصیل میونسپل ایڈمنسٹریشن اپنے نافذ العمل قوانین کے مطابق کسی بھی وقت بقایا ٹیکس کی وصولی کر سکتی ہے۔ مزید یہ کہ ضرورت پڑنے پر TMA کو قانونی کارروائی کا مکمل اختیار حاصل ہے۔
اس فیصلے پر سول سوسائٹی، تاجروں اور عام شہریوں نے خوشی کا اظہار کیا اور فیصلے کا خیر مقدم کیا، جسے شفاف اور قانون کے مطابق عمل درآمد کی جانب ایک مثبت قدم قرار دیا جا رہا ہے۔
ٹھیکیدار سائن بورڈز، ملک محب حسین نے TMO کو متفرق درخواست جمع کراتے ہوئے مؤقف اختیار کیا تھا کہ ریکوری میں تاخیر کے باعث سرکاری آمدن اور ٹھیکے کو نقصان پہنچ رہا ہے، جس کے بعد عدالت نے مذکورہ فیصلہ جاری کیا۔
TMA حکام کے مطابق ریکوری کے عمل کو عدالتی احکامات اور محکمے کے قواعد کے مطابق جلد عملی شکل دی جائے گی، اور تمام قانونی کارروائی شفاف اور قانون کے دائرے میں کی جائے گی۔

08/11/2025

ڈیٹا فیسٹ 2025 — "ذہانتِ مصنوعی کے ذریعے مستقبل کو کھولتے ہوئے"
اعداد سے زندگیوں تک | اعداد کی زباں، ترقی کا نِشاں
پاکستان بیورو آف شماریات کے دو روزہ انوویشن، بصیرت اور تحریک سے بھرپور پروگرام میں شمولیت اختیار کریں!

11 تا 12 نومبر 2025ء کو پاک چین فرینڈشپ سینٹر، اسلام آباد میں

ڈیٹا کی طاقت کو محسوس کریں جو پاکستان کے مستقبل کو بدل رہی ہے۔ تھیم کے تحت:
ماحولیات | معیشت | ای پاکستان | مساوات اور بااختیاری | برآمدات

پروگرام میں شامل ہوں:
• یوتھ کوئز چیلنج
• پوسٹر اور پراجیکٹ مقابلے
• نیٹ ورکنگ اور تعاون کے مواقع
• ذہانتِ مصنوعی کے موجدوں سے براہِ راست گفتگو، نمائش اور تحریک

دریافت کریں کہ ڈیٹا کیسے زندگیوں کو تشکیل دیتا ہے، جدت کو پروان چڑھاتا ہے اور ترقی کو ممکن بناتا ہے۔

پاکستان کے ڈیجیٹل مستقبل کا حصہ بنیں — جہاں اعداد امکانات سے ملتے ہیں!
محمد عرفان (سینسز ڈسٹرکٹ کوارڈینٹر ڈیرہ اسماعیل خان)



https://www.facebook.com/share/p/14LWAqFf2jd/

The National DataFest is a key event for sharing knowledge, developing skills, fostering innovation, and encouraging collaboration in the field of data.

06/11/2025

02/10/2025

ڈیرہ اسماعیل خان: ڈی ایچ او کی نااہلی، ادویات کی قلت اور پولیو کیسز نے شہریوں کو تشویش میں مبتلا کر دیا
ڈیرہ اسماعیل خان (رپورٹ) ضلع بھر میں بیسک ہیلتھ یونٹس اور رورل ہیلتھ سینٹرز پر ادویات کی کمی نے عوام کو شدید مشکلات سے دوچار کر دیا ہے۔ مریضوں کو بنیادی علاج معالجے کی سہولت تک میسر نہ ہونے کے باعث شدید پریشانی کا سامنا ہے۔
شہریوں کا کہنا ہے کہ ڈسٹرکٹ ہیلتھ افسر (ڈی ایچ او) کی نااہلی اور مبینہ بدعنوانی کے باعث نہ صرف سرکاری اسپتالوں اور ہیلتھ یونٹس میں ادویات کا بحران پیدا ہوا ہے بلکہ ضلع میں پولیو کے نئے کیسز بھی سامنے آ رہے ہیں۔ شہریوں کے مطابق صحت کا بنیادی ڈھانچہ تباہی کے دہانے پر ہے اور پولیو کے خاتمے کے لیے حکومتی کوششیں بھی اسی نااہلی کے باعث متاثر ہو رہی ہیں۔
کئی مقامات پر مریضوں کو پرچی تو ملتی ہے لیکن علاج کے لیے درکار دوائیں دستیاب نہیں، جس کے باعث غریب عوام کو مہنگی ادویات بازار سے خریدنے پر مجبور ہونا پڑ رہا ہے۔ پولیو مہمات کے باوجود کیسز کا سامنے آنا عوامی صحت پر سوالیہ نشان ہے۔
عوامی نمائندوں اور شہریوں نے وزیراعلیٰ خیبرپختونخوا سے فوری نوٹس لینے کا مطالبہ کیا ہے۔ ان کا کہنا ہے کہ ڈی ایچ او ڈیرہ اسماعیل خان نہ صرف اپنی ذمہ داریاں پوری کرنے میں ناکام رہے ہیں بلکہ ادویات کی مد میں آنے والے کروڑوں روپے کی مبینہ طور پر خردبرد بھی کی جا رہی ہے۔
شہریوں کا مطالبہ ہے کہ مریضوں کی مشکلات اور پولیو کیسز کی سنگینی کو مدنظر رکھتے ہوئے ڈی ایچ او کو فوری طور پر عہدے سے ہٹایا جائے اور صحت کی سہولیات اور ادویات کی فراہمی یقینی بنائی جائے تاکہ عوام کو ریلیف مل سکے۔

16/09/2025

*انسپکٹر جنرل آف پولیس خیبرپختونخوا: ذولفقار حمید کے احکامات کی روشنی میں ڈیرہ اسماعیل خان ریجن سے پانچ سینئر موسٹ انسپکٹرز
* جو سال 2021 سے بطور ایکٹنگ DSP اپنی خدمات سر انجام دے رہے ہیں۔
کو انیسویں(19th) ایڈوانس کورس کیلئے منتخب کرلیا گیا۔
*جن میں سید اصغر علی شاہ DSP برمل (اعظم ورسک وزیرستان لوئر)
سیف الرحمن خان بلوچ ADانٹی کرپشن ڈیرہ،
عمران خان کنڈی،DSP لیگل ڈیرہ،
سردار عالمگیر خان DSP پروا اور سید صغیر عباس گیلانی DSP صدر ڈیرہ شامل ہیں۔
* زکر شدہ کورس بطریق احسن مکمل کر لینے کے بعد جملہ افسران کو Properly اگلے گریڈ(BPS-17) میں ترقیاب کردیا جائے گا۔

10/09/2025

ڈیرہ اسماعیل خان: پرائیویٹ سکول ایسوسی ایشن کی ڈیرہ بورڈ کے امتحانات میں شفافیت یقینی بنانے کا مطالبہ
ڈیرہ اسماعیل خان (اسٹاف رپورٹر) — ڈیرہ اسماعیل خان پرائیویٹ سکول ایسوسی ایشن کے صدر ارسلان سدوزئی اور جنرل سیکرٹری سید طارق حسین نے سینیئر صحافی و رپورٹر سما ٹی وی اور مقدر پرنٹنگ پریس اینڈ پینا فلیکس کے اونر احمد نواز مغل سے ملاقات کی، جس میں بورڈ امتحانات اور تعلیمی مسائل پر تفصیلی گفت و شنید کی گئی۔
اس موقع پر ارسلان سدوزئی نے کہا کہ حالیہ ڈیرہ بورڈ کے امتحانات میں والدین اور طلبہ کے ساتھ ناانصافیاں اور زیادتیاں کی جا رہی ہیں، جسے کسی صورت برداشت نہیں کیا جائے گا۔ انہوں نے کہا کہ پرائیویٹ سکول ایسوسی ایشن (پین) اس مسئلے پر بھرپور آواز بلند کرے گی اور ڈیرہ کے شہریوں و والدین کی حمایت کے ساتھ اس معاملے کو ایوانوں تک پہنچایا جائے گا۔
انہوں نے مثال دیتے ہوئے کہا کہ کوہاٹ بورڈ نے شفاف امتحانی پالیسی اپناتے ہوئے ایک مثبت اقدام کیا ہے، جس کے تحت ہر طالب علم کا پرچہ بورڈ کی ویب سائٹ پر اپ لوڈ کیا جا رہا ہے تاکہ والدین بھی اپنے بچوں کی کارکردگی دیکھ سکیں۔ اس اقدام پر کوہاٹ بورڈ کو خراج تحسین پیش کیا گیا ہے۔
پین ایسوسی ایشن کی جانب سے مطالبہ کیا گیا کہ ڈیرہ اسماعیل خان بورڈ میں بھی اسی طرح کا طریقہ کار اختیار کیا جائے تاکہ غریب اور پسماندہ و جنگ زدہ علاقوں سے تعلق رکھنے والے طلبہ و طالبات کو بھی یہ حق حاصل ہو کہ وہ اپنے پرچے دیکھ سکیں، اپنی خامیوں کو دور کر سکیں اور مستقبل کے لیے اپنی کارکردگی بہتر بنا سکیں۔ اس سے نہ صرف طلبہ بلکہ سکول پرنسپلز اور اداروں کی کارکردگی بھی کھل کر سامنے آئے گی۔
ایسوسی ایشن نے واضح کیا کہ اگر مطالبات کو تسلیم نہ کیا گیا تو تمام قانونی اور احتجاجی حق استعمال کیا جائے گا۔ عنقریب اس حوالے سے ایک مربوط حکمت عملی ترتیب دی جائے گی جس میں ڈیرہ اسماعیل خان کے تمام پرائیویٹ سکول شامل ہوں گے۔

02/09/2025

*اسٹیشن کمانڈر ڈیرہ اسماعیل خان برگیڈیئر محمد ابوبکر کا گومل یونیورسٹی کا دورہ وائس چانسلر اور مختلف شعبہ جات کے سربراہان سے ملاقات*

ڈیرہ اسماعیل خان اسٹیشن کمانڈر ڈیرہ برگیڈیئر محمد ابوبکر نے گومل یونیورسٹی کا دورہ کیا، تمام شعبہ جات کے سربراہان سے ملاقات کی۔ اس دوران انہیں یونیورسٹی کے انتظامی امور، تدریسی ماحول اور طلبہ کی کارکردگی سے متعلق بریفنگ دی گئی۔ ملاقات کے دوران باہمی تعاون کو مزید فروغ دینے کے عزم کا اظہار کیا گیا۔ برگیڈیئر محمد ابوبکر نے یونیورسٹی کے تعلیمی معیار اور انتظامی اقدامات کو سراہتے ہوئے کہا کہ اعلیٰ تعلیم کے فروغ کے لیے یونیورسٹی کی خدمات قابلِ تحسین ہیں۔ انہوں نے اس بات کا اعادہ کیا کہ ہماری آنے والی نسلوں کی علمی اور تحقیقی سرگرمیوں کو مزید بہتر بنانے کی ضرورت ھے اور اس امر کے لیے ہر ممکن تعاون فراہم کیا جائے گا۔

01/08/2025

ڈیرہ اسماعیل خان کے تاریخی قلعہ چہکان میں، البرق ڈویژن کے زیرِ اہتمام "بین المسالک امن و یکجہتی کانفرنس" کا انعقاد — جہاں مختلف مکاتبِ فکر کے علما، ضلعی انتظامیہ،سیکیورٹی ادارے اور معززینِ علاقہ نے اتحاد کا علم بلند کیا دیکھتے ہیں یہ رپورٹ

02/07/2025

ڈیرہ اسماعیل خان ( )ڈی پی او ڈیرہ کا مختلف امام بارگاہوں اور جلوس روٹس کا معائنہ،ڈی پی او کی متولیان و اکابرین سے ملاقاتیں،ایس پی و ڈی ایس پی سٹی کی کئے گئے سیکورٹی انتظامات پر بریفنگ۔ تفصیلات کے مطابق ڈسٹرکٹ پولیس آفیسر ڈیرہ سجاد احمد صاحبزادہ کی نے رات گئے شہر کی مختلف امام بارگاہوں اور مرکزی جلوسوں کے روٹس کا وزٹ کیا ۔ اس موقع پر ایس پی سٹی علی حمزہ، ڈی ایس پی سٹی محمد عدنان، ایس ایچ او سٹی تیمور خان مروت ،انچارج ڈی ایس بی سمیع اللہ بھی ہمراہ تھے ۔ اس موقع پر ایس پی سٹی نے ڈی پی او ڈیرہ کو کئے گئے سیکورٹی انتظامات کا معائنہ کرایا جبکہ جلوسوں کی سیکورٹی کے حوالے سے انتظامات بارے بریف کیا ۔ڈی پی او ڈیرہ نے متولیان و شیعہ اکابرین سے ملاقاتیں بھی کیں اور پولیس کی جانب کئے گئے انتظامات اور فراہم کردہ پولیس نفری بارے تبادلہ خیال کیا ۔

16/06/2025

ڈی ایچ کیو اسپتال ڈی آئی خان اسپتال ڈائریکٹر کی تعیناتی تنازع کا شکار، کیس ایم ٹی آئی سروس ٹربیونل میں زیر سماعت

ڈیرہ اسماعیل خان کے ڈسٹرکٹ ہیڈ کوارٹر اسپتال میں اسپتال ڈائریکٹر کی تعیناتی ایک نیا تنازع بن چکی ہے۔ معاملہ اس وقت ایم ٹی آئی (میڈیکل ٹیچنگ انسٹی ٹیوشن) سروس ٹریبیونل میں زیر سماعت ہے، جہاں اہم قانونی نکات پر بحث جاری ہے۔

ذرائع کے مطابق، سابق اسپتال ڈائریکٹر ڈاکٹر فرخ جمیل کی تقرری کو نہ صرف غیر قانونی قرار دیا گیا ہے بلکہ ان کے خلاف چار شیٹ اور ایلیگیشن شیٹ بھی سروس ٹریبیونل میں جمع کرائی گئی ہے۔ یہ اقدام ان الزامات کے بعد سامنے آیا جب متعدد حلقوں کی جانب سے تعیناتی میں بے ضابطگیوں کی شکایات کی گئیں۔

ایم ٹی آئی سروس کی جانب سے ٹریبیونل کو آگاہ کیا گیا ہے کہ اگر 24 جون تک چارج شیٹ اور ایلیگیشن شیٹ پیش نہ کی گئیں تو موجودہ تعیناتی کے آرڈر کو معطل (Restrained) کر دیا جائے گا۔ اس حوالے سے آئندہ چند دن انتہائی اہمیت کے حامل ہیں، کیونکہ ٹریبیونل کے فیصلے سے نہ صرف موجودہ تعیناتی متاثر ہو سکتی ہے بلکہ آئندہ کی پالیسی سازی پر بھی اثرات مرتب ہو سکتے ہیں۔

دوسری جانب، صوبائی حکومت کی جانب سے بھی اس معاملے پر سنجیدگی سے غور کیا جا رہا ہے اور ممکنہ طور پر محکمانہ اصلاحات پر بھی غور کیا جا رہا ہے تاکہ مستقبل میں ایسے تنازعات سے بچا جا سکے۔

ڈی ایچ کیو اسپتال، جو کہ پورے ریجن کے لیے ایک مرکزی علاج گاہ کی حیثیت رکھتا ہے، وہاں انتظامی خلاء نہ صرف طبی سہولیات کی فراہمی کو متاثر کر سکتا ہے بلکہ مریضوں کو درپیش مسائل میں بھی اضافہ ہو سکتا ہے۔ شہریوں اور صحت کے شعبے سے وابستہ افراد نے مطالبہ کیا ہے کہ معاملے کو شفاف طریقے سے نمٹایا جائے تاکہ ہسپتال کی کارکردگی اور ساکھ برقرار رہے۔