360Media

03/07/2025

ڈیرہ اسماعیل خان میں دریائے سندھ کے کنارے قائم دکانیں، ہوٹل اور دیگر عارضی تعمیرات ضلعی انتظامیہ کے ریڈار پر آ گئیں۔ تجاوزات کے خلاف آپریشن کا آغاز کر دیا گیا ہے، جو آئندہ دنوں میں مزید علاقوں تک پھیلایا جائے گا۔لیکن متاثرہ دکاندار سراپا احتجاج ہیں۔ ان کا کہنا ہے کہ بغیر کسی پیشگی اطلاع یا نوٹس کے ان کے کاروبار مسمار کیے جا رہے ہیں، جس سے وہ لاکھوں روپے کے نقصان اور روزگار سے محروم ہو رہے ہیں دکانداروں نے وزیراعلیٰ خیبرپختونخوا سے مطالبہ کیا ہے کہ وہ نوٹس لیں اور ضلعی انتظامیہ کے خلاف کارروائی کی جائے تاکہ آئندہ اس قسم کی کارروائی سے پہلے متاثرین کو وقت دیا جائے۔

27/06/2025

27/06/2025

ٹرانسفارمرچورگرفتار

26/06/2025

محرم الحرام کے حوالے سے ڈسٹرکٹ پولیس افیسر صاحبزادہ سجاد احمد کا خصوصی انٹرویو

05/06/2025

ائی جی پولیس خیبرپختونخوا ذوالفقار حمید بھترین کارکردگی پر ڈی ایس پی حافظ عدنان کو تعریفی سند اور نقد انعامی رقم دے رھے ھیں

02/06/2025

ڈیرہ اسماعیل خان میں دو فلائی اوورز پر عملی کام کا آغاز ہو گیا ہے۔ ان اہم منصوبوں پر مجموعی طور پر 3.2 ارب روپے لاگت آئے گی۔ یہ منصوبے شہر کے اہم مقامات، بشمول ڈیرہ اسماعیل خان سے افغان سرحد (انگور اڈہ) جانے والی سڑک کے آغاز پر ٹریفک کے دباؤ کو کم کرنے میں مددگار ثابت ہوں گے۔

27/05/2025

ڈیرہ اسماعیل خان:وائس چانسلر گومل یونیورسٹی پروفیسر ڈاکٹر محمد ظفر اقبال نے گومل یونیورسٹی کی نئی جدید ڈگریوں کا افتتاح کر دیا۔۔

وائس چانسلر گومل یونیورسٹی پروفیسر ڈاکٹر محمد ظفر اقبال نے گومل یونیورسٹی میں جدید ڈگریوں کا افتتاح کر دیا،اس تقریب میں رجسٹرار ظاہر شاہ مروت، کنٹرولر امتحانات وسیم خان کٹی خیل سمیت ڈینز ، اور شعبہ امتحانات کے ملازمین شریک ہوئے،

اس موقع پر وائس چانسلر گومل یونیورسٹی پروفیسر ڈاکٹر محمد ظفر اقبال کا کہنا تھا کہ اس وقت گومل یونیورسٹی 51 سالہ ہوگئی ہے ، اس خوشی کے موقع اور شاندار کامیابی پر سب کو مبارکباد دیتا ہوں، اگرچہ یہ کام پچھلے وائس چانسلر پروفیسر ڈاکٹر شکیب اللہ کے دور میں شروع ہوا تھا لیکن ابھی میرے دور میں پایہ تکمیل تک پہنچا ہے ،اس شاندار کامیابی پر کنٹرولر امتحانات وسیم خان کٹی خیل اور انکی پوری ٹیم داد کی مستحق ہے ،جہنوں نے دن رات محنت کر کے امتحان سیکشن کو فول پروف بنانے میں اہم کردار ادا کیا ،
وائس چانسلر گومل یونیورسٹی پروفیسر ڈاکٹر محمد ظفر اقبال کا مزید کہنا تھا کہ اس جدید اور فول پروف ڈگری سسٹم سے گومل یونیورسٹی میں ڈگریوں کے مسائل ختم ہو جائیں گے ،اور ہر ڈگری کے اوپر QRcode ہوگا،جسکے زریعے فوری تصدیق ممکن ہو گی اور ڈگری کے متعلق تمام تر ریکارڈ موجود ہو گا،اور مجھے یہ بتاتے ہوئے بھی خوشی ہورہی ہے کہ ڈگریوں کے حوالے سے اس طرح کا سسٹم ملک کی کسی اور یونیورسٹی میں موجود نہیں ۔۔

23/05/2025

اوکاڑہ کے 3 چک میں تین افراد مرغے کی لڑائی کروانے گئے۔ان کے مرغے نے دوسری پارٹی کے مرغے کی آنکھ نکال دی۔بدلے میں ان تین نوجوانوں کی آنکھیں نکال دی گئیں۔اناللہ واناعلیہ راجعون۔آرمی چیف سے اپیل ہے س ظلم کا حساب برابر کیا جائے

22/05/2025

*ڈیرہ پولیس کی بڑی کامیابی،اندھے قتل کیس 48 گھنٹوں میں ٹریس*

*کمسن بچے کے قتل میں ملوث 02 ملزمان گرفتار،آلہ قتل برآمد*

♦️ رفیع اللہ ولد مائین اللہ مروت سکنہ وانڈہ کالی گلوٹی نے مقامی پولیس تھانہ گلوٹی میں اپنے چچا زاد بھائی فیضان بعمر 13/14سال کی گمشدگی کی اور گمشدگی کے 03 روز بعد قتل شدہ نعش برآمد ہونے کی رپورٹ درج کرائی، اندھے قتل کیس پولیس کیلئے ایک بڑا چیلنج تھا جس پر ڈسٹرکٹ پولیس آفیسر ڈیرہ سجاد احمد صاحبزادہ نے فوری نوٹس لیتے ہوئے پولیس کی ایک ٹیم تشکیل دی جس نے مقدمہ نمبر 41مورخہ 19.05.2025جرم 302-376-53CPAتھانہ گلوٹی میں دوران تفتیش ملزمان نامعلوم کا سراغ لگاکر 48 گھنٹوں میں واردات میں ملوث 02 ملزمان احسان اللہ ولد اسلم خان اور کامران ولف رمضان ساکنان واندہ کالی کو حسب ضابطہ گرفتار کیااور پولیس کو جرم کی بابت اعتراف جرم کرکے آلہ قتل برآمد کیا۔ گرفتار متذکرہ بالا ملزمان مقتول کے قریبی رشتہ دار ہیں ۔ پولیس نے ملزمان سے مزید تفتیش شروع کردی ہے ۔

21/05/2025

*یومِ تشکر: ڈیرہ پریس کلب میں افواجِ پاکستان کی عظیم فتح پر شاندار تقریب کا انعقاد*

ڈیرہ اسماعیل خان: ڈیرہ پریس کلب میں افواجِ پاکستان کی حالیہ شاندار کامیابی پر "یومِ تشکر" کے حوالے سے ایک پُروقار تقریب کا انعقاد کیا گیا، جس کی صدارت ڈیرہ پریس کلب کے صدر محمد یاسین قریشی نے کی۔ اس اہم تقریب میں ڈیرہ پریس کلب کے عہدیداران، سینئر صحافیوں، معزز افسران، وکلاء، سول سوسائٹی اور مختلف مکاتبِ فکر سے تعلق رکھنے والے افراد نے بھرپور شرکت کی۔ تقریب کے مہمانِ خصوصی کمشنر ڈیرہ ڈویژن جناب ظفر الاسلام خٹک تھے، جبکہ دیگر معزز مہمانوں میں کرنل قیصر ملک، میجر سید علی عباس، وائس چانسلر گومل یونیورسٹی پروفیسر ڈاکٹر ظفر اقبال، ڈپٹی کمشنر عبدالناصر خان، صدر ڈسٹرکٹ بار قیضار خان میانخیل، سابق صدر ہائیکورٹ ہدایت اللہ ملانہ، سابق ڈسٹرکٹ بار کے صدر اخترحسین قریشی اور عرفان ایڈوکیٹ، ڈیرہ پولیس سے ایس پی نواب خان، ڈی ایس پی سٹی عدنان خان، ایس ایچ او عظیم خان، سابق سی ای او واسا چوہدری عطا اللہ و دیگر مہمان شامل تھے۔ تقریب کا آغاز تلاوتِ قرآن پاک اور نعتِ رسولِ مقبول صلی اللہ علیہ وسلم سے ہوا۔ معزز مہمانوں کو روایتی لونگی اور اجرک پہنائی گئی، جو مقامی ثقافت کا خوبصورت اظہار تھا۔ اپنے خطاب میں کمشنر ظفر الاسلام خٹک نے افواجِ پاکستان کی بے مثال قربانیوں کو سراہتے ہوئے کہا کہ حالیہ پاکستان اور انڈیا معرکہ 2025 میں پاکستان نے نہ صرف دشمن کو بھرپور جواب دیا بلکہ گزشتہ 78 سالوں کے تمام حساب چکاتا کرتے ہوئے ایک نئی تاریخ رقم کی۔ انہوں نے میڈیا کے کردار کو سراہتے ہوئے کہا کہ پاکستان کا میڈیا ریاست کا چوتھا ستون ہے، جس نے قومی دفاع کے نازک وقت میں ذمہ داری کا مثالی مظاہرہ کیا۔ اس موقع پر کرنل قیصر ملک نے اپنے خطاب میں کہا کہ وہ بطور سپاہی پوری قوم کا تہِ دل سے شکریہ ادا کرتے ہیں جنہوں نے افواجِ پاکستان کو عزت، اعتماد اور محبت سے نوازا۔ انہوں نے کہا کہ عوام کا یہی اخلاص اور جذبہ وہ طاقت ہے جو پاک فوج کو ناقابلِ شکست بناتا ہے۔ انہوں نے کہا کہ وہ آپریشن کی تفصیلات میں نہیں جائیں گے کیونکہ اس حوالے سے ڈی جی آئی ایس پی آر عوام کو مکمل آگاہ کر چکے ہیں، تاہم اتنا ضرور کہنا چاہیں گے کہ 6 اور 7 مئی کی درمیانی شب دشمن نے رات کی تاریکی میں بزدلانہ حملہ کیا۔ اُس لمحے شاید کچھ دلوں میں یہ سوال پیدا ہوا کہ پاک فوج کا ردعمل کیا ہوگا، لیکن افواجِ پاکستان نے ایک بار پھر ثابت کر دیا کہ وہ ہر گھڑی، ہر پہلو سے دشمن کے مقابلے کے لیے مکمل تیار ہیں۔ کرنل قیصر ملک نے کہا، "جب ہم وردی پہنتے ہیں تو اُس کے ساتھ ہم ایک عہد کرتے ہیں کہ ہم نے اس وطن کے لیے جان دینی ہے۔ یا تو ریٹائر ہو کر غازی بنیں گے یا شہادت کا رتبہ حاصل کریں گے۔ ہمارا جذبہ کل بھی بلند تھا، آج بھی ہے اور آئندہ بھی کبھی اپنی قوم کو مایوس نہیں کریں گے۔ انہوں نے پاک فضائیہ کے کردار کو سراہتے ہوئے کہا کہ دشمن کو شاید اندازہ نہیں تھا کہ پاکستان کی ایئر فورس اتنی مؤثر اور طاقتور ہے۔ "ہم نے دشمن کے چھ جدید جنگی طیارے تباہ کیئے، جن میں ان کے جدید ترین فضائی اثاثے بھی شامل تھے۔" بعد ازاں زمینی جنگ کے مرحلے میں پاک فوج نے دشمن کی تمام پوسٹیں جو ٹارگٹ پر تھیں، کامیابی سے تباہ کیں۔ انہوں نے سپہ سالار کی ہدایات کا ذکر کرتے ہوئے کہا کہ جب ہمیں پیغام موصول ہوا کہ تمام گنز اوپن کی جائیں، تو ہم نے سیول آبادی کو محفوظ رکھتے ہوئے بھرپور اور مؤثر جواب دیا۔ کرنل قیصر ملک نے ایک واقعہ کا ذکر کرتے ہوئے کہا کہ ایک تصویر میں انہوں نے دیکھا کہ ایک شہری ڈرون مارنے میں مدد کر رہا ہے، "اس لمحے دل سے خوشی ہوئی کہ ہماری عوام ہمارے ساتھ ہے۔" انہوں نے پاک بحریہ کے کردار کی بھی تعریف کی، انہوں نے کہا کہ ہماری نیوی نے دشمن کی سمندری پیش قدمی کو مؤثر طریقے سے روکا اور سی لائن آف کمیونیکیشن کو محفوظ رکھا۔ کرنل قیصر ملک نے کہا، "میں جب وردی اتارتا ہوں تو میں بھی آپ کی طرح ایک عام شہری ہوتا ہوں، میرے والدین بھی سول ہیں، ہم جانتے ہیں کہ عوام کی حمایت کے بغیر کوئی جنگ جیتی نہیں جا سکتی۔" انہوں نے کہا کہ ہمیں عوام کی مکمل حمایت حاصل ہے، اور دشمن کے ناپاک عزائم کو ہمیشہ ناکام بنایا جائے گا۔ اور ہم اپنی قوم کے ساتھ مل کر دہشت گردی کے ناسور کو بھی جڑ سے ختم کریں گے۔" جنگ کے دوران میڈیا کے کردار پر گفتگو کرتے ہوئے انہوں نے کہا کہ اگر پاکستان اور بھارت کے میڈیا کا موازنہ کیا جائے تو پاکستان کے میڈیا کی ذمہ درانہ صحافت تاریخ میں سنہری حروف سے لکھی جائے گی۔ "ہمارے میڈیا نے جس طرح ذمہ داری اور قومی یکجہتی کا مظاہرہ کیا، وہ بھی قابلِ تحسین ہے۔" خطاب کے اختتام پر انہوں نے کہا، "ہمیشہ اپنی پاک فوج پر اعتماد رکھیں۔ یہ فوج آپ کی ہے، آپ کے لیے ہے، اور ہمیشہ ملک و قوم کا نام بلند کرنے کے لیے کام کرے گی۔ ان شاء اللہ ہم سب مل کر اس پرچم کو بلند رکھیں گے اور پاکستان کو مزید مضبوط و تابناک بنائیں گے۔" صدر ڈیرہ پریس کلب یاسین قریشی نے اپنے خطاب میں کہا کہ پوری قوم اپنی مسلح افواج کے شانہ بشانہ کھڑی ہے۔ انہوں نے آپریشن "بنیان مرصوص" میں فتح کو پاکستان کی تاریخ کا سنہری باب قرار دیا، اور سپہ سالار فیلڈ مارشل سید عاصم منیر کی قیادت کو خراج تحسین پیش کیا۔ تقریب کے اختتام پر ملک و قوم کی سلامتی، افواج پاکستان کی استقامت اور شہداء کے درجات کی بلندی کے لیے خصوصی دعا کی گئی۔ شہداء کو خراجِ عقیدت پیش کرتے ہوئے شرکاء نے اس عزم کا اعادہ کیا کہ پاکستان کی سالمیت، خودمختاری اور دفاع کے لیے پوری قوم متحد ہے اور رہے گی۔

16/05/2025

ڈیرہ اسماعیل خان ۔۔ سٹی سرکل پولیس کی کامیاب کارروائی
خاتون سے پرس چھینا والا ملزم گرفتار
چھینا گیا پرس معہ سامان اور موٹرسائیکل برآمد
31 دسمبر 2024 کوتھانہ کینٹ کی حدود میں علاقہ حلیمیہ کالونی میں نامعلوم نقاب پوش موٹرسائیکل سوار کے دن دیہاڑے خاتون سے پرس چھینے کا واقعہ ہوا تھا جس کی تھانہ کینٹ پولیس نے رپورٹ درج کرکے واقعہ کی تحقیقات شروع کردی تھی ۔ سی سی ٹی وی فوٹیج حاصل کرنے کے بعد سٹی سرکل پولیس زیر قیادت ایس ڈی پی او سٹی محمد عدنان ہمراہ ایس ایچ او عظیم اللہ وزیر معہ ٹیم نے واردات میں ملوث نامعلوم موٹرسائیکل سوار جوکہ نقاب پوش تھا کو ٹریس کرکے ملزم عاقب ولد صبور سکنہ بڈھ کے قبضہ چھینا گیا پرس معہ سامان اور واردات میں استعمال ہونیوالا موٹرسائیکل برآمد کرکے مزید تفتیش شروع کردی گئی ۔برآمدہ پرس مالکان کے حوالے کردیا گیا ہے ۔