Harf e Haq حرف حق

30/07/2025

افغان حکومت کا تین سالہ کارکردگی.... ملاحظہ فرمائیں

1 : افغانستان میں ہزاروں نشے کے عادی افراد تھے جن میں سے بیشتر کا علاج کر کے ان کے گھروں کو بھیج دیا گیا اور وہ معاشرے کے کار آمد افراد بن گئے ۔ ان میں سے سینکڑوں اہل فن افراد کو امارت اسلامی نے اپنی صفوں میں شامل کرلیا ۔

2 : کابل ۔ قندھار
500 کلومیٹر طویل مرکزی شاہراہ جس پر پوری افغان تجارت کی بنیاد کھڑی ہے ایک سال کے مختصر دورانئے میں افغان انجینئرز نے تعمیر کرکے تاریخ رقم کردی ۔

3 : سیمنٹ کے میدان میں جبل السراج اور غوری سیمنٹ کے بڑے کارخانوں سمیت مختلف تاجروں کے سینکڑوں نجی کارخانوں کی تعمیر ایک عظیم اقتصادی کامیابی ہے۔

4 : پورے ملک میں 65 لاکھ بیوائیں، یتیم اور معذور افراد ہیں، جنہیں امارت اسلامیہ سالانہ 12 ارب افغانی امداد مستقل بنیادوں پر فراہم کرتی ہے۔

5 : قشقرہ آئل ریفائنری کا کام صوبہ سرپل میں جاری ہے۔
اس علاقے سے یومیہ اتنی کثیر مقدار میں تیل نکالا جا رہا ہے کہ ذخیرہ گاہوں میں اسے اسٹاک کرنے کی گنجائش باقی نہیں بچی۔ اور مزید نئی ذخیرہ گاہیں بنانے پر کام شروع کردیا گیا ہے ۔

6 : تاریخ میں پہلی مرتبہ چین اور افغانستان سڑک کے ذریعے آپس میں جڑ گئے، یہ ٹرانزٹ روٹ مستقبل میں گیم چینجر ثابت ہوگا۔

7 : تاریخ میں پہلی بار حکومت نے محدود وسائل کے باوجود نوآمد مہاجرین کو سرکاری اور فوجی گاڑیوں میں ان کے مکمل سامان سمیت بلا معاوضہ ان کے گھروں تک پہنچایا اور فی خاندان معقول نقدی رقم اور راشن بھی دیا۔

8 : قوشتیپہ کینال کے 5 سالہ منصوبے سے 80 لاکھ ایکڑ اراضی سیراب ہو گی۔ اس منصوبے کی تکمیل سے افغانستان غلے کی مد میں خود کفیل بلکہ برآمد کے قابل ہوجائے گا۔

9 : اپنے خالص اندرونی وسائل سے تین سالہ بجٹ فراہم کرنا بہت بڑی کامیابی ہے ۔
10 : ٹاپی(ترکمانستان۔افغانستان۔پاکستان۔ انڈیا گیس پائپ لائن)، ٹاپ(ابتدائی تین ملکوں کے درمیان بجلی کی ترسیل کا منصوبہ)، نوری فائبر آپٹک (انٹرنیٹ کی ترسیل کا منصوبہ) ۔ ایران ۔ازبکستان۔ ترکمانستان کے ساتھ ریل گاڑی کا منصوبہ۔ یہ اور اس کے علاوہ دسیوں چھوٹے بڑے منصوبوں کا عملاً آغاز ہوچکا ہے۔

11 : قحط سالی سے بچاؤ کے لیے امارت اسلامیہ نے ملک کے مختلف اضلاع میں چار سو سے زائد چیک ڈیم بنانے کا آغاز کیا ہے۔ جن میں سے بیشتر آپریشنل ہوگئے ہیں اور باقی پر کام جاری ہے۔

12 : باقاعدہ بجٹ کے علاوہ وزارت خزانہ نے اندرونی محصولات سے 550 ترقیاتی منصوبوں کے لیے فنڈز فراہم کیے ہیں ۔ جن میں سے اکثر مکمل ہو چکے ہیں۔

13 : سابقہ جمھوری انتظامیہ بےانتہا بیرونی امداد کے باوجود 9 لاکھ سرکاری ملازمین کو تنخواہیں ادا کرتی تھی۔ جب کہ امارت اسلامیہ اپنے سوفیصد داخلی بجٹ سے دس لاکھ چالیس ہزار ملازمین کو بروقت تنخواہیں دے رہی ہے۔

14 : امارت اسلامیہ کی آمد کے بعد 1500 فیکٹریوں نے مختلف مصنوعات کی پیداوار شروع کر دی ہے۔

15 : ملک کے ہر ضلع میں 30 بستروں پر مشتمل فری ہسپتال بنائے گئے ہیں۔

16 : بجلی کے شعبے میں بھی کافی سنگ میل عبور کئے گئے ہیں۔سابقہ جمھوری حکومت ازبکستان اور ترکمانستان کی بجلی کی مد میں اربوں روپوں کی نادھندہ اور مقروض تھی۔ امارت اسلامیہ نے پہلے ہی سال تمام بیرونی قرضے بےباق کردئے۔
دارالحکومت کابل کو 24 گھنٹے بجلی کی فراھمی یقینی بنانے کا منصوبہ تکمیل کے قریب ہے۔
کابل سے غزنی تک بجلی کی ترسیل کی مین لائن کا کام بھی 80 فیصد ہوچکا ہے ۔۔۔۔

یہ تو ترقیاتی منصوبوں کی مختصر کارگزاری تھی۔

دفاعی۔ خارجی اور داخلی پیشرفت اور کامیابیوں پر کسی اور موقع پر لکھیں گے۔۔۔۔۔ ان شاءاللہ تعالیٰ ۔۔۔۔

*خود مختار ملک ایسے ترقی کرتے ہیں*

بشکریہ افغان میڈیا

13/07/2025

معروف ولی اللہ اور سوشل میڈیا کا مثبت استعمال..!

آج کے دور میں سوشل میڈیا ہماری زندگی کا ایک لازمی حصہ بن چکا ہے۔ یہ ایک ایسا طاقتور پلیٹ فارم ہے جو لوگوں کو آپس میں جوڑتا ہے اور انہیں بات چیت کرنے، معلومات بانٹنے، اور ایک دوسرے کی زندگیوں میں شامل ہونے کا موقع فراہم کرتا ہے۔

سوشل میڈیا کا اگر مثبت استعمال کیا جائے تو اس کے بے شمار فوائد ہیں، لیکن اگر اسے منفی مقاصد کے لیے استعمال کیا جائے تو نقصانات بھی اتنے ہی زیادہ ہیں۔

دنیا بھر میں لوگ سوشل میڈیا سے مختلف قسم کے فوائد حاصل کر رہے ہیں، جبکہ ہمارے ہاں بدقسمتی سے زیادہ تر لوگ اس کا منفی استعمال کرتے ہیں؛ تاہم کچھ لوگ ایسے بھی ہیں جو اس پلیٹ فارم کو نہ صرف مثبت انداز میں استعمال کرتے ہیں بلکہ دوسروں کی بھلائی اور انسانیت کی خدمت کے لیے اسے بروئے کار لاتے ہیں۔

ایسی ہی ایک نمایاں شخصیت ولی اللہ معروف ہیں، جن کے کام سے شاید آپ میں سے اکثر لوگ واقف ہوں گے۔ اگر نہیں.!
تو آئیے ہم ان کا تعارف کراتے ہیں اور جانتے ہیں کہ وہ سوشل میڈیا کا مثبت استعمال کس طرح کرتے ہیں!

ولی اللہ معروف، جنہیں اگر "معروف ولی اللہ" کہا جائے تو یقیناً مبالغہ آرائی نہیں ہوگی، وہ لاپتہ افراد کو ان کے پیاروں سے ملانے کے لیے انسانی شکل میں ایک فرشتے سے کم نہیں ہیں، ولی اللہ معروف صاحب سے براہ راست تعلق تو نہیں البتہ سوشل میڈیا کے ذریعے ان سے معرفت حاصل ہوئی۔

آپ ایک عالم دین اور امام مسجد ہیں، آپ کی کہانی یہاں سے شروع ہوتی ہے جب ایک دن ان کی والدہ نے کہا: "تم سوشل میڈیا اور موبائل تو استعمال کرتے ہو، کیا فائدہ ہماری اس پڑوسن کے ورثاء کو ڈھونڈنے کی کوئی کوشش تو کر لو۔" یہ خاتون بنگلہ دیش سے تعلق رکھتی تھیں اور تقریباً تیس، چالیس سال سے پاکستان میں مقیم تھیں، جن کا اپنے خاندان سے کوئی رابطہ نہیں تھا۔

ولی اللہ معروف صاحب بتاتے ہیں کہ انہوں نے دل برداشتہ ہو کر اس حوالے سے میسر معلومات سوشل میڈیا پر ڈال دیں اور انہیں کوئی خاص امید بھی نہیں تھی، لیکن اللہ کا کرنا ایسا ہوا کہ کچھ عرصے بعد اس خاتون کے رشتہ دار مل گئے! پھر ان سے رابطہ کرایا گیا اور آخر کار وہ اپنے گھر والوں کے پاس پہنچ گئیں، والحمد للہ۔

یہاں سے ولی اللہ معروف صاحب کو امید کی ایک کرن نظر آئی اور انہوں نے گمشدہ افراد کے ورثاء کو تلاش کرنے، ان کا رابطہ کرانے اور بالآخر انہیں ان کے گھر تک پہنچانے کے اس کام کو اپنا نصب العین بنا لیا، اس کے لیے وہ دن رات کوشاں ہوئے اور اب تک سو سے زائد افراد کو اپنے رشتہ داروں سے ملوا چکے ہیں۔

حال ہی میں انہوں نے صدیق المعروف محمد آصف کے حوالے سے ایک پوسٹ چلائی جو تقریباً 2 سال کی عمر میں امام بری سرکار، اسلام آباد سے اغوا ہوئے تھے۔ تقریباً 32 سال بعد ان کے والدین، بھائی اور دیگر رشتہ دار مل گئے۔ یہ کیس بظاہر ناممکن لگ رہا تھا، لیکن اخلاص، لگن اور سوشل میڈیا نے اس ناممکن کو ممکن بنا دیا۔
اس حوالے سے ان کا ایک تفصیلی انٹرویو ان کے پیج پر موجود ہے۔

ولی اللہ معروف یقیناً اسم با مسمیٰ ہیں اور یہ نہ صرف ولی اللہ بلکہ ان شاء اللہ معروف بھی ہیں۔ اللہ تعالیٰ آپ کی ان تمام کاوشوں اور خدمات کو اپنی بارگاہ میں قبول فرمائے۔ آمین۔

ہمیں بھی چاہیے کہ ہم ولی اللہ معروف صاحب کی طرح سوشل میڈیا کا مثبت استعمال کرکے معاشرے اور انسانیت کو فائدہ پہنچائیں۔ اگر آپ کے پڑوس میں بھی ایسے افراد ہیں جن کا اپنے رشتہ داروں سے رابطہ نہیں، تو آپ ان کی معلومات جمع کرکے ولی اللہ معروف صاحب کو بھیج دیں؛ شاید ان کے رشتہ دار مل جائیں اور آپ کا بھی اس نیکی میں حصہ ہو جائے۔

ولی اللہ معروف صاحب کو سوشل میڈیا کے تمام پلیٹ فارمز پر فالو کیجیے، ان کے اس کام کو سراہئیے اور ان کی بھرپور حوصلہ افزائی کیجیے۔

شمس الحق المسعودی
Harf e Haq حرف حق

13/07/2025

بوجھو تو جانیں... 🙈

13/07/2025

؛ Harf e Haq حرف حق

جہاں میں سچ کی صدا کوئی سنتا کب ہے
مگر یہ حرفِ حق ہے کہ کہنا پڑتا ہے

الحمدللہ! آج کے اس پرآشوب دور میں، جہاں فتنوں کا سیلاب اور باطل نظریات کا غلبہ ہے، ہم نے سچ، عدل اور دینِ اسلام کے خالص پیغام کو پھیلانے کے لیے "حرفِ حق" کے نام سے ایک فیس بک پیج کا آغاز کیا ہے۔

یہ پیج صرف ایک معلوماتی پلیٹ فارم نہیں، بلکہ یہ حق کو پہچاننے، سچ بولنے، ظلم کے خلاف آواز اٹھانے اور اپنی زندگی کو قرآن و سنت کے مطابق ڈھالنے کی دعوت ہے۔

ہمارا مقصد ایک ایسی جگہ فراہم کرنا ہے جہاں بغیر کسی خوف یا دباؤ کے حق بات کہی جا سکے، جہاں معاشرتی مسائل پر کھل کر بات ہو سکے اور جہاں ہر کوئی اپنی رائے کا اظہار کر سکے۔

"حرفِ حق" صرف ایک پیج نہیں، بلکہ یہ ایک تحریک ہے ان تمام آوازوں کے لیے جنہیں اکثر دبا دیا جاتا ہے۔ یہ ایک ایسی جگہ ہے جہاں ہم سب مل کر سچ کی شمع روشن کریں گے اور جہاں باطل کے اندھیروں کو دور کرنے کی کوشش کی جائے گی۔
ہم معاشرتی ناانصافیوں، ظلم اور جبر کے خلاف آواز اٹھائیں گے اور ہر اس موضوع پر بات کریں گے جس کا تعلق ہماری زندگیوں اور ہمارے معاشرے سے ہے۔
ہمارا عزم ہے کہ ہم حرفِ حق کو عام کریں گے، مگر نرم لہجے اور دلیل کی روشنی میں، ہم اختلاف کریں گے مگر اخلاق کے دائرے میں، ہم اصلاح کا پیغام دیں گے، مگر اخلاص کے ساتھ۔

ہم آپ کو دعوت دیتے ہیں کہ اس سفر میں ہمارے ساتھ شامل ہوں، پیج کو لائک اور فالو کریں، پوسٹس کو شیئر کر کے نیکی کا حصہ بنیں اور باطل کے مقابلے میں حق کی آواز بنیں۔
یاد رکھیں.! سچ بولنے اور سچ کا ساتھ دینے سے ہی معاشرے میں مثبت تبدیلی آتی ہے۔
آئیے.! مل کر سچ کی اس آواز کو مزید بلند کریں۔
کیونکہ کبھی کبھی ایک "حرفِ حق" بھی بیداری کی چنگاری بن جاتا ہے!
جزاکم اللہ خیراً و کثیراً

جو حرفِ حق تھا وہی جا بجا کہا سو کہا
بلا سے شہر میں میرا لہو بہا سو کہا

شمس الحق المسعودی

https://www.facebook.com/share/1ArXW1dsTC/

ایک نیا عزم ایک نیا ولولہ

12/07/2025

ایک نیا عزم ایک نیا ولولہ.... ان شاء اللہ