CID Bureau

08/07/2025

کرپٹ رشوت خور پولیس کا کھیل ختم! 1715 پر ایک کال، سیدھا شکایت IG کو!

اگر کوئی پولیس افسر آپ کے جائز کام کے بدلے میں پیسے یا کوئی فائدہ مانگے تو فوراً آئی جی کمپلینٹ سیل ہیلپ لائن 1715 پر اطلاع دیں۔

04/07/2025

ڈی ایس پی کے دفتر آنے والا جعلی جج گرفتار ۔ جعلی سرکاری گاڑی ، نیلی بتی ، سرکاری نمبر پلیٹ ، آٹو میٹک اسلحہ برآمد ۔
عثمان آغا نامی شخص نے خود کو ایڈیشنل سیشن جج اسلام آباد ظاہر کیا ، دفتر کے عملے کو مسلح ہو کر ڈرایا دھمکایا ، چیکنگ پر ٹھگ نکلا ، جعلی سرکاری گاڑی ، سرکاری نمبر پلیٹ ، نیلی بتی ، آٹومیٹک اسلحہ برآمد ، پولیس تھانہ ماڈل ٹاؤن بوریوالا نے ملزم کو پرائیویٹ گن مین سمیت گرفتار کر کے قانونی کاروائی کا آغاز کر دیا۔۔۔۔۔

27/06/2025

😭😭😭😭😭
بچے سوچتے ہوں گے باپ بچا لے گا ۔۔۔ماں تو مجھے کچھ نہیں ہونے دے گی۔۔۔۔۔باپ سوچ رہا ہو گا کسی طرح معجزہ ہو جائے میرے بچے بچ جائیں ۔۔۔۔کیا قیامت خیز منظر ہو گا جب ایک ایک کر کے سب پانی کی بے رحم لہروں کی نظر ہو گئے۔۔۔ڈوبتے افراد نے ایک دوسرے کو امید کی نظر سے دیکھا ہو گا۔۔۔ایک نظر آسمان پر ہو گا یا اللہ بچا لے۔۔۔۔
إِنَّا لِلّهِ وَإِنَّـا إِلَيْهِ رَاجِعونَ

27/06/2025

22/06/2025

🖤 "میری ڈیڈ باڈی آفس سے آ کر لے جانا" — ایک آخری پیغام 🖤
ملتان سے تعلق رکھنے والا ایک خوبرو نوجوان، وقاص رضا، جو ریئل اسٹیٹ کا کام کرتا تھا — اس نے اپنی زندگی کا خاتمہ کر لیا۔ جانے سے پہلے صرف ایک جملہ فیملی کو بھیجا:
"میری ڈیڈ باڈی آفس سے آ کر لے جانا"

یہ خبر فیس بک پر دیکھی، دل دہل گیا…
کیوں؟ کیسے؟
یہ تو صرف اللہ جانتا ہے… مگر یہ واقعہ بہت کچھ سوچنے پر مجبور کرتا ہے۔

❗ مسئلہ صرف وقاص کا نہیں ❗
ہمارے معاشرے میں نوجوانوں کا ذہنی دباؤ، احساسِ تنہائی، ڈپریشن اور مایوسی مسلسل بڑھ رہی ہے۔
کئی خوبصورت چہرے اندر سے ٹوٹ چکے ہوتے ہیں — بس ہمیں نظر نہیں آتا۔

ہم اپنے بچوں کو ریاضی، سائنس، اردو، انگلش تو پڑھاتے ہیں…
مگر زندگی جینا نہیں سکھاتے۔

🔎 ہمیں اسکولوں میں کیا سکھانا چاہیے؟
👨‍🏫 لائف اسکلز (Life Skills)
یہ کوئی "اضافی مضمون" نہیں بلکہ اصل تعلیم ہے۔
ہمیں سکھانا چاہیے:

مایوسی سے کیسے نکلیں؟

ڈپریشن سے کیسے نمٹیں؟

گرنے کے بعد دوبارہ کیسے اٹھیں؟

ناکامی کے بعد ہمت کیسے جمع کریں؟

اپنے جذبات کیسے کنٹرول کریں؟

مدد مانگنا کمزوری نہیں، ہمت ہے۔

🧠 دماغی صحت = جسمانی صحت جتنی اہم
ہم میں سے اکثر یہ سمجھتے ہیں کہ "جو نظر آئے وہی بیماری ہے"
مگر ذہنی بیماریوں کا دکھ چھپتا ہے — مسکراہٹوں کے پیچھے۔

💔 اکثر خودکشی کرنے والے لوگ آخری دنوں میں "بالکل نارمل" لگتے ہیں۔
اسی لیے ہمیں اپنے دوستوں، کولیگز، رشتہ داروں پر نظر رکھنی چاہیے۔

🤝 کیا کرنا چاہیے؟
✅ اگر کوئی چپ ہو جائے — اس سے بات کریں
✅ اگر کوئی حد سے زیادہ ہنسنے لگے — اس کے دل کا حال پوچھیں
✅ اگر کوئی بہت زیادہ تنہا رہنے لگے — اس کا ہاتھ تھامیں
✅ اگر کوئی زندگی سے مایوس باتیں کرے — اس کو سنیں، جج نہ کریں

📢 آگے بڑھیں… آواز بنیں
ہم سب کو زندگی سے جُڑنے کا سبق دینا ہوگا۔
اسکول، کالجز، یونیورسٹیز، میڈیا — سب کو مل کر ایک مشترکہ آواز بننا ہوگا:

"زندگی ختم کرنے کا نام نہیں…
زندگی لڑنے کا نام ہے!"

وقاص جیسے نوجوان اگر ہمارے سسٹم میں Life Skills سیکھتے، تو شاید آج زندہ ہوتے…

💬 اگر آپ یا آپ کے کسی جاننے والے کو مدد کی ضرورت ہے:
خاموش نہ رہیں

کسی قریبی سے بات کریں

کسی ماہرِ نفسیات سے رابطہ کریں

اور یاد رکھیں: یہ وقت گزر جائے گا… زندگی بہت قیمتی ہے۔

📲 یہ پوسٹ ایک مہم کا آغاز ہو سکتی ہے۔ براہ کرم اسے شیئر کریں — شاید کسی کی زندگی بچ جائے۔!!!

06/06/2025

اإِنَّا لِلّهِ وَإِنَّـا إِلَيْهِ رَاجِعونَ
یس ایچ او تھانہ صدر کھاریاں انسپکٹر چوہدری لیاقت گجر کی نمازہ جنازہ پولیس لائن گجرات میں ادا کردگئی
سرکاری افسران پولیس اہلکاران اور سماجی سیاسی کاروباری شخصیات کی نماز جنازہ میں شرکت



Subscribe to our channel, like and comment and watch the full video. Thank you for your support

*One Plus News (Private) Limited* *Mufasa Group of Companies Limited*

*YouTube*
https://www.youtube.com/.1

https://whatsapp.com/channel/0029Vb6kEpQ6RGJOKiditL1R

02/06/2025

*چترال سے تعلق رکھنے والی نوجوان ٹک ٹاکر ثنا یوسف اسلام آباد میں قتل*

پاکستان کے وفاقی دارالحکومت اسلام آباد میں چترال سے تعلق رکھنے والی نوجوان ٹک ٹاکر ثنا یوسف کو فائرنگ کر کے قتل کر دیا گیا ہے۔
پیر کو تھانہ سمبل کی حدود میں واقع سیکٹر جی-13 میں نامعلوم ملزم نے گھر میں گھس کر ثنا یوسف کو قتل کیا۔

یہ واقعہ آج شام سیکٹر جی-13 میں پیش آیا ہے۔ ابتدائی معلومات کے مطابق ثنا یوسف کو اُن کے گھر میں داخل ہو کر گولیاں ماری گئیں۔
پولیس کے مطابق اطلاع ملتے ہی متعلقہ تھانے کی نفری جائے وقوعہ پر پہنچ گئی اور لاش کو پوسٹ مارٹم کے لیے پمز اسپتال منتقل کر دیا گیا۔
پولیس ترجمان کا کہنا تھا کہ واقعے کی مزید تحقیقات شروع کر دی گئی ہیں اور پیش رفت سے میڈیا کو آگاہ کیا جائے گا۔

پولیس کے ایک افسر نے بتایا کہ ’ثنا یوسف کو اُن کے گھر آئے ایک مہمان نے فائرنگ کر کے قتل کیا اور موقع سے فرار ہو گیا۔ ‘
ثنا یوسف نے واقعے سے چند گھنٹے قبل ہی انسٹاگرام پر اسلام آباد سے ایک ویڈیو اپلوڈ کی تھی۔

02/06/2025

ضلع گجرات کےدس پریس کلبز کا گجرات پریس کلب سے اتحاد ۔۔ ڈنگہ پریس کلب گجرات کی طرف سے
صدر خالد محمود مغل ۔جنرل سیکرٹری نوید شہزاد مغل ۔فنانس سیکرٹری ڈاکٹر افضال مغل۔ڈاکٹر شفیق الرحمن بُھٹہ۔۔امیر چوہدری نے ڈنگہ پریس کلب کی نمائندگی کی

30/05/2025

اِنّا لِلّٰهِ وَاِنّا اِلَيْهِ رَاجِعُوْن💔

*بڑے بیٹے کی لاش چھوٹے کی چیخیں اور زخمی باپ کی خاموشی*

سیالکوٹ شام کی مدھم روشنی جیسے زمین پر اداسی کے آنچل کی صورت اتر رہی تھی مبارک پورہ کی گلیوں میں ایک ہلکا سا سکوت چھایا ہوا تھا لیکن کچھ لمحے بعد وہ خاموشی چیخوں میں بدل گئی۔ گولیوں کی آواز نے سب کچھ بدل دیا اور زندگی کے پُرامن سفر کو خون میں نہلا دیا۔ زویار سفیان کا بیٹا ماں کی آنکھ کا تارا اپنے چھوٹے بہن بھائیوں کا سایہ خوابوں سے بھرا ایک نوجوان جس کی عمر محض پچیس سے چھبیس سال تھی اچانک گرتا ہے۔ اس کی آنکھوں میں زندگی کی روشنی بجھتی ہے اور سامنے کھڑا ہے وہ شخص جسے اس نے ہمیشہ عزت دی محبت دی اس کا اپنا چچا۔

کیا وقت تھا وہ؟ لمحے جیسے رُک گئے۔ ایک ماں جو چولہے پر کھانا پکا رہی تھی جب گولی کی آواز سنی دوڑتی ہوئی آئی۔ اور سامنے وہ منظر... وہ منظر جو کسی فلم میں ہوتا تو شاید ہم آنکھیں بند کر لیتے مگر یہاں تو حقیقت نے وحشت کی چادر اوڑھ لی تھی۔ زویار کا جسم خون میں لت پت زمین پر بے حس و حرکت اور ماں کی چیخ جو آسمان چیرتی گئی۔ کسی نے اُسے گود میں اٹھایا کسی نے پانی کے چھینٹے دیے لیکن زویار کی آنکھوں نے پلٹ کر نہ دیکھا۔ ماں کی گود جس میں کبھی زویار سویا کرتا تھا آج اس میں وہ آخری بار تھما لیکن ہمیشہ کے لیے۔

باپ کے سامنے اس کا جوان بیٹا قتل ہوا اور چھوٹا بیٹا اذان جس کی عمر صرف سولہ سال ہے وہ بھی زخمی ہو کر تڑپ رہا تھا۔ اور بے بسی کا یہ عالم کہ باپ سفیان خود بھی گولی کا شکار ہو کر زخمی پڑا تھا۔ وہ اپنے بیٹے کو بچانا چاہتا تھا اپنی جان کا سایہ بننا چاہتا تھا لیکن وہ بھی زمین پر گرا ہوا تھا۔ اس کی آنکھوں کے سامنے اس کا آنگن اجڑ گیا اور وہ کچھ نہ کر سکا۔ بیٹے کی موت کا درد جسم کی کسی چوٹ سے بڑا ہوتا ہے۔ اذان کی انگلی سے خون بہہ رہا تھا اور وہ چیخ رہا تھا بھائی کو ہلا رہا تھا لیکن زویار کی خاموشی بولتی نہ تھی۔

ایک لمحے میں تین زندگیاں ٹوٹ گئیں۔ ایک خاندان بکھر گیا۔ وہ گھر جہاں محبت خاندانی رشتے اور مسکراہٹیں بستیں تھیں آج وہاں صرف سناٹا ہے۔

زویار کے خواب دفن ہو گئے۔ اُس نے شاید انجینئر بننے کا سوچا ہوگا شاید کسی دن ماں کے قدموں میں بیٹھ کر اس کے ہاتھ چومنے کا وعدہ کیا ہوگا شاید اُس نے کبھی اذان سے کہا ہوگا کہ میں تیرا بڑا بھائی ہوں کچھ نہیں ہونے دوں گا مگر چچا کی گولی نے وہ سب چھین لیا اور رشتہ جو خون کا ہوتا ہے آج خون ہی میں نہا گیا۔

اب اس گھر میں سب کچھ تھم گیا ہے۔ کھڑکیاں بند دروازے خاموش دیواریں سنسان اور وہ پلنگ جہاں زویار سوتا تھا خالی۔ اُس کی ماں ابھی بھی کمرے کے کونے میں بیٹھی اُس کے کپڑے سینے سے لگا کر بیٹے کی خوشبو سونگھتی ہے شاید اُسے لگتا ہے کہ بیٹا دروازہ کھول کر واپس آ جائے گا۔ اذان اکثر رات کو جاگ کر پوچھتا ہے امی بھائی ابھی بھی نہیں آئے؟

اور سفیان وہ صرف ایک باپ نہیں ایک جیتا جاگتا نوحہ بن چکا ہے۔ وہ کبھی زویار کی تصاویر دیکھتا ہے کبھی چھت کو۔ اُس کی خاموشی میں ہزاروں چیخیں دفن ہیں اور اس کے زخمی کندھے کا درد اب دل کی دھڑکن بن چکا ہے ہر لمحے ہر سانس کے ساتھ یاد دلاتا ہے کہ اُس نے اپنے بیٹے کو اپنی آنکھوں کے سامنے کھو دیا۔

یہ المیہ صرف ایک خاندان کا نہیں یہ تھانہ حاجی پورہ کے علاقے مبارک پورہ کے لیے بھی ایک دردناک حقیقت ہے۔ جب رشتے ہی دشمن بن جائیں تو انسان کہاں جائے؟ زویار کی کہانی اب کتابوں میں نہیں قبروں پر لکھی جا رہی ہے۔ اُس کی خاموشی ایک سوال ہے کہ جب خون رشتے اور خواب ایک ساتھ بہہ جائیں تو انسانیت کہاں کھڑی ہوتی ہے؟

اللہ تعالیٰ زویار سفیان Zawiar Safian کی مغفرت فرمائے۔ اور لواحقین کو صبرو جمیل عطاء فرمائے۔
آمین ثمہ آمین😢

مرحوم کے لیے ایک بار فاتحہ اور 3بار سورت اخلاص پڑھ کر کمنٹ میں Done لکھ دیں🙏

30/05/2025

*9مئی کیس میں پی ٹی آئی کے موجودہ و سابقہ ارکان اسمبلی سمیت 11 ملزمان کو سزا*

اسلام آباد:انسداددہشت گردی عدالت اسلام آباد نے 9 مئی تھانہ رمنا پر حملہ کیس میں پی ٹی آئی ایم این اے عبدالطیف اور سابق ایم پی اے وزیر زادہ کیلاشی سمیت 11 ملزمان کو سزا سنا دی۔

انسداد دہشتگردی عدالت کے جج طاہر عباس سپرا نے پی ٹی آئی رہنماؤں اور کارکنان کے خلاف 9 مئی تھانہ رمنا پر حملہ کیس کا فیصلہ سنایا۔

پولیس نے فیصلے کے بعد عدالت میں موجود چار ملزمان محمد اکرم، میرا خان، شاہ زیب اور سہیل خان کو تحویل میں لے لیا جبکہ عدالت نے غیر حاضر ملزمان کے وارنٹ گرفتاری جاری کر دیے۔

ملزمان کو مجموعی طور پر 15 سال چار ماہ قید اور جرمانہ کی سزا سنائی گئی۔

عدالت نے حکم میں کہا کہ ملزمان نے تھانہ رمنا پر حملہ کیا اور فائرنگ کی، پتھراؤ کیا اور پولیس والوں کو مارنے کی کوشش کی۔ ملزمان نے اپنے مقاصد کے لیے موٹر سائیکلوں کو آگ لگائی۔ ملزمان کے خلاف 24 گواہان نے اپنی شہادتیں قلمبند کروائیں، ملزمان کی مجسٹریٹ صاحبان کے سامنے شناخت پریڈ کی گئی۔

جج طاہر عباس سپرا نے حکم دیا کہ اسلام آباد کے تھانوں پر حملہ ہوتا ہے تو ملک میں کوئی جگہ رہنے کے قابل نہیں رہے گی، پولیس پر قاتلانہ حملے پر ملزمان کو پانچ سال سزا اور 50ہزار جرمانہ کی سزا سنائی جاتی ہے۔ موٹر سائیکل جلانے پر چار سال قید اور 40ہزار جرمانے کی سزا سنائی جاتی ہے۔ تھانہ جلانے کے جرم میں چار سال قید اور چالیس ہزار جرمانہ کی سزا سنائی جاتی ہے۔

جج طاہر عباس سپرا نے حکم دیا کہ پولیس کے کام میں مداخلت پر تین ماہ قید کی سزا سنائی جاتی ہے، دفعہ 144 کی خلاف ورزی پر ایک ماہ کی سزا سنائی جاتی ہے۔ مجمع بنا کر جرم کرنے پر دو سال کی سزا سنائی جاتی ہے، دہشت گردی کی دفعات پر دس سال سزا اور دو لاکھ جرمانہ کی سزا سنائی جاتی ہے۔

26/05/2025

خضدار میں سکول بس پر بھارتی سپانسرڈ دہشتگردوں کا حملہ، شہید طلباء کی تعداد 8 ہوگئی

8 معصوم جانیں فتنہ الہندوستان کی پاکستان میں دہشتگردی کی بھینٹ چڑھ گئیں، سیکیورٹی ذرائع

خضدار حملے میں شہید ہونے والے طلباء و طالبات کی تعداد 8 ہو گئی، سیکیورٹی ذرائع

مزید دو طلباء شیما ابراہیم اور مسکان زخموں کی تاب نہ لاتے ہوئے شہید ہو گئیں، سکیورٹی ذرائع

حملے میں شہید ہونے والوں میں 7 طالبات اور 1 طالب علم شامل ہیں، سیکیورٹی ذرائع

بس پر خودکش حملے کے پہلے روز چھٹی جماعت کی ثانیہ سومرو، ساتویں جماعت کی حفظہ کوثر اور دسویں جماعت کی عیشا سلیم شہید ہوئی تھیں، سکیورٹی ذرائع

طالب علم حیدر، طالبہ ملائکہ اور سحر سلیم نے دوران علاج جام شہادت نوش کیا، سکیورٹی ذرائع

خضدار میں بزدلانہ حملے کی منصوبہ بندی دہشتگرد ریاست بھارت میں کی گئی، سیکیورٹی ذرائع

ان معصوم بچوں کے خون کا حساب فتنہ الہندوستان اور انکے ہندوستانی آقاؤں سے لیا جائے گا، سیکورٹی ذرائع

25/05/2025

وزیراعلیٰ مریم نوازشریف نے برسوں سے رائج برتھ اور ڈیتھ رجسٹریشن فیس ختم کردی

پنجاب میں برتھ و ڈیتھ رجسٹریشن رولز 2025 نافذ

پنجاب میں برتھ اور ڈیتھ رجسٹریشن فیس ختم کردی گئی

پنجاب بھر میں برتھ اور ڈیتھ کی رجسٹریشن بلا معاوضہ کرائی جاسکے گی

وزیراعلی مریم نوازشریف کی ہدایت پر برتھ اور ڈیتھ کمپیوٹرائزڈ سر ٹیفکیٹ بھی مفت جاری ہوگا

شہری یونین کونسل اور میونسپل کمیٹی میں 7 سال تک بلامعاوضہ اندراج کراسکتے ہیں

پنجاب میں برتھ اور ڈیتھ کی لیٹ رجسٹریشن پر کورٹ ڈگری کی شرط بھی ختم کردی گئی