12/07/2026
وفاقی وزیر چوہدری سالک حسین 26 جولائی کو میجر محمد اکرم شہید اسٹیڈیم ڈنگہ کا افتتاح کریں گے، صوبائی وزیر سپورٹس فیصل کھوکھر بھی شریک ہوں گے
گجرات (وقاص احسان) ممبر صوبائی اسمبلی حلقہ پی پی 34 چوہدری اعجاز احمد رنیاں نے میڈیا سے گفتگو کرتے ہوئے کہا ہے کہ وفاقی وزیر چوہدری سالک حسین 26 جولائی بروز اتوار میجر محمد اکرم شہید اسٹیڈیم ڈنگہ کا باقاعدہ افتتاح کریں گے۔ اس موقع پر وہ ڈنگہ ہسپتال کا بھی دورہ کریں گے۔
انہوں نے بتایا کہ وفاقی وزیر چوہدری سالک حسین کا ڈھل بنگش پل پر پرتپاک استقبال کیا جائے گا، جہاں سے ایک استقبالیہ ریلی کی صورت میں انہیں مریم نواز اسٹیڈیم تک لایا جائے گا۔
چوہدری اعجاز احمد رنیاں کے مطابق افتتاحی تقریب میں صوبائی وزیر سپورٹس فیصل کھوکھر بھی خصوصی شرکت کریں گے، جبکہ ہزاروں افراد کی آمد متوقع ہے۔ تقریب میں سیاسی، سماجی، کاروباری اور مختلف شعبہ ہائے زندگی سے تعلق رکھنے والی اہم شخصیات بھی شریک ہوں گی۔
