11/02/2025
دیرلویر،جے یو ائی تحصیل خال کے زیر اہتمام آل پارٹیز کانفرنس کا انعقاد،مسائل کے حل کے لیے گرینڈ جرگہ تشکیل دینے کا فیصلہ،علاقے میں امن و امان کے قیام،منشیات فروشوں کے خلاف کاروائی بشمول نامکمل ترقیاتی منصوبوں کی تکمیل کے لیے مشترکہ طور پر جدوجہد جاری رکھنے کا اعلان۔
اس حوالے سے جے یو ائی تحصیل خال دیرلوئیر کے زیر اہتمام ال پارٹیز کا انعقاد کیا گیا جس کی صدارت ضلعی سرپرست اعلیٰ سید نیک محمد باچا نے کی،اس موقع پرتمام سیاسی جماعتوں کے قایدین،انجن تاجران کے نمایندوں نے شرکت کی۔اے پی سی میں ضلعی امیر سراج الدین، ضلعی سالار انصار ااسلام و ویکج چیئرمین عمر حیات، تحصیل امیر مولانا الطاف زادہ،جنرل سیکرٹری ہ ہمایون سید بھی موجود تھے،اپنے خطاب میں تحصیل چیئرمین اخونزادہ اشفاق الرحیم،مسلم لیگ نون کی ڈویژنل صدر اور سابق صوبائی وزیر ملک جہانزیب خان،جماعت اسلامی کے اخونزادہ کلیم اللہ, پی پی پی کے ملک مبارک زیب, اخونزادہ ظہور زادہ،ملک محمد وزیر،انجمن تاجران کے صدر حمید الر حمٰن،منیجر حنیف اللہ،اخونزادہ اظہر تقویم وغیرہ کا کہنا کہ علاقے میں امن و امان کا قیام اولین ترجیح ہے جس پر کسی قسم کا سمجھوتہ نہیں کیا جائے گا،مقررین نے اس موقع پر علاقے میں کم ولٹیج،بجلی کی لوڈ شیڈنگ،فنڈز کمی کی وجہ سے ترقیاتی پروجیکٹس پر کام کی بندش اور تشویش کا اظہار کیا شرکاء کا کہنا تھا کہ منتخب نمائندوں سے مایوسی کے بعد تحصیل خال کے مشران نے کروڑوں روپے کی لاگت سے اپنی مدد اپ کے تحت گزشتہ سیلاب میں تباہ ہونے والے جاپان پل کی دوبارہ تعمیر کا کام شروع کیا ہے جس میں کسی قسم کی رکاوٹ برداشت نہیں کی جائے گی،اے پی سی میں الگ گریڈ سٹیشن کے قیام،نوجوانوں کے لئے سپورٹس کمپلکس کی تعمیر،قدرتی گیس کی فراہمی اور محکمہ پبلک ہیلتھ کے زیر نگرانی تمام سکیموں کو جلد از جلد فعال کرنے کے مطالبات کے گئے
اس موقع پر فیصلہ کیا گیا کہ علاقے کی تعمیر و ترقی کے لیے مشترکہ طور پر جدوجہد کی جائے گی اور اس حوالے سے تمام سیاسی جماعتوں، انجمن تاجران اور علاقائی مشران پر مشتمل گرینڈجرگہ تشکیل دیا جائے گا جو جلد تحصیل چییرمین اخونزادہ اشفاق الر حیم کی قیادت میں و زیر اعلی خیبر پختون خواہ سے ملاقات کر کے انہیں علاقائی مسائل سے اگاہ کرے گا جبکہ وفاقی محکموں کے حوالے سے شکایات کی ازالے کے لیے مسلم لیگ نون کے ڈویژنل صدر ملک جہانزیب خان کی قیادت میں نمائندہ وفد وفاقی محکموں کے ذمہ داران سے ملاقات کر کے انہیں علاقائی مشکلات سے اگاہ کرے گا،شرکاء نے اس موقع پر جمعیت علماء اسلام دیرپائن کی جانب سے تمام تحصیلوں میں ال پارٹیز کانفرنس کے انعقاد کو خوش ائن قرار دیا اور مستقبل میں بھی یہ سلسلہ جاری رکھنے کی امید کا اظہار کیا
