Era News - HD

20/09/2025

آئی جی سندھ غلام نبی میمن نے 4 ڈی ایس پیز ، ڈی ایس پی سہراب گوٹھ اورنگزیب خٹک، ڈی ایس پی کلاکوٹ آصف منور، ڈی ایس پی کھارادر شبیر احمد اور ڈی ایس پی عیدگاہ ظفر اقبال کے خلاف انکوائری کے احکامات دیتے ہوئے تنویر عالم اوڈھو کو انکوائری افسر مقرر کر دیا ہے۔

ڈی ایس پی اورنگزیب خٹک پر الزام ہے کہ بحیثیت ایس ایچ او سچل زمینوں پر قبضے اسمگلنگ کے سامان اور ایرانی ڈیزل کی فروخت کی سہولت کاری میں ملوث رہے۔

ڈی ایس پی کلاکوٹ آصف منور پر الزام ہے کہ منشیات فروشوں، جوئے سٹے، گٹکا ماوا، پارکنگ مافیا، چائے کے ہوٹلوں پتھاروں اور دکانوں سے ہفتہ وصولی کرتے ہیں۔

20/09/2025

مظفر گڑھ کے علاقے شاہ جمال میں بھیک مانگنے والی 10 سال کی بچی سے 3 افراد نے مبینہ زیادتی کی۔

پولیس نے بتایا کہ متاثرہ بچی ایک گھر میں بھیک مانگنے گئی جہاں ملزمان نے مبینہ زیادتی کی، متاثرہ بچی کا میڈیکل کروایا جا رہا ہے اور ملزمان کی تلاش جاری ہے۔

واقعے کا مقدمہ متاثرہ بچی کے والد کی مدعیت میں 3 نامعلوم افراد کے خلاف درج کرلیا گیا ہے۔

20/09/2025

ٹیوشن سینٹر کی چھت گر گئی3 بچوں سمیت 7 افراد جاں بحق،متعدد بچوں کے ملبے تلے دبے ہونے کا خدشہ

20/09/2025

فیصل آباد میں بالآخر الیکٹرک بسیں پہنچ گئی ہیں جس کے بعد شہریوں کا طویل انتظار ختم ہونے جا رہا ہے۔

تقریباً 30 سال بعد شہر کو جدید پبلک ٹرانسپورٹ کی سہولت ملنے والی ہے، جس کا باضابطہ افتتاح ستمبر 2025 کے آخری ہفتے میں متوقع ہے۔

اس منصوبے سے شہریوں کو سفری سہولت کے ساتھ ساتھ ماحولیاتی بہتری کی بھی امید ہے

20/09/2025

وزیراعلی پنجاب مریم نوازشریف کا ‏60 سے 120 منٹ میں کینسر ختم کرنے والی مشین کو نشتر ہسپتال ملتان اور راولپنڈی کے ہسپتال میں لگانے کا فیصلہ
لاہور میو ہسپتال میں اج آپریشنل ہو چکی ہے اور پانچ کینسر کے مریض صحت یاب بھی ہو چکے ہیں
جن میں ایک خاتون تاندلیاں والا کی بھی شامل ہے
یاد رکھیں یہ ٹیکنالوجی مریم نواز شریف صاحبہ چائنہ کے دورے کے بعد پنجاب میں لے ائی ہیں

20/09/2025

ملک میں ہفتہ وار مہنگائی میں 1.34 فیصد کی کمی ریکارڈ کی گئی ہے، آٹا سستا، گھی مہنگا ہو گیا۔

ادارہ شماریات کے مطابق مہنگائی کی مجموعی سالانہ شرح کم ہوکر 4.17 فیصد پر آگئی ہے، 18 اشیائے ضروریہ کی قیمتوں میں اضافہ، 14 اشیائے ضروریہ کی قیمتوں میں کمی اور19 اشیائے ضروریہ کی قیمتوں میں استحکام رہا۔

ادارہ شماریات کے مطابق مہنگی ہونے والی اشیاء میں ڈیزل 1.06 فیصد، انڈے 0.91 فیصد، بیف 0.42 فیصد مہنگا ہوا، چاول، مٹن، گھی، دال مونگ، سگریٹ، لکڑی اور انرجی سیور بھی مہنگے ہوئے۔

اعداد و شمار کے مطابق ایک ہفتے کے دوران 14 اشیائے ضروریہ کی قیمتوں میں کمی آئی، پیاز 1.17 فیصد، ٹماٹر 23.11 فیصد، آٹا 2.60 فیصد، کیلے5.07 فیصد، دال مسور 0.64 فیصد، دال چنا 0.47 فیصد، لہسن 0.46 فیصد اور مرغی کی قیمت میں 12.74 فیصد کمی ہوئی ہے۔

20/09/2025

سٹی پولیس آفیسر صاحبزادہ بلال عمر کی ہدایت پر تھانہ کھرڑیانوالہ پولیس کی بڑی کارروائی
قتل کےتین ملزمان گرفتار
سی پی او فیصل آباد نے ملزمان کی گرفتاری کیلئے سپشل ٹیم تشکیل دی تھی
ایس ایچ او تھانہ کھرڑیانوالہ سب انسپکٹر امتیاز علی نےکارروائی کرتے ہوئے ملزمان ناظم علی، شیر علی اور شہناز بی بی کو گرفتار کرلیا
ملزمہ نے ساتھیوں کے ساتھ مل کر اپنے خاوند سکندر علی کو گھریلو ناچاکی کی بناء پر قتل کردیا اور فرار ہوگئے۔
تھانہ کھرڑیانوالہ پولیس نے ملزمان کے خلاف قانونی کاروائی کا آغاز کردیا
ملزمان کو قانون کے مطابق قرار واقعی سزا دلوائی جائے گی ۔سی پی او فیصل آباد

19/09/2025

سوزوکی پاکستان نے حبیب بینک لمیٹڈ (ایچ بی ایل) کے اشتراک سے نیا ایکسچینج پروگرام متعارف کروا دیا ہے، جس کے ذریعے صارفین کے لیے نئی آلٹو ماڈل پر اپ گریڈ کرنا مزید آسان بنا دیا گیا ہے۔

اس آفر کے تحت کار مالکان اپنی موجودہ گاڑیاں ٹریڈ اِن کر کے نئی سوزوکی آلٹو فنانس کر سکتے ہیں، جس پر 9.99 فیصد مارک اپ ریٹ لاگو ہوگا۔

اس اسکیم کے تحت صارفین اپنی پرانی گاڑی کی ٹریڈ اِن ویلیو کے مطابق کم از کم 18,999 روپے ماہانہ ادائیگی کر کے نئی گاڑی اپنے گھر لے جا سکتے ہیں۔

شرائط کے مطابق قسطوں کا منصوبہ 21 لاکھ روپے کی پرانی گاڑی کی مفروضہ ویلیو پر مبنی ہے، جبکہ باقی رقم ایچ بی ایل کے ذریعے فنانس کی جائے گی۔

یہ پروگرام سوزوکی کی جانب سے آلٹو کی فروخت بڑھانے کے لیے متعارف کرایا گیا ہے، جو پاکستان کی مقبول ترین کومپیکٹ کاروں میں شمار ہوتی ہے، اور اس کا مقصد صارفین کو آسان ادائیگی کے طریقے فراہم کرنا ہے۔

19/09/2025

سعودی عرب اور جوہری ہتھیاروں سے لیس ملک پاکستان کے درمیان بدھ کو ہونے والے ایک باہمی سکیورٹی معاہدے پر ناصرف انڈین حکومت نے اپنا ردعمل دیا ہے بلکہ ملک کے دفاعی ماہرین بھی اس معاہدے پر بات کرتے اور اس پر اپنے خدشات کا اظہار کرتے نظر آ رہے ہیں۔

دونوں ممالک کے درمیان یہ سکیورٹی معاہدہ اسرائیل کی جانب سے قطر کے دارالحکومت دوحہ پر حملے کے بعد طے پایا ہے اور پاکستان کے وزیر دفاع خواجہ آصف نے یہ بھی کہا ہے کہ اگر دیگر عرب ممالک بھی ایسا کوئی اشارہ دیتے ہیں، تو جیسا باہمی معاہدہ سعودی عرب کے ساتھ ہوا ہے پاکستان باقی (ممالک) کو بھی اس میں شامل کرنے پر غور کر سکتا ہے۔

اس معاہدے کو نہ صرف دونوں ممالک کے لیے اہم قرار دیا جا رہا ہے بلکہ ماہرین کے مطابق مستقبل میں اِس کے مغربی ایشیا اور جنوبی ایشیا پر بھی اثرات مرتب ہو سکتے ہیں۔

19/09/2025

پاکستان اور سعودی عرب کے تاریخی دفاعی معاہدے نے عالمی میڈیا کی توجہ اپنی جانب مبذول کر لی ۔قطر کے نشریاتی ادارے الجزیرہ نے اپنی رپورٹ میں کہا کہ یہ معاہدہ خطے میں نئی جہت متعارف کروا رہا ہے اور اس کے اثرات بھارت سمیت پورے خطے پر پڑ سکتے ہیں۔

امریکی نشریاتی ادارے سی این این نے تجزیہ کیا کہ پاکستان اور سعودی عرب کا دفاعی اتحاد ایک نئی دفاعی صف بندی کی عکاسی کرتا ہے، جو امریکا پر خلیجی ریاستوں کے کم ہوتے اعتماد کی نشاندہی کرتا ہے۔

عالمی خبر رساں ایجنسی رائٹرز نے کہا کہ قطر پر اسرائیلی حملے نے خطے کو جھنجھوڑ دیا ہے اور اب واضح طور پر محسوس کیا جا سکتا ہے کہ خلیجی ممالک امریکا پر اپنا انحصار کم کر رہے ہیں۔

امریکی تجزیہ کار مائیکل کوگلمین نے تبصرہ کرتے ہوئے کہا کہ پاکستان کو چین، ترکی اور اب سعودی عرب کی مکمل حمایت حاصل ہے، جس سے پاکستان کی پوزیشن مزید مضبوط ہو گئی ہے۔

19/09/2025

گلبرگ کے علاقے میں نیشنل سائبر کرائم انویسٹی گیشن ایجنسی (این سی سی آئی اے) نے ایک کارروائی میں غیر قانونی قرض ایپ چلانے والے گروہ کو گرفتار کیا ہے۔

این سی سی آئی اے کے مطابق لاہور کے علاقے گلبرگ سے غیر قانونی قرض ایپ چلانے والے ایسے گروہ کو گرفتار کیا گیا ہے جو شہریوں کو بلیک میل کر رہا تھا، ملزمان میں ذوہیب، عمر غفار، اسد اصغر، اعظم الحق اور غیر ملکی لی ینگ شامل ہیں۔

پکڑے گئے ملزمان قرض کے نام پر موبائل ڈیٹا تک رسائی حاصل کر لیتے تھے، اور شہریوں کو وی او آئی پی سافٹ ویئر سے ایپ ڈاؤن لوڈ کروا کر اُن کا ڈیٹا چوری کیا جاتا تھا، ایپ سے صارف کے موبائل کانٹیکٹس اور گیلری تک رسائی حاصل کر لی جاتی تھی۔

18/09/2025