21/05/2026
🌟 Benjamin Franklin (1752) – Bijli ki Samajh
Unhone patang (kite) ke zariye mashhoor tajurba kiya aur sabit kiya ke aasmani bijli darasl electricity hi ki ek shakal hai. Unhone hi sab se pehle Positive (+ ) aur Negative (- ) charges ki term istemal ki.
🌟 Alessandro Volta (1800) – Pehla Current Banane Wala
Italian scientist Alessandro Volta ne dunya ki sab se pehli battery banayi jise "Voltaic Pile" kaha jata hai. Unhone hi sab se pehle musalsal behne wala current (steady electric current) paida kiya. Unhi ke naam par bijli ke pressure ko "Volt" kaha jata hai.
🌟 Michael Faraday (1831) – Aaj ki Bijli ke Baani
Agar aap sochein ke aaj hamare gharon mein jo generators aur transformers se bijli aati hai wo kisne banayi, to wo Michael Faraday the. Unhone daryaft kiya ke agar ek magnet (faunt) ko copper wire ke paas tezi se ghumaya jaye, to wire ke andar current peda ho jata hai (Electromagnetic Induction). Aaj dunya ke saare power houses isi tarah bijli banate hain.
🌟 Thomas Edison aur Nikola Tesla – Bijli ko Gharon tak Lanay Wale
Thomas Edison ne DC (Direct Current) aur bulb ijad kiya.
Nikola Tesla ne AC (Alternating Current) system aur AC Motor banayi, jis ki wajah se aaj bijli meelon door hamare gharon tak asani se pohanchti hai.
Dilchasp Baat: Current ke flow ko naapne ke liye jo unit istemal hota hai, yaani Ampere (Amp), wo French scientist André-Marie Ampère ke naam par rakha gaya hai, unhone bhi electromagnetism par bohot kaam kiya tha.
