Press Club Sehnsa

18/12/2025

18/12/2025

14/08/2025

ملک بھر کی طرح سہنسہ میں بھی جشن آذادی شایان شان طریقے سے منایا گیا

سہنسہ (نمائندہ خصوصی) ملک بھر کی طرح سہنسہ میں بھی جشن آذادی شایان شان طریقے سے منایا گیا - 78ویں یومِ آزادی پاکستان و معرکۂ حق کی مرکزی تقریب پائلٹ ہائی سکول سہنسہ میں نہایت شایانِ شان انداز میں منعقد ہوئی۔ صبح 7 بج کر 58 منٹ پر سائرن کی گونج نے فضاء کو حب الوطنی کے ولولے سے بھر دیا۔ اس پرمسرت موقع پر پرچم کشائی کی پُر وقار تقریب ہوئی،چوہدری احمد سبحانی اسسٹنٹ کمشنر سہنسہ و راجہ شکیل احمد ضیاء چیئرمین میونسپل کمیٹی سہنسہ نے پرچم کشائی کی۔تقریب میں شہریوں کی کثیر تعداد، وکلاء، انجمن تاجران، تحصیل افسران اور اسکول کے طلباء نے بھرپور شرکت کی۔ اس موقع پر ملکی سلامتی، خوشحالی، یکجہتی اور مقبوضہ کشمیر کی آزادی کے لیے خصوصی دعائیں کی گئیں۔ قومی ترانہ اور ملی نغموں کی گونج نے فضا کو وطن سے محبت کے جذبے سے مخمور کر دیا۔ جشن آذادی کی دوسری تقریب جوڈیشل کمپلیکس سہنسہ میں منعقد ہوئی جس میں ایڈیشنل ڈسٹرکٹ اینڈ سیشن جج چوہدری خالد حسین ثاقب نے کیک کاٹ کر جشن آذادی کی تقریب کا آغاز کیا جس میں ججز سول انتظامیہ کے افسران وکلا اور سرکاری ملازمین نے شرکت کی اس موقع پر ملکی سلامتی خوشحالی اور مقبوضہ کشمیر کی آذادی کے لیے خصوصی دعا کی گئی -

10/08/2025

سہنسہ (نمائندہ خصوصی) مون سون شجر کاری مہم کے سلسلہ میں محکمہ جنگلات آذاد کشمیر کی طرف سے سہنسہ میں تین روز کے لیےپودوں کی فری تقسیم کی مہم جاری ہے جو گرڈ اسٹیشن کے پاس نرسری سے ہو رہی ہے - جس میں سکھ چین کیکر سفیدہ بیری چئیڑ اور پلائی کے پودے لوگوں میں مفت تقسیم کیے جا رہے ہیں - آج اتوار کے دن اس موقع پر رینج آفیسر سرفراز راجہ, محمد ادریس راجہ اور محکمہ کے دیگر عملہ نے لوگوں میں پودے تقسیم کیے اور سوموار اور منگل کو بھی یہ کیمپ لگا رہے گا زمیندار اپنی زمینوں میں پودے لگانے کے لیے مفت پودے حاصل کر سکتے ہیں - پریس کلب سہنسہ کے سرپرست اعلی سید محمد علی نقوی اور چوہدری محمد شبیر خان نے بھی کیمپ کا دورہ کیا اور لوگوں میں پودے تقسیم کیے-