11/03/2026
کوٹلی (اقبال صابر) تھیلیسیمیا ریلیف چیریٹی کے بانی آدم خان نے آج ایک بار پھر آمنہ جہانگیر تھیلیسیمیا سنٹر کوٹلی کا دورہ کیا۔ اس موقع پر انہوں نے تھیلیسیمیا میں مبتلا بچوں سے ملاقات کی اور ان کی خیریت دریافت کی۔
تفصیلات کے مطابق آدم خان کی جانب سے مرحلہ وار امدادی سلسلہ جاری ہے۔ پہلے مرحلے میں انہوں نے سنٹر میں زیرِ علاج بچوں کے لیے ادویات فراہم کیں، دوسرے مرحلے میں مریض بچوں کے خاندانوں میں راشن تقسیم کیا گیا، جبکہ آج کے دورے کے دوران ایک بار پھر راشن کے ساتھ ساتھ بچوں میں نقد رقم (کیش) بھی تقسیم کی گئی تاکہ ان کے علاج اور دیگر ضروری اخراجات میں آسانی پیدا ہو سکے۔
علاقہ مکینوں اور بچوں کے والدین نے اس انسان دوست اقدام کو سراہتے ہوئے آدم خان کا شکریہ ادا کیا اور کہا کہ ان کی یہ کاوش تھیلیسیمیا کے مریض بچوں اور ان کے خاندانوں کے لیے بہت بڑا سہارا ہے۔:
Thalassemia Relief
