AJK News

09/09/2025

مرقد یہ تیری رحمت کا نزول ہو
حامی تیرا خدا اور خدا کا رسول ہو
،نہایت ہی نیک سیرت انسان ملک محمد شبیر جو گزشتہ چالیس سال سے دیار غیر میں مقیم تھے گیارہ ربیع الاول کو رضا الہی سے داعی اجل کو لبیک کہہ گئے انکا جسد خاکی جلد پاکستان لایا جائے گا مرحوم قمر عبید کے کزن تھے اللہ پاک لواحقین کو صبر جمیل عطا فرمائے اور مرحوم کی قبر کی منزلیں آسان فرمائے آمین
AJK News!! #

01/08/2025

نیوز ابڈیٹ حلقہ راج محل دندلی سے سید کاشف علی بخاری نے آمدہ الیکشن 2026 مشترکہ برادری کے نمایندے کے طور پر الیکشن لڑنے کا فیصلہ کیا ھے اس بات کا اظہار انھوں نے یونین کونسل دندلی میں ایک میٹینگ کے دوران کیا بہت جلد چالیس سالہ احتساب اور منشور عوام کے سامنے رکھا جاۓ گا۔

AJK News. Sahil Mazhar Malik

01/08/2025

بڑالی نڑوچھ کے مقام پر نوجوان کرنٹ لگنے سے جاں بحق،الله تــعالیٰ مـغفـرت فـرمائے اور جـنت الفــردوس میں اعـلی مـقام عطا فرمـائے
آمـــین یـــا رب الــعالــمــین

01/08/2025

تحریر برائے عوامی فلاح – گوئی کوٹلی مین روڈ: عوامی صبر کا جنازہ
Sahil Mazhar Malik Ajk News تحریر

یہ ہے گوئی کوٹلی مین روڈ، جو اب سڑک کم اور ایک کیچڑ زدہ دلدل زیادہ دکھائی دیتی ہے۔ بارش کے بعد یہاں جگہ جگہ پانی کھڑا ہوتا ہے، سڑک پر کھڈے ہیں، راستے بیٹھ چکے ہیں، اور کچھ جگہوں پر تودے گرنے کی وجہ سے سڑک مکمل طور پر بند ہو چکی ہے۔

کئی بار شدید عوامی شور اور احتجاج کے بعد سڑک پر کام شروع ہوا، جو کئی ماہ تک مکمل بند رہا۔ لیکن آج بھی کام کی رفتار اتنی مایوس کن ہے کہ عوام روزانہ شدید اذیت سے گزرنے پر مجبور ہے۔ صرف دو سے چار مزدور کام پر نظر آتے ہیں، جو صرف علامتی موجودگی دکھا رہے ہیں۔ نہ کوئی رفتار ہے، نہ منصوبہ بندی، نہ کوئی نگرانی۔

ٹھیکیدار کی مجرمانہ نااہلی اور متعلقہ اداروں کی مکمل خاموشی نے اس منصوبے کو عوام کے لیے ایک خطرناک عذاب بنا دیا ہے۔

نکاسی آب کا کوئی نظام موجود نہیں، بارش کا پانی سڑک پر جمع ہو کر ایک جھیل کی صورت اختیار کر لیتا ہے۔ کچھ جگہوں پر سڑک مکمل طور پر دھنسی ہوئی ہے، اور کہیں پانی قدرتی آبشار کی طرح مسلسل بہتا نظر آتا ہے۔

یہ بات خاص توجہ طلب ہے کہ یہ مناظر صرف دندلی کراس سے دندلی تک کے ایک چھوٹے سے حصے کے ہیں۔ اگر اتنا محدود علاقہ اتنے بُرے حالات کا شکار ہے، تو اندازہ لگائیں کہ گوئی تک مکمل سڑک کے کیا حالات ہوں گے؟ یہ سڑک اب صرف بدحالی کا نشان نہیں، بلکہ ایک ناکام، غیر سنجیدہ اور عوام دشمن منصوبے کی مثال بن چکی ہے۔

یہ سڑک صرف گوئی یا کوٹلی تک محدود نہیں بلکہ سرحدی علاقوں کو مرکزی علاقوں سے جوڑتی ہے۔ یہ ایک اہم گزرگاہ ہے جس پر روزانہ سینکڑوں مریض، طلباء، خواتین، بزرگ اور محنت کش سفر کرتے ہیں۔ مگر آج یہ سڑک ان کے لیے موت کا راستہ بن چکی ہے۔

ایمبولینسیں اس دلدل میں پھنس جاتی ہیں، مریض بروقت اسپتال نہیں پہنچ پاتے، اور کئی قیمتی جانیں ضائع ہو چکی ہیں۔ موٹرسائیکل سوار گر کر زخمی ہو رہے ہیں، گاڑیاں خراب ہو رہی ہیں، اور عوام سخت ذہنی و جسمانی اذیت کا شکار ہے۔

جموں کشمیر عوامی ایکشن کمیٹی اور جموں کشمیر لبریشن فرنٹ کی جانب سے ہم یہ واضح مطالبات کرتے ہیں:

1. سڑک کی فوری، مکمل اور معیاری تعمیر بحال کی جائے۔

2. نکاسی آب اور نالیاں بنائی جائیں تاکہ پانی جمع نہ ہو۔

3. خطرناک موڑوں اور کھائیوں پر حفاظتی دیواریں اور وارننگ سائن بورڈ لگائے جائیں۔

4. نااہل ٹھیکیدار کو فوری ہٹا کر نیا، ذمہ دار ٹھیکیدار مقرر کیا جائے۔

5. وزیرِ تعمیرات اور ضلعی انتظامیہ فوری طور پر دورہ کرے، حقائق کا معائنہ کرے، اور عوام کو اعتماد میں لے۔

یہ سڑک اب صرف رابطے کا ذریعہ نہیں، ایک مکمل عوامی تحریک کی بنیاد بن سکتی ہے۔

اگر اس روڈ پر فوری کام دوبارہ شروع نہ کیا گیا، اگر نکاسی آب، نالیوں اور معیاری تعمیر پر توجہ نہ دی گئی، تو عوام مزید خاموش نہیں بیٹھے گی۔

یہ معاملہ صرف سڑک کا نہیں یہ عوامی حقوق، حکومتی غفلت، اور مقامی مسائل کے خلاف ابھرنے والی ایک ممکنہ تحریک کا آغاز ہے۔

جموں کشمیر عوامی ایکشن کمیٹی اور جموں کشمیر لبریشن فرنٹ یہ واضح کرتے ہیں کہ اگر کام نہ ہوا، تو سڑک پر احتجاج ہوگا، آواز ایوانوں تک پہنچے گی، اور عوامی مزاحمت ایک منظم تحریک کی صورت اختیار کر لے گی۔

اب یا تو سڑک تعمیر ہوگی، یا تحریک جنم لے گی فیصلہ حکومت کے ہاتھ میں ہے۔
اور آخر میں، ہم حکام و ذمہ داروں کو یہ صاف پیغام دینا چاہتے ہیں
عوامی صبر اب ختم ہو چکا ہے۔ عوامی صبر کا جنازہ نکل چکا ہے۔
اگر اس سڑک پر فوری طور پر کام کا آغاز نہیں کیا گیا، اگر تعمیر مکمل، معیاری اور مربوط انداز میں دوبارہ بحال نہ ہوئی تو عوام کو مزید انتظار میں رکھنا ناممکن ہو جائے گا۔
اب وقت ہے کہ عمل کیا جائے، وعدے نہیں۔

31/07/2025

29/07/2025

نکیال فتح پور تھکیالہ آزاد کشمیر
ٹویوٹا ہائی ایس حادثے کا شکار ۔۔
کلر گالہ سے کھوئیرٹہ روٹ پر چلنے والا ٹویوٹا ہائی ایس میاں خالد کی دکان سے حادثے کا شکار ۔۔
ڈرائیور محمد نصیر کے شدید زخمی ہونے کی اطلاعات ۔۔
ابھی تک کسی جانی نقصان کی کوئی اطلاع نہیں ۔
مگر گاڑی مکمل طور پر تباہ۔۔۔
اللہ تعالیٰ زخمیوں کی خیر فرمائیں ۔آمین

28/07/2025

” إِنَّا لِلّهِ وَإِنَّـا إِلَيْهِ رَاجِعونَ“.
خبر غم ملک محمد معروف گزاں پھگواڑی والے قضاء الہی سے اس عارضی دنیا کو خیر آباد کہہ گے اللہ پاک مغفرت فرماۓ مرحوم انتہاٸی خوش اخلاق، نرم مزاج نفیس اور پر امن شخص تھے اللہ پاک پسمندگان کو صبر جمیل عطا فرماۓ

27/07/2025

دندلی کے مقام پر ٹرک حادثے کا شکار مین روڈ گوئی مکمل بند۔

27/07/2025

*آزاد کشمیر*
*جہلم ویلی 8 سالہ بچی کو شیر اُٹھا کرلےگیا۔*
*لوگوں کا پیچھے کرنے پر شیر گردن سے بچی کا خون چوس کر لاش کھیتوں میں پھینک کر فرار.

25/07/2025

ہر سال کی طرح اس سال بھی الفیصل سائنس کالج دندلی نے میٹرک کا رزلٹ %100 دیا جس پر ادارے کے پرنسپل اور طلبہ کی رائے جانیے اس رپورٹ میں۔
AJK News : Sahil Mazhar Malik