BGM News

BGM News Contact information, map and directions, contact form, opening hours, services, ratings, photos, videos and announcements from BGM News, Media/News Company, KPK, Garhi Habibullah.

گڑھی حبیب اللہ، بالاکوٹ، مانسہرہ اور گردونواح کی مستند خبریں۔ عوامی مسائل، لوکل ایشوز، سماجی و ترقیاتی امور کی بروقت اور بے باک کوریج — سچ کے ساتھ، عوام کے لیے۔

✨ بی جی ایم نیوز کی طرف سے تمام اہلِ وطن کو عیدالاضحیٰ کی پُرمسرت خوشیاں مبارک ✨اللہ تعالیٰ آپ سب کی زندگیوں کو خوشیوں، ...
26/05/2026

✨ بی جی ایم نیوز کی طرف سے تمام اہلِ وطن کو عیدالاضحیٰ کی پُرمسرت خوشیاں مبارک ✨
اللہ تعالیٰ آپ سب کی زندگیوں کو خوشیوں، امن، برکتوں اور کامیابیوں سے بھر دے۔ عیدالاضحیٰ کا یہ مبارک دن آپ اور آپ کے اہلِ خانہ کے لیے رحمتوں اور خوشیوں کا پیغام بنے۔ 🌙🐐

سوات صوابی موٹروے پر خوفناک ٹریفک حادثہ، 17 افراد جاں بحق، متعدد زخمی سوات صوابی موٹروے پر خورو کوٹھے کے مقام پر پیش آنے...
25/05/2026

سوات صوابی موٹروے پر خوفناک ٹریفک حادثہ، 17 افراد جاں بحق، متعدد زخمی

سوات صوابی موٹروے پر خورو کوٹھے کے مقام پر پیش آنے والے المناک ٹریفک حادثے میں جاں بحق افراد کی تعداد 17 ہو گئی، جبکہ متعدد افراد زخمی بھی ہوئے ہیں۔ ریسکیو 1122 حکام کے مطابق حادثہ انتہائی خوفناک تھا جس کے بعد امدادی ٹیمیں فوری طور پر جائے وقوعہ پر پہنچ گئیں اور زخمیوں کو قریبی اسپتالوں میں منتقل کیا گیا۔
ریسکیو ذرائع کے مطابق حادثے میں خواتین اور بچے بھی جاں بحق ہونے والوں میں شامل ہیں، جبکہ کئی زخمیوں کی حالت تشویشناک بتائی جا رہی ہے۔ ابتدائی تحقیقات کے مطابق حادثہ تیز رفتاری اور گاڑی کے بے قابو ہونے کے باعث پیش آیا، تاہم واقعے کی مکمل تحقیقات جاری ہیں۔
عینی شاہدین کا کہنا ہے کہ حادثے کے بعد موٹروے پر ہر طرف چیخ و پکار مچ گئی جبکہ ریسکیو اہلکاروں نے بروقت کارروائی کرتے ہوئے گاڑی میں پھنسے افراد کو نکالا۔ پولیس اور موٹروے حکام نے موقع پر پہنچ کر ٹریفک بحال کرنے اور شواہد اکٹھے کرنے کا عمل شروع کر دیا۔
واقعے کے بعد علاقے میں فضا سوگوار ہو گئی جبکہ جاں بحق افراد کے اہل خانہ غم سے نڈھال ہیں۔ مختلف سماجی اور سیاسی شخصیات نے حادثے پر افسوس کا اظہار کرتے ہوئے متاثرہ خاندانوں سے تعزیت کی ہے اور زخمیوں کی جلد صحت یابی کے لیے دعا کی ہے۔

کوئٹہ میں افسوسناک دھماکے کے نتیجے میں عید منانے کے لیے گھروں کو جانے والے کم از کم 24 افراد جاں بحق جبکہ 50 سے زائد زخم...
24/05/2026

کوئٹہ میں افسوسناک دھماکے کے نتیجے میں عید منانے کے لیے گھروں کو جانے والے کم از کم 24 افراد جاں بحق جبکہ 50 سے زائد زخمی ہونے کی اطلاعات سامنے آئی ہیں۔ رپورٹس کے مطابق دھماکہ ریلوے ٹریک کے قریب ایک ٹرین کو نشانہ بنا کر کیا گیا، جس کے باعث کئی بوگیاں پٹری سے اتر گئیں اور آگ بھڑک اٹھی۔

حکام کے مطابق زخمیوں کو فوری طور پر اسپتال منتقل کر دیا گیا ہے جبکہ امدادی کارروائیاں جاری ہیں۔ بعض رپورٹس میں بتایا گیا ہے کہ ٹرین میں سکیورٹی اہلکار اور ان کے اہل خانہ بھی سوار تھے جو عید کی چھٹیاں منانے جا رہے تھے۔

وزیراعظم پاکستان اور دیگر حکام نے واقعے کی شدید مذمت کرتے ہوئے قیمتی جانوں کے ضیاع پر افسوس کا اظہار کیا ہے۔

ایبٹ آباد تھانہ کینٹ کی حدود میں کینٹ بورڈ کا ملازم عثمان، سکنہ پھلاں دی بانڈی، کینٹ بورڈ ورکشاپ کریم پورہ میں ڈیوٹی کے ...
23/05/2026

ایبٹ آباد تھانہ کینٹ کی حدود میں کینٹ بورڈ کا ملازم عثمان، سکنہ پھلاں دی بانڈی، کینٹ بورڈ ورکشاپ کریم پورہ میں ڈیوٹی کے دوران کینٹ بورڈ کی گاڑی کے نیچے آکر جاں بحق ہوگیا۔
واقعے کے بعد اہلِ علاقہ اور ساتھی ملازمین میں غم کی فضا چھا گئی۔
اللہ تعالیٰ مرحوم عثمان کی مغفرت فرمائے، درجات بلند کرے اور پسماندگان کو صبرِ جمیل عطا فرمائے۔ آمین۔

اوگی: تھانہ اوگی کے علاقہ لڑی اربوڑہ میں اندھادھند فائرنگ کے نتیجے میں ایک شہری جاں بحق ہوگیا۔واقعہ کی اطلاع ملتے ہی ایس...
22/05/2026

اوگی: تھانہ اوگی کے علاقہ لڑی اربوڑہ میں اندھادھند فائرنگ کے نتیجے میں ایک شہری جاں بحق ہوگیا۔

واقعہ کی اطلاع ملتے ہی ایس ایچ او تھانہ اوگی ملک آصف نے نفری کے ہمراہ بروقت کارروائی کرتے ہوئے ملزمان کو گرفتار کرلیا۔

پولیس کے مطابق مقتول سردار کو گھریلو رنجش کی بنا پر قتل کیا گیا۔ مزید تفتیش جاری ہے۔

19/05/2026

اسلام آباد چونگی نمبر 26 پر Pakistan Tehreek-e-Insaf کے کارکنوں کی جانب سے احتجاج جاری ہے، جس کے باعث علاقے کی صورت حال کشیدہ ہو گئی ہے۔ اطلاعات کے مطابق مظاہرین کی شدید نعرے بازی جاری ہے جبکہ سیکیورٹی کے سخت انتظامات کیے گئے ہیں۔
ذرائع کے مطابق مختلف راستوں پر ٹریفک کی روانی متاثر ہوئی ہے اور شہریوں کو متبادل راستے اختیار کرنے کی ہدایت کی جا رہی ہے۔ مزید اطلاعات کے مطابق قافلے کو آگے بڑھنے سے روکنے کے لیے اضافی نفری بھی تعینات کر دی گئی ہے۔

19/05/2026

اسلام آباد: وزیراعلیٰ خیبر پختونخوا محمد سہیل خان آفریدی کی قیادت میں اڈیالہ جیل جانے والے قافلے کا راستہ اسلام آباد پولیس نے 26 نمبر چونگی کے قریب روک دیا۔
ذرائع کے مطابق قافلے کو آگے بڑھنے سے روکنے کے لیے پولیس کی بھاری نفری تعینات کی گئی، جبکہ علاقے میں سیکیورٹی کے سخت انتظامات بھی کیے گئے۔ قافلے میں شامل کارکنان اور رہنماؤں نے پولیس کی جانب سے راستہ بند کرنے پر احتجاج کیا۔

⚠️ محکمہ موسمیات اور پی ڈی ایم اے خیبرپختونخوا کی جانب سے اہم الرٹ جاری ⚠️محکمہ موسمیات اور پی ڈی ایم اے خیبرپختونخوا نے...
18/05/2026

⚠️ محکمہ موسمیات اور پی ڈی ایم اے خیبرپختونخوا کی جانب سے اہم الرٹ جاری ⚠️

محکمہ موسمیات اور پی ڈی ایم اے خیبرپختونخوا نے صوبے کے مختلف اضلاع میں آج رات سے 23 مئی تک تیز ہواؤں، آندھی اور گرج چمک کے ساتھ بارشوں کی پیشگوئی کر دی ہے۔

پی ڈی ایم اے کے مطابق چترال، دیر، سوات، شانگلہ، بونیر، مانسہرہ، ایبٹ آباد، کوہستان، پشاور، مردان، صوابی، نوشہرہ، کرک، بنوں، لکی مروت، ڈی آئی خان اور دیگر کئی اضلاع میں بارش کے باعث لینڈ سلائیڈنگ، ندی نالوں میں طغیانی اور نشیبی علاقوں میں اربن فلڈنگ کا خدشہ ظاہر کیا گیا ہے۔

تمام ضلعی انتظامیہ کو الرٹ جاری کر دیا گیا ہے جبکہ ریسکیو 1122 سمیت متعلقہ اداروں کو ہنگامی صورتحال سے نمٹنے کے لیے تیار رہنے کی ہدایت کی گئی ہے۔

عوام سے اپیل:
• غیر ضروری سفر سے گریز کریں
• خستہ حال عمارتوں، بجلی کے کھمبوں اور سائن بورڈز سے دور رہیں
• برساتی ندی نالوں کے قریب جانے سے احتیاط کریں
• کسی بھی ہنگامی صورتحال میں پی ڈی ایم اے ہیلپ لائن 1700 پر رابطہ کریں

احتیاطی تدابیر اختیار کریں اور محفوظ رہیں۔

مردان کی تحصیل تخت بھائی کے علاقے ہاتھیان سے تعلق رکھنے والا نوجوان مجاہد خان ساہیوال سے پراسرار طور پر لاپتہ ہوگیا۔اہل ...
18/05/2026

مردان کی تحصیل تخت بھائی کے علاقے ہاتھیان سے تعلق رکھنے والا نوجوان مجاہد خان ساہیوال سے پراسرار طور پر لاپتہ ہوگیا۔
اہل خانہ کے مطابق مجاہد خان قربانی کے جانور خریدنے کے لیے ساہیوال مویشی منڈی گیا تھا اور اس کے پاس تقریباً 20 لاکھ روپے نقد موجود تھے۔ پانچ روز گزرنے کے باوجود نوجوان کا کوئی سراغ نہیں مل سکا جبکہ موبائل فون بھی مسلسل بند جا رہا ہے۔
واقعے کی خبر سوشل میڈیا پر تیزی سے وائرل ہو رہی ہے اور صارفین نوجوان کی جلد بازیابی کے لیے دعائیں اور حکام سے فوری کارروائی کا مطالبہ کر رہے ہیں۔
اگر کسی شخص کو مجاہد خان کے بارے میں کوئی معلومات ہوں تو فوری طور پر قریبی پولیس اسٹیشن یا اہل خانہ سے رابطہ کریں۔

✨🌙BGM NEWSبی جی ایم نیوز کی جانب سے تمام اہلِ اسلام کو ذوالحجہ کا چاند مبارک ہو۔ملک بھر میں عیدالاضحیٰ 27 مئی 2026 کو مذ...
17/05/2026

✨🌙
BGM NEWS

بی جی ایم نیوز کی جانب سے تمام اہلِ اسلام کو ذوالحجہ کا چاند مبارک ہو۔
ملک بھر میں عیدالاضحیٰ 27 مئی 2026 کو مذہبی جوش و خروش، عقیدت اور احترام کے ساتھ منائی جائے گی۔
اللہ تعالیٰ اس بابرکت مہینے کو امتِ مسلمہ کے لیے خیر، برکت، امن اور خوشحالی کا ذریعہ بنائے۔ آمین۔ 🤲

17/05/2026

مانسہرہ: بیٹھک ہوٹل کے قریب نوجوان کے قتل کے خلاف احتجاج، مرکزی ملزم کی گرفتاری کے لیے 24 گھنٹے کا الٹی میٹم

مانسہرہ شہر میں بیٹھک ہوٹل کے قریب فائرنگ سے ق ت ل ہونے والے نوجوان فیض احمد ولد ارشد اقبال کی نماز جنازہ ادا کر دی گئی۔ نماز جنازہ کے بعد اہل خانہ، عزیز و اقارب اور شہریوں کی بڑی تعداد نے احتجاجی مظاہرہ کیا۔

مظاہرین نے واقعے میں ملوث مرکزی ملزم احمد شاہ ولد نسیم شاہ کی فوری گرفتاری کا مطالبہ کرتے ہوئے شدید نعرے بازی کی اور کہا کہ ملزمان کو جلد از جلد قانون کے کٹہرے میں لایا جائے تاکہ متاثرہ خاندان کو انصاف فراہم ہو سکے۔

احتجاج کے دوران مظاہرین نے پولیس کو 24 گھنٹے کا الٹی میٹم دیتے ہوئے کہا کہ اگر مقررہ وقت کے اندر مرکزی ملزم گرفتار نہ ہوا تو احتجاج کا دائرہ مزید وسیع کیا جائے گا۔

اس موقع پر ڈی ایس پی نے مظاہرین سے مذاکرات کیے اور یقین دہانی کروائی کہ ملزمان کی گرفتاری کے لیے چھاپے مارے جا رہے ہیں اور پولیس تمام تر وسائل بروئے کار لا رہی ہے۔ ڈی ایس پی کی یقین دہانی کے بعد مظاہرین نے پرامن طور پر احتجاج ختم کر دیا۔

یاد رہے کہ گزشتہ روز بیٹھک ہوٹل کے قریب سرخ رنگ مہران گاڑی میں سوار ملزمان کی فائرنگ کے نتیجے میں 19 سالہ فیض احمد جان کی بازی ہار گیا تھا، جس کے بعد علاقے میں شدید غم و غصہ پایا جاتا ہے۔

Address

KPK
Garhi Habibullah

Telephone

+923181888500

Website

Alerts

Be the first to know and let us send you an email when BGM News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BGM News:

Shortcuts

Share

Category