06/05/2026
میں بختاور شاہ، پاکستان پیپلز پارٹی گلگت ڈویژن کے وائس پریذیڈنٹ کے عہدے اور پارٹی کی بنیادی رکنیت سے مستعفی ہونے کا اعلان کرتا ہوں۔
یہ فیصلہ میں نے انتہائی سوچ بچار کے بعد کیا ہے۔ بدقسمتی سے پارٹی کے اندر نظریاتی سیاست، کارکنوں کی عزت، میرٹ اور اصولی فیصلوں کو مسلسل نظر انداز کیا جا رہا ہے۔ مخلص اور نظریاتی کارکنوں کو دیوار سے لگایا جا رہا ہے جبکہ ذاتی مفادات اور وقتی سیاسی فائدوں کو ترجیح دی جا رہی ہے، جو میرے سیاسی نظریات اور اصولوں کے خلاف ہے۔
میں سمجھتا ہوں کہ ایسی صورتحال میں مزید خاموش رہنا یا اس نظام کا حصہ بنے رہنا اپنے ضمیر اور عوامی اعتماد کے ساتھ ناانصافی ہوگی۔ لہٰذا آج سے میرا پاکستان پیپلز پارٹی سے بطور عہدیدار اور بنیادی کارکن کوئی تعلق نہیں رہا۔
میں اپنے تمام ساتھیوں، کارکنوں اور عوام کا شکریہ ادا کرتا ہوں جنہوں نے ہر مرحلے پر مجھ پر اعتماد کیا۔ میری سیاسی جدوجہد عوامی حقوق، انصاف اور اصولی سیاست کے لیے جاری رہے گی۔
بختاور شاہ
