https://www.facebook.com/102081992088443/

BBN, Ghizar (2026)

30/08/2026

سنگل اور گلمتی پاور ہاوس خراب، گاہکوچ اور پونیال کے کئی دیہاتوں میں بجلی کا شدید بحران پیدا ہوگیا۔
محکمہ برقیات غذر کی کارکردگی بل وصول کرنے تک محدود ہوگئی

30/08/2026

غذر
محکمہ برقیات کی کارکردگی صفر، گاہکوچ اور پونیال میں بجلی کی شدید آنکھ مچولی سے صارفین کو مشکلات کا سامنا ہے عوام کے مطابق محکمہ برقیات کے آفیسران عوام کو بجلی کی فراہمی میں یکسر ناکام ہوچکے ہیں شدید گرمیوں میں بجلی کی غیر اعلانیہ لوڈ شیڈنگ صارفین کے ساتھ ظلم کی انتہاء ہے صارفین نے عرصہ گزرنے کے باوجود ادارے کی کارکردگی بہتر بنانے میں ناکامی پر ادارے کے ذمہ دار آفیسران کو بلا تاخیر تبدیل کرنے کا مطالبہ کیا ہے اور کہا ہے کہ غذر سے منتخب ممبران اسمبلی کی اب تک کی کارکردگی بھی قابل رحم ہوچکی ہے منتخب ممبران اسمبلی کو عوام کے کسی مسلے کا ادراک ہے نہ بیوروکریسی ان کی کسی بات کو اہمیت دیتی ہے ۔

30/08/2026

پریس ریلیز
مورخہ 28 اگست بروز جمعہ شی روزگار کے ڈیجیٹل کورسز سے فارغ التحصیل طلبا و طالبات کو سرٹیفکیٹ تقسیم کرنے کی تقریب گاہکوچ کے گرین پیلس ہوٹل میں منعقد ہوئی جس میں طلبا و طالبات نے بڑی تعداد میں شرکت کیا اس موقع پر شی ڈویلپمنٹ کی سی ای او زہرہ نورین صاحبہ شی روزگار کی پروجیکٹ مینیجر لالا رخ صاحبہ ، ٹیک سپیس کے سی ای او رضوان صاحب ، ڈی ڈی وومن ڈویلپمنٹ فرحان صاحب ، ٹیک مائنڈ اکیڈمیز کے سی ای او صداقت علی ساحل، اور وائس آف جی بی کی سی ای او مہین زمان نے خصوصی شرکت کی۔
پروگرام کا آغاز تلاوت کلام پاک سے ہوا بعد ازاں لالا رخ میم نے "شی سکل، شی سکسس" کے موضوع پر گفتگو کرتے ہوئے کامیاب طلبہ کی کامیابی کے اسباب پر روشنی ڈالی اور کامیاب طلبا و طالبات کے سکسس سٹوریس سے شرکا کو اگاہ کیا ڈی ڈی وومن ڈویلپمنٹ فرحان صاحب نے ٹیک ورلڈ میں مستقبل کے مواقع سے طلبا و طالبات کو آگاہ کیا جبکہ مہین زمان نے بدلتی دنیا کے تقاضوں پر طلبہ کو رہنمائی فراہم کی۔
صداقت علی ساحل نے شی روزگار کی کاوشوں کو سراہتے ہوئے کہا کہ ضلع غذر اور گلگت بلتستان بھر میں خواتین کو بااختیار بنانے کے لیے زہرہ نورین صاحبہ اور انکی ٹیم و ادارے کی خدمات کو سراہا انہوں اور کامیاب طلبہ کو مبارک باد پیش کیا پروگرام کے اختتام پر سی ای او شی ڈویلپمنٹ زہرہ نورین میم نے ٹرینرز کو بہترین ایی ٹی سکلل سکھانے اور تربیت دینے پر خراج تحسین پیش کیا اور ڈی جی مین کے ٹرینرز شجاعت اور افتخار کو بھی شاباش دیا انہوں نے ایس سی او اور ایس ٹی پی پارک گاہکوچ کے ذمہ داران کا بہترین ماحول اور انٹرنیٹ فراہم کرنے پر بھی شکریہ ادا کیا زہرہ نورین میم نے ہنزہ، نگر، گلگت، غذر اور چلاس میں جاری پروگراموں کے علاوہ مستقبل قریب میں چترال میں شروع ہونے والے وومن ڈویلپمنٹ پروگرامز کے بارے میں بھی شرکا کو آگاہ کیا تقریب کے آخر میں کامیاب طلبا و طالبات میں سرٹیفکیٹس بھی تقسیم کیے گئے۔

30/08/2026

گزشتہ رات غذر سے راوالپنڈی، اسلام آباد جانے والی رینٹ کار کو بابوسر ٹاپ کے قریب مسلحہ ڈاکوؤں نے لوٹ لیا، مسافروں سے نقدی، موبائل فون اور دیگر قیمتی سامان لوٹ کر فرار ہوگئے، مسافروں کے مطابق 10 سے زائد مسلحہ ڈاکوؤں نے سڑک پر پھتر رکھے انتظار میں تھے، بابوسر ٹاپ اور ملحقہ علاقوں میں رات کے اوقات مسافروں اور سیاحوں کے تحفظ کے لئے ٹھوس سیکیورٹی اقدامات کرنے کی ضرورت ہے ۔

29/08/2026

غذر: عوام شیرقلعہ کی جانب سے خراج تحسین ۔
شیرقلعہ میں آئے روز چوری کی وارداتوں سے عوام عاجز آ چکے تھے۔ انگنت وارداتوں میں لوگوں کو بے تحاشہ مالی و نفسیاتی نقصان پہنچانے والے چالاک چوروں کا سراغ ہی نہیں مل پایا تھا تا ہم آج 29 اگست کو چیک پوسٹ پر تعینات پولیس کے بہادر اور فرض شناس جوان محمد نظام نے ایک ٹولے کو دھرلیا ہے جس سے عوام میں راحت کی لہر دوڑ گئی ہے۔
ہم محکمہ پولیس کے اعلی حکام سے دردمندانہ اپیل کرتے ہیں کہ گرفتار ملزمان سے جامع تفتیش کر کے مزید ملوث چوروں کے نیٹورک کو گرفتار کر کے کارروائی عمل میں لائیں تاکہ عوام کو آئے روز ملنے والی اذیت سے چھٹکارا مل سکے نیز محمد نظام جیسے بہادر اور مخلص جوانوں کو مزید فعال اور مضبوط بنا کر حوصلہ افزائی کریں تاکہ عوام کا اپنے اداروں پر اعتماد بڑھے۔
شکریہ۔۔۔

29/08/2026

غذر پولیس نے چمرداس چیک پوسٹ پر بروقت کارروائی کرتے ہوئے 2 مشتبہ افراد کو اسلحہ سمیت گرفتار کر لیا۔

پولیس ذرائع کے مطابق چمرداس چیک پوسٹ پر معمول کی چیکنگ کے دوران ایک مشکوک موٹر سائیکل کو رکنے کا اشارہ کیا گیا، تاہم موٹر سائیکل سوار فرار ہوگئے۔ پولیس نے فوری تعاقب شروع کیا اور ہموچل کے مقام پر دونوں ملزمان کو دھر لیا۔
تلاشی لینے پر ملزمان کے قبضے سے غیر قانونی اسلحہ اور تالے توڑنے کے آلات برآمد ہوئے۔ ابتدائی تفتیش میں ملزمان کے مقاصد مشکوک پائے گئے ہیں۔
پولیس نے دونوں گرفتار ملزمان کو مزید تفتیش کے لیے پولیس اسٹیشن سنگل منتقل کر دیا ہے۔

28/08/2026

شیر قلعہ میں پینے کے صاف پانی کا سنگین بحران
ٹوٹی ٹینکی تین ماہ سے مرمت کی منتظر، محکمہ واٹر سپلائی خاموش۔
غذرــ شیر قلعہ میں پانی کا بحران شدت اختیار کر گیا۔ مقامی آبادی کو پانی فراہم کرنے والی مرکزی ٹینکی گزشتہ تین ماہ سے ٹوٹ پھوٹ کا شکار ہے، مگر محکمہ واٹر سپلائی نے تاحال کوئی عملی قدم نہیں اٹھایا۔
مقامی ذرائع سے موصول ہونے والی ویڈیو کے مطابق شیر قلعہ کی آدھی آبادی کو پانی فراہم کرنے والا یہ واٹر اسٹوریج ٹینک لینڈ سلائیڈنگ سے بری طرح متاثر ہو چکا ہے۔ ایک بھاری بھرکم چٹان ٹینکی کی دیوار توڑ کر اندر جا گری ہے جس سے پورا ڈھانچہ ناکارہ ہو گیا ہے۔ ٹوٹی ہوئی دیواریں، بکھرے پتھر اور تباہ شدہ پائپ لائن علاقے میں پانی کی قلت کا منہ بولتا ثبوت ہیں، علاقہ مکینوں نے محکمہ واٹر سپلائی سے متاثرہ ٹینکی کی فوری مرمت کر کے علاقے کو پانی بحران سے نکالنے کا مطالبہ کیا ہے ۔

28/08/2026

*
گلگت:
وزیرِ اعلیٰ گلگت بلتستان امجد حسین کی زیرِ صدارت اپیکس کمیٹی کا ایک اہم اجلاس اپیکس کمیٹی روم جوٹیال گلگت میں منعقد ہوا جس میں کمانڈر FCNA، وزیرِ داخلہ، چیف سیکرٹری، آئی جی پولیس، تمام محکموں کے سیکریٹریز اور سول و عسکری اداروں کے نمائندوں نے شرکت کی۔

اجلاس میں گلگت بلتستان کی مجموعی سیکیورٹی صورتحال اور انتظامی اقدامات کا تفصیلی جائزہ لیا گیا اور تمام اداروں کو ہدایت کی گئی کہ باہمی ہم آہنگی کے ساتھ مؤثر اقدامات کو یقینی بنایا جائے۔

اجلاس میں گلگت بلتستان کی تمام ترقیاتی سکیموں پر بھی غور کیا گیا اور تمام سیکریٹریز نے اپنے محکموں کے منصوبوں کے حوالے سے بریفنگ دی جبکہ دیامر بھاشاہ ڈیم سمیت دیگر بڑے منصوبوں کی سیکیورٹی کو یقینی بنانے پر خصوصی زور دیا گیا۔

وزیرِ اعلیٰ نے سردیوں میں بجلی کی کمی کے پیشِ نظر جاری منصوبوں کو تیز کرنے اور مقررہ وقت میں مکمل کرنے کی ہدایت کی تاکہ عوام کو سردی کے موسم میں بجلی کی فراہمی کا مسئلہ درپیش نہ ہو۔

اجلاس میں تمام شاہراہوں کی پختگی اور رابطہ سڑکوں کی بہتری کے حوالے سے بھی اقدامات کا جائزہ لیا گیا اور پاک فوج کے فلاحی اقدامات کو سراہتے ہوئے کہا گیا کہ عوامی خدمت کا یہ سلسلہ مستقبل میں بھی جاری رکھا جائے گا۔

28/08/2026

تھانہ ایئر پورٹ پولیس کی کامیاب کارروائی، کم سن بچے سے (ب دف ع ل ی) کی کوشش کا ملزم گرفتار۔

گلگت: آج مورخہ 28 اگست 2026ء کو بمقام ڈومیال، مسمی دلاور حسین ولد علی نور، ساکن پاراچنار حال ڈومیال کی جانب سے ایک کم سن بچے کے ساتھ مبینہ بدفعلی کی کوشش کی اطلاع ملتے ہی پولیس نے فوری کارروائی عمل میں لاتے ہوئے اہلِ علاقہ کے تعاون سے ملزم کو گرفتار کر لیا۔

ملزم کے خلاف مقدمہ نمبر 109/2026، بجرم دفعہ 377-B تعزیراتِ پاکستان درج کرکے باقاعدہ تفتیش کا آغاز کر دیا گیا ہے۔
واقعے کی مکمل اور غیر جانب دارانہ تفتیش جاری ہے، جبکہ قانون کے مطابق تمام ضروری کارروائی عمل میں لائی جا رہی ہے۔

پولیس کا عزم ہے کہ بچوں کے تحفظ اور معاشرے میں ایسے جرائم کی روک تھام کے لیے زیرو ٹالرنس پالیسی کے تحت مؤثر اقدامات جاری رکھے جائیں گے۔

(ترجمان گلگت بلتستان پولیس)

28/08/2026

غذر ( پریس ریلیز)
صدر ڈسٹرکٹ بار
ایسوسیشن غزر گوہر شاہ ایڈوکیٹ اور ڈپٹی جنرل سکٹری پاکستان پیپلزپارٹی غزر ایڈوکیٹ کریم اللہ اور وکلا وفد جن میں کریم شاہ راہنما پی پی پی ، محمد عالم مہتاب عالم اور مالک کا دپٹی کمشنر غزر سے گوپس یاسین روڈ کی خستہ حالی اور ٹھیکدار کی عدم دلچسپی کے حوالیے ملاقات کی جس پر ڈی سی صاحب نے تین دن کا وقت کے اندر ٹھیکدار کو طلب کیا جاے گا اور ٹرمینٹ کرکے دبارہ کام شروع کیا جاے گا۔اگر ایسا نہ ہوا تو عوام اپنے بنیادی حق احتجاج کیطرف جائیگی۔
ملاقات کے دوران اے سی یاسین صااحبہ بھی موجود تھی اور اے سی صاحبہ کو عوام یاسین کے اس روڑ کی وجہ سے صحت اور مالی نقصان جس میں عوامِ گنداے کے فصل اور پھل کے بارے میں اگاہ کیا گیا۔

BBN

30/08/2026

30/08/2026

30/08/2026

30/08/2026

29/08/2026

29/08/2026

28/08/2026

28/08/2026

28/08/2026

28/08/2026

Address

Telephone

Website

Alerts

Contact The Business

Shortcuts

Share

Category

Listing takedown request