31/05/2024
اشفاق آذر
پڇون ٿا ته ڪافر، ڪڇون ٿا ته گوليون!
اسان لئه اڻانگيون، هي راهون نه سوليون!
اسان جي هٿن ۾ فقط هڪ قلم آ
۽ خنجر بدستن جون سامهون هي ٽوليون!
اهو ڪونه ٿيو آ، اهو ڪونه ٿيندو
هو چاهين ٿا جيئن ۽ اسان تيئن ٻوليون!
هي اهلِ هوس جيڪي مسنَد نشين هن
جي چاهيون انهن جا ڪيئي راز کوليون!
انهن سان ئي قائم آ حرمت وفا جي
ڪري ويا جي پنهنجي ئي رت ساڻ هوليون!
ڀلا ڇو رهون، ڇڙوڇڙ، دربدر ٿي
اچو ڪا نئين هاڻ تدبير ڳوليون!
Nasrullah Gadani Sindhi
