Sher Afzal

12/09/2024

آپ کے پیشاب کا رنگ آپکی صحت کے بارے میں کیا کہتا ہے

23/02/2024

چیٹ جی پی ٹی(Chat GPT)
کا مختصر تعارف

ندیم اقبال

چیٹ جی پی ٹی کیا ہے؟
2023ء سے اب تک بہت سے نئے سوفٹ وئیر متعارف کروائے گئے لیکن ایک ایسا سوفٹ وئیرجس نے دنوں میں مقبولیت حاصل کی، وہ سوفٹ وئیر ’’چیٹ جی پی ٹی‘‘ ہے جسے دنیا کا ہر شخص اپنے کاروباری، علمی، عملی، فن، ڈویلپنگ، ڈیزائننگ، میوزک اور شعبے کی مصروفیات کے پیش نظر اپنے فن میں تحقیق اور مشکل وقت میں اُس چیز کا حل تلاش کر سکتا ہے- چیٹ جی پی ٹی (ChatGPT)ایک چیٹ بوٹ (Chat Bot) سافٹ وئیر ہے جو کہ کمپیوٹر، موبائل یا انٹرنیٹ صارفین اپنے ڈیوائسز پر اکاونٹ بنا کر استعمال کر سکتے ہیں جس میں جی پی ٹی کا انٹرفیس اوپن ہو تا ہے جس میں سب سے نیچے لکھنے کا آپشن موجود ہوتا ہے- جس پر چیٹ جی پی ٹی یوزرکے لکھے گئے سوالات کے جواب دنیا کی ہر زبان (Language)میں فراہم کرسکتا ہے - لیکن چیٹ جی پی ٹی کا فری ورژن3.5 صرف انگلش زبان میں پوچھے گئے سوالات کا موثر انداز میں جواب فراہم کرتا ہے-بہت سے چیٹ بوٹس(Chat Bots) یوزر سے کی گئی گفتگو یا پوچھے گئے سوالات کی ہسٹری یاد نہیں رکھتے لیکن چیٹ جی پی ٹی یوزر کےپہلے پوچھے گئےسوالات یاد رکھتا ہے اور اس بنیاد پرپوچھے گئے سوال کا بہتر انداز میں جواب دیتا ہے -لکھے گئے سوالات کے جواب ڈھونڈنے کیلئے گوگل سرچ انجن کی طرح دِقّت پیش نہیں آتی-
قارئین نے 2023 سے اب تک مقبول نام جسے دنیا جی پی ٹی کہتی ہے وہ سنا تو ہو گا یہ لفظ خود کیا ہے؟ اور اس لفظ کے اندر چھپی حقیقت کیا ہے؟
اگر ہم اس لفظ کو انکلش میں لکھیں توGPT (Generative Pre-trained Transformer)کا مخفف ہے- جس کا مطلب یہ ہے کہ’’پہلے سے مرتب/ ٹرینڈ کیا گیا ڈیٹا کو پیدا (Generate)کرنے والا‘‘- چیٹ کا مطلب ’’لکھ کر پوچھے جانے والاسوال‘‘ کے ہیں یعنی کہ ٹائپ کیا گیا سوال جو بھی پوچھیں گےوہ پہلے سے مرتب/ٹرینڈ کیے گئے ڈیٹا کے مطابق اُس کا جواب دے گا- یہاں اب یہ سوال پیدا ہوتا ہے کہ پہلے سے مرتب/ٹرینڈ کئے گئے ڈیٹا سے کیا مراد ہے؟ اس سے مراد یہ ہے کہ گوگل جو ایک پاور فل سرچ انجن ہے جس نے دنیا کا سب ڈیٹا محفوظ کیا ہوا ہے اُسی طرح چیٹ جی پی ٹی نےاپنےچیٹ بوٹ ماڈل کو انٹرنیٹ سے ٹیکسٹ ڈیٹا بیس کا استعمال کرتے ہوئے تربیت دی تھی جس میں انٹرنیٹ پر کتابوں، ویب ٹیکسٹس، ویکیپیڈیا، مضامین اور دیگر تحریروں سے حاصل کردہ 570GB ڈیٹا شامل ہے- اس سے بھی زیادہ درست ہونے کے لیے، سسٹم میں 300 بلین الفاظ شامل کئے گئے ہیں
REF:https://www.sciencefocus.com/future-technology/gpt-3
اس مرحلے تک پہنچنے کے لیے جہاں یہ ایسا کر سکتا ہے، ماڈل ایک زیر نگرانی جانچ کے مرحلے سے گزراہے-
Open Artificial Intelligence
OpenAI کیا ہے؟
Chat GPT کو فرانسسکو میں موجود (OPEN Artificial Intelligence) نے 30 نومبر 2022ء میں متعارف کروایا - OPEN AI بنیادی طور پر ایک مصنوعی ذہانت کی تحقیقی لیبارٹری ہے جسے 2015ء میں بنایا گیا تھا- جس کا بنیادی مقصد Artificial General Intelligence یعنی عام چیزوں میں مصنوعی ذہانت کااستعمال ہے-چیٹ جی پی ٹی OPEN AI ریسرچ کمپنی کی طرف سے مصنو عی ذہانت سے چلنے والا چیٹ بوٹ ہے جو انگلش اور دنیا کی ہر بولی جانے والی زبانوں میں یوزر کے پوچھے گئے سوالات کا ممکنہ جواب فراہم کرتا ہے- یہ کمپنی مصنوعی ذہانت رکھنے والے چیٹ بوٹ کو اپنے پاس موجودڈیٹا سیٹ پر ٹرینڈکرتا ہے اور کسی بھی موضوع بارے پوچھے جانے والے سوالات پر ChatGPT نیورل ایلگورتھم اور مصنوعی ذہانت کے ذریعے ایک جواب پیدا کرتا ہے جو پوچھے گئے سوال کے جوا ب سے عین مطابقت رکھتا ہے- جس میں کوڈ لکھنے، موسیقی کمپوز کرنے، امتحانی مشکل سوالات کے جوابات دینے اور مختصر مضامین اور مضامین تیار کرنا بھی شامل ہے-یاد رہے کہ اوپن اے آئی سے پہلےGPT-3 اور Dell-E-3جیسے اے آئی ٹولز بھی بنا چکی ہےجس میں یوزر ٹیکسٹ کے ذریعے تصاویر بنا سکتے ہیں-
کیاچیٹ جی پی ٹی نے گوگل سرچ انجن کو مات دے دی؟
چیٹ جی پی ٹی سے پہلے گوگل نے کئی دہائیوں تک انٹرنیٹ پر راج کیا جس کی ایک بڑی نشانی یہ تھی کہ کسی شخص سے پوچھے جانے والے سوال جس کا وہ جواب دینے سے قاصر ہوتا وہ صرف یہ لفظ کہتا تھا کہ’’Just Google it‘‘ لیکن اب دور اور ٹیکنالوجی کے ساتھ ساتھ سننے اور کہنے والے لفظ بھی تبدیل ہو چکے ہیں- اب’’Just search from ChatGPT‘‘ بولنے اور سننے کو ملتا ہے- گوگل سرچ انجن میں یوزرکو اپنے پوچھے گئے سوال کے مطابق جواب خود ڈھونڈنا پڑتا ہے لیکن چیٹ جی پی ٹی آپ کے سوالات کے مطابق جواب مرتب (Generate) کر کےفراہم کرتا ہے- لیکن کسی مکالمہ / بحث / تحقیق/ کے درست جوابات حاصل کرنے کیلئے بوٹ (Bot)کو درست انگلش سمجھانا بہت ضروری ہے- اگر اردو بھی آتی ہے تو اس سے بھی چیٹ جی پی ٹی آپ کی مدد کر سکتا ہے لیکن انگلش میں اس کے جوابات قدرے زیادہ درست ہوتے ہیں-
پیرا ڈائم (Paradigm)تبدیل ہونے کی وجہ
COVID-19 کے بعد ٹیکنالوجی میں جتنی تیزی سے تبدیلی آئی ہے شاید ہمیں اُس کا اندازہ لگانا مشکل ہے- جس سے پوری دنیا بزنس، کرنسی، تعلیم، جابز، ڈیلیوری سسٹم، ہیلتھ، فن، خرید و فروخت کےحوالےسے سب آن لائن شفٹ ہوئی ہے جس میں گھر بیٹھے international ڈگری اور کورسز کرنا- Remote Job ، Work from Home، بہت سی یونیورسٹیاں، کالجز اور اکادمیوں میں طالب علم آن لائن تعلیم حاصل کرتے ہیں جس میں اُن کو گھر بیٹھے تعلیمی میدان میں نمایاں کامیابی بھی حاصل ہوئی ہیں- یہ سب کورونا کے دوران Develop ہوا ہے-
چیٹ جی پی ٹی کی خصوصیات
OpenAI نے ChatGPT کو انٹرنیٹ اور دوسرے ذرائع سے معلومات کا استعمال کرتے ہوئے Trained کیا ہے جس میں دو لوگوں کے درمیان Debate اور بات چیت بھی شامل ہے، جس سے یہ الگورتھم سیکھ کر انسان جیسی تحریر تیار کر سکے یہ انسانی دماغ سے ملتا جلتا کام بہت احسن طریقے سے سر انجام دیتا ہے- چیٹ جی پی ٹی کا استعمال بہت سے شعبوں میں ترقی اور آسانی لانے کا پیش خیمہ ثابت ہو سکتا ہے جیسا کہ پیچیدہ سائنسی تصورات کی وضاحت، پروگرامنگ میں استعمال ہونے والی کوڈنگ، تخلیقی مضمون نویسی، لطیفے، نظمیں اورکسی بھی موضوع پرلکھی جانے والی کہانیاں شامل ہیں-
1. چیٹ جی پی ٹی بوٹ انسان جیسی آواز میں سوال کا جواب دیتا ہے- اوپن اے آئی ٹیکسٹ سے سپیچ ماڈل کی مدد سے صرف چند سیکنڈ پر مشتمل تقریر کی آڈیو انسانی آواز میں تیار کر سکتا ہے-
2. موبائل فون میں ڈرائنگ ٹول کے استعمال سے تصویرکے مخصوص حصے پر توجہ مرکوز کرنے کی سہولت بھی دیتا ہے-
3. GPT-3.5, GPT-4 کی مدد سے تصاویر کی پہچان کیلئے ملٹی ماڈل فیچرجو اصل اور نقل تصاویر میں پہچان کر سکتا ہے، اس سے نقلی تصاویر کی پہچان ہو سکے گی-
4. ڈولپرز اور گرافک /ویب ڈیزائنر کیلئے چیٹ جی پی ٹی نے کوڈ کو تلاش کرنے اور تصاویر کو بنانے کا عمل بھی بہت آسان کر دیا جس سے ڈولپرز اور ڈیزائنر کو ٹائم کی بچت اور کام کی جلد تکمیل حاصل ہوئی ہے-
5. طالب علموں کیلئے چیٹ جی پی ٹی نے آسانیاں پیدا کر دیں جہاں سکول/ کالجز/ یونیوریسٹی میں پوچھے گئے تجزیاتی سوالات کے جواب آسانی سے ڈھونڈ سکتے ہیں-لیکن بہت سے ممالک نے ایجوکیشن سسٹم میں چیٹ جی پی ٹی کا استعمال بین کر دیا اور جی پی ٹی سے مرتب کیا گیا ڈیٹا کو خاص ٹول میں ڈال کر جانچا جاتا ہے-
6. چیٹ جی پی ٹی استعمال کرنے والے اپنی سی وی (Curriculum Vitae) کواپنی ضرورت کے مطابق بہتر بنا سکتے ہیں-
7. ملازمت کیلئے انٹرویو کی تیاری بھی چیٹ جی پی ٹی کی مدد سے کی جا سکتی ہے جس سے جی پی ٹی انٹرویو میں پوچھے جانے والے سوال کے جواب بھی دکھا دیتا ہے جس سے ملازمت حاصل کرنے کے چانسز بڑھ جاتے ہیں-
8. کھانا بنانے کیلئے کسی استاد کی ضرورت نہیں! اگر کھانا بنانا چاہتے ہیں صرف ڈش کا نام لکھیں تو ڈش بنانے کا پروسیس چیٹ جی پی ٹی آپ سے شئیر کر دے گا - جس سے کھانا آپ خود بنا کر داد وصول کر سکتے ہیں-
9. فلم بنانے کیلئے بھی یوزر چیٹ جی پی ٹی سے مدد حاصل کرسکتا ہے جس سے وہ ایک فلم بنانے کا تمام پروسیس یوزر کو شئیر کر دے گا جس سے یوزر فلم بنا کر روزگار کما سکتا ہے-
10. ChatGPT ، 100 سے زیادہ مختلف زبانوں کو سمجھتا ہے یہ آپ کو ہسپانوی، فرانسیسی، جرمن، اطالوی، چینی، جاپانی وغیرہ سیکھنے میں بھی مدد کر سکتا ہے- آپ ChatGPT کے ساتھ کسی دوسری زبان میں مکمل گفتگو کر سکتے ہیں، جس سے گفتگو کی مہارت کو بہتر بنانے میں مدد ملتی ہے- چیٹ جی پی ٹی آپ کے پاس ہمیشہ بات چیت کا ساتھی ہوگا-
REF:https://www.microsoft.com/en-us/microsoft-365-life-hacks/writing/using-chatgpt-for-foreign-language-learning
11. چیٹ جی پی ٹی نے ڈولپرز کی زندگی بہت سائل کی ہےجس سے کوڈ کی تلاش، کوڈننگ میں بگ (Bug)کو ڈھونڈنا اور درستگی شامل ہے -
12. چیٹ جی پی ٹی کی مدد سے متعدد گیمز بھی کھیلی جا سکتی ہیں کیونکہ یہ چیٹ بوٹ ہے جس کی وجہ سے زیادہ تر گیمز الفاظ کی صورت میں ہی کھیلی جا سکتی ہیں-
چیٹ جی پی ٹی کی اقسام اور چیٹ جی پی ٹی کاموجودہ ورژن فور
OpenAI کے ذریعہ تیار کردہ GPT ماڈل کے کئی ورژن ہیں- ہر ورژن میں قدرتی زبان میں بہتری اورسمجھنے میں پیش رفت کو شامل کرتے ہوئے نیا ورژن پچھلے کے مقابلے میں زیادہ بہتر اور مؤثر ہے -OpenAI نے اب تک چیٹ جی پی ٹی کے 4 ورژن متعارف کروائے ہیں جس کی ابتداء ChatGPT-01 سے ہوئی، اس کی ٹیسٹنگ مختلف گروپس، کمپنیوں اور لوگوں سے کی جاتی ہے جو اُس ورژن پر اپنا فیڈ بیک دیتے ہیں جس کی بنا پر الگورتھم میں تبدیلی کی جاتی ہے اور اس میں ہر آنے والا ورژن پہلے ورژن سے بہت زیادہ مفید ثابت ہوتا ہے- ChatGPT-3.5 ورژن نے پروٹوٹائپ اور فری ہونے کی وجہ سے بہت جلد شہرت حاصل کی اور عوامی فیڈ بیک کے بعدکمپنی نے بہت جلد ChatGPT-4 متعارف کرانے کا فیصلہ کیا جو 3.5 ورژن سے زیادہ مؤثرہے-
OpenAI نے ChatGPT-4 میں نئے فیچرز شامل کیے ہیں جوتحریری سوالات کے ساتھ ساتھ بولنے، سننے اور دیکھنے کی بھی صلاحیت رکھتا ہے- جس میں بچوں کو سوتے وقت تلاوت/ نعت/ کلام/ موسیقی اور کہانی سنانا شامل ہے- اس میں سابقہ اور موجودہ تصاویر پر ردعمل جس میں پاسپورٹ شناخت کرنے اور امتحانات میں طالب علم شناخت کرنے میں آسانی پیدا ہوگی- یوزر کے کسی معاملات میں مشورہ مانگنے پر یورز کی رہنمائی، حتی کہ چیٹ جی پی ٹی سے کسی آلہ/ ڈیوائس اور مشین کو ٹھیک کرنے کا مشورہ بھی مانگ سکتے ہیں-لیکن کمپنی نے فیس ادا کرنے والوں کو اس کے استعمال کی اجازت دی ہے-
چیٹ جی پی ٹی کو بولنے اور سننے کے قابل بنانے سے یہ سری (Siri) جو ایک ورچوئل اسسٹنٹ ہے جسے Apple.inc نے اپنے iOS، iPad، watch اور macOS آپریٹنگ سسٹمز کے لیے تیار کیا ہے- یہ آواز پر قابو پانے والا، ذہین پرسنل اسسٹنٹ ہے جو یوزر کے حکم کی ترجمانی اور جواب دینے کے لیے قدرتی زبان اور اسپیچ ریکگنیشن کا استعمال کرتا ہے- سری کو پہلی بار اکتوبر 2011 میں آئی فون 4S کے ساتھ متعارف کرایا گیا تھا-
REF: https://www.sri.com/hoi/siri/
الیکسا (Alexa) جو ایک ورچوئل اسسٹنٹ ہے جسے ایمیزون نے ایکو ڈیوائسز کے ساتھ ساتھ دیگر تھرڈ پارٹی ڈیوائسز میں استعمال کرنے کے لیے تیار کیا ہے- Alexa کو وائس کا جواب دینے، یوزر کو وائس معلومات فراہم کرنے اور سمارٹ ہوم ڈیوائسز کو کنٹرول کرنے کے لیے ڈیزائن کیا گیا ہے- یہ مختلف قسم کے کمانڈز اور پوچھ گچھ کو سمجھنے اور ان کا جواب دینے کے لیے قدرتی زبان اور مشین لرننگ کا استعمال کرتا ہے- جیسا کہ ایک پلیٹ فارم بن جائے گا جس سے یوزر بات کر سکیں گے اور بول کر اسے ہدایات دے سکیں گے اور وہ بول کر یوزرکو جوابات دے گا -
چیٹ جی پی ٹی کی حدود :
ChatGPT کا استعمال زندگی کے ہر شعبہ سے تعلق رکھنے والے کیلئے مفید ثابت ہو سکتا ہے، خاص طور پر طالب علم کیلئے جو امتحان کی تیاری، ہوم ورک اسائنمنٹس، یا تعلیمی تحریر میں مدد فراہم کرتاہے- یہ ذہن میں رکھنا ضروری ہے کہ چیٹ جی پی ٹی جیسے اے آئی ماڈل کو اب بھی ٹرینڈ کیا جا رہا ہے- جس میں موجودہ حدود بھی شامل ہیں:
غلط جوابات
ChatGPT میں مسلسل ترقی ہو رہی ہے اور اس کے ماڈل کو نئے ڈیٹا کے ساتھ ٹرینڈ کیا جا رہا ہےتو اس سے لامحالہ غلطیاں ہوسکتی ہیں - اپنے کام میں استعمال کرتے ہوئے اس کے جنریٹ کئے ہوئے جواب کو دوبار چیک کرنا بہت ضروری ہے، کیونکہ یہ حقائق پر مبنی اور استدلال کی غلطیاں کر سکتا ہے- ماہر موضوعات جیسے گرائمر یا ریاضی کے بارے پیچیدہ سوال کے جواب دینےمیں قابل بھروسہ نہیں ہےجسے قابل اعتماد ذرائع کے ساتھ دو بار چیک کریں- ChatGPT نے متعدد جگہ غیر موجود قانونی دفعات کا حوالہ دیا ہے جو اس نے یہ کہنے سے بچنے کیلئے جواب دئیے ہیں کہ ’’اسے کوئی جواب معلوم نہیں ہے‘‘-
متعصب جوابات
ChatGPTمیں AI ٹولز کا وسیع پیمانے پر استعمال ثقافتی اور نسلی شائستگی کو نقصان پہنچا سکتا ہے-اگر متعصب اندازوں سے وہ علم کےحصول کا تعین کرتا ہے تو اس بات کے امکانات ہیں کہ متعصبانہ نتائج برآمد ہوں گے - اگرچہ یہ ایک چیلنج ہے جس کا سامنا تقریباً ہر AI ٹول کو کرنا پڑتا ہے، لیکن بڑے پیمانے پر ٹیکنالوجی تعصب مستقبل میں ایک اہم مسئلے کی نمائندگی کرتا ہے-
انسانی بصیرت کا فقدان
اگرچہ ChatGPT مخصوص سوالات کے جوابات پیدا کرنے میں کافی ماہر ہے، لیکن یہ بالآخر انسان نہیں ہے- اس طرح یہ صرف انسانی رویے کی نقل کر سکتا ہے، خود اس کا تجربہ نہیں کر سکتا-یہ کسی موضوع کے مکمل سیاق و سباق کو نہیں سمجھ سکتا-اس میں جذباتی ذہانت نہیں ہے اور وہ طنز، ستم ظریفی یا مزاح جیسے جذباتی اشارے کو نہیں پہچانتا- اس کی جسمانی موجودگی نہیں ہے اور یہ انسانوں کی طرح دنیا کو دیکھنے اور سننے کی صلاحیت نہیں رکھتا -اس کے پاس حقیقی دنیا کے تجربات یا شعور کا علم نہیں ہے یہ کسی موضوع کا خلاصہ اور وضاحت کر سکتا ہے لیکن منفرد بصیرت پیش نہیں کر سکتا-
زیادہ لمبے (لفظی) جوابات
چیٹ جی پی ٹی کے تربیتی ڈیٹاسیٹس اسے مختلف زاویوں سے کسی موضوع کا احاطہ کرنے کی ترغیب دیتے ہیں، ہر اس طریقے سے سوالات کے جوابات دیتے ہیں جن کا وہ تصور کر سکتا ہے- اگرچہ یہ کچھ طریقوں سے مثبت ہے یہ پیچیدہ موضوعات کی بہت اچھی طرح وضاحت کرتا ہےیقینی طور پر ایسے موضوعات ہیں جہاں بہترین جواب ’’ہاں‘‘ یا ’’نہیں‘‘- زیادہ وضاحت کرنے کا یہ رجحان ChatGPT کے جوابات کو حد سے زیادہ غیر رسمی اور بے کار بنا سکتا ہے-
چیٹ جی پی ٹی کی ترقی سے انسانی مستقبل کو خدشات
ChatGPT جیسے ٹولز کی ترقی اور تعیناتی اہم اخلاقی، سماجی اور اقتصادی تحفظات کو بڑھاتی ہے - اگرچہ جہاں ممکنہ فوائد ہیں، وہاں ایسے خدشات بھی ہیں جن پر محتاط غور اور ذمہ دارانہ انتظام کی ضرورت ہے - چیٹ جی پی ٹی جیسے ماڈلز زیادہ قابل ہونے سے مختلف ملازمتوں کے ممکنہ آٹومیشن خدشات بڑھتے جائیں گے- جس سے بے روزگاری اور معاشی خلل بڑھے گا - ضرورت اس چیز کی ہے کہ معاشروں کو تخلیقی ترقی کے مطابق کیسے ڈھالنا چاہیے؟
پرنسٹن، پنسلوانیا اور نیویارک یونیورسٹی کے محققین کی ایک نئی تحقیق سے معلوم ہوا ہے کہ ٹیلی مارکیٹرز اور اساتذہ سب سے زیادہ متاثر ہو سکتے ہیں-محققین نے ایک بینچ مارک کا استعمال کیا جسے ’’AI Occupational Exposure‘‘ کہا جاتا ہے اس بات کا اندازہ کرنے کے لیے کہ ChatGPT جیسی خدمات مختلف پیشوں میں کتنی خلل ڈال سکتی ہیں- انہوں نے نتیجہ اخذ کیا کہ تعلیم کے شعبےجس میں زبان، ادب، تاریخ، قانون، فلسفہ، مذہب، سماجیات، سیاسیات اور نفسیات کے پوسٹ سیکنڈری اساتذہ سب سے زیادہ متاثر ہوں گے- اس کے باوجود اس رکاوٹ کا لازمی طور پر یہ مطلب نہیں ہے کہ AI لاکھوں تدریسی ملازمتیں چھین لے گا- دریں اثنا، AI کی حدود انسانوں کو معنی خیز طور پر تبدیل کرنے کی صلاحیت پر نظر رکھ سکتی ہیں- ChatGPT اپنی کامیابیوں کے ساتھ ساتھ غلطیاں بھی پیدا کر رہا ہے - ایک حقیقت جسے اس کے تخلیق کاروں نے تسلیم کیا ہے جو محسوس کرتے ہیں کہ ٹیکنالوجی اب بھی ’’نقص اور محدود‘‘ ہے- مثال کے طور پر، یہ ریاضی کے بنیادی حسابات اور منطق میں ناکام ہو گیا ہے-یقینی طور پر، کچھ ملازمتیں بے کار بھی ہو سکتی ہیں-
برسلز میں قائم تھنک ٹینک بروگل میں فیوچر آف ورک ٹیم کی ساتھی اور لیڈر لورا نورسکی نے بتایا کہ لیبر مارکیٹ پر چیٹ جی پی کا اثر واقعی کافی ہوگا-لیکن AI کے پاس ’’نوکریاں پیدا کرنے کی صلاحیت‘‘ بھی ہے- نورسکی کا مزید کہنا تھا کہ درحقیقت، ورلڈ اکنامک فورم نے اکتوبر 2020ء میں یہ نتیجہ اخذ کیا کہ جہاں AI ممکنہ طور پر 2025ء تک عالمی سطح پر 85 ملین ملازمتیں چھین لے گا، وہیں یہ بڑے ڈیٹا اور مشین لرننگ سے لے کر انفارمیشن سیکیورٹی اور ڈیجیٹل مارکیٹنگ تک کے شعبوں میں 97 ملین نئی ملازمتیں بھی پیدا کرے گا-نورسکی نے کہا کہ ’’یقین کے ساتھ کہا جا سکتا ہے کہ یہ ہمارے کام کرنے کے طریقے کو بدل دے گا‘‘-
REF:https://www.aljazeera.com/features/2023/3/28/will-chatgpt-take-your-job-and-millions-of-others
٭٭٭

26/01/2024

قران مجید کے 100 مختصر پیغام۔

1۔گفتگو کے دوران بدتمیزی نہ کیا کرو۔
2۔ غصے کو قابو میں رکھو۔
3۔ دوسروں کے ساتھ بھلائی کرو۔
4۔تکبر نہ کرو۔
5۔دوسروں کی غلطیاں معاف کر دیا کرو۔
6۔لوگوں کے ساتھ آہستہ بولا کرو۔
7۔اپنی آواز نیچی رکھا کرو۔
8۔دوسروں کا مذاق نہ اڑایا کرو۔
9۔والدین کی خدمت کیا کرو۔
10۔منہ سے والدین کی توہین کا ایک لفظ نہ نکالو۔
11۔ والدین کی اجازت کے بغیر ان کے کمرے میں داخل نہ ہوا کرو۔
12۔حساب لکھ لیا کرو۔
13۔کسی کی اندھا دھند تقلید نہ کرو۔
14۔اگر مقروض مشکل وقت سے گزر رہا ہو تو اسے ادائیگی کے لیے مزید وقت دے دیا کرو۔
15۔ سود نہ کھاؤ۔
16۔ رشوت نہ لو۔
17۔ وعدہ نہ توڑو۔
18۔ دوسروں پر اعتماد کیا کرو۔
19۔ سچ میں جھوٹ نہ ملایا کرو۔
20۔ لوگوں کے درمیان انصاف قائم کیا کرو۔
21۔ انصاف کے لیے مضبوطی سے کھڑے ہو جایا کرو۔
22۔ مرنے والوں کی دولت خاندان کے تمام ارکان میں تقسیم کیاکرو۔
23۔ خواتین بھی وراثت میں حصہ دار ہیں۔
24۔ یتیموں کی جائیداد پر قبضہ نہ کرو۔
25۔ یتیموں کی حفاظت کرو۔
26۔ دوسروں کا مال بلا ضرورت خرچ نہ کرو۔
27۔ لوگوں کے درمیان صلح کراؤ۔
28۔ بدگمانی سے بچو۔
29۔ غیبت نہ کرو۔
30۔ جاسوسی نہ کرو۔
31۔ خیرات کیا کرو۔
32۔ غرباء کو کھانا کھلایا کرو۔
33۔ ضرورت مندوں کو تلاش کر کے ان کی مدد کیا کرو۔
34۔ فضول خرچی نہ کیا کرو۔
35۔ خیرات کر کے جتلایا نہ کرو۔
36۔ مہمانوں کی عزت کیاکرو۔
37۔ نیکی پہلے خود کرو اور پھر دوسروں کو تلقین کرو۔
38۔ زمین پر برائی نہ پھیلایا کرو۔
39۔ لوگوں کو مسجدوں میں داخلے سے نہ روکو۔
40۔ صرف ان کے ساتھ لڑو جو تمہارے ساتھ لڑیں۔
41 جنگ کے دوران جنگ کے آداب کا خیال رکھو۔
42۔ جنگ کے دوران پیٹھ نہ دکھاؤ۔
43۔ مذہب میں کوئی سختی نہیں۔
44۔ تمام انبیاء پر ایمان لاؤ۔
45۔ حیض کے دنوں میں مباشرت نہ کرو۔
46۔ بچوں کو دو سال تک ماں کا دودھ پلاؤ۔
47۔ جنسی بدکاری سے بچو۔
48۔حکمرانوں کو میرٹ پر منتخب کرو۔
49۔ کسی پر اس کی ہمت سے زیادہ بوجھ نہ ڈالو۔
50۔ نفاق سے بچو۔
51۔ کائنات کی تخلیق اور عجائب کے بارے میں گہرائی سے غور کرو۔
52۔ عورتیں اور مرد اپنے اعمال کا برابر حصہ پائیں گے۔
53۔ منتخب خونی رشتوں میں شادی نہ کرو۔
54۔ مرد کو خاندان کا سربراہ ہونا چاہیے۔
55 بخیل نہ بنو۔
56۔ حسد نہ کرو۔
57۔ ایک دوسرے کو قتل نہ کرو۔
58 فریبی کی وکالت نہ کرو۔
59۔ گناہ اور شدت میں دوسروں کے ساتھ تعاون نہ کرو۔
60۔ نیکی میں ایک دوسری کی مدد کرو۔
61۔ اکثریت سچ کی کسوٹی نہیں ہوتی۔
62۔ صحیح راستے پر رہو۔
63۔ جرائم کی سزا دے کر مثال قائم کرو۔
64۔ گناہ اور ناانصافی کے خلاف جدوجہد کرتے رہو۔
65 مردہ جانور‘ خون اور سور کا گوشت حرام ہے۔
66۔ شراب اور دوسری منشیات سے پرہیز کرو۔
67۔ جواء نہ کھیلو۔
68۔ ہیرا پھیری نہ کرو۔
69۔ چغلی نہ کرو۔
70۔کھاؤ اور پیو لیکن اصراف نہ کرو۔
71۔ نماز کے وقت اچھے کپڑے پہنو۔
72۔ آپ سے جو لوگ مدد اور تحفظ مانگیں ان کی حفاظت کرو‘ انھیں مدد دو۔
73۔طہارت قائم رکھو۔
74۔اللہ کی رحمت سے کبھی مایوس نہ ہو۔
75۔اللہ نادانستگی میں کی جانے والی غلطیاں معاف کر دیتا ہے۔
76۔لوگوں کو دانائی اور اچھی ہدایت کے ساتھ اللہ کی طرف بلاؤ۔
77۔کوئی شخص کسی کے گناہوں کا بوجھ نہیں اٹھائے گا۔
78۔غربت کے خوف سے اپنے بچوں کو قتل نہ کرو۔
79۔جس کے بارے میں علم نہ ہو اس کا پیچھا نہ کرو۔
80 پوشیدہ چیزوں سے دور رہا کرو اور کسی کا کھوج نہ لگاؤ۔
81۔اجازت کے بغیر دوسروں کے گھروں میں داخل نہ ہو۔
82۔ اللہ اپنی ذات پر یقین رکھنے والوں کی حفاظت کرتا ہے۔
83۔زمین پرعاجزی کے ساتھ چلو۔
84۔دنیا سے اپنے حصے کا کام مکمل کر کے جاؤ۔
85۔ اللہ کی ذات کے ساتھ کسی کو شریک نہ کرو۔
86۔ہم جنس پرستی میں نہ پڑو۔
87۔سچ کا ساتھ دو غلط سے پرہیز کرو۔
88۔زمین پر ڈھٹائی سے اکڑ کر نہ چلو۔
89۔عورتیں اپنی زینت کی نمائش نہ کریں۔
90۔ اللہ شرک کے سوا تمام گناہ معاف کر دیتا ہے۔
91۔اللہ کی رحمت سے مایوس نہ ہو۔
92۔ برائی کو اچھائی سے ختم کرو۔
93۔فیصلے مشاورت کے ساتھ کیا کرو۔
94۔ تم میں سے وہ زیادہ معزز ہے جو زیادہ پرہیزگار ہے۔
95۔مذہب میں رہبانیت نہیں۔
96۔اللہ علم والوں کو مقدم رکھتا ہے۔
97۔غیر مسلموں کے ساتھ مہربانی اور اخلاق کے ساتھ پیش آؤ۔
98۔خود کو لالچ سے بچاؤ۔
99 اللہ سے معافی مانگو وہ معاف کرنے اور رحم کرنے والا ہے۔
100۔جو شخص دست سوال دراز کرے اسے انکار نہ کرو۔

اللہﷻ عمل کرنے کی توفیق عطا فرمائے آمین۔

11/01/2024

02/12/2023

چلاس ۔ ڈپٹی کمشنر دیامر کیپٹن ریٹائرڈ عارف احمد چلاس حادثے کے حوالے سے میڈیا سے گفتگو کررہے ہیں

20/11/2023

ابوالکلام کہتے ہیں.
ایک رات کھانے کے وقت میری والدہ نے سالن اور جلی ہوئی روٹی میرے والد کے آگے رکھ دی۔۔۔۔۔۔۔ میں والد کے ردِعمل کا انتظار کرتا رہا کہ شاید وہ غصّے کا اظہار کرینگے لیکن انہوں نے اِنتہائی سکون سے کھانا کھایا اور ساتھ ہی مجھ سے پوچھا کہ آج سکول میں میرا دن کیسا گزرا مجھے یاد نہیں کہ میں نے کیا جواب دیا.
لیکن۔۔۔۔۔۔۔اُسی دوران میری والدہ نے روٹی جل جانے کی معذرت کی.
میرے والد نے کہا کوئی بات نہیں بلکہ مجھے تو یہ روٹی کھا کر مزا آیا.
اُس رات جب میں اپنے والد کو شب بخیر کہنے اُن کے کمرے میں گیا تو اُن سے اِس بارے میں پوچھ ہی لیا کہ۔۔۔۔۔۔۔ کیا واقعی آپ کو جلی ہوئی روٹی کھا کر مزا آیا؟
انہوں نے پیار سے مجھے جواب دیا بیٹا ایک جلی ہوئی روٹی کچھ نقصان نہیں پہنچاتی مگر تلخ ردعمل اور بد زبانی انسان کے جذبات کو مجروح کر دیتے ہے۔۔۔۔۔۔۔
میرے بچے یہ دُنیا بے شمار ناپسندیدہ چیزوں اور لوگوں سے بھری پڑی ہے، میں بھی کوئی بہترین یا مکمل انسان نہیں ہوں اور میں یہ سمجھتا ہوں کہ۔۔۔۔۔۔۔ہمارے ارد گرد کے لوگوں سے بھی غلطی ہو سکتی ہے ایک دوسرے کی غلطیوں کو درگزر کرنا، رشتوں کو بخوبی نبھانا اعلیٰ ظرفی کا مظاہرہ کرنا ہی تعلقات میں بہتری کا سبب بنتا ہے ہماری زندگی اتنی مختصر ہے کہ اِس میں معذرت اور پچھتاووں کی کوئی گنجائش نہیں ہونی چاہئے۔

زندگی کو شکر صبر کیساتھ خوشحال بنائیں۔
بیشک اللہ شکر کرنے والوں کو پسند کرتاہے

04/11/2023

What is Duckworth-Lewis system?
(ڈیلی پاکستان آن لائن) مختلف کھیلوں میں جیت یا ہار کے حتمی فیصلہ تک رسائی کے لئے غیر روایتی طریقے اور قانون مرتب کئے گئے ہیں۔ کرکٹ میں اسی طریقہ کو ڈک وَرتھ لوئس (Duckworth-Lewis) یا D/L کہا جاتا ہے۔اس کا استعمال بارش یا خراب موسم سے متاثرہ میچ میں عام طور پر دوسری اننگز میں مقررہ ہدف کا تعاقب کر رہی ٹیم کے لئے ترمیم شدہ ہدف کا حساب لگانے کے لئے کیا جاتا ہے۔

اس قانون کے موجد برطانیہ کے فرینک ڈک ورتھ (Frank Duckworth) اور ٹونی لوئس (Tony Lewis) ہیں۔اس قانون کو پہلی مرتبہ 1996-97ء میں زمبابوے اور انگلینڈ کے درمیان کھیلے گئے میچ میں آزمایا گیا جسے زمبابوے نے 7رنز سے جیتا تھا۔ بعد میں بین الاقوامی کرکٹ کونسل (آئی سی سی) نے باضابطہ طور پر اسے 2001سے بین الاقوامی ایک روزہ مقابلوں میں نافذ کر دیا اور اب اسے ٹی 20 مقابلوں میں بھی استعمال کیا جا رہا ہے۔

عام طور پر سمجھا یہ جا تا ہے کہ ڈک ورتھ لوئس کافی پیچیدہ قانون ہے جسے عام انسان نہیں سمجھ سکتا۔ حتیٰ کہ کئی ممالک کے کرکٹ کپتان بھی کئی دفعہ اس قانون کو نہ سمجھ پانے کی شکایت کر چکے ہیں۔ لیکن حقیقت یہ ہے کہ اسے سمجھنے کے لئے علم ریاضی کی کسی اعلیٰ ڈگری کی ضرورت نہیں۔ بلکہ چند اعداد و شمار کو سامنے رکھ کر معمولی ضرب اور تقسیم کے ذریعہ اس کے اصول کو بہ آسانی سمجھا جا سکتا ہے۔

ڈی/ایل کا بنیادی نظریہ یہ ہے کہ کوئی بھی ٹیم رنز کے حصول کے لئے دو ذرائع (Resources) کا استعمال کرتی ہے۔پہلا یہ کہ ٹیم کے پاس کھیلنے کے لئے کتنے اوورز بچے ہوئے ہیں اور دوسرا یہ کہ اس کی کتنی وکٹیں محفوظ ہیں۔ ان دونوں ذرائع میں سے کسی ایک میں بھی کمی واقع ہونے کی صورت میں ٹیم کی رنز بنانے کی صلاحیت کم ہو جاتی ہے۔ اگر وکٹیں محفوظ ہیں اور اوورز کم ہیں تو زیادہ رنز بنانے یا مطلوبہ ہدف تک پہنچنے کے امکانات کم ہو جائیں گے یا اگر وکٹیں کم ہیں اور اوورز موجود ہیں تو ایسی صورت میں بھی اس بات کی امید کم ہو جاتی ہے کہ نئے آنے والے بلے باز کم اوورز میں زیادہ رن اسکور کر پائیں گے یا مطلوبہ ہدف کو عبور کر لیں گے۔ لہٰذا ٹیم کی رن اسکور کرنے کی صلاحیت بنیادی طور پر مذکورہ ذرائع (Resources) کے مجموعہ پر منحصر ہوتی ہے۔ یہ ذرائع جس تناسب میں موجود ہوں گے مطلوبہ ہدف کو اتنی ہی آسانی سے عبور کیا جا سکے گا۔ ڈک ورتھ اور لوئس نے ان ذرائع کے مجموعہ کے فیصد (Percentage) کو ایک ٹیبل میں پیش کیا ہے۔ یہ ٹیبل وکٹوں کے نقصانات اور اوورز کے کم ہونے کی وجہ سے ذرائع (Resources) میں واقع ہونے والی کمی کے فیصد کو ظاہر کرتا ہے۔

جب کسی میچ میں اس کی شروعات کے بعد کسی وجہ سے تخفیف کی جاتی ہے تو لامحالہ ایک یا دونوں ٹیموں کے ذرائع کو نقصان ہوتا ہے۔ ایسی صورت میں ترمیم شدہ ہدف کا تعین کرنا پڑتا ہے۔ڈی/ایل موجود ذرائع یا بچے ہوئے ذرائع کو مد نظر رکھ کر اس ہدف کا حساب لگاتا ہے۔ اگر میچ میں دوسری اننگ کے دوران خلل پیدا ہوا ہے تو ہدف میں تخفیف کی جاتی ہے اور اگر پہلی اننگ کے دوران میچ روکنا پڑا ہے تو ہدف میں اضافہ کیا جاتا ہے۔ آئی سی سی کے ضابطہ کے مطابق ڈی/ایل کا استعمال اسی وقت کیا جاتا ہے جب دونوں ٹیمیں کم از کم20اوورز کا کھیل مکمل کر چکی ہوں۔ ٹیبل کی مدد سے حاصل کئے گئے ذرائع کے فیصد کی بنیاد پر نئے ہدف کا تعین کیا جاتا ہے جسے پار اسکور (Par Score) کہتے ہیں۔ یہ عام طور پر اعشاریہ (Fraction) میں ظاہر ہوتا ہے۔ اگر دوسری اننگز میں بلے بازی کرنے والی ٹیم اس ہدف سے آگے نکل چکی ہوتی ہے تو اسے فاتح قرار دیا جاتا ہے۔
Copyed form daily pakistan

23/10/2023

ہم نیند میں خراٹے کیوں لیتے ہیں اور کیا یہ آواز بند کرنا ممکن ہے؟

جب ہم نیند کے دوران سانس لیتے اور باہر نکالتے ہیں تو ہم اپنی گردن اور سر کے نرم بافتوں (ٹشوز) میں لرزش کی وجہ سے خراٹے لیتے ہیں۔
یہ نرم بافتیں ہماری ناک کے راستے، ٹانسلز اور منھ کے اوپری حصے میں پائے جاتے ہیں۔
جب آپ سوتے ہیں تو ہوا کے گزرنے کا راستہ آرام دہ حالت میں ہوتا ہے، پھر ہوا کو اندر اور باہر جانے کے لیے زور لگانا پڑتا ہے، جس کی وجہ سے نرم بافتوں میں لرزش پیدا ہوتی ہے۔

اسی طرح موٹاپے، ناک، منہ اور حلق کی ساخت میں مسائل اور نیند کی کمی سے بھی خراٹوں کے مسئلے کا سامنا ہو سکتا ہے۔
مگر اچھی بات یہ ہے کہ چند عام چیزوں کے ذریعے خراٹوں کی روک تھام ممکن ہے۔

دائیں یا بائیں کروٹ پر سونے کی کوشش کریں
پشت کے بل یا چت لیٹنے سے کئی بار زبان حلق کی جانب مڑ جاتی ہے جس سے سانس رکتی ہے اور خراٹوں کی شکایت کا سامنا ہوتا ہے۔

یہی وجہ ہے کہ دائیں یا بائیں کروٹ لیٹنے سے ہوا کا بہاؤ متاثر نہیں ہوتا جس سے خراٹے رک جاتے ہیں۔

مناسب نیند

نیند کی کمی سے بھی خراٹوں کا خطرہ بڑھتا ہے کیونکہ ناکافی نیند سے حلق کے مسلز پرسکون ہوتے ہیں اور ہوا کا بہاؤ متاثر ہوتا ہے۔
طبی ماہرین کی جانب سے بالغ افراد کو ہر رات 7 سے 9 گھنٹے سونے کا مشورہ دیا جاتا ہے۔

بستر پر سر اونچا کرلیں

بستر پر سر کو چند انچ اونچا کرنے سے ہوا کی گزرگاہ کھل جاتی ہے اور خراٹوں کے مسئلے میں کمی آتی ہے۔
اس کے لیے 2 تکیوں کا استعمال کیا جا سکتا ہے۔

تمباکو نوشی سے گریز کریں

تمباکو نوشی ایسی عادت ہے جو خراٹوں کی شدت کو بدتر بنا دیتی ہے۔
اس کی ایک ممکنہ وجہ یہ ہے کہ تمباکو نوشی سے اوبیسٹریکٹیو سلیپ اپنیا سے متاثر ہونے کا خطرہ بڑھتا ہے۔

جسمانی وزن کو کنٹرول کریں

اگر آپ کا جسمانی وزن زیادہ ہے تو اس سے حلق کے ٹشوز کا حجم بھی بڑھ جاتا ہے جس سے خراٹوں کے مسئلے کا سامنا ہوتا ہے۔
جسمانی وزن میں کمی لانے سے خراٹوں سے بچنے میں مدد مل سکتی ہے۔

پانی کی مناسب مقدار کا استعمال

جسم میں پانی کی کمی سے خراٹوں سے متاثر ہونے کا خطرہ بڑھتا ہے۔
تو دن بھر میں مناسب مقدار میں پانی پینے سے خراٹوں کی روک تھام میں مدد مل سکتی ہے۔

بستر کی چادر کو جلد بدلیں

کئی بار الرجی کے باعث بھی حلق میں ہوا کی گزرگاہ متاثر ہوتی ہے جس سے خراٹوں کا سامنا ہوتا ہے۔
تو اپنے بستر کی چادر کو جلد بدلنا عادت بنائیں تاکہ الرجی کے باعث خراٹوں کا سامنا نہ ہو سکے۔

پودینے کا تیل

اگر خراٹوں کی شدت معمولی ہے تو پودینے کے تیل سے اس کی روک تھام ممکن ہے۔
اس مقصد کے لیے پودینے کے تیل کی تھوڑی سی مقدار ناک کے نیچے لگائیں جس سے ناک کھلی رہے گی۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔
(کاپی)
معلومات کے لیے فالو کر سکتے ہیں.

16/10/2023

پاکستان میں ربیع الثانی 1445ھ کا چاند نظر آگیا ہے، کل بروز منگل یکم ربیع الثانی ہوگی۔