Chourbat Valley Gilgit Baltistan

Chourbat Valley Gilgit Baltistan Chorbat Valley, وادی چھوربٹ, ཆོར་བད, is a beautiful Valley of Gilgit Baltistan

Chourbat Valley Gilgit Baltistan is totally apolitical page, our policy is to refrain from reporting political activities happening in the region, sole purpose of the page is to promote culture and scenic beauty of the region, any follower found abusing will be blocked mnnn

چھوربٹ ڈپٹی کمشنر گانچھے کا گورنمنٹ ہائی سکول امیر آباد کا دورہ، طلبہ کے مسائل کے حل کی یقین دہانی ڈپٹی کمشنر گانچھے ولی...
19/08/2026

چھوربٹ
ڈپٹی کمشنر گانچھے کا گورنمنٹ ہائی سکول امیر آباد کا دورہ، طلبہ کے مسائل کے حل کی یقین دہانی

ڈپٹی کمشنر گانچھے ولی اللہ فلاحی نے گورنمنٹ ہائی سکول امیر آباد کا دورہ کیا اور سکول میں طلبہ و طالبات کو درپیش مسائل اور بنیادی سہولیات کا جائزہ لیا۔
اس موقع پر چیئرمین سکول مینجمنٹ کمیٹی (SMC) بوآ محمد اور سوشل ورکر غلام نبی ثنائی / لیاقت علی نے ڈپٹی کمشنر کو سکول کے مختلف مسائل، خصوصاً واش روم کی حوالگی اور دیگر بنیادی سہولیات کے حوالے سے آگاہ کیا۔
ڈپٹی کمشنر گانچھے نے متعلقہ مسائل کا فوری اسسمنٹ اور تخمینہ تیار کرکے پیش کرنے کی ہدایت کی اور کہا کہ طلبہ و طالبات کو بنیادی سہولیات کی فراہمی اور بہتر تعلیمی ماحول کے لیے ہر ممکن اقدامات کیے جائیں گے۔
انہوں نے واش روم سمیت ضروری سہولیات کی فراہمی کے لیے ذاتی حیثیت سے بھی ممکنہ مالی تعاون کی یقین دہانی کرائی۔
اس موقع پر سکول انتظامیہ، ایس ایم سی اور سماجی کارکنوں نے ڈپٹی کمشنر گانچھے کی جانب سے طلبہ کے مسائل کے حل میں دلچسپی اور تعاون پر ان کا شکریہ ادا کیا۔

بلتی ثقافت کے رنگ میں سئینر جرنلسٹ خان شمالی کی منفرد شادی 💍ضلع گنگچھے کے علاقے چھوربٹ سکسہ سے تعلق رکھنے والے معروف سئی...
17/08/2026

بلتی ثقافت کے رنگ میں سئینر جرنلسٹ خان شمالی کی منفرد شادی 💍

ضلع گنگچھے کے علاقے چھوربٹ سکسہ سے تعلق رکھنے والے معروف سئینر جرنلسٹ خان شمالی رشتۂ ازدواج میں منسلک ہو گئے۔ ان کی شادی کی تقریب اپنی منفرد ثقافتی رنگت اور روایتی انداز کے باعث خاص توجہ کا مرکز بنی۔

تقریب میں دلہا اور دلہن نے خوبصورت روایتی بلتی ملبوسات زیب تن کیے، جبکہ شادی کی رسومات بھی بلتی ثقافت اور قدیم روایات کے مطابق ادا کی گئیں۔ روایتی لباس، ثقافتی انداز اور مقامی رسومات نے اس خوشی کے موقع کو مزید یادگار بنا دیا۔

خان شمالی اور ان کی شریکِ حیات نے اپنی شادی کے ذریعے بلتی ثقافت، روایتی لباس اور اپنی تہذیبی اقدار سے محبت کا خوبصورت اظہار کیا۔

اس خوبصورت جوڑے کو زندگی کے نئے سفر کے آغاز پر دل کی گہرائیوں سے مبارکباد۔ 💐
اللہ تعالیٰ ان کے رشتے کو محبت، خوشیوں اور برکتوں سے ہمیشہ قائم و دائم رکھے۔ آمین 🤲❤️

قائد ملت پبلک سکول امیرآباد کے پرنسپل اور میڈلسٹ طالبات شان پاکستان ایوارڈ 2026 کے لیے نامزد۔یوم آزادی کے دن لاہور میں خ...
13/08/2026

قائد ملت پبلک سکول امیرآباد کے پرنسپل اور میڈلسٹ طالبات شان پاکستان ایوارڈ 2026 کے لیے نامزد۔
یوم آزادی کے دن لاہور میں خصوصی تقریب میں شان پاکستان ایوارڈ سے نوازا جائے گا۔
پاکستان کا معروف ادبی ادارہ آل پاکستان رائٹرز ویلفیئر ایسوسی ایشن کے زیر اہتمام 14 اگست 2026 کو لاہور میں ایک شاندار تقریب استحکام پاکستان کانفرنس و تقسیم شان پاکستان ایوارڈ 2026 کے سلسلے میں منعقد ہوگی۔جس میں ملک بھر سے اعلیٰ اور نامی گرامی شخصیات کی کثیر تعداد شرکت کریں گے۔
تقریب میں مختلف شعبوں میں بہترین خدمات انجام دینے والی اور مختلف شعبہ ہائے زندگی میں نمایاں کارکردگی کا مظاہرہ کرنے والی شخصیات کو شان پاکستان ایوارڈ سے نوازا جائے گا۔
گلگت بلتستان کے دور افتادہ علاقہ چھوربٹ میں بہترین تعلیمی خدمات اور کوالٹی ایجوکیشن کے فروغ کے لیے کی جانے والی کوششوں کے اعتراف میں پرنسپل قائد ملت پبلک سکول امیرآباد کو بھی خصوصی طور پرتقریب میں مدعو کیا گیا ہے۔
14 اگست 2026 کو لاہور میں منعقد ہونے والی خصوصی تقریب میں ملک کے دیگر نمایاں شخصیات کے ساتھ پرنسپل قائد ملت پبلک سکول امیرآباد اورعالمی سطح کے میتھ مقابلے امریکن میتھمیٹکس اولمپیاڈ میں نمایاں کارکردگی کا مظاہرہ کرکے پاکستان کا نام عالمی سطح پر روشن کرنے والی قائد ملت پبلک سکول کی گولڈ میڈلسٹ طالبہ حرا فرمان اور سلور میڈلسٹ طالبہ معصومہ ابراہیم کو بھی شان پاکستان ایوارڈ سے نوازا جائے گا

09/08/2026

اہم گزارش

تمام شہریوں سے گزارش ہے کہ سرٹیفکیٹ کے حصول کے لیے مقررہ طریقہ کار کے مطابق مکمل دستاویزات کے ساتھ درخواست جمع کروائیں تاکہ کسی قسم کی پریشانی یا غیر ضروری تاخیر سے بچا جا سکےم اطلاع برائے عوام

تمام افراد کو مطلع کیا جاتا ہے کہ بچوں کے برتھ سرٹیفکیٹ، ڈیتھ سرٹیفکیٹ اور میرج/نکاح سرٹیفکیٹ کے اجراء کے لیے درج ذیل دستاویزات اور مراحل مکمل کرنا ضروری ہیں۔

1۔ بچوں کا برتھ سرٹیفکیٹ

بچے کا برتھ سرٹیفکیٹ حاصل کرنے کے لیے سب سے پہلے یونین سیکرٹری سے رابطہ کیا جائے۔

ضروری دستاویزات:

کسی بھی فوٹو اسٹیٹ/سہولت دکان سے متعلقہ فارم (A) حاصل کرکے مکمل پُر کیا جائے اور سکول سرٹیفکیٹ کے ساتھ تحصیلدار سے تصدیق کروائی جائے۔

اگر بچے کی عمر ایک یا دو سال ہو تو اسٹامپ پیپر پر بیانِ حلفی/حلف نامہ جمع کروانا ہوگا، جس میں:

- دو گواہوں کی تفصیلات اور دستخط
- بچے کی شناخت اور متعلقہ معلومات
- برتھ سرٹیفکیٹ کے اجراء کے بعد پیدا ہونے والے کسی بھی قانونی مسئلے کی ذمہ داری درخواست گزار کی جانب سے قبول کرنے کا بیان

شامل ہونا ضروری ہے۔

اگر بچے کی عمر تین سال یا اس سے زائد ہو تو متعلقہ ہسپتال سے جاری کردہ Age Assessment Certificate (عمر کا تخمینہ سرٹیفکیٹ) لازمی ہوگا۔ اس کے بغیر بچے کا برتھ سرٹیفکیٹ جاری نہیں کیا جائے گا۔

2۔ ڈیتھ سرٹیفکیٹ

ڈیتھ سرٹیفکیٹ کے لیے متعلقہ فارم مکمل کرکے جمع کروانا ہوگا۔

اس کے ساتھ درج ذیل دستاویزات فراہم کرنا ضروری ہیں:

- قبرستان کمیٹی کے صدر اور گواہ کا تصدیق نامہ
- تصدیق نامے پر تحصیلدار کی تصدیق
- درخواست گزار کا موبائل نمبر
- تدفین کروانے والے/متعلقہ شخص کا نام
- متعلقہ شخص کا شناختی کارڈ نمبر

3۔ میرج/نکاح سرٹیفکیٹ

نکاح سرٹیفکیٹ کے لیے فارم (C) مکمل کرنا ہوگا۔

اس کے ساتھ درج ذیل دستاویزات فراہم کرنا ضروری ہیں:

- اصل/متعلقہ نکاح نامہ
- نکاح خواں کے دستخط
- گواہوں کے دستخط
- نکاح خواں کا شناختی کارڈ نمبر

یونین سیکرٹری

چھوربٹ ویلی امیر آباد 7/08/2026تصویر بشکریہ M Sharif photography
07/08/2026

چھوربٹ ویلی امیر آباد
7/08/2026
تصویر بشکریہ
M Sharif photography

انجمن صوفیہ نوربخشیہ بلتستان کی جانب سے ضلع گانچھے کے عوامی مسائل اور حقوق کے حوالے سے منظور کی گئی قرارداد قابلِ تحسین ...
16/07/2026

انجمن صوفیہ نوربخشیہ بلتستان کی جانب سے ضلع گانچھے کے عوامی مسائل اور حقوق کے حوالے سے منظور کی گئی قرارداد قابلِ تحسین اقدام ہے۔

ضلع گانچھے کے عوام کے بنیادی حقوق، ترقی اور دیرینہ مسائل کو اجاگر کرنا وقت کی اہم ضرورت ہے۔ اس موقع پر یہ حقیقت بھی قابلِ ذکر ہے کہ پاکستان مسلم لیگ (ن) ضلع گانچھے کے صدر جناب سلطان علی خان گزشتہ 40 برسوں سے عوامی خدمت اور پارٹی کے نظریے کے ساتھ ثابت قدمی سے کھڑے ہیں۔ انہوں نے ہر دور میں ضلع گانچھے کے عوام کے مسائل کو متعلقہ فورمز تک پہنچانے اور ان کے حل کے لیے بھرپور کردار ادا کیا ہے۔

ہم امید کرتے ہیں کہ وفاقی اور گلگت بلتستان حکومت اس قرارداد میں پیش کیے گئے مطالبات پر سنجیدگی سے عمل درآمد کرے گی تاکہ ضلع گانچھے کے عوام کو ان کے جائز حقوق، ترقیاتی منصوبوں اور بنیادی سہولیات کی فراہمی یقینی بنائی جا سکے۔

ضلع گانچھے کی ترقی، عوامی حقوق اور خوشحالی ہماری مشترکہ ذمہ داری ہے۔ 🇵🇰💚

گانچھے چھوربٹ مرچھا مابین حسن آباد پل کی حالت تشویشناک، لکڑی کی تمام تختیاں فوری تبدیل کرنے کا مطالبہچوربٹ: مرچھا مابین ...
16/07/2026

گانچھے چھوربٹ
مرچھا مابین حسن آباد پل کی حالت تشویشناک، لکڑی کی
تمام تختیاں فوری تبدیل کرنے کا مطالبہ
چوربٹ: مرچھا مابین حسن آباد پل کی حالت انتہائی خستہ حال ہو چکی ہے، جس کے باعث روزانہ آنے جانے والے مقامی افراد کو شدید مشکلات اور خطرات کا سامنا ہے۔
مقامی لوگوں کے مطابق پل پر نصب لکڑی کی بیشتر تختیاں ٹوٹ پھوٹ اور بوسیدگی کا شکار ہیں، جس سے کسی بھی وقت کوئی بڑا حادثہ پیش آ سکتا ہے۔ عوام نے متعلقہ محکمہ سے مطالبہ کیا ہے کہ پل کا فوری معائنہ کرکے تمام خستہ حال لکڑی کی تختیوں کو نئی اور مضبوط تختیوں سے تبدیل کیا جائے تاکہ آمدورفت محفوظ بنائی جا سکے۔
علاقہ مکینوں نے ضلعی انتظامیہ اور متعلقہ حکام سے اپیل کی ہے کہ عوامی جان و مال کے تحفظ کے پیش نظر اس اہم رابطہ پل کی فوری مرمت کو یقینی بنایا جائے۔

گلگت بلتستان کے گورنر کے لیے اگر کسی نام پر سب سے زیادہ اعتماد اور عوامی امیدیں وابستہ ہیں، تو وہ نام سلطان علی خان کا ہ...
15/07/2026

گلگت بلتستان کے گورنر کے لیے اگر کسی نام پر سب سے زیادہ اعتماد اور عوامی امیدیں وابستہ ہیں، تو وہ نام سلطان علی خان کا ہے۔

پاکستان مسلم لیگ (ن) کے قائد میاں محمد نواز شریف، وزیرِ اعظم محمد شہباز شریف اور صدر مسلم لیگ (ن) گلگت بلتستان حافظ حفیظ الرحمٰن کی قیادت میں پارٹی نے ہمیشہ وفادار اور نظریاتی کارکنوں کی قدر کی ہے۔

سلطان علی خان گزشتہ 39 سال سے مسلم لیگ (ن) کے ساتھ ہر مشکل اور ہر آزمائش میں ثابت قدم رہے ہیں۔ اقتدار ہو یا اپوزیشن، انہوں نے کبھی پارٹی کا ساتھ نہیں چھوڑا اور ہمیشہ ذاتی مفاد سے بڑھ کر پارٹی اور عوام کے مفاد کو ترجیح دی۔

اسی طویل جدوجہد، وفاداری اور عوامی خدمت کی بنیاد پر کارکنوں اور سیاسی حلقوں میں یہ تاثر پایا جاتا ہے کہ سلطان علی خان گورنر گلگت بلتستان کے لیے ایک مضبوط امیدوار ہیں۔

ہمیں امید ہے کہ پارٹی قیادت میرٹ، وفاداری اور خدمات کو مدنظر رکھتے ہوئے بہترین فیصلہ کرے گی۔

ان شاء اللہ، سلطان علی خان کو ان کی دہائیوں پر محیط وفاداری اور خدمات کا صلہ ضرور ملے گا۔

Nawaz Sharif Mian Shehbaz Sharif Hafiz Hafeez Ur Rehman Ishaq Dar

گلگت بلتستان کے گورنر کے لیے سلطان علی خان ایک مضبوط امیدوارپاکستان مسلم لیگ (ن) ضلع گانچھے کے صدر سلطان علی خان کو گلگت...
12/07/2026

گلگت بلتستان کے گورنر کے لیے سلطان علی خان ایک مضبوط امیدوار

پاکستان مسلم لیگ (ن) ضلع گانچھے کے صدر سلطان علی خان کو گلگت بلتستان کے گورنر کے منصب کے لیے ایک موزوں اور مضبوط امیدوار قرار دیا جا رہا ہے۔ وہ ایک نظریاتی، باوفا اور متحرک رہنما ہیں، جنہوں نے ہر مشکل دور میں مسلم لیگ (ن) اور میاں محمد نواز شریف کا ثابت قدمی سے ساتھ دیا۔

سلطان علی خان نے ضلع گانچھے میں پارٹی کو منظم اور مضبوط بنانے میں اہم کردار ادا کیا، جبکہ 2015 کے انتخابات میں ان کی قیادت میں ضلع کے تینوں حلقوں سے مسلم لیگ (ن) کے امیدوار کامیاب ہوئے۔

عوام اور پارٹی کارکنوں کا مطالبہ ہے کہ ان کی طویل سیاسی خدمات، غیر متزلزل وفاداری، تنظیمی صلاحیت اور ضلع گانچھے کی مؤثر نمائندگی کو مدنظر رکھتے ہوئے انہیں گلگت بلتستان کے گورنر کے منصب کے لیے نامزد کیا جائے، تاکہ ایک وفادار کارکن کی خدمات کا اعتراف ہو اور گنگچھے سمیت نوربخشیہ برادری کی دیرینہ محرومیوں کا ازالہ بھی ممکن ہو۔

11/07/2026

انسانی جانیں زیادہ قیمتی ہیں یا لکڑی؟

دریاؤں اور سیلابی ریلوں سے لکڑی نکالنے کے دوران انسانی جانوں کو شدید خطرات لاحق ہیں۔ متعلقہ انتظامیہ اور ذمہ دار اداروں سے مطالبہ ہے کہ اس معاملے کا فوری نوٹس لیا جائے اور مؤثر حفاظتی اقدامات یقینی بنائے جائیں تاکہ کسی بھی ممکنہ سانحے سے بچا جا سکے۔

انسانی جان کا تحفظ ہر صورت اولین ترجیح ہونا چاہیے۔

Address

Chorbat Valley District Ghanche Gilgit Baltistan
Gilgit Baltistan
16800

Telephone

+923154012005

Website

Alerts

Be the first to know and let us send you an email when Chourbat Valley Gilgit Baltistan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Chourbat Valley Gilgit Baltistan:

Shortcuts

Share

Category