Food Department District Gilgit

Food Department District Gilgit food department

20/09/2026

محکمہ خوراک گلگت بلتستان

عوام کی خدمت اور صحت مند معاشرے کے قیام کے لیے محکمہ خوراک گلگت بلتستان ہمیشہ کوشاں ہے۔

محفوظ، معیاری اور حفظانِ صحت کے اصولوں کے مطابق خوراک کی فراہمی ہماری اولین ترجیحات میں شامل ہے۔

آپ کا صحت مند مستقبل، ہماری ذمہ داری۔
صاف خوراک — صحت مندمعاشرہ

20/09/2026

عوام کے نام اہم پیغام

محکمہ خوراک گلگت بلتستان کی جانب سے عوام الناس سے اپیل ہے کہ اشیائے خوردونوش خریدتے وقت صفائی، معیار، مقدار، میعادِ استعمال اور حفظانِ صحت کے اصولوں کا ضرور خیال رکھیں۔

فوڈ ایکٹ 2022 کے تحت عوام کو معیاری اور محفوظ خوراک کی فراہمی یقینی بنانا محکمہ خوراک کی اولین ترجیحات میں شامل ہے۔ عوام کسی بھی غیر معیاری، زائد المیعاد یا مضرِ صحت اشیاء کی فروخت کی صورت میں محکمہ خوراک کو اطلاع دیں۔

محفوظ خوراک — صحت مند معاشرہ
محکمہ خوراک گلگت بلتستان
Media Coordinator: Zain Ul Abdin

19/09/2026

پریس ریلیز
مورخہ: 19 ستمبر 2026
سب ڈویژن دنیور
سب ڈویژن دنیور میں صفائی مہم کا انعقاد، سرکاری محکموں، فلور ملز اور سول سوسائٹی کی بھرپور شرکت

آج مورخہ 19 ستمبر 2026 کو سب ڈویژن دنیور میں تحصیل انتظامیہ کی جانب سے ایک جامع صفائی مہم کا انعقاد کیا گیا، جس میں مختلف سرکاری محکموں، سول سوسائٹی، کمیونٹی کے ذمہ دار افراد، سب ڈویژن دنیور کے فلور مل اونرز اور متعلقہ عملے نے بھرپور شرکت کی۔
فوڈ ڈیپارٹمنٹ ڈسٹرکٹ گلگت کی جانب سے اجلال حسین، فوڈ انسپکٹر و مانیٹرنگ انچارج سب ڈویژن دنیور، کی سربراہی میں فوڈ ڈیپارٹمنٹ سب ڈویژن دنیور کی پوری ٹیم نے صفائی مہم میں بھرپور شرکت کی۔ اس موقع پر سب ڈویژن دنیور کے تمام فلور مل مالکان اور متعلقہ عملے نے بھی مہم میں عملی طور پر حصہ لیتے ہوئے صفائی کے حوالے سے اپنی ذمہ داری کا اظہار کیا۔
مہم کا بنیادی مقصد بازاروں، دکانوں، فلور ملز، کاروباری مراکز اور دیگر عوامی مقامات کو صاف ستھرا رکھنے کے ساتھ ساتھ شہریوں اور کاروباری طبقے میں صفائی، حفظانِ صحت اور فوڈ سیفٹی کے حوالے سے شعور اجاگر کرنا تھا۔
اس موقع پر اس امر پر زور دیا گیا کہ صفائی صرف ایک دن کی سرگرمی نہیں بلکہ ایک مستقل اجتماعی ذمہ داری ہے۔ صاف ستھرے کاروباری مراکز اور عوامی مقامات نہ صرف صحت مند معاشرے کی بنیاد ہیں بلکہ ایک مہذب اور ذمہ دار معاشرے کی پہچان بھی ہیں۔
فوڈ ڈیپارٹمنٹ کی جانب سے اس عزم کا اظہار کیا گیا کہ صاف، محفوظ اور صحت مند ماحول کے قیام کے لیے سرکاری اداروں، کاروباری طبقے اور عوام کے باہمی تعاون سے آگاہی، نگرانی اور عملی اقدامات کا سلسلہ جاری رکھا جائے گا۔
صاف دنیور، صحت مند دنیور — صفائی ہماری مشترکہ ذمہ داری ہے۔

19/09/2026

📢 عوامی آگاہی پیغام

محکمہ خوراک گلگت بلتستان کی جانب سے عوام الناس کو آگاہ کیا جاتا ہے کہ فوڈ ایکٹ 2022 کے تحت حفظانِ صحت، صفائی، معیاری اور محفوظ خوراک کی فراہمی کو یقینی بنانے کے لیے کارروائیاں جاری ہیں۔

تمام ہوٹلز، ریسٹورنٹس، بیکریوں، فوڈ پوائنٹس، جنرل اسٹورز اور دیگر کاروباری حضرات کو ہدایت کی جاتی ہے کہ صفائی، حفظانِ صحت اور اشیائے خوردونوش کے معیار کو ہر صورت یقینی بنائیں۔

عوام سے بھی اپیل ہے کہ غیر معیاری، زائد المیعاد یا ناقص صفائی کے حوالے سے کسی بھی شکایت کی صورت میں محکمہ خوراک سے فوری رابطہ کریں۔

صاف ماحول، معیاری خوراک — صحت مند معاشرے کی ضمانت

محکمہ خوراک ضلع گلگت
Media Coordinator: Zain Ul Abdin

18/09/2026

بحکم سیکریٹری فوڈ گلگت بلتستان محمد اعظم، ڈسٹرکٹ فوڈ کنٹرولر گلگت خالد اکبر کی ہدایت پر محکمہ خوراک کے فوڈ انسپکٹرز نے جٹیال اور کشروٹ ایریا میں مختلف فوڈ پوائنٹس، کیفے، مارکیٹس، جنرل اسٹورز، بیکریز، ہوٹلز اور دیگر فوڈ کاروباروں کا معائنہ کیا۔

دورانِ چیکنگ صفائی ستھرائی، حفظانِ صحت، اشیائے خوردونوش کے معیار اور زائد المیعاد اشیاء کا جائزہ لیا گیا۔ خلاف ورزیوں پر مختلف جنرل اسٹورز، فوڈ پوائنٹس اور دیگر دکانوں پر جرمانے عائد کیے گئے، جبکہ متعدد مقامات پر وارننگ بھی جاری کی گئی۔

کارروائی میں فوڈ انسپکٹر ملک رازق حسین اور کاظم میر نے حصہ لیا۔

محکمہ خوراک کی جانب سے عوام کو معیاری اور محفوظ اشیائے خوردونوش کی فراہمی یقینی بنانے کے لیے فوڈ ایکٹ 2022 کے تحت کارروائیاں جاری رہیں گی۔

**میڈیا کوآرڈینیٹر: زین العابدین **

محکمہ خوراک ایکشن میں — سب ڈویژن دنیور، 17 ستمبر 2026: بہ حکم سیکریٹری خوراک گلگت بلتستان محمد اعظم خان، ڈائریکٹر جنرل خ...
17/09/2026

محکمہ خوراک ایکشن میں —
سب ڈویژن دنیور، 17 ستمبر 2026:
بہ حکم سیکریٹری خوراک گلگت بلتستان محمد اعظم خان، ڈائریکٹر جنرل خوراک اور ڈسٹرکٹ فوڈ کنٹرولر خالد اکبر کی ہدایات کی روشنی میں فوڈ انسپکٹرز کی جانب سے کارروائیوں کا سلسلہ جاری ہے۔ گلگت بلتستان فوڈ ایکٹ 2022 کے مؤثر نفاذ کے لیے سب ڈویژن دنیور میں مختلف ڈیپارٹمنٹل اسٹورز، ہوٹلز، ریسٹورنٹس، تندور، ڈھابوں، ڈیری پوائنٹس، بیکریوں، فاسٹ فوڈ پوائنٹس اور دیگر فوڈ بزنس پریمسز کا باقاعدگی سے معائنہ کیا جا رہا ہے۔ دورانِ معائنہ صفائی و حفظانِ صحت کے ناقص انتظامات، زائد المیعاد یا غیر معیاری اشیائے خوردونوش، نامناسب ذخیرہ کاری، فوڈ ہینڈلنگ کے ناقص انتظامات اور فوڈ ایکٹ 2022 کی دیگر خلاف ورزیوں کی نشاندہی پر متعلقہ ذمہ داران کو قانون کے مطابق نوٹسز جاری کیے جا رہے ہیں اور ضروری قانونی کارروائی عمل میں لائی جا رہی ہے۔ محکمہ خوراک نے واضح کیا ہے کہ عوام کو محفوظ، صاف ستھری اور معیاری خوراک کی فراہمی اولین ترجیح ہے اور فوڈ سیفٹی قوانین کی خلاف ورزی پر قانون کے مطابق بلاامتیاز کارروائی کا سلسلہ جاری رہے گا

17/09/2026

جٹیال ایریا میں فوڈ ایکٹ 2022 کے تحت کارروائیاں، متعدد فوڈ پوائنٹس پر جرمانے

بحکم سیکریٹری فوڈ گلگت بلتستان محمد اعظم اور ڈسٹرکٹ فوڈ کنٹرولر گلگت خالد اکبر کی ہدایت پر محکمہ خوراک ضلع گلگت کے فوڈ انسپکٹرز نے جٹیال ایریا میں فوڈ ایکٹ 2022 کے تحت مختلف ہوٹلز، بیکریز، ریسٹورنٹس، میٹ شاپس اور چکن شاپس کی چیکنگ کی۔

دورانِ چیکنگ صفائی ستھرائی، حفظانِ صحت، اشیائے خوردونوش کے معیار اور دیگر مقررہ اصولوں کا جائزہ لیا گیا۔ خلاف ورزیوں پر متعدد ہوٹلز اور بیکریز کے خلاف کارروائی کرتے ہوئے جرمانے عائد کیے گئے، جبکہ غیر معیاری اشیاء کی موجودگی پر بھی متعلقہ افراد کے خلاف قانونی کارروائی عمل میں لائی گئی۔

کارروائی میں فوڈ انسپکٹر توصیف احمد، ملک رازق حسین اور کاظم میر نے حصہ لیا۔

محکمہ خوراک کی جانب سے عوام کو معیاری اور محفوظ اشیائے خوردونوش کی فراہمی یقینی بنانے کے لیے فوڈ ایکٹ 2022 کے تحت چیکنگ اور کارروائیوں کا سلسلہ جاری رکھنے کا عزم کیا گیا ہے۔

میڈیا کوآرڈینیٹر:
زین العابدین
محکمہ خوراک، ضلع گلگت

15/09/2026

سب ڈویژن جگلوٹ میں فلور ملز کی چیکنگ، فوڈ ایکٹ 2022 کے تحت کارروائی

بحکم سیکریٹری فوڈ گلگت بلتستان محمد اعظم، ڈسٹرکٹ فوڈ کنٹرولر گلگت خالد اکبر نے سب ڈویژن جگلوٹ میں مختلف فلور ملز کا معائنہ کیا۔

دورانِ معائنہ فوڈ ایکٹ 2022 کے تحت صفائی و حفظانِ صحت کے انتظامات، آٹے کے معیار و مقدار اور Moisture (نمی) کی جانچ کی گئی۔ معائنہ کے دوران ایک فلور مل میں آٹے میں مقررہ حد سے زیادہ نمی پائی گئی، جس پر متعلقہ فلور مل کے خلاف کارروائی کرتے ہوئے جرمانہ عائد کیا گیا۔

ڈسٹرکٹ فوڈ کنٹرولر گلگت خالد اکبر نے فلور ملز انتظامیہ کو ہدایت کی کہ آٹے کے معیار، مقدار، صفائی اور حفظانِ صحت کے مقررہ اصولوں پر ہر صورت عملدرآمد یقینی بنایا جائے۔

کارروائی کے دوران فوڈ انسپکٹرز عاطف اللہ، وقار احمد اور سعید اللہ بھی موجود تھے۔

فوڈ ڈیپارٹمنٹ ڈسٹرکٹ گلگت کی جانب سے عوام کو معیاری، محفوظ اور حفظانِ صحت کے اصولوں کے مطابق اشیائے خوردونوش کی فراہمی یقینی بنانے کے لیے چیکنگ اور نگرانی کا سلسلہ جاری ہے۔

میڈیا کوآرڈینیٹر
زین العابدین
فوڈ ڈیپارٹمنٹ، ڈسٹرکٹ گلگت

15/09/2026

سیکریٹری خوراک گلگت بلتستان محمد اعظم کی ہدایت پر ڈسٹرکٹ فوڈ کنٹرولر گلگت خالد اکبر نے سب ڈویژن جگلوٹ میں مختلف ہوٹلوں، بیکریوں اور فوڈ پوائنٹس کا معائنہ کیا۔

معائنے کے دوران صفائی ستھرائی، اشیائے خورونوش کے معیار اور فوڈ ایکٹ 2022 کے تحت مقررہ ضوابط کا جائزہ لیا گیا۔ خلاف ورزیوں کی نشاندہی پر بعض ہوٹلوں اور بیکری مالکان کو وارننگ جاری کی گئی، جبکہ انہیں ضروری اصلاحات کرنے اور فوڈ ایکٹ 2022 پر مکمل عمل درآمد یقینی بنانے کی ہدایت کی گئی۔

اس موقع پر فوڈ انسپکٹرز عاطف اللہ، وقار احمد اور سعید اللہ بھی موجود تھے۔

میڈیا کوآرڈینیٹر
زین العابدین

ڈسٹرکٹ فوڈ کنٹرولر گلگت خالد اکبر کی ہدایت پر آٹے کی فراہمی کا عمل جاریڈسٹرکٹ فوڈ کنٹرولر گلگت خالد اکبر کی ہدایت پر فوڈ...
15/09/2026

ڈسٹرکٹ فوڈ کنٹرولر گلگت خالد اکبر کی ہدایت پر آٹے کی فراہمی کا عمل جاری

ڈسٹرکٹ فوڈ کنٹرولر گلگت خالد اکبر کی ہدایت پر فوڈ انسپکٹر عالمگیر حسین کی نگرانی میں **سلطان آباد اور **جوتل میں عوام کو سرکاری آٹا جاری کروایا جا رہا ہے۔ اس دوران آٹے کے اجراء اور دستیابی کے عمل کی نگرانی کی جا رہی ہے تاکہ عوام کو مقررہ کوٹے کے مطابق آٹے کی بروقت فراہمی یقینی بنائی جا سکے۔

فوڈ ڈیپارٹمنٹ ضلع گلگت

Address

Jutiyal Gilgit
Gilgit

Website

Alerts

Be the first to know and let us send you an email when Food Department District Gilgit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category