Gilgit Special

17/05/2022

برف باری سے بند ہونے والے سیاحتی مقام بابوسر ٹاپ 6 ماہ کے طویل وقفے کے بعد ٹریفک کیلئے کھول دیا گیا۔
ڈپٹی کمشنر دیامر فیاض احمد نے آفیشل نوٹیفکیشن جاری کرکے بابوسر کاغان روڈ کو آمد و رفت کیلئے کھولنے کی باقاعدہ اجازت دے دی۔شاہراہ بابوسر کاغان پر صبح 6 سے شام 6 بجے تک آمد و رفت کی اجازت ہوگی,روڈ پر ہیوی گاڑیوں کے داخلے پر پابندی امسال بھی برقرار رہے گی۔
ڈپٹی کمشنر دیامر فیاض احمد نے بابوسر ٹاپ پر ایس پی دیامر شیر خان اور ونگ کمانڈر جی بی سکاوٹس پختون ولی کے ہمراہ خصوصی پیغام میں ملک کے طول و ارض سے آنے والے ملکی اور غیر ملکی سیاحوں کو خوش آمدید کیا اور اپنے پیغام میں کہا کہ دیامر کے لوگ محب وطن اور مہمان نواز ہیں,سیاح علاقے کے کلچر اور روایات کا خیال رکھتے ہوئے یہاں کے خوبصورت سیاحتی مقامات کی سیر و تفریح کریں,گلگت بلتستان حکومت سیاحوں کی تحفظ اور سہولیات کی فراہمی کیلئے ہر قسم کے اقدامات اٹھارہی ہے۔

14/05/2022

چلاس:
ڈپٹی کمشنر دیامر فیاض احمد نے بابوسر روڈ اور شاہراہ قراقرم پر ایمرجنسی سروسس کی فراہمی اور بہتری کے حوالے سے اہم اجلاس کی صدارت کی۔اجلاس میں ڈی ایچ او دیامر ریاض رائیس ,ڈی ایس ایم پی پی ایچ آئی نادر خان اور انچارج ریسکیو 1122نے شرکت کی۔اجلاس میں ڈپٹی کمشنر دیامر نے محکمہ صحت ,پی پی ایچ آئی اور ریسکیو 1122 کو احکامات جاری کیئے کہ وہ بابوسر ٹاپ,تھک پریکا سول ڈسپنسری اور گونر فارم میں ایمبولنس,ڈاکٹر اور صحت کی سہولیات کی فراہمی یقینی بنائیں اور 24گھنٹے پرامیڈیکل سٹاف اور ادویات کی دستیابی یقینی بناکر عوام,مسافروں اور سیاحوں کو ریلیف پہنچایا جائے۔ڈپٹی کمشنر دیامر نے کہا کہ ڈی ایچ او دیامر ,ڈی ایس ایم اور ای او آپس میں کوارڈنیشن رکھ کر سیاحتی مقامات پر صحت کی موثر اور بہترین سہولیات کی فراہمی کیلئے انتظامات کریں۔ڈپٹی کمشنر دیامر نے کہا کہ ریسکیو 1122 کو ہر قسم کی ہنگامی صورت حال سے نمٹنے اور کمیونکیشن کو بحال رکھنے کیلئے وائرلیس بیس سیٹ فراہم کریں گے تاکہ کسی بھی قسم کے ممکنہ حادثات کی صورت میں بروقت اطلاع ہوسکے۔
ڈپٹی کمشنر دیامر نے محکمہ صحت اور ریسکیو 1122 کو بابوسر ٹاپ پر ہائی الٹچوڈ ڈیزیزز کے تمام طبعی سہولیات مہیا کرنے کی ہدایت کی۔

08/05/2022

07/05/2022

احتیاط:
ہنزہ۔ KKH حسن آباد کے مقام پر پل کا پشتہ ٹوٹنے کی وجہ سے بھاری ٹریفک بشمول آئیل ٹینکرز کا داخلہ بطرف شمالی ہنزہ بند ہے۔ہنزہ میں ممکنہ پٹرول ڈیزل کے قلت کے سبب کسی بھی پریشانی سے بچنے کے لئے ہنزہ کی طرف غیر ضروری سفر سے اجتناب کریں اور اگر ہنزہ کی طرف سفر ضروری ہو تو مناسب مقدار میں پٹرول گلگت میں ہی ڈلوا لیں۔سفر سے پہلے روڈ حالت اور ڈائیورٹ کا جائزہ ہنزہ ضلعی انتظامیہ سے ضرور حاصل کریں۔ گلگت پولیس۔
05811 930033گلگت کنٹرول روم

05813930721-2 ہنزہ کنٹرول روم

07/05/2022

چھموگڑھ میں 2 گروپوں میں جھگڑا
5 افراد زخمی. زخیوں کو گلگت منتقل کر دیا گیا,پولیس کی بھاری نفری موقع پر پہنچ گئ
پولیس زرائع

07/05/2022

گنش میں مسافر کوسٹر کو حادثہ کئی افراد زخمی
ٹریفک جام
ذرائع

07/05/2022

کوہ پیما سرباز خان اعزاز۔
پاکستان کے نامور کوہ پیما سرباز خان نے نیپال میں واقع کنچن جنگا 8,586 میٹر بلند چوٹی سر کر لیا جس کے بعد وہ 8,000 میٹر سے بلند دنیا کی 14 چوٹیوں میں سے 10 کو سر کرنے والے پہلے پاکستانی کوہ پیما بن گئے ہیں۔
الپائن کلب آف پاکستان کے سیکریٹری کرار حیدری کے مطابق
سرباز خان ہفتہ کی صبح 7 بجے دنیا کی تیسری بلند ترین چوٹی (8,586 میٹر) کی چوٹی سر کی جو ایک کوہ پیما ٹیم کے دیگر ارکان کے ساتھ ہوئی جس کی قیادت نیپال کی منگما گیلجے شیرپا (منگما جی) کر رہے تھے۔
سرباز کا تعلق گلگت بلتستان میں ہنزہ کے علاقے علی آباد سے ہے اور اس نے اپنے کوہ پیمائی کیرئیر کا آغاز 2016 میں کیا۔
2019 میں، وہ سپلیمنٹری آکسیجن کے استعمال کے بغیر نیپال میں 8,516 میٹر بلند دنیا کے چوتھے بلند ترین پہاڑ ماؤنٹ لوٹسے کو سر کرنے والے پہلے پاکستانی بن گئے۔
مزید یہ کہ اس نے 2017 میں 8,125 میٹر اونچی نانگا پربت، 2018 میں 8,611 میٹر اونچی K-2 اور 2019 میں 8,163 میٹر اونچی براڈ چوٹی سر کی۔ اونچا انپورنا پہاڑ، 8,848 میٹر اونچی ایورسٹ اور 8,035 میٹر اونچی گاشربرم II۔
ان میں سے چار مہمات میں مرحوم محمد علی سدپارہ کے ہمراہ تھے۔
سرباز کا مقصد دنیا کی 14 بلند ترین چوٹیوں کو سر کرنے والا پہلا پاکستانی بننا ہے۔ وہ اس مہینے مکالو اور اس موسم گرما میں G1 پر چڑھنے کا ارادہ رکھتا ہے۔ تاہم، چو اویو اور شیشاپنگما کا ابھی فیصلہ نہیں ہوا ہے۔

07/05/2022

ہنزہ:
پانی کی بہاو حسن آباد شیر آباد جماعت خانے کے صحن سلائیڈنگ کی ذد میں آگیا۔

07/05/2022

حسن آباد .... پانی کے بہاؤ میں اضافے کی وجہ سے حسن آباد پل کرگیا.

07/05/2022

بہلول نے حضرت جنيد بغدادی سےپوچھا شیخ صاحب کھانے کے آداب جانتے ہیں؟
کہنے لگے، بسم اللہ کہنا، اپنے سامنے سے کھانا، لقمہ چھوٹا لینا، سیدھے ہاتھ سے کھانا، خوب چبا کر کھانا، دوسرے کے لقمہ پر نظر نہ کرنا، اللہ کا ذکر کرنا، الحمدللہ کہنا، اول و آخر ہاتھ دھونا۔

بہلول نے کہا، لوگوں کے مرشد ہو اور کھانے کے آداب نہیں جانتے اپنے دامن کو جھاڑا اور وہا ں سے اٹھ کر آگے چل دیئے۔
شیخ صاحب بھی پیچھے چل دیئے، مریدوں نے اصرار کیا، سرکار وہ دیوانہ ہے لیکن شیخ صاحب پھر وہاں پہنچے پھر سلام کیا۔

بہلول نے سلام کا جواب دیا اور پھر پوچھا کون ہو؟ کہا جنید بغدادی جو کھانے کے آداب نہیں جانتا۔ بہلول نے پوچھا اچھا بولنے کے آداب تو جانتے ہوں گے۔

جی الحمدللہ، متکلم مخاطب کے مطابق بولے، بےموقعہ، بے محل اور بےحساب نہ بولے، ظاہر و باطن کا خیال رکھے۔ بہلول نے کہا کھانا تو کھانا، آپ بولنے کے آداب بھی نہیں جانتے، بہلول نے پھر دامن جھاڑا اورتھوڑا سا اور آگے چل کر بیٹھ گئے۔

شیخ صاحب پھر وہاں جا پہنچے سلام کیا۔
بہلول نے سلام کا جواب دیا، پھر وہی سوال کیا کون ہو؟
شیخ صاحب نے کہا، جنید بغدادی جو کھانے اور بولنے کے آداب نہیں جانتا۔ بہلول نے اچھا سونے کے آداب ہی بتا دیں؟
کہا نماز عشاء کے بعد، ذکر و تسبیح، سورہ اور وہ سارے آداب بتا دیئے جو روایات میں ذکر ہوئے ہیں۔ بہلول نے کہا آپ یہ بھی نہیں جانتے، اٹھ کر آگے چلنا ہی چاہتے تھے کہ شیخ صاحب نے دامن پکڑ لیا اور کہا جب میں نہیں جانتا تو بتانا آپ پر واجب ہے۔

بہلول نے کہا جو آداب آپ بتا رہے ہيں وہ فرع ہیں اور اصل کچھ اور ہے، اصل یہ ہے کہ جو کھا رہے ہیں وہ حلال ہے یا حرام، لقمہ حرام کو جتنا بھی آداب سے کھاؤ گے وہ دل میں تاریکی ہی لائےگا نور و ہدایت نہیں، شیخ صاحب نے کہا جزاک اللہ۔

بہلول نے کہا کلام میں اصل یہ ہے کہ جو بولو اللہ کی رضا و خوشنودی کیلئے بولو اگر کسی دنیاوی غرض کیلئے بولو گے یا بیھودہ بول بولو گے تو وہ وبال جان بن جائے گا۔

سونے میں اصل یہ ہے کہ دیکھو دل میں کسی مؤمن یا مسلمان کا بغض لیکر یا حسد و کینہ لیکر تو نہیں سو رہے، دنیا کی محبت، مال کی فکر میں تو نہیں سو رہے،کسی کا حق گردن پر لیکر تو نہيں سو رہے...!