https://www.facebook.com/101974392037788/

Gilgit Life, Gilgit (2026)

22/04/2026

گلگت :
گلگت بلتستان بیوروکریسی میں تبادلے ، رحمان شاہ سیکریٹری اطلاعات، فیصل احسان پیرزادہ سیکریٹری داخلہ اور سید عبدالوحید شاہ کو چیف منسٹر انسپکشن ٹیم کا سربراہ تعینات کر دیا گیا۔

09/04/2026

گلگت: محمد زکریا کو انٹرنیشنل ہیومن رائٹس موومنٹ گلگت
ڈویژن کا صدر مقرر کر دیا گیا
چیئر مین انٹر نیشنل ہیومن رائٹس موومنٹ محمد علی ملک ، وائس چیئر مین گوہر ایوب، صدر گلگت بلتستان عامر جان سرور محمد زکریا کو صدر گلگت ڈویژن کا نوٹیفکیشن دے رہے ہیں۔

20/03/2026

گلگت : سابق چیف جج چیف کورٹ گلگت بلتستان صاحب خان اور ممتاز شاعر و ادیب خوشی محمد طارق کی مرکزی انجمن امامیہ گلگت کا دورہ، ایران کے سپریم لیڈر آیت اللہ سید علی خامنہ ای کی شہادت پر امام جمعہ والجماعت آغا سید راحت حسین الحسینی سے ملاقات کی اور تعزیت کا اظہار کیا۔ اس موقع پر آیت اللہ سید علی خامنہ ای اور دیگر شہداء کے درجات کی بلندی کے لئے دعا کی گئی اس موقع پر سابق چیف جج نے کہا کہ ایران مسلم دنیا کا شیر ہے جو اس وقت دو طاغوتی قوتوں سے تنہا برسر پیکار ہے اللہ اس جنگ میں ایران کو فتح یاب کرے گا۔ انہوں نے کہا ہمیں رہبر معظم کے اصولوں کو اپناتے ہوئے امن بھائی چارے اور استحکام کو ساتھ لے کر آگے بڑھنا ہو گا۔

05/03/2026

گلگت بلتستان میں سیاسی جماعتوں کا مستقبل !!
تحریر : تنویر احمد۔
ایران پر امریکہ اور اسرائیل کے مشترکہ حملے اور اس کے نتیجے میں ایران کے سپریم لیڈر آیت اللہ سید علی خامنہ ای کی شہادت نے نہ صرف مشرق وسطیٰ بلکہ پوری دنیا میں شدید ردِعمل کو جنم دیا۔ پاکستان سمیت گلگت بلتستان میں بھی اس واقعے کے خلاف بڑے پیمانے پر احتجاجی مظاہرے ہوئے۔ بعض مقامات پر یہ احتجاج پرتشدد شکل اختیار کر گئے جس کے نتیجے میں 16 قیمتی انسانی جانیں ضائع ہو گئیں وہی کروڑوں روپے مالیت کی سرکاری اور نجی املاک کو نقصان پہنچا اور کئی عمارتیں آگ کی نذر ہو گئیں۔ تاہم اس تمام صورتحال کا ایک اور اہم پہلو بھی سامنے آیا ہے۔ ان واقعات نے گلگت بلتستان کی مذہبی سیاسی جماعتوں میں ایک نئی سیاسی توانائی پیدا کر دی ہے۔ ایسے وقت میں جب خطے میں رواں سال صوبائی اسمبلی کے انتخابات متوقع ہیں، تیزی سے بدلتی سیاسی فضا نے خاص طور پر وفاق پرست سیاسی جماعتوں کو ایک کڑے امتحان میں ڈال دیا ہے۔ ایران پر حملے کے بعد پاکستان کی وفاقی حکومت کی پالیسی کو لے کر بھی شدید ردِعمل سامنے آیا۔ گلگت بلتستان میں اہلِ تشیع قیادت نے احتجاجی مظاہروں کے دوران کھل کر وفاقی حکومت اور اس کی اتحادی جماعتوں کو تنقید کا نشانہ بنایا۔ یکم مارچ کو ہونے والے مظاہروں میں بعض رہنماؤں نے واضح پیغام دیا کہ اس ناراضی کا اظہار آئندہ گلگت بلتستان اسمبلی کے انتخابات میں ووٹ کے ذریعے کیا جائے گا۔
اگر اس صورتحال کا انتخابی تناظر میں جائزہ لیا جائے تو سب سے زیادہ دباؤ پاکستان مسلم لیگ (ن) پر پڑنے کا امکان ہے، جبکہ دوسرے نمبر پر پاکستان پیپلز پارٹی بھی متاثر ہو سکتی ہے۔ گلگت بلتستان میں اہل تشیع آبادی ایک بڑا اور فیصلہ کن ووٹ بینک رکھتی ہے۔ گلگت، ہنزہ، نگر، استور اور بلتستان ڈویژن کے اضلاع میں یہی ووٹ کسی بھی جماعت کی سیاسی کامیابی یا ناکامی کا رخ متعین کر سکتا ہے۔ مسلم لیگ (ن) پہلے ہی گلگت بلتستان میں اندرونی اختلافات اور تنظیمی مسائل کا سامنا کر رہی ہے۔ موجودہ حالات میں اس جماعت کے لیے سب سے بڑا چیلنج یہ ہے کہ اگر اہل تشیع ووٹ بینک بددل ہو کر کسی اور سیاسی یا مذہبی جماعت کی طرف منتقل ہو جاتا ہے تو اس کے انتخابی امکانات شدید متاثر ہو سکتے ہیں۔ اسی لیے پارٹی قیادت کے لیے ضروری ہو گیا ہے کہ وہ مذہبی قیادت کے ساتھ بامقصد مکالمہ کرے اور اعتماد کی فضا بحال کرنے کی کوشش کرے۔ اسی طرح پاکستان پیپلز پارٹی کے کئی اہم امیدوار بھی ایسے حلقوں سے انتخاب لڑتے ہیں جہاں ایک مخصوص مسلک کے ووٹ فیصلہ کن حیثیت رکھتے ہیں۔ لہٰذا پیپلز پارٹی کی قیادت کو بھی اپنی سیاسی حکمت عملی پر نظرِ ثانی کرتے ہوئے مقامی مذہبی اور سماجی قیادت کے ساتھ رابطوں کو مضبوط کرنا ہو گا۔
گلگت بلتستان کی سیاست کا ایک تاریخی پہلو یہ بھی ہے کہ جب بھی انتخابات قریب آتے ہیں تو کوئی نہ کوئی ایسا واقعہ سامنے آ جاتا ہے جو خطے کے سیاسی ماحول کو متاثر کر دیتا ہے۔ بعض اوقات یہ واقعات فرقہ وارانہ کشیدگی کو جنم دیتے ہیں اور انتخابی سیاست کو مذہبی یا لسانی بنیادوں پر تقسیم کر دیتے ہیں۔ موجودہ علاقائی اور عالمی صورتحال کو دیکھتے ہوئے خدشہ ظاہر کیا جا رہا ہے کہ آنے والے انتخابات میں مذہبی جماعتوں کا پلڑا نسبتاً بھاری ہو سکتا ہے۔سیاسی تجزیہ کاروں کے مطابق اگر حالات اسی طرح برقرار رہے تو گلگت، نگر، استور اور بلتستان ڈویژن کے چار اضلاع میں مسلم لیگ (ن) اور پیپلز پارٹی دونوں کو انتخابی نقصان اٹھانا پڑ سکتا ہے۔ گلگت شہر کے تینوں حلقوں میں بھی ایک مخصوص فریق کے اجتماعی فیصلے انتخابی نتائج پر گہرے اثرات مرتب کر سکتے ہیں۔ ایسے میں مسلم لیگ (ن) کے صوبائی صدر حافظ حفیظ الرحمن اور پیپلز پارٹی کے صوبائی صدر امجد حسین ایڈووکیٹ سمیت دیگر وفاق پرست جماعتوں کی قیادت کو اپنی سیاسی حکمت عملی پر سنجیدگی سے غور کرنا ہوگا۔ انہیں عوام کو یہ باور کرانا ہوگا کہ بعض عالمی یا وفاقی سطح کے معاملات صوبائی قیادت کے اختیار سے باہر ہوتے ہیں تاہم مقامی سطح پر عوام کے مسائل اور جذبات کے ساتھ کھڑا ہونا ان کی سیاسی اور اخلاقی ذمہ داری ہے۔اس کے ساتھ ساتھ یہ بھی ضروری ہے کہ گلگت بلتستان کی تمام وفاق پرست سیاسی جماعتیں خطے کی موجودہ نازک صورتحال کا جامع جائزہ لیں اور ایسا لائحہ عمل ترتیب دیں جو نہ صرف ان کی سیاسی ساکھ کو بحال کر سکے بلکہ گلگت بلتستان کی سیاست کو فرقہ واریت کے رنگ میں رنگنے سے بھی بچا سکے۔ ایک اور امکان جس پر سیاسی حلقوں میں بات ہو رہی ہے وہ یہ ہے کہ موجودہ حالات کو مدنظر رکھتے ہوئے گلگت بلتستان اسمبلی کے انتخابات کو اپریل یا مئی کی بجائے اکتوبر تک موخر کیا جا سکتا ہے۔ اگر ایسا ہوتا ہے تو وفاق پرست سیاسی جماعتوں کو نہ صرف اپنی صفیں درست کرنے بلکہ ناراض مذہبی قیادت کو منانے اور سیاسی ماحول کو بہتر بنانے کے لیے بھی کچھ مہلت مل سکتی ہے۔ بہرحال آنے والے مہینے گلگت بلتستان کی سیاست کے لیے نہایت اہم ثابت ہونے جا رہے ہیں۔ یہ دیکھنا باقی ہے کہ آیا سیاسی جماعتیں اس بدلتے ہوئے ماحول کے مطابق اپنی حکمت عملی میں تبدیلی لا کر عوام کا اعتماد بحال کر پاتی ہیں یا پھر خطے کی سیاست ایک نئے رخ پر گامزن ہو جاتی ہے۔

01/03/2026

گلگت : ایران کے سپریم لیڈر آیت اللہ سید علی خامنہ ای کی شہادت کے بعد گلگت بلتستان کے مختلف شہروں گلگت، سکردو ، نگر ،ہنزہ میں شدید احتجاجی مظاہرے پھوٹ پڑے جو کئی مقامات پر پرتشدد شکل اختیار کر گئے۔ مظاہروں کے دوران متعدد سرکاری اور نجی املاک کو نذر آتش کر دیا گیا۔
سکردو میں مشتعل مظاہرین نے مختلف ادارہ جاتی عمارتوں پر دھاوا بول دیا، توڑ پھوڑ کی اور بعد ازاں انہیں آگ لگا دی۔ متاثرہ عمارتوں میں اقوام متحدہ کے ترقیاتی پروگرام (یو این ڈی پی ) کے ذیلی دفتر بھی شامل ہے جسے احتجاج کے دوران نذر آتش کیا گیا۔ مزید برآں آرمی پبلک سکول ،سپرنٹنڈنٹ آف پولیس (ایس پی) کا دفتر، سوفٹویر ٹیکنالوجی پارک اور آغاخان رورل سپورٹ پروگرام (اے کے آر ایس پی) کی عمارت کو بھی شدید نقصان پہنچنے کی اطلاعات ہیں۔ فائر بریگیڈ اور ریسکیو ٹیموں نے شہر کے مختلف مقامات پر آگ بجھانے کے لیے کارروائیاں کیں۔
دوسری جانب گلگت میں سینکڑوں مظاہرین نے جوٹیال کے علاقے میں واقع اقوام متحدہ کے علاقائی دفتر کی جانب مارچ کیا اور عمارت کو آگ لگا دی جس کے نتیجے میں عمارت جل کر خاکستر ہو گئی۔ قانون نافذ کرنے والے اداروں نے مظاہرین کو آگے بڑھنے سے روکنے کے لیے ریڈیو پاکستان چوک میں آنسو گیس کا استعمال کیا جس سے علاقے میں خوف و ہراس پھیل گیا اور کشیدگی میں مزید اضافہ ہوا۔ بعد ازاں مشتمل مظاہرین نے چنار باغ میں وزیر اعلٰی ہاؤس سے متصل یو این ڈی پی کے غلاف منصوبے کے دفتر کو بھی آگ لگا کر جلا دیا گیا۔
واقعات کے بعد دونوں شہروں میں سکیورٹی مزید سخت کر دی گئی ہے اور سکردو میں فوج طلب کر لی گئی ہے جبکہ حساس تنصیبات کے اطراف اضافی پولیس اور نیم فوجی اہلکار تعینات کر دیے گئے ہیں۔ حکام نے سرکاری و نجی املاک کو نقصان پہنچانے والوں کے خلاف سخت قانونی کارروائی کا اعلان کیا ہے۔صورتحال بدستور کشیدہ ہے جبکہ سکیورٹی فورسز ہائی الرٹ پر ہیں اور حکام نقصانات کا تخمینہ لگانے اور آئندہ کی صورتحال کا جائزہ لینے میں مصروف ہیں۔

12/02/2026

چلاس: ضلع دیامر کی وادی تانگیر میں ایف ڈبلیو او کی گاڑی پر حملہ ، ڈرائیور شہید ،میجر سمیت چار افراد زخمی ۔

03/02/2026

گلگت ۔۔۔۔۔

محکمہ برقیات نے غریب شہری کو ایک ماہ کا 10لاکھ 10 ہزار 990 روپے کا بجلی بل بھیج دیا ، غریب شہری محکمہ برقیات کے دفاتر کے چکر لگا رہا ہے لیکن کوئی شنوائی نہیں ہو رہی ۔ نواز شریف چیتا کالونی جوٹیال کے رہائشی عبدالقدوس نے میڈیا کو بتایا کہ ان کا گھر 2 کمروں پر مشتمل ہے اور ان دو کمروں پر مشتمل گھر کا اتنا زیادہ بل دیکھ کر وہ خود بھی حیران ہیں۔ انہوں نے بتایا کہ انہوں نے 18 دسمبر کو اکتوبر کا 2500 روپے کا بل جمع کرایا ہے اور اب دسمبر اور جنوری کا بل 10 لاکھ 10 ہزار 990 روپے کا دیا گیا ہے جبکہ شہر میں بجلی کی حالت کا بھی سب کو پتہ ہے کہ 24 گھنٹے میں 4 گھنٹے بجلی ملتی ہے۔ انہوں نے بتایا کہ میں ایک غریب آدمی ہوں اب میں کیسے اور کیوں اتنا بڑا بل ادا کروں۔ انہوں نے سیکریٹری برقیات سے اپیل کی کہ وہ اس ظلم کو روکیں اور جائز بل فراہم کریں تاکہ وہ بل جمع کروا سکے۔

05/01/2026

گلگت : نگران کابینہ کے وزراء کو محکمے تفویض کر دیئے گئے، ساجد علی بیگ کو وزیر داخلہ جبکہ غلام عباس کو وزارت اطلاعات کا قلمدان سونپ دیا گیا ہے شرافت الدین کو جنگلات، جنگلی حیات اور ماحولیات کا قلمدان مل گیا ۔
نوٹیفکیشن جاری

03/01/2026

پاک فوج کے شعبہ تعلقات عامہ نے برزل حادثے کی تفصیلات جاری کر دی ۔
*گلگت بلتستان: ضلع استور کے علاقے
برزل ٹاپ پر برفانی تودے گرنے کے باعث حادثہ؛ ایک افسر، ایک سپاہی اور ایک سول اپریٹر شہید*

گزشتہ شب تقریباً تین بجے کے قریب گلتری بینڈ کے مقام پر یہ حادثہ پیش آیا، جب سڑک پر برف ہٹانے کا کام جاری تھا۔ اچانک برفانی تودہ گرنے کے باعث ایک افسوسناک حادثہ رونما ہوا۔

واقعے کی اطلاع ملتے ہی پاک فوج کی ریسکیو ٹیمیں فوری طور پر جائے حادثہ پر پہنچ گئیں اور مشکل موسمی و زمینی حالات کے باوجود ریسکیو آپریشن بلا تاخیر انجام دیا۔ ٹیموں نے بروقت کارروائی کرتے ہوئے تمام میتوں کو نکال لیا۔

اس حادثے میں پاک فوج کے کیپٹن اسمد، سپاہی رضوان اور سول اپریٹر محمد عیسیٰ خان نے وطن اور عوام کی خدمت کے دوران لائن آف ڈیوٹی میں اپنی جان قربان کر دی۔ یہ شہداء اپنی بہادری، قربانی اور فرض شناسی کی وجہ سے ہمیشہ یاد رکھے جائیں گے۔

تمام شہداء کی میتیں تدفین کے لیے ان کے آبائی علاقوں کی جانب روانہ کی جا رہی ہیں، جہاں انہیں فوجی اعزازات کے ساتھ سپرد خاک کیا جائے گا۔

26/11/2025

گلگت :
نگران وزیر اعلیٰ گلگت بلتستان جسٹس ریٹائرڈ یار محمد نے آج اپنے عہدے کا حلف اٹھا لیا ہے۔ حلف برداری کی تقریب گورنر ہاؤس گلگت میں منعقد ہوئی، جہاں گورنر گلگت بلتستان سید مہدی شاہ نے ان سے عہدے کاحلف لیا۔ تقریب میں وفاقی وزیر امور کشمیر و گلگت بلتستان انجینئر امیر مقام ، سپیکر گلگت بلتستان اسمبلی نذیر احمد ایڈوکیٹ، چیف جسٹس سپریم اپیلٹ کورٹ سردار محمد شمیم، چیف الیکشن کمشنر گلگت بلتستان راجا شہباز خان ، سابق وزرائے اعلٰی، سابق صوبائی وزراء، اعلیٰ آفیسران سمیت مہمانوں کی بڑی تعداد نے شرکت کی۔
حلف برداری کے بعد نگران وزیر اعلی گلگت بلتستان جسٹس(ر) یار محمد نے سابق وزیر اعلیٰ حاجی گلبر خان کے ہمراہ یادگار شہداء پر پھولوں کا گلدستہ بھی رکھا اور شہدا کی بلندی درجات کےلئے دعا بھی کی ۔
میڈیا سے گفتگو میں نگران وزیر اعلیٰ نے گلگت بلتستان میں صاف و شفاف انتخابات کے انعقاد کو یقینی بنانے کے عزم کا اظہار کیا ۔

18/11/2025

گلگت : ذرائع کے مطابق
راجہ نظیم الامین کو گلگت بلتستان کا نگراں وزیراعلیٰ مقرر کیا گیا ہے۔ جلد باقاعدہ نوٹیکیشن جاری کیا جائے گا۔ہنزہ چیمبر آف اسمال ٹریڈرز اینڈ اسمال انڈسٹری کے بانی راجہ ناظم الامین ایک دوراندیش قیادت کی مثال رہے ہیں۔راجا کے چاہنے والوں نے ان کی بطور وزیراعلیٰ تعیناتی خطے کے لیے ایک امیدافزا نئے باب کا آغاز قرار دے رہے ہیں کہ ان کی قیادت میں گلگت بلتستان میں ترقی کی رفتار تیز ہوگی، خصوصاً چین کے ساتھ اقتصادی اور تجارتی تعلقات کو مضبوط بنایا جائے گا۔

31/10/2025

گلگت : سپیشل کمیونیکیشن آرگنائزیشن(ایس سی او) نے جشن آزادی گلگٹ بلتستان پر خصوصی نغمہ جاری کر دیا۔

Gilgit Life

22/04/2026

09/04/2026

20/03/2026

05/03/2026

01/03/2026

12/02/2026

03/02/2026

05/01/2026

03/01/2026

26/11/2025

18/11/2025

31/10/2025

Address

Telephone

Website

Alerts

Contact The Business

Shortcuts

Share

Category