Dardistan tv

Dardistan tv media

27/07/2025

Subject: *Power Disruption Due to Riverine Erosion at Moorkhun*
Dare: 27th July, 2025

Today, due to severe riverine erosion at Moorkhun, two high-tension (HT) poles of the Water and Power (W&P) Department have been washed away, resulting in the disruption of power supply from the Misgar powerhouse to Central Hunza.

The W&P Department has promptly mobilized the necessary machinery and resources to initiate temporary restoration of the power supply.

Furthermore, 5 to 7 additional poles in the vicinity are also at risk. A detailed assessment of the situation is currently underway. Upon completion of the assessment, an emergency case will be submitted accordingly for necessary action.

AD GBDMA
Hunza-Nagar

داردِستان کے داردی اور نُورستانی قبائل کے قدیم دیوی دیوتےتحریر: رازول کوہستانیشمالی پاکستان کا ایک قدیم دیومالائی مذہب ...
25/07/2025

داردِستان کے داردی اور نُورستانی قبائل کے قدیم دیوی دیوتے
تحریر: رازول کوہستانی

شمالی پاکستان کا ایک قدیم دیومالائی مذہب جس میں قدیم زمانے کے لوگ مختلف دیوی دیوتاؤں کی پوجا کیا کرتے تھے، اس کے کئی آثار آج بھی مقامی اساطیر اور فوک لور میں کہیں نہ کہیں نظر آتے ہیں۔
قبل از اسلام برصغیر میں دیوی دیوتاؤں کی پوجا یا عقیدہ عام پایا جاتا تھا۔ اس لیے دارستان کے کلتوری ماحول میں اس قسم کے عقائد کی قدیم موجودگی کوئی عجوبہ نہیں اور اس سے سخِیف قسم کے لوگ ہی انکار کر سکتے ہیں۔ اس قسم کے دیوی دیوتے مختلف نوعیت کے ہوتے تھے یعنی کوئی محافظ دیوتا، کوئی خوشحالی کا دیوتا، کوئی نسائی افعال یا زچگی میں آسانی کی دیوی، کوئی شکاریوں کی دیوی، کوئی قوّت بخشنے کا دیوتا، کوئی چاند اور سورج دیوتا ، کوئی بدی اور ظلم کا دیوتا، کوئی ذرخیزی اور دولت کا دیوتا وغیرہ ۔ لیکن جونہی ان علاقوں میں دوسرے مذاہب کا ظہور شروع ہوا تو اس سے ان علاقوں کے قدیم عقائد کمزور ہونا شروع ہوئے اور دیوی دیوتاؤں کا عقیدہ سوائے کالاش لوگوں کے آہستہ آہستہ معدوم ہوتا گیا۔
شمالی پاکستان کے قبائل میں بعض دیوی اور دیوتے مشترک اور بعض قبیلوں کے مخصوص پائے جاتے تھے۔ ان دیوی دیوتاؤں کا تعلق قدیم دور سے رہا ہے۔ گو گہ ان علاقوں میں مختلف مذاہب آتے رہے ہیں یہاں تک کہ اسلام کی آمد کے ساتھ ہی پرانے مذاہب کا تو اختتام ہوا لیکن انیسویں صدی کے اختتام تک ان دیوی دیوتاؤں کی کسی نہ کسی شکل میں، کوئی نہ کوئی روپ داردستان کے سُدیشی فوک لور میں جھلکتا ہوا نظر آتا رہا ہے ۔ اس کی ایک وجہ یہ بھی ہے کہ عقائد اور ثقافت سے متعلق کئی چیزیں بہت ہی کم رفتار سے تبدیلی معدومی کی طرف بڑھتی ہیں اور بسااوقات ان کے فعلی تفاعل میں تبدیلی تو واقع ہو جاتی ہے لیکن پرانا عقیدہ ایک نیا روپ دھار لیتا ہے۔ اس سلسلے میں داردستان کے قدیم کلتوری ماحول میں پائے جانے والے بعض دیوی دیوتاؤں کی ایک نامکمل سی فہرست یہاں ملاحظہ کی جا سکتی ہے[ ] :
1. اُتر : کتہ قبائل میں ایک نسائی افعال کی معاون دیوی؛
2. اَزر: بدی اور فساد کا دیوتا جو رشتوں کے تقدس اور حرمت کا مُنکر ہے؛
3. اسپریک: پراسون قبائل کا ایک محافظ دیوتا؛
4. اُمرا: وائیگلی قبائل میں اُمرا کا تخلیقی یا مُرادوں کا دیوتا؛
5. اَنددَر: کتہ قبائل کا ایک بزرگ دیوتا؛
6. اَوم: کتہ قبائل کا ایک بڑا دیوتا؛
7. ائوگ: پراسون قبائل کا ایک دیوتا؛
8. بابوْ لاشن: وادی ہمیلنگ، گیاکام،ایمالا کے شین دارد بروکپا قبائل کا سب سے بڑا دیوتا؛
9. بگشت: کتہ قبائل میں دولت، مال مویشی اور پانی کا دیوتا؛
10. بَلَمدَے: اشکُن قبائل کا ایک دیوتا؛
11. بَون٘ڙوْ: داردوں قبائل کا ایک قدیم دیوتا؛
12. بَون٘ڙیْ: بَوٰن٘ڙوْ دیوتا کی مادہ دیوی؛
13. بُھٹ: دارد کالاش قبائل میں ایک شیطان جو کبھی کبھی ناگ کا روپ دھار لیتا ہے؛
14. پرک: کتہ قبائل کا ایک دیوتا؛
15. پندار: پشاہی قبائل کا ایک دیوتا؛
16. پس بدیْ: خوشحالی اور سُکھ کی ایک خیالی دیوی؛
17. پوشی: دارد قبائل میں نسائی اعمال کی ایک دیوی؛
18. پولکنائی: اشکن قبائل میں ایک دیوی کا نام؛
19. تائیبان: اہل چھلاس کا ایک قدیم محافظ دیوتا جس کا سر گھوڑے سے مشابہہ تھا؛
20. تراسکین: وائیگلی قبائل میں پرندے کی شکل کا ایک دیوتا؛
21. جاتچ: دارد کالاش قبائل میں زرخیزی اور ریوڑوں کا محافظ دیوتا؛
22. جاکیچ: کالاش قبائل میں بکریوں کی نسل بڑھانے اور صحت بخشنے والاایک دیوتا؛
23. جسگند: دارد قبائل کا سُکھ اور خوشحالی کا ایک قدیم دیوتا؛
24. جنینی: پراسُون قبائل کی ایک نسائی ہم منصب دیوی؛
25. جیستک: دارد کالاش قبائل میں گھر، گھرانہ، بچوں اور صحت کی دیوی؛
26. چھما کھاݜیْ: دراس، بٹالک کے دارد قبائل کی ایک محافظ دیوی جس کے نام کا تہوار منایا جاتا تھا؛
27. دارَن٘جی: دارد شکاریوں کی ایک معاون دیوی؛
28. دبُوݨ: دارد قبائل کا سب سے بڑا محافظ دیوتا ؛
29. دَاگَون، دَوگَن، دوگھم، دوگھام: وائیگلی اور اَشکُن قبائل کا ایک بڑا دیوتا؛
30. دَارَہ: دارد توروال قبائل میں زرخیزی کی دیوی۔ درال جھیل اس کا مسکن تھا؛
31. دبِیکوْ: دراس اور کارگل کے دارد قبائل کا ایک دیوتا جس کے نام کا تہوار منایا جاتا تھا؛
32. دوزی: کتہ قبائل کا ایک کامدیشی دیوتا؛
33. دیسانی ادسنی: کتہ قبائل کی ایک قدیم دیوی کا نام؛
34. دیوتر: کتہ قبائل کی ایک پری نما حُسن کی دیوی؛
35. دِیوگَن: دارد قبائل کا ایک بڑا دیوتا؛
36. ڈوگوْمرک: پراسُون قبائل کا ایک دیوتا؛
37. راڇھوْ گِروْ: دراس کے داردوں کی محافظ دیوی جس کے نام کی قربانی منسوب چٹان پر دی جاتی تھی؛
38. راڇِھیْ: دارد قبائل میں خوشحالی، دولت اور قسمت کی محافظ دیوی؛
39. رڇَھالوْ: دارد قبائل میں مشکلات اور بلاؤں سے محافظت کا پالن ہار دیوتا؛
40. رُوئی: چُڑیل کی ایک قسم جو انسان کو نقصان پہنچاتی ہے؛
41. زُزُوم: پراسُون قبائل کا برفانی اور سرمائی موسم کا دیوتا؛
42. سارپوْ دیواکوْ: ایک انسان جو پرندے کی طرح اڑتا ہے اور پریوں کے جھرمٹ میں رہتا ہے؛
43. سبدَق: استور اور گُلتری کے دارد قبائل کے گھروں کا محافظ دیوتا؛
44. سُجیْ: جنسی خواہشات سے آزاد ایک پوتر، مُقَدّس اور پاک دامن دیوی؛
45. سری کون: استور میں ایک داردی دیوی جسے بکروں کا نذرانہ پیش کیا جاتا تھا؛
46. سِلیْ: قلعہ جات کو دُشمنوں سے بچانی والی ایک داردی دیوی؛
47. سنجو: کتہ قبائل کی ایک پوتر دیوی؛
48. سجیگور: دارد کالاش قبائل میں بستیوں اور ریوڑ کی حفاظت، آسودہ حالی اور معرکہ آرائی کا دیوتا؛
49. سوچی: دارد کالاش اور وائیگلی قبائل میں ایک پوتر دیوی جیسے داردوں میں سُجیْ دیوی؛
50. سُوریْ دبُوݨ: دارد قبائل میں روشنی کا سُورج دیوتا؛
51. سُوریْ گن: دارد کالاش قبائل میں بھیڑ بکریوں کے ریوڑوں کا محافظ سُورج دیوتا؛
52. سوݨیْ چیئی: دارد قبائل میں طلائی زیورات اور خزانوں کی ایک خیالی محافظ دیوی؛
53. سیل کھنڈ: وادیٔ دراس کے دارد قبائل کا ایک دیوتا جس کے نام سے ایک خاص پتھر موسوم ہے؛
54. شاپال: دارد قبائل میں راڇھیْ دیوی کا ایک خیالی محافظ بادشاہ یا دیوتا؛
55. شاردا دیوی: نیلم وادی کےدارد قبائل کی ایک دیوی جسے بعد میں ہندوؤں نے اپنایا؛
56. شِربَئی: دشکن وادی کے دارد قبائل کا برکت اور حفاظت کی دیوی؛
57. شردے: دارد پشایی قبائل کا ایک دیوتا؛
58. شری بوئی: وادیٔ کرکیت کے دارد قبائل کی ایک دیوی جس کا تہوار غیر شادی شدہ لڑکیاں مناتی تھیں؛
59. شَمڈ: پراسُون قبائل کا ایک بڑا اور اہم دیوتا؛
60. شوشول: ایک ایسی چڑیل جو ہمیشہ علیل ریتی ہے؛
61. شوئِشو: پراسُون قبائل کی ایک دیوی؛
62. شیرن٘گمو: بٹالکی دارد قبائل کی ایک دیوی؛
63. شیستم: اہل گُپس کا ایک قدیم دیوتا؛
64. شیم: دارد قبائل کا ایک قدیم دیوتا؛
65. ݜِݜ گنیْ: دارد قبائل میں برکت، خوشحالی اور حفاظت کی ایک دیوی؛
66. ݜیݜہ لوئی: دراس، بُرژل اور ملحقہ علاقوں کے دارد قبائل کی ایک دیوی جس کا تہوار منایا جاتا تھا؛
67. کت شوئی: کالاش قبائل میں اولاد اور نسائی افعال کی ایک معاون دیوی؛
68. کشومی آنیکام: کتہ قبائل میں ایک پہاڑی دیوی؛
69. کلگان: دارد قبائل کی ایک قدیم دیوی جس کے نام سے وادی کاغان موسوم ہوئی؛
70. کُوشومائی: دارد کالاش قبائل میں فصلوں اور پھلوں کا محافظ دیوتا؛
71. گَان: پشائی قبائل ایک بڑا دیوتا؛
72. گراں: دراس اور ملحقہ علاقوں کے داردوں کا دیوتا جو چاند پر فریفتہ ہے اور چاند کو اپنی گرفت میں لے لیتا ہے؛
73. گوجو: پراسُون قبائل میں علم و دانش کا دیوتا؛
74. گورو/اگورس: کتہ اور پراسُون قبائل کا ایک دیوتا جس کا دھڑ زمینی چٹان میں ہے؛
75. لاشی گلاشی: گلگت کے دارد قبائل میں شکار ایک دیوی۔ شاید یہ لاݜیْ گلاݜیْ دیوی ہی ہے۔
76. لاݜیْ گلاݜیْ: افزائش، زرخیزی اور شکار کی دیوی جس کا مسکن لاݜیْ گلاݜیْ پہاڑ ہے؛
77. لامندے: دارد پشاہی قبائل کا ایک دیوتا؛
78. لڇگن: دارد قبائل کی بھیڑ بکریوں کی افزائش کا دیوتا؛
79. لُونانگ: پراسُون قبائل کی ایک دریائی دیوی؛
80. لیلے رُوئی: چڑیل قسم کی ایک عورت جو کشت و خون کی جگہ بیٹھی رہتی ہے؛
81. مارا: پراسُون قبائل میں اُمرا دیوتا کا نام؛
82. مَچھگُن/مَڇھگُن: دارد قبائل میں فن و ہنر کی ایک دیوی یا مؤکلہ؛
83. مرکُم/مرقُم: زچگی میں آسانیاں پیدا کرنے والی ایک قدیم داردی دیوی؛
84. مرُون: دراس اور ملحقہ علاقوں میں ایک داردی دیوی جس کی قربانی کا تہوار منایا جاتا تھا؛
85. مکھ کھرآجی: ایک عمر رسیدہ مؤکلہ جو دنیل اور چھالو کو طابع رکھتی ہے؛
86. منڈیمُون: کتہ قبائل میں اُمرا دیوتا کی بجاآوری پر معمور ایک چھوٹا دیوتا؛
87. موس سمرین کینڈ: دراس اور ملحقہ علاقوں میں ایک داردی دیوی جس کی قربانی کا تہوار منایا جاتا تھا۔
88. مہان دیو: دارد کالاش قبائل میں گاؤں کا محافظ دیوتا جس کا سر گھوڑے جیسا ہے؛
89. نارائن: دارد قبائل میں خوشحالی اور زرخیزی کی دیوی؛
90. نِرمالیْ: کتہ مستورات میں نِسائی افعال اور زچگی کی مدد گار دیوی؛
91. نَون٘گ: کتہ قبائل میں ایک دریائی دیوتا؛
92. نَوݩگ: دراس میں فصلوں کے نقصان اور قحط سالی سے بچاؤ کا دیوتا جس کے لیےمینڈھے کی قربانی دی جاتی تھی؛
93. ہَس سائی: دارد قبائل میں طاقت بخشنے والا ایک دیوتا؛
94. ہگارگُن: دارد قبائل کا برفانی موسم کا آگ دیوتا؛
95. ہگےگُن: دارد قبائل میں موسموں کی تبدیلی کا دیوتا؛
96. ہوپ: دراس کےدارد قبائل میں طاقت بخشنے والا ایک دیوتا؛
97. یان٘ݜ: یَڇَھنیْ کا قدیم دیوتائی نام؛
98. یڇھ: ایک بڑی چڑیل یا بھوت قسم کی مخلوق؛
99. یڇھنیْ: یڇھ کی مؤنث؛
100. یَڇَھول/یَن٘ڇَھلوْ: دارد قبائل میں اناج کا محافظ اور برکت و خوشحالی کا دیوتا؛
101. یُدینیْ: دارد قبائل میں موسیقاروں، شاہی خاندانوں اور نئی دُلنہوں کی محافظ دیوی؛
102. یَش: دارد قبائل میں طاقت اور قوّت کا دیوتا؛
103. یَمَالوْ: چڑیل کی قسم کی ایک مخلوق جو خوفناک آوازیں نکالتی ہے؛
104. یَمَالیْ: چڑیل کی قسم کی ایک عورت جو خوفناک آوازیں نکالتی ہے۔ یَمَالوْ کی مؤنث؛
105. یودینیْ: موسیقی کی ایک داردی دیوی جو دنیل کی معاون یا تابع ہوتی ہے؛
106. یُون گن: دارد قبائل میں سُکھ اور خوشحالی کا چاند دیوتا؛

کاپی
پروگریسیو گلگت بلتستان

گلگت بلتستان کے فرزند عدیل احمد ولد فقیر محمد جو مناور سے تعلق رکھتے ہیں اور جٹیال میں رہائش پذیر ہیں نے لندن سے بیرسٹری...
25/07/2025

گلگت بلتستان کے فرزند عدیل احمد ولد فقیر محمد جو مناور سے تعلق رکھتے ہیں اور جٹیال میں رہائش پذیر ہیں نے لندن سے بیرسٹری کی ڈگری حاصل کرلی

عدیل احمد نے ابتدائی تعلیم سرسید پبلک اسکول کشروٹ اور پبلک سکول اینڈ کالج جٹیال سے حاصل کی
آپ نے بی اے یونیورسٹی آف کراچی سے اور ایل ایل بی ڈگری مسلم گورنمنٹ لاء کالج بریڈفورڈ یوکے سے حاصل کی
سٹی یونیورسٹی لندن سے گریجویڈ ڈبلومہ لاء اس کے بعد
Bar training course BPP university London
Called to bar by honourable society of Lincoln’s inn.
بیرسٹر کی ڈگری حاصل کی

ضلع گلگت میں فری لیگل ایڈ کمیٹی تشکیل دے دی گئیگلگت (نمائندہ خصوصی) گلگت بار ایسوسی ایشن کی جانب سے ضلع گلگت میں مستحق ا...
18/07/2025

ضلع گلگت میں فری لیگل ایڈ کمیٹی تشکیل دے دی گئی

گلگت (نمائندہ خصوصی) گلگت بار ایسوسی ایشن کی جانب سے ضلع گلگت میں مستحق اور نادار مقدمہ بازوں کو مفت قانونی معاونت فراہم کرنے کے لیے "فری لیگل ایڈ کمیٹی" تشکیل دے دی گئی۔ اس کمیٹی کا باضابطہ اعلان 18 جولائی 2025 کو جاری کردہ نوٹیفکیشن کے ذریعے کیا گیا۔
نوٹیفکیشن کے مطابق، فری لیگل ایڈ کمیٹی کے چیئرمین ایڈووکیٹ وزیر مظہر حسین ہوں گے جبکہ دیگر اراکین میں ایڈووکیٹ اکرام اللہ، شجاعت علی، طارق شاہ، افسانہ بتول، عمر وحید اور عمار ثاقب شامل ہیں۔
یہ کمیٹی گلگت بلتستان چیف کورٹ کے تحت ضلع گلگت کی حدود میں کام کرے گی اور غریب و مستحق سائلین کو مفت قانونی سروسز فراہم کرے گی۔
نوٹیفکیشن پر جنرل سیکریٹری گلگت بار ایسوسی ایشن ایڈووکیٹ اکرام اللہ اور نائب صدر ایڈووکیٹ ذیشان علی کے دستخط موجود ہیں

12/07/2025

وزیر اعلیٰ گلگت بلتستان حاجی گلبر خان نے امن وا مان کے حوالے سے منعقدہ اعلیٰ سطحی اجلاس کے موقع پر انتظامیہ اور تمام اداروں سے گلگت بلتستان کی مجموعی صورتحال کا جائزہ لیا اور کہا کہ گلگت بلتستان مزید کسی بھی مذہبی منافرت کا متحمل نہیں ہوسکتا۔ امن وامان حکومت کی پہلی ترجیح ہے۔ علمائے کرام سے ہماری درخواست ہے کہ گلگت بلتستان میں امن اور بھائی چارگی کے فضاء کو قائم رکھنے میں حکومتی اداروں کے ساتھ تعاون کریں۔ حکومت مذہبی منافرت پھیلانے والوں کیخلاف بلاتفریق سخت کارروائی کرے گی۔ صوبے کا امن خراب والوں کیخلاف زیرو ٹارلنس پالیسی کے بلاتفریق تحت کارروائی ہوگی۔ ہم سب کو گلگت بلتستان کا امن عزیز ہے۔ کسی بھی علاقے کی ترقی کا انحصار امن وامان سے وابستہ ہے۔ بحیثیت مسلمان اور انسان ہمیں مجرموں کی پشت پناہی کرنے کے بجائے اچھے کو اچھا اور برے کو برا کہنے کی جرأ ت پیدا کرنی ہوگی۔ وزیر اعلیٰ نے کہا کہ سیاسی مقاصد کیلئے علاقے میں مذہبی منافرت پھیلانا پورے گلگت بلتستان کیساتھ دشمنی کے مترادف ہے۔ چھموگڑھ واقعے کے مجرموں کو گرفتار کیا جائے گااور قرار واقعی سزاء دی جائے گی۔ پارلیمانی امن کمیٹی گلگت بلتستان میں امن وامان کی فضاء کو برقرار رکھنے کیلئے سٹیک ہولڈرز سے رابطہ کرے گی۔ وزیر اعلیٰ نے اس موقع پر ہدایات دیئے کہ جو سرکاری ملازمین سوشل میڈیا میں مذہبی منافرت پھیلانے میں ملوث پائے جائیں گے ان کیخلاف سخت قانونی کارروائی عمل میں لائی جائے اور اس ضمن میں انتظامیہ کو ہدایات جاری کی۔

چھموگڑھ واقعے کی جوڈیشل کمیشن کے ذریعے غیر جانبدارانہ تحقیقات کروائی جائے اور اس واقعے کا سبب بننے والے تمام کرداروں کو ...
10/07/2025

چھموگڑھ واقعے کی جوڈیشل کمیشن کے ذریعے غیر جانبدارانہ تحقیقات کروائی جائے اور اس واقعے کا سبب بننے والے تمام کرداروں کو شامل تفتیش کرتے ہوئے قرار واقعی سزا دی جائے۔مکتب تشیع کسی بھی قیمت پر مراسم عزاداری کی ادائیگی میں قدغن برداشت نہیں کرتی لہٰذا آئندہ سال مزید حسّاس ہونے کے پیش نظر 8 محرم الحرام مقپون داس مجلس عزاء میں براستہ چھموگڑھ جانے والے عزاداروں کے روٹ کا مسئلہ مستقل بنیادوں پر حل تلاش کیا جائے۔پولیس جوان تذکیر حسین جس کو دوران ڈیوٹی گولی لگنے سے شدید زخمی ہو کر ایک ٹانگ سے محروم ہو چکا ہے اس کو خدمات کے اعتراف میں سول اعزاز سے نوازا جائے۔ مصنوعی ٹانگ لگانے اور علاج معالجے کی تمام تر سہولیات فراہم کرنے کے ساتھ ساتھ مالی پیکیج کا اعلان کیا جائے تاکہ زندگی بھر کیلئے معذور ہونے والے اس پولیس جوان کے دکھ درد کا کچھ نہ کچھ مداوا ہو سکے اور تمام زخمی عزاداروں کی علاج معالجے کے علاوہ مالی پیکیچ سمیت نزر آتش ہونی والی موٹرسائیکلوں اورگاڑیوں کا معاوضہ فوری ادا کیا جائے کوہستان و گلگت بلتستان کے اْن تمام علمائے کرام، عمائدین خصوصاً چھموگڑھ ضلع دیامر ضلع کوہستان اور ضلع گلگت کے عمائدین و اکابرین،سیاسی و سماجی شحصیات جنہوں نے تعمیری کردار اداکرتے ہوئے امن و امان بر قرار رکھنے کا پیغام دیا اور اس سانحے کے اثرات کو گلگت بلتستان کے دیگر علاقوں میں پہنچنے سے روکا اور مرکزی انجمن امامیہ سے مسلسل رابطے میں رہے ہم ان تمام عمائدین اکابرین، علماء اور تنظیمات کا تہہ دل سے شکریہ ادا کرتے ہیں

مرکزی انجمن امامیہ گلگت بلتستان کے صدر سید شراف الدین نے اپنی کابینہ اور انجمن امامیہ و یوتھ جلال آباد۔انجمن امامیہ بگروٹ انجمن حسینہ نگر۔نوجوانان ملت تشیع کے صدور کے ہمراہ جمعرات کے روز سنٹرل پریس کلب گلگت میں پرہجوم پریس کانفرنس

مذمتی پریس ریلیز جاری ۔۔
02/07/2025

مذمتی پریس ریلیز جاری ۔۔

01/07/2025

گلگت :ڈپٹی کمشنر/ڈسٹرکٹ مجسٹریٹ گلگت امیر اعظم حمزہ کی نگرانی میں محرم الحرام کے مجالس اور جلوسوں کی فول پروف سکیورٹی کے سلسلے میں فلیگ مارچ کا انعقاد کیا گیا

گلگت ۔چیئرمین قائمہ کمیٹی برائے گلگت بلتستان کونسل محمد ایوب شاہ، چیئرمین پبلک اکاؤنٹس کمیٹی اقبال ناصر، اور رکن گلگت بل...
01/07/2025

گلگت ۔
چیئرمین قائمہ کمیٹی برائے گلگت بلتستان کونسل محمد ایوب شاہ، چیئرمین پبلک اکاؤنٹس کمیٹی اقبال ناصر، اور رکن گلگت بلتستان کونسل عبدل رحمان کی زیر نگرانی، گلگت بلتستان کونسل کنسولیڈیٹڈ فنڈ سے گلگت بلتستان حکومت کے کنسولیڈیٹڈ فنڈ اکاؤنٹ میں ایک ارب روپے (Rs.1,000,000,000) کا چیک باقاعدہ طور پر منتقل کر دیا گیا ہے۔

یہ خطیر رقم قراقرم انٹرنیشنل یونیورسٹی (KIU) اور یونیورسٹی آف بلتستان (UOBS) کے لیے اینڈومنٹ فنڈز (Endowment Funds) کے قیام کی غرض سے مختص کی گئی ہے، جس میں دونوں جامعات کے لیے پانچ پانچ سو ملین روپے شامل ہیں۔

یہ اقدام گلگت بلتستان میں اعلیٰ تعلیم کے فروغ، جامعات کی مضبوطی، اور مالی خودمختاری کے حصول کی جانب ایک عملی پیشرفت ہے۔

یہ فنڈ اسٹیٹ بینک آف پاکستان، کراچی میں گلگت بلتستان حکومت کے کنسولیڈیٹڈ فنڈ اکاؤنٹ میں منتقل کیا گیا ہے۔

سپیکر گلگت بلتستان اسمبلی نذیر احمد ایڈووکیٹ کا ضلع غذر کے دور افتادہ گاؤں برست کا دورہ، گورنمنٹ گرلز پرائمری سکول کی نئ...
01/07/2025

سپیکر گلگت بلتستان اسمبلی نذیر احمد ایڈووکیٹ کا ضلع غذر کے دور افتادہ گاؤں برست کا دورہ، گورنمنٹ گرلز پرائمری سکول کی نئی عمارت کا افتتاح

سپیکر گلگت بلتستان اسمبلی جناب نذیر احمد ایڈووکیٹ نے آج ضلع غذر کے انتہائی پسماندہ اور دور افتادہ گاؤں برست میں تعمیر شدہ پہلی گورنمنٹ گرلز پرائمری سکول کی نئی عمارت کا باقاعدہ افتتاح کیا۔ اس موقع پر مقامی عمائدین، والدین، اساتذہ اور بڑی تعداد میں بچوں نے پُرجوش انداز میں شرکت کی۔

سپیکر نے اسکول عمارت کی تعمیر کو علاقے کی بچیوں کے لیے تعلیمی روشنی کا پہلا چراغ قرار دیا اور کہا کہ برست جیسے دور افتادہ علاقوں میں تعلیم خصوصاً بچیوں کی تعلیم کا فروغ میری اولین ترجیحات میں شامل ہے۔ ہم چاہتے ہیں کہ ہر بچی کو زیورِ تعلیم سے آراستہ کیا جائے تاکہ وہ ایک باشعور اور بااختیار شہری بن سکے۔سپیکر نذیر احمد ایڈووکیٹ نے اسکول انتظامیہ اور محکمہ تعلیم کو ہدایت کی کہ وہ تعلیم کے معیار کو بہتر بنانے کے لیے اپنا بھرپور کردار ادا کریں۔

مقامی لوگوں نے سپیکر گلگت بلتستان اسمبلی کا شکریہ ادا کرتے ہوئے اسے علاقے کے لیے تاریخی دن قرار دیا، اور امید ظاہر کی کہ یہ اقدام دیگر بنیادی سہولیات کے حصول کی راہ بھی ہموار کرے گا۔

28/06/2025

سیاحتی مقام ہنزہ کے علاقہ حیدر آباد کے نالے میں شدید طغیانی
فوٹیج میں مناظر دیکھ سکتے انتہائی خوفناک منظر ہیں جسکی وجہ سے مقامی آبادی کو الرٹ رہنے کی ہدایات جاری کردی گئیں ہیں

داریل کی دلکش وادی کھنبری منین میں لکڑی اور پتھروں کی مدد سے ایک خوبصورت مسجد کی تعمیر کا کام جاری ہے ۔مسجد کی قدیم طرز ...
28/06/2025

داریل کی دلکش وادی کھنبری منین میں لکڑی اور پتھروں کی مدد سے ایک خوبصورت مسجد کی تعمیر کا کام جاری ہے ۔

مسجد کی قدیم طرز پر تعمیر کے لئے ماہر کاریگروں کی خدمات حاصل کی گئی ھے

Address


Website

Alerts

Be the first to know and let us send you an email when Dardistan tv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dardistan tv:

Shortcuts

  • Address
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share