16/06/2026
اعلانِ بلدیاتی انتخاب 2026
خدمت کا عزم، عوام کی آواز
بسم اللہ الرحمٰن الرحیم
میں محمد ساجد گلاپور کے بزرگوں، نوجوانوں، ماؤں، بہنوں اور تمام اہلِ علاقہ سے مشاورت کے بعد یہ اعلان کرتا ہوں کہ میں آنے والے
بلدیاتی انتخابات 2026 میں بھرپور حصہ لوں گا۔
عوام کی خدمت میرا منشور
میری سیاست کا مقصد اقتدار یا ذاتی مفاد نہیں بلکہ عوام کی بے لوث خدمت ہے۔ ان شاء اللہ، آپ کی نمائندگی کرتے ہوئے اپنے وارڈ کی ترقی، خوشحالی اور بنیادی مسائل کے حل کے لیے پوری دیانت داری اور لگن سے کام کروں گا۔
میرا وعدہ، میری ترجیحات
1۔ تعلیم
ہمارے بچے ہمارا مستقبل ہیں۔ میں وارڈ کے تمام تعلیمی اداروں میں بنیادی سہولیات کی فراہمی، صاف پانی، مناسب فرنیچر، بہتر تعلیمی ماحول اور قابل اساتذہ کی دستیابی کے لیے بھرپور کوشش کروں گا۔ میرا عزم ہے کہ کوئی بھی بچہ تعلیم سے محروم نہ رہے۔
2۔ بجلی
لوڈشیڈنگ کا مسئلہ ہر گھر کا مسئلہ ہے۔ میں متعلقہ اداروں کے ساتھ مسلسل رابطے میں رہ کر بجلی کی فراہمی بہتر بنانے، ٹرانسفارمرز کی اپ گریڈیشن اور غیر اعلانیہ لوڈشیڈنگ کے خاتمے کے لیے ہر ممکن کوشش کروں گا۔
3۔ بنیادی ضروریات
صاف پینے کا پانی، گلیوں اور سڑکوں کی بہتری، نکاسیٔ آب کا مؤثر نظام اور بنیادی صحت کی سہولیات میری اولین ترجیحات میں شامل ہوں گی۔ میں وارڈ کے ہر گھر تک یہ بنیادی سہولتیں پہنچانے کو اپنی ذمہ داری سمجھتا ہوں۔
میں وعدوں کی نہیں بلکہ عملی خدمت کی سیاست پر یقین رکھتا ہوں۔ میرا دروازہ ہر وقت عوام کے لیے کھلا رہے گا۔ آپ کی ہر پریشانی میری پریشانی اور آپ کا ہر مسئلہ میرے لیے ترجیح ہوگا۔
عوام سے اپیل
میں اپنے وارڈ کے تمام بزرگوں، نوجوانوں، ماؤں اور بہنوں سے درخواست کرتا ہوں کہ 27 ستمبر کو اپنے قیمتی ووٹ کے ذریعے مجھے خدمت کا موقع دیں۔ آئیں مل کر اپنے علاقے کو ترقی، خوشحالی اور مثالی طرزِ حکمرانی کی راہ پر گامزن کریں۔
اللہ تعالیٰ ہم سب کا حامی و ناصر ہو۔ آمین
