Gihzer Vision Point

Gihzer Vision Point Change form dahiMal time to ghizer vision point news reporting political issues culture music dance Discover places weather update social issues

12/05/2026

عزم و حوصلہ بلند ہے،
صفدر علی شیرازی کا یہ پیغام عوام کے نام۔

خدمت، ترقی اور عوامی اعتماد کے ساتھ
ایک نئی سوچ، ایک نیا سفر۔



نوجوان سیاسی رہنما و امیدوار گلگت بلتستان اسمبلی، صفدر علی شیرازی ایڈووکیٹ کی خلتی میں شاندار، تاریخی اور کامیاب انٹری۔ط...
12/05/2026

نوجوان سیاسی رہنما و امیدوار گلگت بلتستان اسمبلی، صفدر علی شیرازی ایڈووکیٹ کی خلتی میں شاندار، تاریخی اور کامیاب انٹری۔

طویل مشاورت اور عوامی ملاقاتوں کے بعد نوجوانوں اور عمائدینِ خلتی نے صفدر علی شیرازی ایڈووکیٹ پر مکمل اعتماد کا اظہار کرتے ہوئے آنے والے انتخابات میں بھرپور حمایت کا اعلان کر دیا۔

اس موقع پر صفدر علی شیرازی ایڈووکیٹ نے نوجوانوں اور عمائدینِ خلتی کا دلی شکریہ ادا کرتے ہوئے کہا کہ وہ عوام کے اعتماد، محبت اور امیدوں پر پورا اترنے کے لیے ہر ممکن کوشش کریں گے، اور علاقے کی ترقی، نوجوانوں کے مستقبل اور عوامی مسائل کے حل کو اپنی اولین ترجیح بنائیں گے۔

خلتی کی سرزمین پر عوامی جوش و جذبہ اس بات کا واضح ثبوت ہے کہ لوگ اب ایک مثبت، باصلاحیت اور عوامی قیادت کے ساتھ کھڑے ہیں۔




روشن ایک بار پھر مسائل کی زد میں آ گیا۔علاقے میں جاری کام کے دوران آر ڈی سی کی جانب سے سروس فائبر، یعنی سگنل فراہم کرنے ...
12/05/2026

روشن ایک بار پھر مسائل کی زد میں آ گیا۔
علاقے میں جاری کام کے دوران آر ڈی سی کی جانب سے سروس فائبر، یعنی سگنل فراہم کرنے والی مرکزی تار، کٹ گئی جس کے باعث مواصلاتی نظام شدید متاثر ہو گیا۔
فائبر تار کٹنے سے انٹرنیٹ اور دیگر کمیونیکیشن سروسز متاثر ہونے پر عوام کو شدید مشکلات کا سامنا ہے۔ علاقہ مکینوں کا کہنا ہے کہ روشن پہلے ہی سڑکوں، بنیادی سہولیات اور قدرتی آفات جیسے مسائل سے دوچار ہے، اور اب مواصلاتی نظام کی بندش نے مزید پریشانی پیدا کر دی ہے۔
عوام نے متعلقہ اداروں سے مطالبہ کیا ہے کہ فائبر لائن کو فوری طور پر بحال کیا جائے اور آئندہ ترقیاتی کاموں کے دوران احتیاطی تدابیر اختیار کی جائیں تاکہ عوام کو بار بار مشکلات کا سامنا نہ کرنا پڑے۔
Reporting
Basid Aly Gul

12/05/2026

روشن نالے پر PWD کی جانب سے تقریباً 15 لاکھ روپے کی لاگت سے تعمیر کیا گیا لکڑی کا پل آخرکار پانی کے شدید بہاؤ کی نذر ہوگیا۔
ہم نے اس پل کی ناقص تعمیر اور خستہ حالی کے حوالے سے پہلے بھی ویڈیوز اور خبریں شیئر کی تھیں، مگر متعلقہ اداروں نے بروقت توجہ نہیں دی۔ آج پانی میں اضافے کے باعث پل مکمل طور پر لکڑی سمیت بہہ گیا، جس کے نتیجے میں عوام شدید مشکلات کا شکار ہیں اور آمدورفت کا نظام متاثر ہو چکا ہے۔
افسوس کی بات یہ ہے کہ ایک طرف عوام بنیادی سہولیات سے محروم ہیں، جبکہ دوسری جانب انتظامیہ اور بعض سیاسی نمائندے ٹکٹوں کی خوشیوں اور سیاسی سرگرمیوں میں مصروف دکھائی دیتے ہیں۔
سوال یہ پیدا ہوتا ہے کہ جب عوام کے مسائل، جان و مال اور بنیادی انفراسٹرکچر کا تحفظ یقینی نہیں بنایا جا سکتا تو پھر یہ نمائندے کس بنیاد پر عوام سے ووٹ اور اعتماد مانگ رہے ہیں؟
عوام مطالبہ کرتے ہیں کہ اس ناقص منصوبے کی شفاف تحقیقات کی جائیں، ذمہ داروں کا تعین کیا جائے اور فوری طور پر متبادل مضبوط پل تعمیر کرکے لوگوں کی مشکلات کا ازالہ کیا جائے۔

پاکستان تحریک انصاف گلگت بلتستان نے جنرل الیکشن 2026 کے لیے پارٹی ٹکٹوں کا باضابطہ اعلان کر دیا۔چیئرمین Imran Khan کے وژ...
12/05/2026

پاکستان تحریک انصاف گلگت بلتستان نے جنرل الیکشن 2026 کے لیے پارٹی ٹکٹوں کا باضابطہ اعلان کر دیا۔
چیئرمین Imran Khan کے وژن اور عوامی طاقت کے ساتھ پی ٹی آئی کے امیدوار میدان میں اترنے کے لیے تیار ہیں۔

پارٹی قیادت کے مطابق نظریاتی کارکنوں، عوامی خدمت اور مضبوط سیاسی جدوجہد کو مدنظر رکھتے ہوئے امیدواروں کا انتخاب کیا گیا ہے۔

گلگت بلتستان کے مختلف حلقوں میں ٹکٹ ہولڈرز کے نام جاری ہونے کے بعد کارکنوں میں جوش و خروش پایا جا رہا ہے جبکہ انتخابی مہم بھی تیز ہونے کا امکان ہے۔

پاکستان پیپلز پارٹی کی صوبائی قیادت نے اپر غذر کے سیاسی و تنظیمی ڈھانچے میں ایک اہم اور توجہ طلب فیصلہ کرتے ہوئے حلقہ GB...
11/05/2026

پاکستان پیپلز پارٹی کی صوبائی قیادت نے اپر غذر کے سیاسی و تنظیمی ڈھانچے میں ایک اہم اور توجہ طلب فیصلہ کرتے ہوئے حلقہ GBLA-20 کے لیے نئی سیاسی سمت کا اعلان کیا ہے۔ اس فیصلے کو علاقے کی سیاست میں ایک مثبت پیش رفت کے طور پر دیکھا جا رہا ہے۔
گوپس سے تعلق رکھنے والے معروف سیاسی و سماجی شخصیت شہزاد ولی حیدر کو نئی تشکیل پانے والی حکومتی کابینہ میں بطور ایڈوائزر شامل کرنے کا فیصلہ کیا گیا ہے۔ انہیں یہ ذمہ داری بغیر کسی شرط کے سونپی جا رہی ہے، جو پارٹی قیادت کے اعتماد اور ان کی سیاسی و انتظامی صلاحیتوں کا واضح اظہار ہے۔
پارٹی ذرائع کے مطابق یہ اقدام اس لیے بھی اہمیت کا حامل ہے کہ اس سے نہ صرف مقامی سطح پر عوامی مسائل کے حل میں بہتری آئے گی بلکہ پارٹی کو علاقے میں مزید مضبوط اور فعال بنیادیں حاصل ہوں گی۔ شہزاد ولی حیدر کی شمولیت سے توقع کی جا رہی ہے کہ وہ اپنی تجربہ کار قیادت کے ذریعے ترقیاتی منصوبوں اور عوامی فلاحی اقدامات میں مؤثر کردار ادا کریں گے۔
یہ فیصلہ صوبائی صدر امجد حسین ایڈووکیٹ کی جانب سے کیا گیا، جسے پارٹی کے اندرونی حلقوں میں ایک دور اندیش اور تنظیمی طور پر مضبوط قدم قرار دیا جا رہا ہے۔
سیاسی مبصرین کا کہنا ہے کہ یہ اقدام اپر غذر میں سیاسی توازن کو بہتر بنانے اور عوامی نمائندگی کو مؤثر کرنے کی ایک کوشش ہے، جس کے دور رس نتائج سامنے آ سکتے ہیں۔
مجموعی طور پر یہ فیصلہ نہ صرف پارٹی کی تنظیمی حکمت عملی کی عکاسی کرتا ہے بلکہ اپر غذر کے عوام کے لیے بھی ایک نئی امید اور ترقی کے امکانات کا پیغام سمجھا جا رہا ہے۔

بریکنگ نیوزاسلم انقلابی کو عوامی ورکر پارٹی کی جانب سے ٹکٹ جاری کر دیا گیا۔سیاسی و سماجی حلقوں میں اس پیش رفت کو اہم قرا...
11/05/2026

بریکنگ نیوز
اسلم انقلابی کو عوامی ورکر پارٹی کی جانب سے ٹکٹ جاری کر دیا گیا۔
سیاسی و سماجی حلقوں میں اس پیش رفت کو اہم قرار دیا جا رہا ہے۔ ذرائع کے مطابق اسلم انقلابی آئندہ انتخابات میں عوامی ورکر پارٹی کے امیدوار کے طور پر میدان میں اتریں گے۔
علاقے بھر میں کارکنوں اور حامیوں کی جانب سے خوشی کا اظہار کیا جا رہا ہے جبکہ سیاسی سرگرمیوں میں بھی تیزی آنے کا امکان ہے۔
اسلم انقلابی کا کہنا ہے کہ وہ عوامی مسائل کے حل، نوجوانوں کے حقوق اور علاقائی ترقی کے لیے بھرپور کردار ادا کریں گے۔

غذر کی سیاست میں اس وقت ایک نئی بحث نے جنم لیا ہے جہاں حلقہ نمبر 2 سے خان اکبر خان کو استحکامِ پاکستان پارٹی کی جانب سے ...
11/05/2026

غذر کی سیاست میں اس وقت ایک نئی بحث نے جنم لیا ہے جہاں حلقہ نمبر 2 سے خان اکبر خان کو استحکامِ پاکستان پارٹی کی جانب سے پارٹی ٹکٹ جاری کر دیا گیا ہے۔ ان کی نامزدگی کے بعد سیاسی حلقوں میں سرگرمیاں تیز ہوگئی ہیں جبکہ کارکنان اور حامیوں کی جانب سے خوشی اور اطمینان کا اظہار کیا جا رہا ہے۔

خان اکبر خان کو علاقے کی ایک متحرک اور عوام دوست شخصیت سمجھا جاتا ہے جو کافی عرصے سے عوامی مسائل، نوجوانوں کے حقوق اور علاقائی ترقی کے لیے آواز اٹھاتے رہے ہیں۔ حلقے کے مختلف علاقوں میں ان کی سیاسی و سماجی خدمات کو سراہا جاتا ہے، یہی وجہ ہے کہ ان کی نامزدگی کو حلقہ نمبر 2 کی سیاست میں ایک اہم پیش رفت قرار دیا جا رہا ہے۔

سیاسی تجزیہ کاروں کے مطابق اس بار حلقہ نمبر 2 میں مقابلہ نہایت دلچسپ اور سخت ہونے کا امکان ہے، جہاں عوام اپنے نمائندے کا انتخاب کارکردگی، وژن اور عوامی خدمت کی بنیاد پر کریں گے۔ خان اکبر خان کی انٹری نے انتخابی ماحول کو مزید گرم کر دیا ہے اور آنے والے دنوں میں سیاسی سرگرمیوں میں مزید تیزی متوقع ہے۔

10/05/2026

روشن نالے میں پانی کی سطح میں مسلسل اضافہ ہونے کے باعث محکمہ PWD کی جانب سے تقریباً 15 لاکھ روپے کی لاگت سے تعمیر کیا گیا لکڑی کا پل خطرناک صورتحال اختیار کر گیا ہے۔ پل کی حفاظتی دیواریں ٹوٹ پھوٹ کا شکار ہیں، جس کے باعث عوام میں شدید تشویش پائی جا رہی ہے۔
علاقہ مکینوں کے مطابق اگر بروقت مرمت اور حفاظتی اقدامات نہ کیے گئے تو یہ پل کسی بھی وقت پانی کے بہاؤ میں بہہ سکتا ہے یا پھر کسی بڑے حادثے کا سبب بن سکتا ہے۔ عوامی حلقوں نے متعلقہ اداروں سے فوری نوٹس لینے اور ہنگامی بنیادوں پر مرمتی کام شروع کرنے کا مطالبہ کیا ہے تاکہ کسی بھی ناخوشگوار واقعے سے بچا جا سکے۔

Reporting Aly gul

غذر کی سیاست میں مسلم لیگ نون کا اتحاد ایک بڑی کامیابی کے طور پر دیکھا جا رہا ہے۔ پارٹی کے تمام امیدواروں اور رہنماؤں نے...
10/05/2026

غذر کی سیاست میں مسلم لیگ نون کا اتحاد ایک بڑی کامیابی کے طور پر دیکھا جا رہا ہے۔ پارٹی کے تمام امیدواروں اور رہنماؤں نے متحد ہوکر الیکشن لڑنے کا فیصلہ کرتے ہوئے ٹکٹ ہولڈر عبدالجہان صاحب کے قافلے میں شامل ہوکر بھرپور یکجہتی کا مظاہرہ کیا۔ ریلی میں کارکنان اور رہنماؤں کی بڑی تعداد نے شرکت کرکے انتخابی ماحول کو مزید گرم کر دیا۔
اس اتحاد کی خاص بات یہ بھی ہے کہ اس بار مسلم لیگ نون میں کئی معروف، مضبوط اور عوامی مقبولیت رکھنے والے امیدوار ٹکٹ کے حصول کے لیے شامل ہوئے تھے۔ یہ تمام شخصیات اپنے اپنے علاقوں میں سیاسی اثر و رسوخ اور عوامی حمایت رکھتی ہیں۔ تاہم پارٹی قیادت کی جانب سے ٹکٹ کے فیصلے سے پہلے ہی تمام امیدواروں نے واضح کر دیا تھا کہ پارٹی جس کسی کو بھی ٹکٹ دے گی، وہ سب متحد ہوکر اس امیدوار اور پارٹی کی مکمل حمایت کریں گے۔
اسی وعدے کو عملی شکل دیتے ہوئے تمام رہنما اور کارکن آج ایک پلیٹ فارم پر نظر آئے، جسے سیاسی حلقوں میں مسلم لیگ نون کے لیے نہایت مثبت پیشرفت قرار دیا جا رہا ہے۔ سابق وزیر فدا خان فدا صاحب کی حمایت نے بھی پارٹی کو مزید مضبوط کر دیا ہے، کیونکہ وہ عوام میں ایک بااثر اور مقبول سیاسی شخصیت سمجھے جاتے ہیں۔ سیاسی مبصرین کے مطابق اس اتحاد نے مسلم لیگ نون کی انتخابی مہم کو نئی قوت اور کامیابی کی امید دی ہے۔

حلقہ نمبر دو غزر کے آزاد امیدوار سید موسیٰ مدد نے گوپس میں ایک اہم کارنر میٹنگ سے خطاب کرتے ہوئے کہا کہ عوامی مسائل کا ح...
09/05/2026

حلقہ نمبر دو غزر کے آزاد امیدوار سید موسیٰ مدد نے گوپس میں ایک اہم کارنر میٹنگ سے خطاب کرتے ہوئے کہا کہ عوامی مسائل کا حل، نوجوانوں کے بہتر مستقبل اور علاقے کی ترقی ان کی اولین ترجیح ہے۔ کارنر میٹنگ میں مختلف علاقوں سے تعلق رکھنے والے عمائدین، نوجوانوں اور سیاسی و سماجی شخصیات نے بڑی تعداد میں شرکت کی۔

سید موسیٰ مدد نے اپنے خطاب میں کہا کہ حلقہ دو غزر کے عوام باشعور ہیں اور اب وہ ایسی قیادت چاہتے ہیں جو حقیقی معنوں میں عوام کی خدمت کرے۔ انہوں نے کہا کہ اگر انہیں کامیابی ملی تو وہ علاقے میں تعلیم، صحت، سڑکوں اور روزگار سمیت بنیادی مسائل کے حل کے لیے عملی اقدامات کریں گے۔

انہوں نے مزید کہا کہ غزر کے عوام کے حقوق کے لیے ہر فورم پر آواز بلند کریں گے اور علاقے کی تعمیر و ترقی کے لیے بھرپور کردار ادا کریں گے۔ کارنر میٹنگ کے اختتام پر شرکاء نے سید موسیٰ مدد کے حق میں بھرپور نعرے بازی کی۔

Address

Dahiaml
Gilgit
15300

Telephone

+923555424459

Website

Alerts

Be the first to know and let us send you an email when Gihzer Vision Point posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Gihzer Vision Point:

Shortcuts

Share

Category