31/03/2026
نگراں وزیرِ داخلہ ساجد علی بیگ نے سوشل ایکٹوسٹ وصیل تاج ولد محمد تاج ساکن گلاپور کو گلگت بلتستان میں امن، ہم آہنگی اور نوجوانوں میں مثبت شراکت داری کے فروغ پر اعزازی سرٹیفکیٹ سے نوازا ہے۔
وصیل تاج ایک متحرک سوشل میڈیا ایکٹوسٹ ہیں جو نوجوانوں کی آگاہی، بیداری اور سماجی سرگرمیوں میں شرکت کو فروغ دینے میں اہم کردار ادا کر رہے ہیں۔ انہوں نے نوجوانوں کو بااختیار بنانے کے مختلف اقدامات میں نمایاں خدمات انجام دی ہیں۔
وہ گلگت بلتستان میں نوجوانوں کی شمولیت اور ہنرمندی کے پروگراموں میں بھی فعال رہے ہیں، جو خطے کے نوجوانوں کی بہتری اور صلاحیت سازی میں معاون ہیں۔ ہم ان کی خدمات کو سراہتے ہیں اور ان کی مستقبل کی کاوشوں کے لیے نیک خواہشات کا اظہار کرتے ہیں۔
