31/05/2026
آئی ایم ایف کے ریکوری ایجنٹس
اسلام آباد: وفاقی وزیرِ مملکت برائے پٹرولیم علی پرویز ملک نے کہا ہے کہ پاکستان میں پٹرول اور ڈیزل کی قیمتوں میں اضافے کی بڑی وجہ آئی ایم ایف پروگرام کے تحت عائد کی گئی پٹرولیم لیوی ہے۔
سینیٹ کی قائمہ کمیٹی برائے پٹرولیم کے اجلاس میں بریفنگ دیتے ہوئے اس نے بتایا کہ آئی ایم ایف کی ریکوری پورا کرنے کیلئے حکومت پر پٹرولیم لیوی بڑھانے کا دباؤ موجود ہے، جبکہ پٹرول اور ڈیزل پر لیوی کو 160 روپے فی لیٹر تک لے جانے کا ہدف دیا گیا ہے۔
علی پرویز ملک کے مطابق مالی سال کے آغاز پر آئی ایم ایف کے ساتھ 80 روپے فی لیٹر لیوی کا معاہدہ ہوا تھا، تاہم بعد میں معاشی حالات میں تبدیلی کے باعث لیوی میں مزید اضافہ کرنا پڑا۔
اس نے کہا کہ دنیا کے کئی ممالک نے عالمی مارکیٹ میں قیمتیں کم ہونے پر عوام کو ریلیف دیا، مگر پاکستان آئی ایم ایف کی (ریکوری )اور ریونیو اہداف کی وجہ سے ٹیکس اور لیوی کم کرنے کی پوزیشن میں نہیں۔
کمیٹی ارکان نے ممکنہ اضافے پر تشویش کا اظہار کرتے ہوئے کہا کہ پٹرولیم مصنوعات کی بڑھتی قیمتوں کا براہِ راست اثر عام شہری پر پڑ رہا ہے۔
“پٹرول مہنگا، سفر مہنگا، زندگی مہنگی — بوجھ آخر عوام ہی کیوں اٹھائیں؟”
