Astore Tv, Gilgit (2026)

14/04/2026

استور سے تبادلہ ہونے والے ڈپٹی کمشنر اویس عباسی الوداعی تقریب سے خطاب کررہے ہیں

14/04/2026

استور: گندم کے بیج کی قلت، زمیندار زمینیں آباد کرنے سے قاصر
استور میں کھیتی باڑی کا سیزن شروع ہو چکا ہے، تاہم گندم کے بیج کی عدم دستیابی کے باعث زمیندار شدید مشکلات کا شکار ہو گئے ہیں۔ زمینداروں کا کہنا ہے کہ بیج نہ ہونے کی وجہ سے وہ اپنی زمینیں آباد کرنے سے قاصر ہیں جس سے اس سال کی فصل متاثر ہونے کا خدشہ پیدا ہو گیا ہے۔
مقامی زمینداروں کے مطابق انہوں نے گندم کے بیج کے حصول کے لیے محکمہ زراعت استور کے حکام سے رابطہ کیا، لیکن حکام نے آگاہ کیا کہ ان کے پاس بھی اس وقت گندم کا بیج دستیاب نہیں ہے۔ زمینداروں کا کہنا ہے کہ ایسی صورتحال میں وہ شدید پریشانی میں مبتلا ہیں اور سمجھ نہیں آ رہا کہ بیج کے حصول کے لیے کہاں رجوع کریں۔
زمینداروں نے بتایا کہ استور ایک ایسا علاقہ ہے جہاں سال میں صرف ایک ہی فصل ہوتی ہے، اس لیے اس کی بروقت کاشت انتہائی ضروری ہے۔ اگر وقت پر بیج دستیاب نہ ہوا تو پورا زرعی سیزن متاثر ہو سکتا ہے جس کے معاشی اثرات بھی سامنے آئیں گے۔
زمینداروں نے ڈپٹی کمشنر استور اور محکمہ زراعت کے اعلیٰ حکام سے مطالبہ کیا ہے کہ فوری طور پر اس مسئلے کا نوٹس لیتے ہوئے گندم کے بیج کی فراہمی یقینی بنائی جائے تاکہ وہ بروقت اپنی زمینوں پر کاشتکاری شروع کر سکیں۔

14/04/2026

ڈپٹی کمشنر استور نیلم علی کا گرلز ہائیر سیکنڈری سکول عیدگاہ کا دورہ، تعلیمی معیار بہتر بنانے پر زور
استور: ڈپٹی کمشنر استور نیلم علی نے گرلز ہائیر سیکنڈری سکول عیدگاہ کا دورہ کیا، جہاں انہوں نے تعلیمی سرگرمیوں اور سہولیات کا تفصیلی جائزہ لیا۔
اس موقع پر سکول کی پرنسپل نے ڈپٹی کمشنر کو ادارے کی کارکردگی، درپیش مسائل اور جاری تعلیمی اقدامات پر مفصل بریفنگ دی۔ انہوں نے بتایا کہ گرلز ہائیر سیکنڈری سکول عیدگاہ میں طالبات کو معیاری اور جدید تقاضوں سے ہم آہنگ تعلیم فراہم کرنے کے لیے بھرپور کوششیں جاری ہیں۔
ڈپٹی کمشنر نیلم ولی نے اساتذہ کی کاوشوں کو سراہتے ہوئے کہا کہ تعلیمی معیار پر کسی قسم کا سمجھوتہ قابل قبول نہیں، اور طالبات کو بہترین تعلیمی ماحول فراہم کرنا ضلعی انتظامیہ کی اولین ترجیح ہے۔ انہوں نے اس بات پر زور دیا کہ اساتذہ اپنی ذمہ داریاں مزید محنت اور لگن سے ادا کریں تاکہ بچیوں کا مستقبل روشن بنایا جا سکے۔
دورے کے دوران ڈپٹی کمشنر نے سکول کے مختلف شعبہ جات کا معائنہ بھی کیا اور ضروری ہدایات جاری کرتے ہوئے مسائل کے حل کی یقین دہانی

Office of the Chief Secretary, Gilgit Baltistan Information Department Gilgit-Baltistan

14/04/2026

میڈم نیلم علی نے آج ڈپٹی کمشنر استور کے عہدے کا چارج سنبھال لیا۔

13/04/2026

کیا حفیظ الرحمان استور حلقہ دو سے الیکشن میں حصہ لیں گے ؟
رانا فاروق ٹکٹ کے حصول کے لئے کتنے متمئن ہیں؟
گلگت بلتستان میں ن لیگ کو ماحول بنانے کے لئے رانا ثناواللہ سے کیا کہا ؟
یہ سب اور بہت کچھ دیکھئے خصوصی انٹرویو رانا فاروق سیکرٹری جنرل مسلم لیگ ن استور
میزبان شمس الرحمان
Rana Farooq Hafiz Hafeez Ur Rehman Farman Ali Rana PML( N) Gilgit Baltistan Pmln Gilgit Baltistan

13/04/2026

اسلام آباد: 13 اپریل 2026

گلگت بلتستان میں جنرل الیکشن 2026 کے لیے امیدواروں کو پارٹی ٹکٹ دینے کے مقصد سے ایک پارلیمانی بورڈ تشکیل دیا گیا ہے، ان ارکان کے نام نیچے دیئے گئے ہیں۔

1۔ محترمہ فریال تالپور صاحبہ
2۔ سید نیئر حسین بخاری صاحب
3۔ محمد ہمایوں خان صاحب
4۔ قمر زمان کائرہ صاحب
5۔ ندیم افضل چن صاحب
6۔ ایڈووکیٹ امجد حسین آزر صاحب
7۔ انجینئر محمد اسماعیل صاحب
8۔ عمران ندیم صاحب
9۔ جمیل احمد صاحب
10۔ بشیر احمد صاحب

خیراندیش،
جمیل احمد سومرو
پولیٹیکل سیکریٹری برائے
چیئرمین پاکستان پیپلز پارٹی

13/04/2026

#ایڈمن
سینئر نائب صدر انصاف یوتھ ونگ دیامر استور ڈویژن وزیر عامر شہزادہ کی قیادت میں استور گوریکوٹ میں انصاف یوتھ ونگ دیامر استور ڈویژن کی نئی کابینہ کی تشکیل کے موقع پر ایک نہایت شاندار منظم اور باوقار تقریب کا انعقاد کیا گیا جس میں انصاف یوتھ ونگ کے کارکنان اور قیادت کی بھرپور شرکت نے تقریب کو یادگار بنا دیا

تقریب سینئر نائب صدر انصاف یوتھ ونگ دیامر استور ڈویژن وزیر عامر شہزادہ اور نائب صدر عمران جمفری اور سینئر راہنما پی ٹی آئی پیر مسلم شاہ صاحب سینئر راہنما مجاہد صاحب سمیت تمام نو منتخب کابینہ اراکین کو ہار پہنا کر نہ صرف مبارکباد دی بلکہ ان پر بھرپور اعتماد کا اظہار بھی کیا

مقررین نے اپنے خطاب میں اس عزم کا اعادہ کیا کہ وہ عمران خان اور خالد خورشید کی قیادت میں ہر اول صف میں کھڑے رہتے ہوئے پارٹی کے نظریے، مقصد اور عوامی خدمت کے مشن کو مزید تقویت دیں گے۔ انہوں نے کہا کہ نوجوان ہی پارٹی کا اصل سرمایہ ہیں اور انہی کی متحرک قیادت سے تنظیم مزید مضبوط ہوگی

تقریب کے اختتام پر اس امید کا اظہار کیا گیا کہ نئی منتخب قیادت دیامر استور ڈویژن میں پارٹی کو مزید فعال منظم اور مؤثر بنانے کے ساتھ ساتھ عوامی مسائل کے حل میں بھی نمایاں کردار ادا کرے گی اور ایک مثبت تبدیلی کی راہ ہموار کرے گی......

13/04/2026

پاکستان پیپلز پارٹی گلگت بلتستان کے صوبائی صدر امجد حسین ایڈووکیٹ نے چلاس کے علاقے تھور گوئیں میں پولیس گاڑی پر دہشت گردوں کے حملے کی شدید الفاظ میں مذمت کرتے ہوئے اسے ایک افسوسناک اور دلخراش واقعہ قرار دیا ہے۔
اپنے مذمتی بیان میں انہوں نے کہا کہ پولیس اہلکار علاقے میں افیون کی غیر قانونی فصل کے خلاف کارروائی میں مصروف تھے کہ اس دوران دہشت گردوں نے انہیں نشانہ بنایا۔ ابتدائی اطلاعات کے مطابق اس بزدلانہ حملے میں تین پولیس اہلکار شہید جبکہ ایک ڈی ایس پی سمیت متعدد جوان زخمی ہوئے ہیں۔
امجد حسین ایڈووکیٹ نے شہداء کو خراجِ عقیدت پیش کرتے ہوئے کہا کہ پولیس جوانوں کی لہو رنگ قربانیاں قوم کے لیے باعثِ فخر ہیں۔ انہوں نے کہا کہ گلگت بلتستان پولیس نے ہر دور میں اپنی جانوں کا نذرانہ پیش کر کے معاشرے سے جرائم کے خاتمے میں کلیدی کردار ادا کیا ہے، اور ان کی خدمات کو ہمیشہ سنہری حروف میں یاد رکھا جائے گا۔
انہوں نے زخمی اہلکاروں کی جلد صحت یابی کے لیے دعا کی اور متعلقہ اداروں سے مطالبہ کیا کہ واقعے میں ملوث دہشت گردوں کی فوری گرفتاری کے لیے ہنگامی بنیادوں پر اقدامات کیے جائیں اور انہیں قانون کے کٹہرے میں لا کر قرار واقعی سزا دی جائے۔
صوبائی صدر نے مزید کہا کہ دیامر کی امن پسند عوام اس بدترین دہشت گردی کی بھرپور مذمت کرتی ہے اور مطالبہ کرتی ہے کہ علاقے میں امن و امان کی صورتحال کو یقینی بنانے کے لیے مؤثر اور ٹھوس اقدامات اٹھائے جائیں۔ انہوں نے اس عزم کا اظہار کیا کہ دہشت گردی کے ناسور کے خاتمے کے لیے پوری قوم اپنی سیکیورٹی فورسز کے شانہ بشانہ کھڑی ہے۔

13/04/2026

چلاس: سابق ڈپٹی کمشنر دیامر کیپٹن (ر) عطاء الرحمان کاکڑ کے اعزاز میں شاندار الوداعی تقریب

دیامر میں اپنی خدمات مکمل کرنے کے بعد تبادلے پر جانے والے سابق ڈپٹی کمشنر کیپٹن (ر) عطاء الرحمان کاکڑ کے اعزاز میں ڈپٹی کمشنر ہاؤس چلاس میں ایک پُروقار اور شاندار الوداعی تقریب کا انعقاد کیا گیا۔ تقریب میں کمشنر دیامر استور ڈویژن، ڈی آئی جی دیامر استور ڈویژن، موجودہ ڈپٹی کمشنر دیامر کیپٹن (ر) محمد اویس، اسسٹنٹ کمشنر چلاس منظور پیام سمیت مختلف محکموں کے افسران، عمائدین علاقہ، سیاسی و سماجی شخصیات اور شہریوں کی بڑی تعداد نے شرکت کی۔

تقریب کے دوران مقررین نے کیپٹن (ر) عطاء الرحمان کاکڑ کی دیامر میں بطور ڈپٹی کمشنر خدمات کو زبردست خراج تحسین پیش کیا۔ مقررین کا کہنا تھا کہ انہوں نے اپنی تعیناتی کے دوران نہایت ایمانداری، پیشہ ورانہ مہارت اور عوامی خدمت کے جذبے کے تحت علاقے کی ترقی، امن و امان کے قیام اور عوامی مسائل کے حل کے لیے نمایاں کردار ادا کیا۔

مقررین نے مزید کہا کہ کیپٹن (ر) کاکڑ نے مشکل حالات میں بھی بہترین انتظامی صلاحیتوں کا مظاہرہ کرتے ہوئے عوام اور ضلعی انتظامیہ کے درمیان ایک مضبوط رابطہ قائم کیا، جس کی بدولت کئی اہم مسائل خوش اسلوبی سے حل ہوئے۔ ان کی قیادت میں ضلع دیامر میں ترقیاتی منصوبوں کو بھی بہتر انداز میں آگے بڑھایا گیا۔

اس موقع پر کیپٹن (ر) عطاء الرحمان کاکڑ نے تقریب کے شرکاء کا شکریہ ادا کرتے ہوئے کہا کہ دیامر کے عوام کی محبت اور تعاون کو وہ ہمیشہ یاد رکھیں گے۔ انہوں نے کہا کہ اپنے فرائض کی انجام دہی کے دوران انہیں عوام، افسران اور تمام متعلقہ اداروں کی جانب سے بھرپور تعاون حاصل رہا، جو ان کی کامیابی کا اہم سبب بنا۔

تقریب کے اختتام پر معزز مہمان کو یادگاری شیلڈ اور تحائف پیش کیے گئے جبکہ ان کے لیے نیک تمناؤں کا اظہار کیا گیا۔ شرکاء نے اس عزم کا بھی اظہار کیا کہ وہ مستقبل میں بھی علاقے کی ترقی اور خوشحالی کے لیے مل جل کر کام کرتے رہیں گے۔

13/04/2026

زخمی اور شہید افراد کی تفصیلات

13/04/2026

قرارداد
یونین آف جرنلسٹس استور کا اہم اجلاس زیر صدارت صدر یونین آف جرنلسٹس استور لطف اللہ خان منعقد ہوا، جس میں ضلع استور سے تعلق رکھنے والے صحافیوں نے بھرپور شرکت کی۔ اجلاس میں صحافی برادری کو درپیش مسائل، پیشہ ورانہ امور اور تنظیم کو مزید فعال بنانے کے حوالے سے تفصیلی غور و خوض کیا گیا۔
اجلاس کے شرکاء نے متفقہ طور پر درج ذیل قراردادیں منظور کیں:
اجلاس میں اس امر پر گہری تشویش کا اظہار کیا گیا کہ ضلع استور میں صحافیوں کو پیشہ ورانہ فرائض کی انجام دہی کے دوران مختلف مشکلات اور دباؤ کا سامنا ہے، لہٰذا متعلقہ حکام سے مطالبہ کیا جاتا ہے کہ صحافیوں کو تحفظ فراہم کیا جائے اور ان کے مسائل فوری حل کیے جائیں۔
یونین آف جرنلسٹس استور کو فعال اور منظم بنانے کے لیے تنظیمی ڈھانچے کو مزید مضبوط کرنے، باقاعدہ اجلاسوں کے انعقاد کا فیصلہ کیا گیا
صحافیوں کی فلاح و بہبود کے لیے ویلفیئر فنڈ کے قیام پر اتفاق کیا گیا، جس کے تحت مستحق صحافیوں کی مالی معاونت اور ہنگامی حالات میں مدد فراہم کی جائے گی۔
ضلعی انتظامیہ اور دیگر متعلقہ اداروں سے مطالبہ کیا گیا کہ صحافیوں کو درپیش مسائل کے حل کے لیے سنجیدہ اقدامات اٹھائے جائیں اور معلومات تک رسائی کو یقینی بنایا جائے۔
اجلاس میں فیصلہ کیا گیا کہ صحافیوں کی پیشہ ورانہ تربیت کے لیے ورکشاپس اور ٹریننگ سیشنز کا انعقاد کیا جائے تاکہ جدید صحافتی تقاضوں سے ہم آہنگ رہا جا سکے۔
اجلاس کے شرکاء نے اس عزم کا اعادہ کیا کہ صحافت کے اعلیٰ اصولوں کو برقرار رکھتے ہوئے سچ اور حق کی آواز بلند کی جائے گی۔
اجلاس کے اختتام پر صدر یونین آف جرنلسٹس استور لطف اللہ نے تمام ممبران کا شکریہ ادا کیا اور اس امید کا اظہار کیا کہ باہمی اتحاد و اتفاق سے صحافی برادری کے مسائل حل کیے جا سکیں گے اور تنظیم کو مزید مضبوط بنایا جائے

13/04/2026

گلگت بلتستان اسمبلی انتخابات کا شیڈول جاری

چیف الیکشن کمشنر گلگت بلتستان راجہ شہباز خان نے عام انتخابات کے شیڈول کا باضابطہ اعلان کر دیا ہے۔ گلگت میں جاری نوٹیفکیشن کے مطابق پولنگ 7 جون 2026 کو ہوگی۔
میڈیا سے گفتگو کرتے ہوئے چیف الیکشن کمشنر نے کہا کہ انتخابات شفاف، آزادانہ اور غیر جانبدارانہ بنانے کے لیے تمام انتظامات مکمل کر لیے گئے ہیں۔ انہوں نے بتایا کہ انتخابی عمل کے مختلف مراحل کے لیے شیڈول بھی جاری کر دیا گیا ہے۔
نوٹیفکیشن کے مطابق کاغذات نامزدگی 16 اپریل سے 20 اپریل تک جمع کروائے جا سکیں گے، جبکہ امیدواروں کی ابتدائی فہرست 21 اپریل کو جاری کی جائے گی۔ کاغذات کی جانچ پڑتال 28 اپریل تک مکمل ہوگی، جبکہ اپیلوں پر فیصلے 9 مئی تک کیے جائیں گے۔
مزید برآں، امیدوار 11 مئی تک کاغذات واپس لے سکیں گے، جبکہ انتخابی نشانات کی الاٹمنٹ اور حتمی فہرست 12 مئی کو جاری کی جائے گی۔
چیف الیکشن کمشنر کا کہنا تھا کہ عوام کو ووٹ کے حق کے استعمال کے لیے ہر ممکن سہولیات فراہم کی جائیں گی اور تمام متعلقہ اداروں کے ساتھ مل کر پرامن انتخابات کو یقینی بنایا جائے گا۔

Astore Tv

14/04/2026

14/04/2026

14/04/2026

14/04/2026

13/04/2026

13/04/2026

13/04/2026

13/04/2026

13/04/2026

13/04/2026

13/04/2026

13/04/2026

Address

Website

Alerts

Contact The Business

Shortcuts

Share

Category