Brooshaal Media Network

13/04/2026

حق پرست رہنما اسلم انقلابی امیدوار جی بی ا ے یاسین سمال کی ہندور یاسین میں انتخابی مہم زور و شور سے جاری

غذر (پ ر): جی بی اے 21 غذر 3 یاسین سے حق پرست رہنما و امیدوار سمال اسلم انقلابی کی انتخابی مہم تیزی سے جاری ہے۔ آبائی گاؤں برکولتی میں سرگرم مہم کے بعد اب ہندور یاسین میں گھر گھر جا کر عوام سے رابطہ کیا جا رہا ہے۔
مہم کے دوران مختلف مقامات پر نوجوانوں نے سمال اسلم انقلابی کی حمایت کا اعلان کیا، جبکہ عوامی حلقوں میں انہیں ایک مضبوط اور سنجیدہ امیدوار کے طور پر دیکھا جا رہا ہے۔ حلقے میں ان کی مزاحمتی سیاست، عوامی خدمت اور جراتمندانہ انداز کو سراہا جا رہا ہے۔
سمال اسلم انقلابی کی بڑھتی ہوئی عوامی مقبولیت کے پیش نظر علاقے کے مختلف طبقات نے ان کے ساتھ بھرپور تعاون اور حمایت کا یقین دلایا ہے۔

゚

12/04/2026

سیرینا ہوٹل ذرائع کے مطابق پرنس رحیم آغاخان نے سیرینا ہوٹل اسلام آباد کو ایران-امریکا مذاکرات کے لیے مفت میں وقف کردیا۔

حکومت کی درخواست پر ہوٹل کو ابتدائی طور پر چار دنوں کے لیے مذاکرات کے لیے بلامعاوضہ وقف کرکے فریقین کے لیے خالی کردیا گیا۔ بعدازاں مذاکراتی ٹیموں کی دوسرے دن روانگی پر دو دنوں کے اخراجات ہوٹل نے خود برداشت کیے جبکہ اگلے دو دن کی بُکنگ کا معاوضہ وزراتِ خارجہ ادا کرے گی۔

اسلام آباد کے دل میں واقع سیرینا ہوٹل کی تاریخ ساز امن مذاکرات کے لیے بلامعاوضہ دستیابی پرنس رحیم آغاخان کی ثالثی، تصفیہ، سفارتکاری اور امن پسندی کی خاندانی روایت کا حصہ ہے۔ یہ اُن کی پاکستان سے دوستی اور خلیج اور مشرق وسطیٰ میں قیام امن کی خواہش کو بھی ظاہر کرتا ہے۔

نومبر 1985 میں امریکی صدر رونالڈ ریگن اور سوویت یونین کے سربراہ میخائل گورباچوف کے مابین سرد جنگ کے خاتمے کے لیے تاریخی مذاکرات طے ہوئے تو پرنس کریم آغاخان جینیوا سوئٹزرلینڈ میں واقع اپنا بنگلہ فریقین کے لیے خالی کرکے اپنے خاندان کے ساتھ کہیں اور منتقل ہوئے۔

اس گھر میں قیام کی واحد شرط ایک نوٹ تھا جو پرنس کریم آغاخان کے دس سالہ بیٹے پرنس حسین نے صدر ریگن کو لکھا تھا، جس میں انہوں نے درخواست کی تھی کہ گھر میں موجود ان کی مچھلیوں کو روزانہ خوراک دی جائے۔

امریکی صدر کی کوششوں کے باوجود ایک مچھلی مر گئی۔ اس پر صدر نے پرنس حسین کے نام ایک نوٹ چھوڑا:

‘پیارے دوست، منگل کے روز مجھے تمہاری ایک مچھلی ٹینک کے نیچے مردہ ملی۔ مجھے نہیں معلوم کیا ہوا، لیکن میں نے اس کی جگہ اسی قسم کی دو نئی مچھلیاں ڈال دی ہیں۔ امید ہے یہ ٹھیک ہوگا۔ ہمارے اس خوبصورت گھر میں رہنے کی اجازت دینے کا شکریہ۔ رونالڈ ریگن۔’

پرنس حُسین نے صدر کا شکریہ ایک جوابی خط میں ادا کیا جو ذیل میں دیا گیا ہے۔ یہ مذاکرات سرد جنگ کے خاتمے کا پیش خیمہ ثابت ہوئے۔

از۔ اخوان الصفا
IKHWAN AL-SAFA

09/04/2026

گلگت: عوامی ورکرز پارٹی جی بی کے رہنما کامریڈ بابا جان، جنرل سکرٹری شیرنادر شاہی، انجینئر سخاوت ، کامریڈ ادینہ اور بلتستان کے حق پرست رہنما نجف علی نے بی این ایف کے رہنما کلام الدین کے رہائش گاہ پر ان کی والدہ محترمہ کی انتقال پر اظہار تعزیت پیش کیا۔
اس موقع پر کلام الدین نے رہنماؤں کا شکریہ ادا کیا۔

Awami Workers Party Gilgit Baltistan
Awami Workers' Party (Official)
Baba Jan
Najaf Ali

08/04/2026

یاسین میں نئی سیاست کا آغاز — نوجوان قیادت کی امید

یاسین کی سرزمین ایک نئے دور کے دہانے پر کھڑی ہے۔ اس بار کے الیکشن میں وہ سب کچھ بدلتا ہوا نظر آ رہا ہے جو برسوں سے جمود کا شکار تھا۔ پرانی سیاست، روایتی طریقے، اور وہی پرانے وعدے اب اپنی اہمیت کھوتے جا رہے ہیں، جبکہ نوجوان قیادت ایک نئی امید کے ساتھ میدان میں اتر چکی ہے۔ یہ صرف ایک الیکشن نہیں بلکہ یاسین کے مستقبل کا فیصلہ ہے۔

اگر اس بار یاسین کے عوام نے درست فیصلہ کیا، تو آنے والا وقت ترقی، خوشحالی اور انصاف کا ہو سکتا ہے۔ اس بار کئی ایسے نوجوان سامنے آئے ہیں جو صرف وعدے نہیں کرتے بلکہ عملی طور پر عوام کے درمیان رہ کر کام کرتے ہیں۔ ان میں اسلم انقلابی، امان علی امیر، گل بہار اور شیر نادر شاہی جیسے نام شامل ہیں، جو اپنی اپنی جگہ ایک مضبوط پہچان رکھتے ہیں۔

اسلم انقلابی ایک ایسا رہنما ہے جو ہمیشہ عوام کے درمیان موجود رہتا ہے۔ وہ نہ صرف ہر عوامی اجلاس میں شریک ہوتا ہے بلکہ نوجوانوں کے مسائل پر کھل کر آواز بھی اٹھاتا ہے۔ اسلم انقلابی کا ماننا ہے کہ جب تک عوام کو ان کا حق نہیں ملتا، تب تک خاموش نہیں بیٹھنا چاہیے۔ وہ ان لیڈروں میں سے نہیں جو بڑی گاڑیوں میں آکر چند وعدے کریں اور چلے جائیں، بلکہ وہ عوام کے ساتھ کھڑے رہنے والے انسان ہیں۔ ایک سچا لیڈر وہی ہوتا ہے جو غریب کو عزت دے، کمزور کا سہارا بنے، اور ہر مشکل وقت میں عوام کے ساتھ کھڑا رہے۔

امان علی امیر بھی عوامی خدمت میں ہمیشہ پیش پیش نظر آتے ہیں۔ چاہے سڑکوں کی خرابی ہو، پانی کی کمی ہو یا کسی بھی قسم کا عوامی مسئلہ، امان علی امیر سب سے پہلے موقع پر پہنچنے والوں میں شامل ہوتے ہیں۔ یہی خلوص اور جذبہ انہیں عوام کے دلوں کے قریب لے آیا ہے۔ لوگ ان سے محبت کرتے ہیں کیونکہ وہ صرف باتیں نہیں کرتے بلکہ عملی کام کرتے ہیں۔ اگر ایسے لوگوں کو موقع دیا جائے تو یاسین کے بنیادی مسائل حل ہو سکتے ہیں۔

گل بہار یاسین کی ایک معروف اور مقبول شخصیت ہیں۔ انہیں بروشسکی شاعری کی وجہ سے خاص شہرت حاصل ہے، اور وہ ثقافتی محفلوں میں ہمیشہ نمایاں رہتے ہیں۔ اس کے ساتھ ساتھ وہ کھیلوں، خاص طور پر فٹبال کے فروغ میں بھی سرگرم ہیں اور نوجوانوں کو مثبت سرگرمیوں کی طرف راغب کرتے ہیں۔ اس بار ان کا سیاست میں آنا اس بات کی نشاندہی کرتا ہے کہ وہ اپنے علاقے کے لیے مزید عملی کردار ادا کرنا چاہتے ہیں۔

شیر نادر شاہی ایک نڈر اور بہادر آواز کے طور پر جانے جاتے ہیں۔ وہ نہ صرف یاسین بلکہ پورے گلگت بلتستان کے عوامی مسائل پر کھل کر بات کرتے ہیں۔ جہاں بھی کسی ناانصافی یا مسئلے کی بات ہو، وہ سب سے آگے نظر آتے ہیں۔ انہوں نے عوام کے حقوق کے لیے جدوجہد کرتے ہوئے مشکلات کا سامنا کیا، حتیٰ کہ جیل بھی جا چکے ہیں، لیکن کبھی اپنے موقف سے پیچھے نہیں ہٹے۔ یہی عزم اور حوصلہ انہیں ایک حقیقی عوامی لیڈر بناتا ہے۔

آج یاسین کے عوام کے پاس ایک سنہری موقع ہے کہ وہ پرانی سیاست کو پیچھے چھوڑ کر ایک نئی، باصلاحیت اور مخلص قیادت کو آگے لائیں۔ یہ فیصلہ صرف ایک ووٹ کا نہیں بلکہ آنے والی نسلوں کے مستقبل کا ہے۔ اگر اس بار نوجوان قیادت کو کامیاب کیا گیا تو یاسین میں ترقی، تعلیم، روزگار اور بنیادی سہولیات کا ایک نیا باب شروع ہو سکتا ہے۔

وقت آ گیا ہے کہ یاسین کے عوام جاگ جائیں، سوچ سمجھ کر فیصلہ کریں، اور ایسے لوگوں کو آگے لائیں جو واقعی عوام کی خدمت کا جذبہ رکھتے ہوں۔ اگر ہم نے اس بار درست انتخاب کیا، تو آنے والا کل یقیناً روشن ہوگا۔

✍️فاروق حسین

゚

03/04/2026

عوامی ورکرز پارٹی گلگت بلتستان کا پٹرولیم مصنوعات کی قیمتوں اور مہنگائی میں اضافے پر شدید تشویش کا اظہار

گلگت ( پ ر) عوامی ورکرز پارٹی گلگت بلتستان نے پٹرولیم مصنوعات کی قیمتوں میں حالیہ اضافے پر گہری تشویش کا اظہار کرتے ہوئے اسے عوام دشمن فیصلہ قرار دیا ہے۔
پارٹی کے ترجمان نے اپنے بیان میں کہا ہے کہ حکمران طبقہ اپنی شاہ خرچیوں میں کمی لانے کے بجائے مسلسل مہنگائی کا بوجھ غریب عوام پر منتقل کر رہا ہے، جو کسی صورت قابل قبول نہیں۔ پٹرولیم مصنوعات کی قیمتوں میں اضافہ نہ صرف ٹرانسپورٹ بلکہ اشیائے خوردونوش سمیت ہر شعبے میں مہنگائی کا سبب بنتا ہے، جس سے عام آدمی کی مشکلات میں مزید اضافہ ہوگا۔
انہوں نے کہا کہ پہلے ہی گلگت بلتستان کے عوام بے روزگاری، مہنگائی اور بنیادی سہولیات کی کمی کا شکار ہیں، ایسے میں پٹرولیم مصنوعات کی قیمتوں میں اضافہ ظلم کے مترادف ہے۔
عوامی ورکرز پارٹی گلگت بلتستان نے حکومت سے مطالبہ کیا ہے کہ فوری طور پر اس فیصلے پر نظرثانی کی جائے اور عوام کو ریلیف فراہم کرنے کے لیے ٹھوس اقدامات کیے جائیں۔ بصورت دیگر پارٹی عوام کے ساتھ مل کر احتجاج کا حق محفوظ رکھتی ہے۔

Awami Workers Party Gilgit Baltistan
Awami Workers' Party (Official)

17/03/2026

قراقرم یونیورسٹی بند کلاسز اور طلبہ کے بڑھتے مسائل
تحریر: حکیمزادہ تنویر ساون

قراقرم یونیورسٹی بند کلاسز اور طلبہ کے بڑھتے مسائل۔ حاکم زادہ تنویر ساٶن گلگت بلتستان میں جب بھی حالات خراب ہوتے ہیں تو اس کے اثرات سب سے پ...

17/03/2026

کھرمنگ: عوامی ایکشن کمیٹی گلگت بلتستان کے رہنماوں کی رہائی کے لئے شبیر مایار کی قیادت میں احتجاجی مظاہرہ۔


Shabbir Mayar

17/03/2026

قراقرم یونیورسٹی بند کلاسز اور طلبہ کے بڑھتے مسائل

تحریر: حاکم زادہ تنویر ساٶن

گلگت بلتستان میں جب بھی حالات خراب ہوتے ہیں تو اس کے اثرات سب سے پہلے تعلیمی اداروں پر مرتب ہوتے ہیں، اور خاص طور پر قراقرم انٹرنشنیل یونیورسٹی اس صورتحال کا فوری مرکز بن جاتی ہے۔ جیسے ہی خطے میں کشیدگی یا بے چینی پیدا ہوتی ہے، چند ہی لمحوں میں اس کے اثرات یونیورسٹی کے ماحول میں بھی نظر آنے لگتے ہیں اور اکثر اوقات وہاں جھگڑوں اور کشیدہ حالات کی خبریں سامنے آتی ہیں۔ اس صورتحال کا سب سے زیادہ نقصان طلبہ کی تعلیم کو ہوتا ہے۔
16 فروری کو سردیوں کی طویل چھٹیوں کے بعد یونیورسٹی کو دوبارہ کھولا گیا تھا۔ طلبہ بڑی امیدوں کے ساتھ اپنی تعلیم جاری رکھنے کے لیے واپس آئے تھے، مگر بدقسمتی سے اس دن سے لے کر آج تک صرف پانچ دن ہی باقاعدہ کلاسز ہو سکی ہیں۔ مختلف جھگڑوں اور حالات کی خرابی کی وجہ سے تعلیمی سلسلہ بار بار متاثر ہوتا رہا ہے۔ اب جبکہ گلگت بلتستان کے موجودہ حالات کو دیکھتے ہوئے یونیورسٹی کو ایک مرتبہ پھر بند کر دیا گیا ہے اور کلاسز کو آن لائن منتقل کر دیا گیا ہے، تو اس سے طلبہ کو مزید مشکلات کا سامنا ہے۔
آن لائن کلاسز کا فیصلہ بظاہر ایک متبادل حل لگتا ہے، مگر گلگت بلتستان کے زمینی حقائق اس سے مختلف ہیں۔ اس خطے میں انٹرنیٹ کی سہولت پہلے ہی نہایت محدود اور سست ہے۔ کئی علاقوں میں طلبہ کے لیے انٹرنیٹ تک رسائی بھی ممکن نہیں ہوتی۔ ایسے حالات میں آن لائن تعلیم کا تصور عملی طور پر بہت مشکل ہو جاتا ہے اور طلبہ مؤثر طریقے سے اپنی پڑھائی جاری نہیں رکھ پاتے۔
اس تمام صورتحال کے باوجود طلبہ کو فیس کے معاملے میں مسلسل دباؤ کا سامنا ہے۔ انتظامیہ کی جانب سے فیس کی ادائیگی کے لیے طلبہ کو یاد دہانیاں اور تقاضے کیے جا رہے ہیں، جو کہ موجودہ حالات میں ایک اضافی بوجھ بن چکا ہے۔ جب باقاعدہ کلاسز ہی نہیں ہو رہی ہیں اور تعلیمی سرگرمیاں مسلسل متاثر ہیں تو طلبہ کے ذہن میں یہ سوال پیدا ہونا فطری ہے کہ مکمل فیس کس بنیاد پر لی جا رہی ہے۔والدین کا مطالبہ نہایت سادہ اور جائز ہے موجودہ حالات کو مدنظر رکھتے ہوئے یا تو فیس کو نصف کر دیا جائے یا پھر یونیورسٹی کے مکمل طور پر کھلنے کے بعد فیس وصول کی جائے۔ کیونکہ جب تعلیم کا سلسلہ ہی درست طریقے سے جاری نہیں ہے تو طلبہ سے مکمل فیس وصول کرنا انصاف کے تقاضوں کے مطابق نہیں ہے۔
تعلیم کسی بھی معاشرے کی ترقی کی بنیاد ہوتی ہے، اس لیے ضروری ہے کہ تعلیمی اداروں کے فیصلوں میں طلبہ کے حالات اور مسائل کو بھی سنجیدگی سے مدنظر رکھا جائے، تاکہ تعلیم کا عمل متاثر ہونے کے بجائے آسان اور قابلِ رسائی بن سکے۔

16/03/2026

کنٹریکٹرز ایسوسی ایشن غذر کا حالیہ ٹیکسز پر شدید تحفظات، عوام کے ساتھ سڑکوں پر آنے کا عندیہ

غذر( پ ر) کنٹریکٹرز ایسوسی ایشن غذر کے صدر مظفر خان اور جنرل سیکریٹری جعفر علی نے حکومت گلگت بلتستان کی جانب سے کاروباری حضرات اور غریب عوام پر حالیہ ٹیکسز کے نفاذ کو ناقابلِ قبول قرار دیتے ہوئے اس اقدام کی شدید مذمت کی ہے۔
انہوں نے کہا کہ عید کے بعد ضلع بھر کے عوام کے ساتھ مل کر سڑکوں پر نکلیں گے اور بھرپور احتجاج کریں گے۔ ان کا کہنا تھا کہ عوام پہلے ہی مہنگائی کے باعث شدید مشکلات کا شکار ہیں، اور اس پر مزید ظالمانہ ٹیکسز کسی صورت قابلِ قبول نہیں۔ یہ اقدام غریب عوام کی جیبوں پر براہِ راست ڈاکہ ڈالنے کے مترادف ہے۔
رہنماؤں نے کہا کہ ان ٹیکسز کے نفاذ کے بعد دکانداروں اور ہوٹل مالکان کو مجبوراً اشیائے ضروریہ کی قیمتوں میں اضافہ کرنا پڑے گا، جس کا براہِ راست اثر عام اور غریب عوام پر پڑے گا۔
انہوں نے مزید کہا کہ گزشتہ دس برسوں سے گلگت بلتستان کی ٹھیکیدار برادری کو مسلسل نظر انداز کیا جا رہا ہے۔ ان کے بقایاجات اور بلوں کی ادائیگیاں تاخیر کا شکار ہیں جبکہ ترقیاتی فنڈز بھی جمود کا شکار ہیں۔ اگر وفاق سے کچھ فنڈز آ بھی جاتے ہیں تو مبینہ طور پر بیوروکریسی انہیں ہڑپ کر لیتی ہے۔
ان کا کہنا تھا کہ افسوس کی بات یہ ہے کہ انہی عوام کے وسائل سے نگران سیٹ اپ چلایا جا رہا ہے، جبکہ اس کے لیے کوئی علیحدہ فنڈ مختص نہیں کیا گیا۔
انہوں نے سوال اٹھایا کہ ان تمام حالات اور مشکلات کے باوجود حکومت آخر کس بنیاد پر عوام سے ٹیکس وصول کرنا چاہتی ہے؟ حکومت نے گلگت بلتستان کے عوام کو ایسا کیا دیا ہے جس کے بدلے ٹیکس لیا جا رہا ہے؟
انہوں نے خبردار کیا کہ اگر حالیہ ٹیکسز واپس نہ لیے گئے تو عید کے بعد بھرپور احتجاجی تحریک شروع کی جائے گی،
جس کی تمام تر ذمہ داری موجودہ حکومت پر عائد ہوگی۔

16/03/2026

گلگت: پاکستان مسلم لیگ ن گلگت بلتستان کے سینئر رہنما و امیدوار جی بی اسمبلی انجنئر محمد نظر خان اور پاکستان مسلم لیگ ن غذر کے سینئر نائب صدر شاہد اقبال چیف الیکشن کمشنر جی بی راجہ شہباز سے ملاقات کررہے ہیں۔

16/03/2026

تھوئی میں زیر تعمیر روڈ اور محکمہ کمیونیکشن اینڈ ورکس ڈیپارٹمنٹ کی غفلت۔کسی بھی وقت حادثہ رونما ہونے کا اندیشہ ہے۔بارہا حکام کو مذکورہ روڈ کی خستہ حالی کے سلسلے میں آگاہی کے باجود ٹس سے مس نہیں ہے۔

ایڈوکیٹ گوہر شاہ، امیدوار جی بی اے یاسین سمال

16/03/2026

امن پسند اور جمہوری جدوجہد ایک آئینی حق ہے۔ ایڈووکیٹ اشفاق بالکل درست کہتے ہیں۔ ایڈووکیٹ احسان پر دہشت گردی کا مقدمہ لگانے سے حکومت خود بین الاقوامی سطح پر بدنامی کا شکار ہو سکتی ہے۔ حکومت کو گلگت بلتستان کے بعض پُرامن لوگوں کے ساتھ سوتیلی ماں جیسا سلوک بند کرنا چاہیے۔ جو لوگ اپنے پُرامن جمہوری حکومت کا غیر مناسب رویہ اس متنازعہ خطے کے نوجوانوں کو مزید بھڑکانے کے مترادف ہے۔ میری اس بات کو ناسمجھ حکمران ریاست دشمنی سے تعبیر نہ کریں۔ یہ دراصل حکمرانوں کے غلط رویے کی نشاندہی ہے تاکہ ان کا یہ طرزِ عمل اس متنازعہ خطے کے لوگوں کو عدم تحفظ کا شکار نہ بنائے، بلکہ لوگوں کو پُرامن سرگرمیاں کرنے دی جائیں۔
اور جو لوگ غلط ہیں انہیں دلائل کے ساتھ سمجھایا جائے، اگر حکومت میں کوئی دلیل رکھنے والا شخص موجود ہے تو۔ جس کے پاس دلیل نہ ہو اسے جلد غصہ آ جاتا ہے۔ گلگت بلتستان میں یا گلگت بلتستان سے باہر بیٹھ کر یہاں حکومت کرنے والوں میں نہ برداشت ہے، نہ دلیل، اور نہ ہی وہ گلگت بلتستان کو پاکستان کے آئین کے مطابق آزادیِ اظہار اور آزادیِ نقل و حرکت دینا چاہتے ہیں۔ حکمرانوں کا یہ عمل خود اپنے آئین سے غداری کے زمرے میں آتا ہے۔
گلگت بلتستان کے نگراں وزیرِ اعلیٰ بطور جج اچھی شہرت رکھتے ہیں۔ انہیں گلگت بلتستان کے عوام کو سکون دینا چاہیے اور کسی کو بھی آئین کی خلاف ورزی نہیں کرنے دینی چاہیے، چاہے وہ کوئی بھی ہو۔

عبدالحمید خان ، رہنما پی پی پی