The Writers GBC

11/05/2026

ہز ہائنس پرنس رحیم آغا خان کے دورۂ گلگت کی تیاریاں تیز، روٹ کلیرنس پر اہم اجلاس

گلگت: ہز ہائنس پرنس رحیم آغا خان کے متوقع دورۂ گلگت کے سلسلے میں اسماعیلی ریجنل کونسل کے وفد نے ڈائریکٹر جنرل گلگت ڈویلپمنٹ اتھارٹی اظہار اللہ سے ملاقات کی۔ اجلاس میں سینیٹری سیوریج پراجیکٹ اور روٹ کلیرنس کے امور کا جائزہ لیا گیا۔

ملاقات میں پراجیکٹ ڈائریکٹر سینیٹری سیوریج انجینئر شفقت علی، ڈپٹی ڈائریکٹر انجینئرنگ جی ڈی اے مظہر سہیل اور متعلقہ کنٹریکٹر بھی شریک تھے۔ ڈی جی جی ڈی اے اظہار اللہ نے وفد کو یقین دہانی کرائی کہ تمام کام مقررہ وقت کے اندر مکمل کیے جائیں گے، جبکہ متعلقہ حکام اور ٹھیکدار کو فوری ہدایات بھی جاری کی گئیں۔

11/05/2026

گلگت سے راولپنڈی جانی والی مسافر نیٹکو بس بٹگرام موٹروے پر حادثے کی شکار، تاہم کوئی جانی نقصان نہیں ہوا،موٹروے پولیس حکام

11/05/2026

گلگت بلتستان الیکشن کمیشن نے وزیراعظم شہباز شریف کے حالیہ دورۂ گلگت کے دوران انتخابی ضابطۂ اخلاق کی مبینہ خلاف ورزی پر مسلم لیگ (ن) کے سات رہنماؤں اور امیدواروں کو شوکاز نوٹس جاری کر دیے ہیں۔

سرکاری دستاویزات کے مطابق یہ کارروائی قراقرم انٹرنیشنل یونیورسٹی (KIU) میں منعقد ہونے والی وزیراعظم یوتھ لیپ ٹاپ اسکیم کی تقریب میں شرکت سے متعلق ہے، جس کے لیے الیکشن کمیشن کی این او سی میں واضح شرط رکھی گئی تھی کہ یہ تقریب مکمل طور پر غیر سیاسی ہوگی۔

نوٹس حاصل کرنے والوں میں حافظ حفیظ الرحمان، شفیق الدین، ڈاکٹر محمد اقبال، رانا فرمان علی، حبیب اللہ، محمد عالمگیر اور عتیق الرحمان شامل ہیں۔

نوٹس میں کہا گیا ہے کہ مانیٹرنگ ٹیموں نے مشاہدہ کیا کہ سیاسی رہنما اور انتخابی امیدوار اس پروگرام میں ضابطۂ اخلاق کی خلاف ورزی کرتے ہوئے شریک ہوئے۔

تمام افراد کو 12 مئی کو گلگت کے ڈسٹرکٹ مانیٹرنگ آفیسر کے سامنے پیش ہو کر اپنا مؤقف پیش کرنے کی ہدایت کی گئی ہے، جبکہ کمیشن نے خبردار کیا ہے کہ تسلی بخش جواب نہ ملنے کی صورت میں انتخابی قوانین کے تحت قانونی کارروائی کی جا سکتی ہے۔

11/05/2026

پاکستان محکمہ موسمیات (PMD) نے پیر کے روز خیبر پختونخوا اور گلگت بلتستان کے لیے گلیشیائی جھیل کے پھٹنے سے آنے والے سیلاب (GLOF) کا الرٹ جاری کر دیا ہے۔
محکمہ موسمیات کی جانب سے اتوار کی رات جاری کردہ الرٹ کے مطابق ملک کے بالائی علاقوں میں ایک معتدل مغربی ہواؤں کا سلسلہ داخل ہونے کی توقع ہے، جو پیر کے روز خیبر پختونخوا کو متاثر کرتے ہوئے گلگت بلتستان تک پھیل سکتا ہے۔
اس دوران محکمہ موسمیات نے پہاڑی علاقوں میں بڑے پیمانے پر بارش، آندھی اور گرج چمک کے ساتھ بارش کی پیشگوئی کی ہے، جبکہ بعض مقامات پر شدید بارش بھی متوقع ہے۔
محکمہ نے خبردار کیا ہے کہ پہاڑی ندی نالوں اور گلیشیائی علاقوں میں بارشوں کے باعث GLOF کے واقعات کا خطرہ بڑھ سکتا ہے۔

10/05/2026

غذر: جی بی اے-21 غذر تھری کے امیدوار امان علی کو ضابطہ اخلاق کی مبینہ خلاف ورزی پر شوکاز نوٹس جاری کر دیا گیا۔

ریٹرننگ آفیسر جی بی اے-21 غذر تھری انجینئر سہیل کاشف کی جانب سے جاری نوٹس کے مطابق امیدوار پر انتخابی مہم کے دوران یاسین کے علاقے میں واٹر سپلائی پائپوں کی تشہیر، اعلان اور تقسیم کا الزام عائد کیا گیا ہے۔

نوٹس میں کہا گیا ہے کہ بظاہر یہ اقدام ترقیاتی اسکیموں کے ذریعے انتخابی مہم چلانے اور سرکاری وسائل استعمال کر کے ووٹرز پر اثر انداز ہونے کے مترادف ہے، جو الیکشن ایکٹ 2017 اور الیکشن کمیشن گلگت بلتستان کے جاری کردہ ضابطہ اخلاق کی خلاف ورزی ہے۔

ریٹرننگ آفیسر نے امان علی کو 24 گھنٹوں کے اندر وضاحت جمع کرانے کی ہدایت کی ہے کہ ان کے خلاف قانونی کارروائی کیوں نہ کی جائے۔ نوٹس میں فوری طور پر ایسی سرگرمیاں روکنے اور سوشل میڈیا سمیت دیگر پلیٹ فارمز سے متعلقہ تشہیری مواد ہٹانے کی بھی ہدایت کی گئی ہے۔

10/05/2026

ہز ہائینس پرنس رحیم آغا خان کے متوقع دورۂ ضلع غذر کے سلسلے میں لوکل کونسل چٹورکھنڈ، کنوینر پبلک افیئرز اینڈ سکیورٹی کے زیرِ اہتمام مقامی گیسٹ ہاؤس چٹورکھنڈ میں ایک اہم اور مشاورتی اجلاس منعقد ہوا۔
اجلاس میں عادل شاہ صدر اسماعیلی لوکل کونسل چٹورکھنڈ، ریجنل پاسک (PASC) ٹیم، لوکل پاسک کے ممبران، اور اہلسنت والجماعت کے مفتی زبیر علی معاویہ، مولانا ضیاء الرحمٰن صاحب، مولانا رقیب الدین شاہ صاحب، مولانا شیر نادر صاحب، اہل سنت والجماعت کے نمائندگان، حاجی بہادر صاحب اور دیگر معزز ذمہ داران نے شرکت کی۔
اجلاس کے دوران سکیورٹی انتظامات، گاؤں کی سطح پر نگرانی، برادری کے باہمی تعاون، ہمسایہ داری کے حقوق اور اس دوران آنے والے مشکوک افراد کی مؤثر مانیٹرنگ سمیت مختلف امور پر تفصیلی تبادلۂ خیال کیا گیا۔
شرکاء نے باہمی احترام، ہم آہنگی اور اجتماعی ذمہ داری کے جذبے کے تحت اس امر پر اتفاق کیا کہ ہز ہائینس کے اس بابرکت دورے کو پُرامن، منظم اور یادگار بنانے کے لیے تمام تر انتظامات خوش اسلوبی اور پیشہ ورانہ انداز میں مکمل کیے جائیں گے۔

10/05/2026

معرکہ حق پولوٹورنامنٹ کےفائنل مقابلےمیں این ایل آئی کی ٹیم نےجی بی اسکاؤٹس کوہراکرٹرافی جیت لی۔
این ایل آئی کی ٹیم نے7گول اسکورکرکےکامیابی حاصل کی جبکہ جی بی اسکاؤٹس کی ٹیم نے6 گول اسکورکیے

وہاب شہیدپولو گراؤنڈ میں موجودشائقین کاجوش وخروش دیدنی تھاجنہوں نےکھلاڑیوں کی کارکردگی کوسراہا

معرکہ حق پولوٹورنامنٹ کےاختتام پرفاتح اوررنراپ ٹیموں میں انعامات تقسیم،کھلاڑیوں کی پیشہ ورانہ مہارت کی تعریف کی

10/05/2026

غذر،
گلگت بلتستان کے ضلع غذر میں گلگت شندور ایکسپریس وے کی خستہ حالی اور دریائے غذر میں پانی کے بہاؤ میں مسلسل اضافے کے باعث صورتحال تشویشناک اختیار کر گئی ہے۔ ہاکس اور رواشن کے مقامات پر دریا کے بڑھتے ہوئے دباؤ کے نتیجے میں سڑک کو شدید نقصان پہنچا ہے، جبکہ بعض مقامات پر روڈ مکمل طور پر بند ہو چکی ہے۔
تازہ اطلاعات کے مطابق ہاکس اوچ کے مقام پر روڈ ہر قسم کی ٹریفک کے لیے بند کر دی گئی ہے،

10/05/2026

سید مشتاق کریم ولد محمد جلال شاہ، ساکن گاؤں پکورہ، تحصیل اشکومن نے شفاء تعمیرِ ملت یونیورسٹی اسلام آباد سے بی ایس سی این (BSCN) گولڈ میڈل کے ساتھ کامیابی سے مکمل کر لیا

10/05/2026