03/08/2026
گوجرہ صرف چند سڑکوں کا نام نہیں، یہ تقریباً 10 لاکھ عوام کا شہر ہے!
آخر کب تک عوام کو صرف دعووں اور تصویروں سے بہلایا جاتا رہے گا؟ چند مرکزی سڑکیں صاف کر دینے یا وہاں جھاڑو لگا دینے سے پورا شہر صاف نہیں ہو جاتا۔ حقیقت یہ ہے کہ گوجرہ کی بیشتر گلیاں، محلے اور بازار آج بھی ٹوٹے ہوئے سیوریج، گندے پانی اور ناقص نکاسی آب کے مسائل کا شکار ہیں۔
ذرا سی بارش پورے نظام کی حقیقت سامنے لے آتی ہے۔ سڑکیں دریا کا منظر پیش کرتی ہیں، گلیاں تالاب بن جاتی ہیں، دکانوں اور گھروں میں پانی داخل ہو جاتا ہے، کاروبار بند ہو جاتا ہے اور شہری شدید مشکلات میں مبتلا ہو جاتے ہیں۔
عوام ٹیکس اس لیے ادا کرتی ہے کہ انہیں بہتر سہولیات، صاف ستھرا ماحول اور محفوظ انفراسٹرکچر ملے، نہ کہ ہر بارش کے بعد پریشانی، تعطل اور نقصان برداشت کرنا پڑے۔
ہم مطالبہ کرتے ہیں کہ سیاست سے بالاتر ہو کر پورے گوجرہ کے لیے یکساں کام کیا جائے۔ صرف چند سڑکوں پر توجہ دینے کے بجائے ہر محلے میں صفائی، جدید سیوریج سسٹم اور بارش کے پانی کی نکاسی کا مستقل اور مؤثر انتظام کیا جائے۔
گوجرہ کے عوام کو نمائشی اقدامات نہیں، عملی کام چاہیے۔ کیونکہ ترقی صرف تصویروں سے نہیں، بلکہ عوام کو دی جانے والی سہولیات سے پہچانی جاتی ہے۔ #گوجرہ #سیوریج #بارش گوجرہ_کو_بچاؤ
