24/05/2026
مسلم لیگی رہنما چوہدری وسیم نے کہا کہ آج جو لوگ راجہ جاوید اخلاص اور مسلم لیگ ن پر تنقید کر رہے ہیں، عوام ان کی سیاسی حیثیت اور حقیقت سے بخوبی واقف ہے۔ جن لوگوں نے ابھی کل ہی پیپلز پارٹی میں شمولیت اختیار کی، وہ آج خود کو بڑا سیاسی رہنما ثابت کرنے کی کوشش کر رہے ہیں، حالانکہ ان کے اپنے معاملات آج بھی مسلم لیگ ن کے سابق ایم پی اے اور قیادت کے ذریعے حل ہوتے ہیں۔انہوں نے کہا کہ افسوس کی بات یہ ہے کہ ایک طرف اپنے کام مسلم لیگی قیادت سے کروائے جاتے ہیں اور دوسری طرف سوشل میڈیا پر بیٹھ کر انہی شخصیات پر تنقید کی جاتی ہے۔ سیاست اختلاف کا نام ضرور ہے مگر کم از کم حقیقت اور اخلاقیات کا دامن ہاتھ سے نہیں چھوڑنا چاہیے۔چوہدری وسیم نے کہا کہ راجہ جاوید اخلاص نے ہمیشہ علاقے کے عوام، کسانوں اور تاجروں کے مسائل کے حل کے لیے عملی جدوجہد کی ہے، جبکہ بعض لوگ صرف فیس بک پوسٹوں اور بیانات کے ذریعے خود کو نمایاں کرنے کی کوشش کرتے ہیں۔ عوام جانتی ہے کہ خدمت کون کر رہا ہے اور صرف سیاست کون چمکا رہا ہے
