08/06/2026
8/6/2026
وارڈ نمبر 19 گوجرخان میں کئی ماہ سے سوئی گیس کی بدترین لوڈشیڈنگ، شہریوں کا احتجاج، فوری نوٹس لینے کا مطالبہ
گوجرخان (محمد عاصم) وارڈ نمبر 19 گوجرخان میں گزشتہ کئی ماہ سے جاری سوئی گیس کی غیر اعلانیہ اور بدترین لوڈشیڈنگ کے باعث شہریوں کی زندگی شدید مشکلات کا شکار ہو گئی ہے۔ گیس کی مسلسل بندش سے گھریلو معمولات بری طرح متاثر ہو رہے ہیں، جبکہ اہلِ علاقہ نے سابق وزیراعظم راجہ پرویز اشرف اور متعلقہ حکام سے فوری نوٹس لینے کا مطالبہ کیا ہے۔شہریوں کا کہنا ہے کہ انہوں نے متعدد بار سوئی گیس دفتر میں شکایات درج کروائیں، تاہم تاحال کوئی مؤثر کارروائی عمل میں نہیں لائی گئی۔ گیس کی عدم دستیابی کے باعث خواتین کو صبح ناشتے اور دن و رات کے کھانے کی تیاری میں شدید دشواری کا سامنا کرنا پڑ رہا ہے۔
اہلِ علاقہ کے مطابق مہنگائی کے اس دور میں ایل پی جی سلنڈر خریدنا متوسط اور غریب طبقے کی استطاعت سے باہر ہو چکا ہے۔ دوسری جانب گیس کی فراہمی نہ ہونے کے باوجود صارفین کو ہر ماہ بھاری بل باقاعدگی سے وصول ہو رہے ہیں، جس پر شہریوں میں شدید تشویش پائی جاتی ہے۔شہریوں نے سوئی گیس دفتر کے عملے کی کارکردگی پر تحفظات کا اظہار کرتے ہوئے مطالبہ کیا ہے کہ وارڈ نمبر 19 میں گیس کی فراہمی فوری طور پر بحال کی جائے اور غفلت کے مرتکب ذمہ داران کے خلاف کارروائی عمل میں لائی جائے۔اہلِ علاقہ نے خبردار کیا ہے کہ اگر مسئلہ فوری طور پر حل نہ کیا گیا تو شہری خواتین اور بچوں سمیت جی ٹی روڈ پر پرامن احتجاجی دھرنا دینے پر مجبور ہوں گے، جس کی تمام تر ذمہ داری متعلقہ اداروں پر عائد ہوگی۔
Raja Pervez Ashraf
