reality ki dunya

07/08/2026

07/08/2026

وقت ہمیشہ ایک جیسا نہیں رہتا...
جعلی ڈگریوں پر ڈاکٹرز کی بھرتی اور اختیارات کے مبینہ ناجائز استعمال کے مقدمے میں سابق ایم ایس سول ہسپتال گوجرانوالہ، ڈاکٹر سہیل انجم بٹ کو اینٹی کرپشن پولیس کی جانب سے گرفتار کیے جانے کی خبر دیکھی تو ایک پرانا واقعہ ذہن میں تازہ ہو گیا۔
کئی سال قبل میں نے سول ہسپتال گوجرانوالہ میں بعض ڈاکٹرز کی غیر حاضری کے حوالے سے اُس وقت کے ایگزیکٹو ڈسٹرکٹ آفیسر ہیلتھ، ڈاکٹر نثار چیمہ کو شکایت کی تھی۔ میری شکایت کا مقصد صرف عوامی مفاد اور سرکاری ہسپتال میں بہتر طبی سہولیات کی فراہمی تھا۔
اسی دوران مجھے ڈاکٹر فضل الرحمن صاحب کی طرف سے فون آیا۔ انہوں نے کہا کہ ان کے دوست ڈاکٹر سہیل انجم بٹ کا مؤقف ہے کہ میں نے انہیں ہراساں کیا ہے، حالانکہ حقیقت یہ تھی کہ میری شکایت صرف ڈاکٹرز کی غیر حاضری کے بارے میں تھی۔ بعد ازاں مجھے بلایا گیا، جہاں مجھے سخت رویے کا سامنا کرنا پڑا۔ اس وقت بھی مجھے یقین تھا کہ میں نے صرف اپنی صحافتی اور شہری ذمہ داری ادا کی ہے۔
آج جب ڈاکٹر سہیل انجم بٹ کو ہتھکڑیوں میں دیکھا تو وہ سارا واقعہ دوبارہ یاد آ گیا۔ یہ واقعہ اس حقیقت کی یاد دہانی ہے کہ سرکاری عہدے امانت ہوتے ہیں، اور اختیار کے ساتھ جوابدہی بھی لازم ہے۔ وقت بدلنے میں دیر نہیں لگتی، اس لیے ہر شخص کو قانون، دیانت داری اور انصاف کو ہمیشہ مقدم رکھنا چاہیے۔