https://www.facebook.com/521732914350471/

HJ Digital, Gujranwala (2025)

27/08/2025

چین نے ایویکس طیاروں کو دشمن کے ریڈار سے بچانے کی ٹیکنالوجی تیار کرلی
چینی فضائیہ کے سائنسدانوں نے ایک نئی ریڈار ٹیکنالوجی تیار کرنے کا دعویٰ کیا ہے جو ارلی وارننگ اینڈ کنٹرول طیاروں یا ایویکس طیاروں کو دشمن کے ریڈار سے پوشیدہ رکھ سکتی ہے ۔

ارلی وارننگ طیارے طویل عرصے سے جنگی حکمت عملی کا لازمی حصہ سمجھے جاتے ہیں لیکن ان کے طاقتور ریڈار سگنلز کے باعث یہ باآسانی دشمن کے ریڈار میں آجاتے ہیں۔چینی ماہرین کا دعویٰ ہے کہ انہوں نے ریڈار سگنلز کو اس حد تک پیچیدہ بنا دیا ہے کہ دشمن کیلئے ان کا سراغ لگانا تقریباً ناممکن ہو جائے گا۔

27/08/2025

حکومت کا بیرونی کمرشل بینکوں سے 3 ارب 10 کروڑ ڈالر قرض لینے کا فیصلہ
حکومت نے رواں مالی سال 3 ارب 10 کروڑ ڈالر بیرونی کمرشل بینکوں سے قرض لینے کا فیصلہ کر لیا۔

وزارت اقتصادی امور کے مطابق پراجیکٹ فنانسنگ کی مد میں 6 ارب 40 کروڑ ڈالر قرض حاصل کیا جائے گا، گزشتہ ماہ جولائی کے دوران حکومت نے 70 کروڑ ڈالر قرض حاصل کیا، 49 کروڑ 83 لاکھ ڈالر باہمی معاہدوں اور کثیرالجہتی معاہدوں کے تحت حاصل کیے گئے۔

رپورٹ میں بتایا گیا کہ گزشتہ ماہ 19 کروڑ 62 لاکھ ڈالر کے نیا پاکستان سرٹیفکیٹس جاری کیے گئے، حکومت نے رواں مالی سال صرف 40 کروڑ ڈالر مالیت کے بانڈز کے اجرا کا فیصلہ کیا ہے۔

سرکاری رپورٹ کے مطابق جولائی میں سعودی آئل فیسیلیٹی کے تحت 10 کروڑ ڈالر موصول ہوئے، رواں مالی سال سعودی آئل فیسیلیٹی کے تحت 1 ارب ڈالر موصول ہوں گے، جولائی 2025 میں سالانہ بنیادوں پر بیرونی فنڈنگ میں تقریبا 26 کروڑ ڈالر کا اضافہ ہوا ہے۔

27/08/2025

وزیرآباد: دریائے چناب میں دس لاکھ کا ریلہ گزرنے پر نالہ پلکھو بپھر گیا سیلابی پانی شہری آبادی میں داخل ہو گیا شہری آبادی جناح کالونی سمیت دیگر علاقوں میں 4سے 6فٹ پانی کی سطح ہوگئی علاقہ مکین چھتوں پہ پناہ لینے پہ مجبور ہو گئے،

27/08/2025

گوجرانوالہ چیمبر اور قومی ایئرلائن کے درمیان کارپوریٹ ایئر ٹریول سروسز کا معاہدہ

گوجرانوالہ چیمبر آف کامرس اینڈ انڈسٹری کے صدر رانا محمد صدیق خاں کا کہنا ہے کہ پاکستان انٹرنیشنل ایئرلائنز (PIA) اور گوجرانوالہ چیمبر کے درمیان ایک معاہدہ طے پایا ہے جس کے تحت بزنس کمیونٹی کو کارپوریٹ ایئر ٹریول سروسز فراہم کی جائیں گی جی سی سی آئی کے ممبران کو ملکی پروازوں پر 10 فیصد اور غیر ملکی پروازوں پر 5 فیصد رعایت دی جائے گی،

27/08/2025

سول ہسپتال آپریشن تھیٹر سکینڈل ڈرامائی موڑ، پراسرار "جن" غائب ہونے والا سامان واپس لے آیا
گوجرانوالہ ٹیچنگ ہسپتال میں مخیر حضرات کے تعاون سے تیار کردہ آپریشن تھیٹر کا قیمتی سامان غائب ہونے کے بارے میں HJ ڈیجیٹل نے خبر بریک کی تھی جس کے بعد کمشنر، ڈپٹی کمشنر، ایم ایس ڈاکٹر عتیق احمد نے فوری ایکشن لیا اور صرف تین روز بعد ہی غائب ہونے والا سامان خود بخود واپس پہنچ گیا،

آپریشن تھیٹر کا قیمتی سامان غائب کرنے میں ملوث ملازمین کے خلاف کارروائی کب ہو گی مخیر حضرات کا کمشنر، ڈپٹی کمشنر اور ایم ایس سے سوال؟

27/08/2025

پی ٹی آئی ارکان کو قائمہ کمیٹیوں سے الگ ہونیکی ہدایت،سیکرٹری جنرل کا استعفیٰ مسترد
بانی پی ٹی آئی عمران خان نے پارٹی ارکان کو قومی اسمبلی کی قائمہ کمیٹیوں سے الگ ہونے کی ہدایت کر دی ، پارٹی کے سیکرٹری جنرل سلمان اکرم راجہ کا استعفیٰ منظور کرنے سے انکار کر دیا اور ان کو کام جاری رکھنے کی ہدایت کی ۔

اڈیالہ جیل میں بانی پی ٹی آئی عمران خان سے پارٹی قیادت، بہنوں اور قریبی ساتھیوں کی طویل ملاقات ہو ئی ۔ کارکنوں نے گیٹ پانچ سے داہگل ناکے تک بانی پی ٹی آئی کی بہن علیمہ خان کی گاڑی کیساتھ ریلی نکالی اور شدید نعرے بازی کی ۔ پولیس کی جانب سے کوئی بھی مداخلت نہ کی گئی ۔کارکنوں کی ٹولیاں جیل کے باہر گھومتی رہیں ۔ شام کو سماعت کے اختتام پر علیمہ خان کی گاڑی جب باہر آئی تو کارکن گاڑی کے آگے پہنچ گئے اور گھیرے میں لے لیا ۔گیٹ پانچ سے داہگل ناکے تک تقریباً ایک کلو میٹر کا راستہ کارکنوں نے علیمہ خان کی گاڑی کیساتھ پیدل طے کیا ۔بانی پی ٹی آئی سے ملاقات کے بعد علیمہ خان نے بہنوں ڈاکٹر عظمٰی ، نورین نیازی اور نعیم حیدر پنجوتھا کے ہمراہ میڈیا سے گفتگو کرتے ہوئے کہا کہ بانی پی ٹی آئی نے سلمان اکرم راجا کا استعفیٰ مسترد کرتے ہوئے کام جاری رکھنے کی ہدایت کی ہے ۔ پارٹی کو پشاور میں جلسہ کرنے اور قومی اسمبلی کی تمام کمیٹیوں سے باہر نکلنے کی بھی ہدایت کی ہے ۔

سلمان اکرم راجا، بیرسٹر گوہر ،نعیم پنجوتھا کو اہم معاملات پر مشاورت کرکے آج رپورٹ پیش کرنے کی ہدایت کی ہے ۔انہوں نے کہا کہ ہماری بانی پی ٹی آئی سے ملاقات ہو گئی ۔عمران خان نے وزیر ستان آپریشن کی مخالفت کی اورکہا ہے کہ اس آپریشن سے سنگین نتائج بر آمد ہونگے ۔ بانی آپریشن پر سخت فکر مند ہیں ۔افغانستان کے حوالے سے بانی پی ٹی آئی نے کہاکہ افغان باشندوں کو پاکستان سے نکالنے پر میں ان سے شرمندہ ہوں ۔ علیمہ خان نے کہا کہ بانی پی ٹی آئی نے پیغام دیا ہے کہ ہمیں قید تنہائی میں رکھ کر ڈرانے سے کچھ حاصل نہیں ہوگا ،میں نہیں جھکوں گا نہ کوئی سودا کرونگا۔ہم نے اپنے بھائی کو شیر شاہ اور شاہریز کی گرفتاری کے متعلق بتایا ہے جس پر انہوں نے کہا کہ اس ظلم و زیادتی کی ساری ذمہ داری عدلیہ پر ہے ۔ پارٹی رہنماؤں کی حالیہ سزاؤں اور نا اہلیوں پر بتایا کہ یہ کبھی پاکستان میں نہیں ہوا۔

وزیرستان میں آپریشن نہیں ہونا چا ہئے ۔بانی نے کہا ہے کہ افغانیوں کو پاکستان سے نہیں نکالناچاہئے ،افغانوں کو نکالنا اسلامی روایات کے خلاف ہے ۔ افغانوں کی واپسی پر شرمندہ ہوں، علیمہ خان نے بتایا کہ بانی نے بونیر اور دیگر علاقوں میں سیلاب کی تباہ کاری پر افسوس کا اظہار کیا ہے ۔بلین ٹری منصوبے کی قدر اب عوام کو سمجھ آنی چا ہئے ۔ عمران خان نے پارٹی کو ہدایات دی ہیں کہ پارلیمنٹ کی تمام کمیٹیز سے مستعفی ہوجائے جبکہ ضمنی انتخابات کے حوالے سے بیرسٹر گوہر خان اور سلمان اکرم راجہ کو ہدایات دیتے ہوئے کہا ہے کہ ہمیں ضمنی انتخابات میں حصہ لیکر ان انتخابات کوقانونی جواز فراہم نہیں کرنا چا ہئے ۔بانی کا واضح موقف ہے ضمنی انتخابات کا جواز فراہم نہیں کرنا چاہئے ۔پارٹی میں اگر کسی کی مختلف رائے ہوگی تو وہ اس کو بھی دیکھ لیں گے ۔بشریٰ بی بی کی صحت اچھی تھی ، عدالت میں ماحول اچھا تھا ۔ ملاقات سے قبل میڈیا سے گفتگو کرتے ہوئے بانی پی ٹی آئی کی بہن علیمہ خان نے کہا کہ سلمان اکرم راجہ سے میری کوئی تلخ کلامی نہیں ہوئی، وہ ہمارے وکیل ہیں اور ہماری فیملی کی طرح ہیں۔

انہوں نے کہا کہ سلمان اکرم راجہ کا اپنا کوئی مسئلہ ہوگا، یہ معاملہ سیاسی کمیٹی اور ضمنی انتخابات سے متعلق ہے ، میرا خیال ہے ان سے ہی پوچھیں۔صحافی نے سوال کیا کہ بانی پی ٹی آئی اور ان کی فیملی کا ضمنی انتخابات سے متعلق علیحدہ مؤقف ہے اور پارٹی نے جو فیصلہ کیا آپ اس سے متفق نہیں؟علیمہ خان نے کہا کہ آپ نے سوال بہت عجیب سا پوچھا ہے ، بانی پی ٹی آئی سے کسی کی ملاقات نہیں ہو رہی ہے ، اگر بانی پی ٹی آئی فیملی کے ہاتھ مؤقف بھیجتے ہیں تو وہ ان کا مؤقف ہے ، آپ نے یہ کیوں کہا کہ وہ فیملی کا مؤقف ہے ، اگر ہم آپ سے بات کر رہے ہیں تو آپ ہمارا احترام کریں۔انہوں نے مزید کہا کہ آپ نے جان بوجھ کر بانی پی ٹی آئی اور فیملی کا کہا، یہ شیطانی ہے ، مجھے برا لگا، دکھ ہوا، آپ دو سال سے ہمارے ساتھ کھڑے ہو اور آپ کو مجبوراً یہ سوال کرنا پڑتا ہے ، ہمارے بچے اور بھائی جیل میں ہیں، ہمارے اوپر کیسز ہیں، اتنا تو لحاظ کر لو، جان بوجھ کر شیطانی والے سوال نہ کرو، ورنہ یقین کرو مجھے ضرورت نہیں میڈیا سے بات کرنے کی، ہمارا موڈ نہیں آپ سے بات کرنے کا، ہم بات نہیں کریں گے ۔

چیئرمین تحریک انصاف بیرسٹر گوہر نے کہا مجھے بہت خوشی ہوئی ہے تین ماہ کے بعد میں نے بانی پی ٹی آئی سے ملاقات کی ۔بہت اچھا لگا، یہ ملاقاتیں جاری رہنی چاہئیں، ملاقاتوں پہ پابندی نہیں ہونی چاہیے ، اچھی بات ہونی چاہیے اور میں ہمیشہ مفاہمت کی کوشش کرتا ہوں، اگلے ماہ ستمبر میں ہم عدلیہ کی آزادی ،جمہوریت کی بحالی اور بانی پی ٹی آئی کی رہائی کے لیے بہت بڑا جلسہ کرنے جارہے ہیں۔جیل میں بانی پی ٹی آئی کی سہولیات بحال کر دی گئی ہیں ۔انہیں اخبار بھی اب مہیا کیے جا رہے ہیں۔ آج کی ملاقات میں ملکی اور پارٹی امور سمیت کے پی کے میں سیلاب کی صورتحال پر گفتگو ہوئی ہے ۔بانی پی ٹی آئی نے کے پی کے میں طوفانی بارشوں سے ہونے والی تباہی پر دکھ اور افسوس کا اظہار کیا۔ انہوں نے کے پی کے میں متاثرین کی بحالی کے لیے بھرپور امدادی کارروائیوں کی ہدایت کی ہے ۔سلمان اکرم راجا نے استعفیٰ دیا نہیں تھا، زبانی تھا لہذا منظور یا مسترد ہونے کا معاملہ سامنے نہیں آیا۔

تحریک انصاف کے سیکرٹری جنرل سلمان اکرم راجہ نے کہا کہ میرے استعفیٰ پر عمران خان نہیں مانے ہیں ۔سلمان اکرم راجہ نے مزید کہا کہ الیکشن کے حوالے سے سیاسی کمیٹی کا آج شام کو دوبارہ اجلاس ہوگا، اپوزیشن لیڈر عمر ایوب اور شبلی فراز ہی ہیں، وہ عدالتوں میں اپنے مقدمات لڑ رہے ہیں۔ قومی اسمبلی کیلئے محمود خان اچکزئی کا نام خان صاحب نے دہرایا ہے ۔ بانی کی ہدایات کی روشنی میں سیاسی کمیٹی انتخابات کے حوالے سے اپنا فیصلہ کرے گی۔ادھر بانی پی ٹی آئی عمران خان کے مطالعہ کیلئے کتابیں اڈیالہ جیل پہنچا دی گئیں۔ میڈیارپورٹ کے مطابق عمران خان کے مطالعہ کے لئے کتابیں اڈیالہ جیل پہنچائی گئیں جنہیں ان کے وکیل بیرسٹر سلمان صفدر کے ذریعے جیل انتظامیہ نے وصول کیا۔

27/08/2025

وزیر آباد میں ریسکیو ٹیموں نے سلابی پانی میں پھنسی ہوئی فیملی کو کشتی کے ذریعے نکال کر محفوظ مقام پر منتقل کر رہے ہیں،

27/08/2025

سیلابی پانی وزیر آباد شہر کے مضافات میں داخل، سیالکوٹ سمبڑیال روڈ کے قریب پانی پہنچ گیا جبکہ دوسری طرف ضلعی انتظامیہ نے نالہ پلکھو سے لے کر اندرون وزیر آباد تا دریائے چناب تک سڑک بند کر دی،

27/08/2025

پی ٹی آئی امیدوار عین احمد چٹھہ اور بلال فاروق تارڑ کے درمیان کانٹے کے مقابلے کی توقع، پی ٹی آئی قیادت نے بائیکاٹ کا فیصلہ کیا تو اس صورت میں الیکشن محض رسمی کاروائی ہو گی،

این اے 66 وزیر آباد ضمنی الیکشن میں امیدواران کو انتخابی نشانات الاٹ کر دئیے گئے ہیں جس کے بعد انتخابی سیاست میں تیزی آئے گی پی ٹی آئی امیدوار عین احمد چٹھہ کو گھوڑے کا نشان الاٹ ہوا ہے، ن لیگ اور پی ٹی آئی امیدواران کو اپنی اپنی فتح کا یقین ہے دیکھتے ہیں کہ ووٹرز کیا فیصلہ کرتے ہیں،

27/08/2025

دریاؤں میں سیلاب،لاہور سمیت متعدد شہروں کیلئے الرٹ:بھارت نے پانی چھوڑ دیا، راوی، ستلج، چناب بپھرگئے،ڈیڑھ لاکھ افراد کا انخلا، ریکارڈ بارش سے سیالکوٹ کے تمام علاقے زیرآب
بھارت نے پانی چھوڑ دیا ، راوی ، ستلج ، چناب بپھر گئے ،لاہور سمیت متعدد شہروں کیلئے الرٹ جاری، نارووال، سیالکوٹ اور شکرگڑھ کے برساتی نالوں میں طغیانی سے کئی علاقے زیر آب آگئے۔

نارووال شکرگڑھ روڈ کرتاپورکے مقام پر زیرآب آنے کے باعث ٹریفک کی آمدورفت بند ، رابطے منقطع،برساتی پانی سکولوں اور سرکاری عمارتوں میں داخل،ہزاروں ایکڑ فصلیں تباہ،انخلا کیلئے فوج، رینجرز طلب، ڈیڑھ لاکھ افراد کو محفوظ مقامات پر منتقل کردیا گیا، ریکارڈ بارش سے سیالکوٹ کے تمام علاقے زیر آب آگئے ،لاہور سمیت مختلف علاقوں میں چھتیں گرنے سے 4افراد جاں بحق ہوگئے ۔ ضلع سیالکوٹ کے تمام تعلیمی ادارے آج بند رہیں گے ۔محکمہ موسمیات اور پی ڈی ایم اے کے مطابق ستلج میں گنڈا سنگھ والا کے مقام پر اونچے درجے کا سیلاب ہے جبکہ ہیڈ سلیمانکی پر درمیانے درجے کے ریلا کی اطلاع ہے ۔راوی میں بھی پانی کی سطح میں تیزی سے اضافہ جاری ہے ، جس کے باعث گنڈا سنگھ کے قریب پچاس سے زائد دیہات پانی میں ڈوب گئے ہیں،اوکاڑہ اور بورے والا کے قریب حفاظتی بند پانی کے دباؤ کی شدت برداشت نہ کر سکے اور ٹوٹ گئے ، بہاولنگر، منچن آباد، بابا فرید پل، بھوکاں پتن اور عارف والا میں بھی تباہی کے مناظر دیکھنے میں آ ئے ، جہاں دریا کے ریلے کھڑی فصلوں کو بہا لے گئے ،بھارت کی جانب سے دریائے راوی پر قائم تھین ڈیم کے تمام گیٹس کھول دئیے گئے ۔

دریائے راوی میں کوٹ نیناں کے مقام پر 250000 کیوسک پانی کا ریلہ گزر رہا ہے ، جسڑ کے مقام پر 195100 کیوسک پانی کا ریلہ گزر رہا ہے ۔پی ڈی ایم اے کے مطابق 24 گھنٹوں میں کوٹ نیناں کے مقام پر بہاؤ میں اضافہ ہوگا،آئندہ 24 گھنٹوں میں جسڑ شاہدرہ اورہیڈ بلوکی سے انتہائی اونچے درجے کا سیلاب گزرے گا۔دوسری جانب راوی میں جسڑ کے مقام پر پانی کا بہاؤ ایک لاکھ 42ہزار 20 کیوسک ہے جبکہ شاہدرہ کے مقام پر پانی کا بہاؤ 68 ہزار کیوسک تک پہنچ گیا ہے ، چشتیاں اور احمد پور شرقیہ میں متعدد بند ٹوٹ چکے ہیں جبکہ خیرپور ڈاہا پل بھی شدید متاثر ہوا ہے ۔شکر گڑھ میں بھیکو چک کے مقام پردریائے راوی کے بند میں شگاف پڑ گیا ، سیلابی پانی گائوں بھیکو چک ، نوشہرہ نو گزہ میں داخل ہو گیا ،علاوہ ازیں دریائے چناب بھی بپھرنے لگا ہے ،ہیڈمرالہ پر پانی کی آمد7لاکھ 79ہزار9سو کیوسک ریکارڈ، چنیوٹ کے قریب اس کا بہاؤ 1 لاکھ 10 ہزار کیوسک ریکارڈ کیا گیا ہے ، جب کہ ہیڈ مرالہ پر ریلا داخل ہونے سے سرحدی دیہات میں الرٹ جاری کر دیا گیا ہے ، دریائے راوی اور نالہ بئیں میں پانی کی سطح خطرناک حد تک بلند ہونے سے شکرگڑھ اور گردونواح میں سیلابی صورتحال پیدا ہوگئی ،نالہ بئیں اور نالہ ڈیر کے درمیانی رقبہ پر پانی پھیل جانے سے متعدد دیہات متاثر ہو ئے ، نورکوٹ پل کے قریب پلی ٹوٹ گئی ،درجنوں دیہات کا زمینی رابطہ منقطع ہو گیا ،سیلابی پانی کوٹلی سینیاں، نروڑ، ہیرا چن، بلاکی چک سمیت کئی دیہات اور زرعی رقبہ میں داخل ہو گیا،اس کے علاوہ پنڈی گلشن اور پنڈی چکڑا بھی زیر آب آ گئے ہیں،سیلاب کے باعث ہزاروں ایکڑ پر کھڑی دھان کی فصل مکمل طور پر تباہ ہو گئی ہے اور مزید نقصان کا اندیشہ ظاہر کیا جا رہا ہے ۔

دوسری جانب سیلابی پانی شکرگڑھ شہر کے مضافاتی علاقوں تک بھی پہنچ گیا ہے اور کوٹ نیناں روڈ تک پھیل گیا ہے ۔ نالہ ڈیک میں انتہائی اونچے درجے کا سیلاب ہے اور پانی کا بہاؤ 77 ہزار کیوسک ریکارڈ کیا گیا ،نالہ ڈیک نے ظفروال سے ملحقہ علاقوں میں تباہی مچا دی ، سیلابی ریلے سے منگوال پل کو نقصان پہنچا ، ایک حصہ مکمل ٹوٹ گیا ،سیالکوٹ اور ظفروال کو ملانے والا ہنجلی پُل بھی سیلابی ریلے میں بہہ گیا، جس سے درجنوں دیہات کا زمینی رابطہ ختم ہوگیا،کسان کھیتوں میں پانی میں پھنس گئے ۔ ریسکیو ٹیموں نے 74افرادکو ریسکیو کرلیا۔بہاولپور اور بہاولنگر کے مقام پرکئی دیہات زیر آب آگئے ،کھڑی فصلیں بہہ گئیں ، کئی علاقوں کا زمینی رابطہ منقطع ہوگیا ، خوراک، ادویات اور مویشیوں کے چارے کی شدید قلت پیدا ہوگئی ،سینکڑوں افراد کو محفوظ مقامات پر منتقل کردیا گیا،ضلعی انتظامیہ نے انخلا کیلئے رینجرز،فوج اور پولیس طلب کرلی،عملے کی چھٹیاں منسوخ کردی گئیں،بورے والا میں ساہوکا اور ملحقہ آبادیاں زیر آب آگئیں، ساہوکا چشتیاں روڈ میں شگاف پڑگیا جس کی وجہ سے سیکڑوں دیہات کا زمینی رابطہ منقطع ہوگیا، دریائے چناب میں بھی بھارت نے سیلابی ریلا چھوڑ دیا ،چنیوٹ کے مقام پر دریائے چناب میں پانی کی سطح مسلسل بلند ہو رہی ہے ، منچن آباد میں موضع رتیکا اور لالہ امر سنگھ سمیت متعدد دیہات کے عارضی حفاظتی بند ٹوٹنے سے ہزاروں ایکڑ زرعی اراضی زیر آب آ چکی ہے ۔سیالکوٹ اور گردونواح کے علاقے بھی سیلاب کی زد میں ہیں ، متعدد مقامات پر سیلابی پانی نے تباہی مچا دی ، دھان کی سینکڑوں ایکڑ فصل بری طرح متاثر ہوئی جبکہ بجوات کا سیالکوٹ سے زمینی رابطہ منقطع ہوچکا ہے ۔

پی ڈی ایم اے نے چناب، راوی اور ستلج میں آئندہ 48 گھنٹوں میں اونچے سے انتہائی اونچے درجے کے سیلاب کا خدشہ ظاہر کرتے ہوئے الرٹ جاری کیا ہے ،راولپنڈی، لاہور اور گوجرانوالہ ڈویژن میں بھی شہری سیلاب کا امکان ہے جبکہ دریائی علاقوں سے ڈیڑھ لاکھ افراد کو محفوظ مقامات پر منتقل کر دیا گیا۔لاہور،ساہیوال، بہاولپور، ملتان اورڈی جی خان کے کمشنرز ،قصور، اوکاڑہ، پاکپتن، بہاولنگر، وہاڑی، لودھراں کے ڈپٹی کمشنرز کو الرٹ رہنے کی ہدایت کی ہے ،بھارت کی طرف سے دریائے توی میں بھی پانی چھوڑا گیا ہے ، محکمہ انہار کے مطابق دریائے چناب میں مرالہ بیراج کے مقام پر پانی کی آمد 2 لاکھ 41 ہزار 21کیوسک جبکہ پانی کا اخراج 2 لاکھ 23 ہزار 871 کیوسک ریکارڈ کیا گیا ہے ، ہیڈمرالہ کے مقام پر درمیانے درجے کا سیلاب ہے ۔این ڈی ایم اے کی جانب سے جاری پیشگی آگاہی اور الرٹ کے نتیجے میں ابھی تک تقریباًڈیڑھ لاکھ افراد سیلاب سے خطرے سے دوچار علاقوں سے محفوظ مقامات پر منتقل ہو چکے ہیں ۔ابھی تک قصور سے 14ہزار140 افراد، اوکاڑہ سے 2ہزار63 افراد ،بہاولنگر سے 89ہزار868جبکہ بہاولپور سے 361افراد ،وہاڑی سے 165،پاکپتن873افراد کو محفوظ مقام پر منتقل کیا جا چکا ہے ۔این ڈی ایم اے کے مطابق کئی افراد پہلے ہی محفوظ مقام پر منتقل ہوگئے تھے ، جبکہ ابھی بھی کئی علاقوں میں انخلا کا سلسلہ جاری ہے ۔ادھر دوسری جانب ملک میں مون سون بارشوں کے 8 ویں سپیل کی آمدہے جو 2 سے 11 ستمبر تک رہے گا، گزشتہ روز لاہورکے مختلف علاقوں میں کہیں تیز تو کہیں ہلکی موسلادھار بارش ہوئی جس کے بعد گرمی اور حبس میں کمی آگئی ،پنجاب کے مختلف شہروں پتوکی، شیخوپورہ، مریدکے ، کامونکی، ڈسکہ اور سمبڑیال میں بھی بادلوں کی گرج برس ہوئی، قصور میں موسلا دھار بارش سے جل تھل ایک ہوگیا، گوجرانوالہ میں وقفے وقفے سے موسلادھار بارش ہوئی، نشیبی علاقوں میں کئی کئی فٹ پانی جمع ہوگیا، بارش کا پانی دکانوں اور گھروں میں داخل ہوگیا، سڑکیں ندی نالوں کا منظر پیش کرنے لگیں۔ سیالکوٹ میں بارش کا 11 سال کا ریکارڈ ٹوٹ گیا۔

26/08/2025

اسحاق ڈار کی اوآئی سی وزرائے خارجہ کے ہنگامی اجلاس میں شرکت،سعودی وزیر خارجہ شہزادہ فیصل بن فرحان سے ملاقات غزہ کی سنگین انسانی صورتحال پر بات چیت:گریٹر اسرائیل منصوبہ نا قابل قبول:پاکستان
نائب وزیراعظم و وزیرخارجہ اسحاق ڈار نے کہا گریٹر اسرائیل منصوبہ ناقابل قبول اور امن کیلئے خطرہ ہے ، پاکستان گریٹر اسرائیل منصوبے کو سختی سے مسترد کرتا ہے ۔

او آئی سی کے ہنگامی اجلاس پر ترکیہ، ایران اور فلسطین کے شکرگزار ہیں۔اسحاق ڈار کا کہنا تھا غزہ معصوم زندگیوں اور بین الاقوامی قوانین کا قبرستان بن چکا ہے ،ہم خاموش تماشائی نہیں بنے رہ سکتے ، غزہ میں فوری مستقل اور غیر مشروط جنگ بندی کی جائے ۔ وہ جدہ میں اسلامی تعاون تنظیم (او آئی سی )کے وزرائے خارجہ کے ہنگامی اجلاس سے خطاب کررہے تھے ۔اجلاس میں غزہ میں فوری جنگ بندی پر زور دیاگیا۔ اسحاق ڈار نے کہا یہ اجلاس ایسے موقع پر ہورہا ہے جب غزہ لہو لہو ہے اور غزہ میں فلسطینیوں کا خون بہایا جارہا ہے ، اسرائیل عالمی قوانین کی سوچی سمجھی خلاف ورزیاں کر رہا ہے ۔انہوں نے کہا کہ فلسطینیوں کو 2 سال سے وحشیانہ مظالم کا نشانہ بنایا جا رہا ہے اسرائیلی فوج کے حملوں میں شہید ہونے والوں میں اکثریت خواتین اور بچوں کی ہے ۔وزیرخارجہ نے کہا فلسطینیوں کو اجتماعی سزا دی جا رہی ہے ، اسرائیل کے غزہ میں سکولوں، ہسپتالوں ، کیمپوں اور اقوام متحدہ کی سہولتوں پر حملے انسانی حقوق کے قوانین کی سنگین خلاف ورزی ہیں۔اسحاق ڈار نے کہا فلسطین میں شدید قحط کی صورتحال ہے اور اس صورتحال میں فوری اقدامات ناگزیر ہیں، عالمی برادری فوری، مستقل اور غیرمشروط جنگ بندی کیلئے اقدامات کرے ۔انہوں نے کہا ہم نے عرب اسلامی وزارتی کمیٹی کے جاری کردہ بیان میں دیگر ممالک کے ساتھ شمولیت اختیار کی ہے اور اسرائیلی اعلان کی سخت مذمت اور واضح طور پر مسترد کرتے ہوئے اسے ناقابل قبول اشتعال انگیزی اور جبر کے ذریعے غیر قانونی قبضے کو مستحکم کرنے کی ایک ڈھٹائی پر مبنی کوشش قرار دیا ہے ۔وزیرخارجہ نے کہا نیتن یاہو کا بیان عرب قومی سلامتی، ریاستوں کی خودمختاری اور علاقائی و بین الاقوامی امن و سلامتی کے لیے براہ راست خطرہ ہے ۔اسحاق ڈار نے وزیراعظم شہباز شریف کا حوالہ دیتے ہوئے کہا اس جاری سانحے کی جڑ اسرائیل کا فلسطینی علاقوں پرطویل غیر قانونی قبضہ ہے ، جب تک یہ قبضہ برقرار رہے گا امن ایک خواب ہی رہے گا، ہم اپنے برادر عرب ممالک کے ساتھ مکمل طور پر کھڑے ہیں تاکہ ان کی آزادی اور علاقائی سالمیت کے خلاف کسی بھی خطرے کے مقابلے میں ان کی خودمختاری کا دفاع کیا جا سکے ۔وزیر خارجہ نے کہا غزہ میں انسانی امداد کی مکمل اور محفوظ رسائی یقینی بنائی جائے اور جبری بے دخلی اور غیرقانونی قبضے کا جلد خاتمہ یقینی بنایا جائے ۔نائب وزیراعظم نے اس بات پر زور دیا غزہ میں موجودہ انسانی ہمدردی کا نظام دراصل ایک ظالمانہ فریب ہے ، انہوں نے نشاندہی کی کہ غزہ کی پٹی میں غیر معمولی بھوک اور قحط عام ہے ۔انہوں نے کہا پاکستان اُن تمام ریاستوں اور شراکت داروں کی گہری قدر کرتا ہے جو غزہ میں امن کے فروغ میں کردار ادا کر رہے ہیں۔اسحاق ڈار نے دنیا بھر کی حکومتوں کی جانب سے فلسطینی ریاست کو تسلیم کرنے کی بڑھتی ہوئی رفتار کا بھی خیر مقدم کیا۔انہوں نے زور دیتے ہوئے کہا ہم اُن ریاستوں سے اپیل کرتے ہیں جو اب تک ریاست فلسطین کو تسلیم نہیں کر پائیں کہ وہ یہ اقدام جلد از جلد کریں۔تاریخ ہمارے الفاظ نہیں بلکہ اقدامات یاد رکھے گی۔ فلسطینی عوام کو ہمارے بیانات نہیں اسرائیلی قبضے سے آزادی اور تکالیف سے نجات کے لیے ٹھوس اقدامات چاہئیں۔سعودی وزیر خارجہ شہزادہ فیصل بن فرحان نے کہا اسرائیل کی مسلسل خلاف ورزیاں دو ریاستی حل کے حصول کی بین الاقوامی کوششوں کو نقصان پہنچا رہی ہیں۔ اجلاس سے خطاب کرتے ہوئے سعودی وزیر خارجہ نے کہا مزید ممالک فلسطینی ریاست کو تسلیم کر رہے ہیں اور اس تعداد میں مسلسل اضافہ ہو رہا ہے ۔انہوں نے 1967 کی سرحدوں کے مطابق فلسطینی ریاست کے قیام کے لیے مملکت کی غیرمتزل حمایت کے عزم کا اعادہ بھی کیا۔ان کا یہ بھی کہنا تھا سعودی عرب غزہ میں فوری طور پر جنگ بندی کا مطالبہ کرتا ہے اور عالمی برادری پر زور دیتا ہے کہ وہ اسرائیلی قبضے کو ختم کرائے ۔ان کے مطابق وہ ممالک جو اب بھی اسرائیل کے جرائم کی مذمت میں ہچکچاہٹ سے کام لے رہے ہیں ان کو اپنے موقف پر نظرثانی کرنی چاہیے ۔ سعودی وزیر خارجہ نے کہا غزہ میں امداد کی رسائی یقینی بنائی جائے ، مغربی کنارے میں یہودی بستیوں کا قیام منظور نہیں، آزاد فلسطینی ریاست کا قیام نہایت ضروری ہے ۔ترک وزیر خارجہ نے کہا غزہ میں اسرائیلی حملوں کا سلسلہ جاری ہے ،غزہ پر اسرائیلی قبضے کا منصوبہ ناقابل قبول ہے ، ہم فلسطینی عوام اور ان کے حقوق کے ساتھ کھڑے ہیں، ہمیں دو ریاستی حل کے حصول کی امید ہے ، غزہ میں جبری قحط انسانیت کے خلاف جرم ہے ۔قبل ازیں نائب وزیراعظم و وزیر خارجہ سینیٹر محمد اسحاق ڈار نے او آئی سی اجلاس کے موقع پر سعودی عرب کے وزیر خارجہ شہزادہ فیصل بن فرحان سے ملاقات کی۔پیر کو دفتر خارجہ سے جاری بیان کے مطابق ملاقات میں دونوں رہنماؤں نے غزہ میں سنگین انسانی صورتحال پر تبادلہ خیال کیا۔ دونوں رہنماؤں نے فلسطین میں جاری نسل کشی، قحط اور مستقل جنگ بندی کی فوری ضرورت، انسانی امداد تک بلا رکاوٹ رسائی، تعمیر نو اور پائیدار امن کے امور پر بات چیت کی۔اس موقع پر دونوں ممالک کے درمیان باہمی برادرانہ تعلقات کے مختلف پہلوؤں کا بھی جائزہ لیا گیا اور خطے اور دنیا میں باہمی دلچسپی کے اہم معاملات پر تبادلہ خیال کیاگیا۔ اسحاق ڈار نے صومالیہ کے وزیر خارجہ عبدالسلام عابد علی سے بھی ملاقات کی۔نائب وزیراعظم نے ایکس پر اپنے پیغام میں بتایا ملاقات میں غزہ کی صورتحال پر تبادلہ خیال کیا گیا۔ اسحاق ڈار کی ایرانی ہم منصب سید عباس عراقچی سے بھی ملاقات ہوئی جس میں غزہ کی سنگین صورتحال پر تفصیلی گفتگوہوئی ۔دونوں وزرا ئے خارجہ نے اسرائیلی جارحیت اور نسل کشی کی مذمت کی اور ایران کے صدر کے حالیہ دورہ پاکستان کو یاد کرتے ہوئے قریبی تعلقات کی توثیق کی گئی ۔

26/08/2025

این اے 66 وزیر آباد ضمنی الیکشن میں کاغذات نامزدگی جمع کرانے والے امیدواران کو انتخابی نشانات الاٹ کر دئیے گئے، پی ٹی آئی کی حمایت یافتہ امیدوار عین احمد چٹھہ کا انتخابی نشان گھوڑا اور ن لیگ کے بلال فاروق تارڑ شیر کے درمیان کانٹے دار مقابلے کی توقع کی جا رہی ہے

HJ Digital

27/08/2025

27/08/2025

27/08/2025

27/08/2025

27/08/2025

27/08/2025

27/08/2025

27/08/2025

27/08/2025

27/08/2025

26/08/2025

26/08/2025

Address

Website

Alerts

Shortcuts

Share

Category