PTV HOME News

PTV HOME News F'B Tips & Track's @[808960769167267:]

11/02/2014

الـجزائر: فوجی بار بردار طیارہ گر کر تباہ

ہلاک ہونے والوں میں زیادہ تر فوجی اور ان کے خاندانوں کے افراد بتائے جاتے ہیں

الجزائر میں میڈیا کی اطلاعات کے مطابق ایک فوجی بار بردار طیارہ گر کر تباہ ہو گیا جس کے نتیجے میں ایک سو سے زیادہ افراد کے ہلاک ہونے کا خدشہ ظاہر کیا جا رہا ہے۔

مقامی ٹی وی چینل ’الانہار‘ کے مطابق یہ طیارہ صوبے ام البغی کے پہاڑی علاقے میں گر کر تباہ ہوا۔ طیارہ ام البغی اورقسنطينۃ کے درمیان پرواز پر تھا جب اس کا کنٹرول ٹاور سے مواصلاتی رابطہ منقطع ہو گیا۔

اس علاقے میں امدادی کارروائیوں کے لیے ٹیمیں روانہ کی گئی ہیں۔ جائے حادثہ دارالحکومت الجزیرہ سے 380 کلومیٹر مشرق میں واقع ہے۔

ہلاک ہونے والوں میں زیادہ تر فوجی اور ان کے خاندانوں کے افراد بتائے جاتے ہیں، تاہم فوج نے ابھی تک اس حادثے کی تصدیق نہیں کی۔

10/02/2014

امریکی فوج ’غائب‘ ہو جانے والے آلات بنا رہی ہے

مشن امباسیبل نامی معروف ٹی وی شوز اور ہالی وڈ فلموں میں یہ ٹیکنالوجی دکھائی گئی ہے

امریکی فوج ایک ایسی ٹیکنالوجی تیار کرنے کی کوشش کر رہی ہے جس کے ذریعے ٹی وی شو مشن امپاسیبل کی طرح خفیہ پیغامات نشر ہونے کے بعد خود ہی تباہ ہو جائیں۔

امریکی فوج کے سائنسی تحقیق کے ادارے ڈارپا نے کمپیوٹر بنانے والی کمپنی آئی بی ایم کو اپنے ’وینشنگ پروگرامیبل ریسورسز‘ نامی پروجیکٹ کے سلسلے میں 35 لاکھ ڈالر کا ٹھیکہ دیا ہے۔

کمپنی ایسے برقی آلات بنانے کی کوشش کر رہی ہے جنہیں ریموٹ کنٹرول کی مدد سے خود کار طریقے سے تباہ کیا جا سکے۔

یہ ٹیکنالوجی میدانِ جنگ میں استعمال کی جا سکے گی۔

آئی بی ایم نے ابھی جو تجویز پیش کی ہے اس میں برقی آلات میں موجود سیلیکون چپس کے گرد ایک شیشے کی تہہ لگائی جائے جس بعد میں ریڈیو فریکوینسی کی مدد سے تباہ کیا جا سکے گا اور آلہ ریت بن جائے گا۔

امریکی حکومت کے اس ٹھیکے کے اعلان کے سلسلے میں جاری ہونے والے بیان میں کہا گیا ہے کہ اس کام کو کرنے کے لیے کسی فیوز یا کیمیائی طور پر حساس دھات کا استعمال بھی کیا جا سکتا ہے۔

ڈارپا کا مقصد ہے کہ سینسر کا نیٹ ورک تیار کیا جائے جو کہ محدود وقت کے لیے معلومات منتقل کر سکے اور پھر دشمن کے ہاتھ لگنے سے پہلے ہی فوری طور پر تباہ ہو جائے۔

ڈارپا کا کہنا ہے کہ اس ٹیکنالوجی کا فائدہ دنیائے طب میں بھی ہوگا اگر ان سینسرز کو انسانی جسم جزب کر سکیں۔

امریکی محکمہِ دفاع نے اس سلسلے میں معروف کمپنی زیروکس کو بھی اکیس لاکھ ڈالر کا ٹھیکہ دیا ہے۔

زیروکس کی جانب سے آنے والی تجویز میں آلات بنانے کے لیے ایسے مواد کا استعمال پیش کیا گیا ہے جنہیں ایک خاص دباؤ کے ساتھ تیار کیا جاتا ہے اور برقی سگنل وصول ہوتے ہی دباؤ ہٹتا ہے اور آلہ تباہ ہو جاتا ہے۔

اس پروجیکٹ میں شریک دیگر کمپنیوں میں ہنی ویل ایروسپیس اور ایس آر آئی انٹرنیشنل ہیں۔

10/02/2014

آک لینڈ: نیوزی لینڈ نے بھارت کو 40 رنز سے ہرا دیا

نیوزی لینڈ کے برینڈن مکلم کو میچ کا بہترین کھلاڑی قرار دیا گیا

نیوزی لینڈ کے شہر آکلینڈ میں کھیلے جانے والے پہلے ٹیسٹ میچ کے چوتھے دن نیوزی لینڈ نے بھارت کو 40 رنز سے شکست دے کر دو میچوں پر مشتمل سیریز میں ایک صفر کی برتری حاصل کر لی ہے۔

بھارتی ٹیم دوسری اننگز میں 406 رنز کے ہدف کے تعاقب میں 366 رنز بنا سکی۔

کلِک میچ کا تفصیلی سکور کارڈ

بھارت کی جانب سے شیکھر دھون اور چتیشور پجارا نے چوتھے دن کے کھیل کا آغاز کیا۔

میچ کے چوتھے دن بھارت کو پہلا نقصان اس وقت اٹھانا پڑا جب چتیشور پجارا 23 رنز بنا کر آؤٹ ہوئے۔

بھارت کی جانب سے دوسری اننگز میں شیکھر دھون نے 12 چوکوں اور ایک چھکے کی مدد سے 115 جب کہ وراٹ کوہلی نے 12 چوکوں کی مدد سے 67 رنز بنائے۔

دونوں بلے بازوں نے تیسری وکٹ کی شراکت میں 126 رنز کا اضافہ کیا۔

نیوزی لینڈ کی جانب سے دوسری اننگز میں نِیل ویگنر نے چار جب کہ ٹرینٹ بولٹ اور ٹم ساؤدی نے تین تین کھلاڑیوں کو آؤٹ کیا۔

اس سے پہلے نیوزی کی ٹیم دوسری اننگز میں صرف 105 رنز بنا کر پویلین لوٹ گئی تھی اور اس نے بھارت کو جیتنے کے لیے 406 رنز کا ہدف دیا تھا۔

نیوزی لینڈ کی جانب سے دوسری اننگز میں راس ٹیلر نے سب سے زیادہ 47 رنز بنائے۔

بھارت کی جانب سے دوسری اننگز میں محمد شامی اور ایشانت شرما نے تین تین جب کہ ظہیر خان نے دو اور جڈیجا نے ایک کھلاڑی کو آؤٹ کیا۔

جمعرات کو شروع ہونے والے اس ٹیسٹ میں بھارت نے ٹاس جیت کر نیوزی لینڈ کو پہلے بیٹنگ کی دعوت دی تھی۔

10/02/2014

بلوچستان: تشدد کے واقعات میں بارہ افراد ہلاک

قبائلیوں نے حملہ آوروں کا پیچھا کیا اور صحبت پور کے علاقے میں ان کی حملہ آوروں سے جھڑپ ہوئی

پاکستان کے شورش زدہ صوبہ بلوچستان میں تشدد کے مختلف واقعات میں 12 افراد ہلاک ہو گئے ہیں جبکہ کوئٹہ کے قریب سے ایک شخص کی تشدد زدہ لاش ملی ہے۔

بلوچستان کے وزیر داخلہ میر سرفراز بگٹی نے بی بی سی کو بتایا کہ مسلح افراد نے ڈیرہ بگٹی کے سرحدی علاقے آرڈی 238 کے علاقے میں ایک گھر پر حملہ کیا۔

حملے کے نتیجے میں دو خواتین اور دو بچوں سمیت ایک ہی خاندان کے سات افراد ہلاک ہو گئے۔

وزیر داخلہ کے بقول حملے کے بعد قبائلیوں نے حملہ آوروں کا پیچھا کیا اور صحبت پور کے علاقے میں ان کی حملہ آوروں سے جھڑپ ہوئی۔

اس جھڑپ کے نتیجے میں ایک قبائلی اور دو حملہ آور ہلاک ہو گئے۔ اس واقعے کے حوالے سے فرنٹیئر کور بلوچستان کی جانب سے جاری ہونے والے بیان میں ہلاک ہونے والے حملہ آوروں کی تعداد چھ ہے۔

ایف سی کے بیان کے مطابق حملہ آوروں نے سات افراد کو اس بنیاد پر ہلاک کیا کہ وہ سکیورٹی فورسز کے ساتھ تعاون کرتے تھے۔

دوسری جانب بولان کے علاقے لنجھی میں افغانستان جانے والے ایک کنٹینر پر حملے میں دو افراد ہلاک ہوئے۔

بولان انتظامیہ کے ایک اہلکار نے بتایا کہ حملہ آوروں نے کنٹینر کو آگ بھی لگادی۔

ادھر کوئٹہ کے قریب کچلاک کے علاقے سے ایک برساتی نالے سے ایک شخص کی مسخ شدہ لاش بر آمد ہوئی ہے۔

کچلاک پولیس کے ایک اہلکار نے بتایا کہ لاش چار ماہ پرانی اور ناقابل شناخت ہے۔

10/02/2014

درد ہلکا کرنے والا بٹن دریافت کر لیا گیا

انسان کے جسم میں ’ڈمر سوئچ‘ یعنی ایک جینیاتی بٹن موجود ہوتا ہے جو درد کے احساس کو کنٹرول کرتا ہے۔

برطانیہ کے سائنسدانوں کا کہنا ہے کہ اس بٹن کو تبدیل کیا جا سکتا ہے۔

لندن کے کنگز کالج کے محققین کے مطابق جن جڑواں بچوں کے جین آپس میں سو فیصد ملتے ہیں ان میں درد برداشت کرنے کی صلاحیت بھی مختلف ہوتی ہے۔

تحقیق کے نتیجے میں یہ بھی معلوم ہوا ہے کہ درد برداشت کرنے کی صلاحیت کو نئی زندگی یا ادویات سے تبدیل کیا جا سکتا ہے۔

سائنس کے جریدے نیچر کیمونیکشن میں شائع ہونے والی اس رپورٹ کے مطابق اس تحقیق سے نئی درد کش گولیاں ایجاد ہوں گی یا طرز زندگی کے نئے انداز سامنے آئیں گے۔

ایک اندازے کے مطابق پانچ میں ایک شخص تیز یا شدید درد کا شکار ہوتا ہے۔

محقق ڈاکٹر اردن بیل کا کہنا ہے کہ درد کے ذمہ دار جین کو کنٹرول کرنے کی صلاحیت کے بارے میں جاننا دلچسپ ہے اور اس سے مستقل درد کے شکار مریضوں کا زیادہ بہتر علاج ممکن ہو سکے گا۔

"یہ ایک تاریخی مطالعہ ہے۔ یہ مطالعہ ہمیں بتاتا ہے کہ لاکھوں جنیٹک سگنلز کو تلاش کرنے کے لیے کس طرح ایک اسی طرح جڑواں بچوں کو جدید ٹیکنالوجی کے ذریعے آپس میں جوڑا جاتا ہے، تو ان میں آنے والی تبدیلی سے ہمارے جین میں موجود ننھے کیمیائی بٹن کا پتہ چلتا ہے اور یہ بٹن ہمیں خاص بناتے ہیں۔"

لندن کے کنگز کالج کے پروفیسر ٹم سپكٹر

اس تحقق میں جڑواں بچوں کو شامل کیا گیا تھا اور درد کی شدت کی پیمائش کے لیے سائنسدانوں نے 25 جڑواں بچوں کے بازو پر گرم چیز رکھ کر ان کے درد سہنے کی حد جاننے کی کوشش کی۔

اسی طرح کی ایک جڑواں کے جین آپس میں سو فیصد ایک جیسی ہوتی ہیں۔ اگر ان کے درد سہنے کی صلاحیت میں فرق ہے تو ایسا ان کے آس پاس کے ماحول کی وجہ سے ہو سکتا ہے یا ان کی جین کو متاثر کرنے والے عوامل کی وجہ سے ہو سکتا ہے۔

تحقیق میں شامل شرکاء کو کہا گیا کہ جب گرمی ان کے لیے ناقابل برداشت ہو جائے تو وہ اپنے بازو پر بندھی پٹی کا بٹن دبا دیں۔ اس سے محققین کو شرکاء کے درد سہنے کی حد کا اندازہ لگانے میں مدد ملی۔

ڈی این اے کی مدد سے محققین نے جڑواں بچوں کے مکمل جینیاتی کوڈ یا جینوم کی جانچ کی اور پھر اس کا موازنہ ان 50 لوگوں سے کیا جن کا آپس میں کوئی تعلق نہیں تھا۔

محققین کی ٹیم نے محسوس کیا کہ جڑواں بچیوں میں سے ایک بچی کے درد سہنے کی صلاحیت کو متاثر کرنے والے نو جین میں دوسری بچی کے مقابلے میں کچھ کیمیائی تبدیلیاں آ چکی تھیں۔

یہ معلومات درد کی شدت کا تعین کرنے والے جین کی شرائط میں کافی اہم ہے۔ درد کش گولیوں کی ترقی کے پیچھے بھی یہی وجہ رہی۔

لندن کے کنگز کالج کے پروفیسر ٹم سپكٹر کا کہنا ہے کہ ’یہ ایک تاریخی مطالعہ ہے۔ یہ مطالعہ ہمیں بتاتا ہے کہ لاکھوں جنیٹک سگنلز کو تلاش کرنے کے لیے کس طرح ایک اسی طرح جڑواں بچوں کو جدید ٹیکنالوجی کے ذریعے آپس میں جوڑا جاتا ہے، تو ان میں آنے والی تبدیلی سے ہمارے جین میں موجود ننھے کیمیائی بٹن کا پتہ چلتا ہے اور یہ بٹن ہمیں خاص بناتے ہیں۔‘

انھوں نے مزید کہا کہ ’کسی شخص کی درد برداشت کی حد کیا ہو سکتی ہے ہمیں یہ کیمیائی تبدیلی سے پتہ چلتا ہے۔ یہ کیمیائی تبدیلی تھرموسٹیٹ یا ’ڈمر سوئچ‘ کی طرح کام کرتے ہیں۔‘

انہوں نے بی بی سی کو بتایا کہ ’دوا لینے یا طرز زندگی میں تبدیلی کرنے سے ہم ان تھرموسٹیٹ کو اپنے مطابق مقرر کر سکتے ہیں۔ اس سے مستقبل میں ہمیں درد کا تجربہ پہلے سے کم ہوگا۔‘

’جبکہ اس بات کے پورے امکان ہے کہ جنیٹك تبدیلی اس کے برعکس ہو۔‘

10/02/2014

پولیس کا کہنا ہے کہ آستانا جلالی بابا کے نام سے مشہور ہے

پاکستان کے صوبہ سندھ کے دارالحکومت کراچی میں ایک آستانے پر فائرنگ سے آٹھ عقیدت مند ہلاک اور 16 سے زائد زخمی ہوگئے ہیں۔

یہ حملہ رواں برس کا تیسرا حملہ ہے جس میں مزار کو نشانہ بنایا گیا ہے۔

پولیس کے مطابق یہ واقعہ بلدیہ ٹاؤن کے علاقے پیر میرن شاہ بابا کے آستانے میں پیش آیا ہے۔

ایس ایس پی عرفان بلوچ کا کہنا ہے کہ موٹرسائیکل پر سوار مسلح افراد نے آستانے پر دستی بم پھینکا جس کے بعد شدید فائرنگ کی۔

سول ہسپتال کے میڈیکو لیگل افیسر آفتاب احمد نے بی بی سی کو بتایا کہ اس واقعے میں ہلاک ہونے والے آٹھ افراد اور 16 زخمیوں کو ہسپتال لایا گیا ہے۔

پولیس کا کہنا ہے کہ آستانا جلالی بابا کے نام سے مشہور ہے، جس کی سرپرستی ایک ریٹائرڈ ڈی ایس پی ٹکا خان کرتے ہیں۔ آستانے پر ذکر کی محفلیں منعقد کی جاتی ہیں اور اتوار کو بھی ایک ایسی ہی محفل جاری تھی۔

ایس ایس پی عرفان بلوچ کا کہنا ہے کہ جس انداز سے کارروائی کی گئی ہے اس سے یہ شدت پسند گروہ کے ملوث ہونے کا شبہ لگتا ہے۔

یاد رہے کہ اس سے قبل 20 جنوری کو کراچی میں ایک مزار کے قریب سے تین افراد کی تشدد شدہ لاشیں ملی تھیں۔

ملیر شرافی گوٹھ میں الفلاع ندی سے پیر کی صبح تین لاشیں ملی تھیں۔ پولیس کا کہنا تھا کہ جس جگہ سے لاشیں ملی ہیں اس سے چند فرلانگ دور ولایت شاہ نامی بزرگ کا مزار ہے۔

پولیس کے مطابق تینوں افراد کی عمریں 25 سے 30 سال ہے اور شلوار قمیض پہنے ہوئے تھے۔

اس سے قبل سات جنوری کو کراچی ہی میں ایک مزار سے تین لاشیں ملی تھیں۔ پولیس نے شبہ ظاہر کیا تھا کہ واقعہ مذہبی شدت پسندوں کی کارروائی ہوسکتی ہے۔

شہر کے مضافاتی علاقے گلشنِ معمار کے قریب واقع ایک مزار سے منگل کی صبح چھ لاشیں ملیں جن کے گلے کٹے ہوئے تھے۔
like my page
PtvNewsHOME

10/02/2014

کراچی: ایک اور مزار پر حملہ، آٹھ عقیدت مند ہلاک

10/02/2014

like my page

Address

Qadar Abad Road _ Alipur Chattha
Gujranwala

Website

Alerts

Be the first to know and let us send you an email when PTV HOME News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category